【 你睇,司棋姐嚟喇!】
_
有啲嘢,真係傾落先發覺 ── 原來對很多電視迷而言(包括本人),「司棋姐」根本就是Simply Irresistible(無可抗拒)!
_
以為香港人對廣告Hard Sell有「潔癖」?事實並非如此。睇完會藐,抑或會笑,甚至主動CLS(留言、給讚、轉發),視乎哪個客戶出錢、隱藏的品牌理念、由哪位藝人參演,還有最最最最重要:條橋點先?最新鮮滾熱辣例子,是剛於周一(13/9)上架、由外賣品牌「戶戶送」出資拍攝的四分鐘廣告短片《Deliveroo呈獻:送辣送到Site》,竟然想到並成功邀請自從拍罷《溏心風暴3》(2017)後便甚少公開露面的李司棋擔任第六代Deliveroo Rider。
_
翻查資料,過去兩年曾經飾演外賣員的計有吳肇軒(外賣界Mr. Cool)、何啟華(戶戶送一齊踩入每一戶)、ERROR(戶戶一把口,三百種胃口)、張敬軒(戶戶離奇查咩案?)、古天樂(熱到除3),再到今次「司棋姐」出馬,看到箇中蹺妙之處嗎?答案是:若按照演出資歷和年齡區分,每次登場的「新一代」外賣員都是愈來愈資深,但他們與「新一代」之間的距離反而愈來愈近。就以「司棋姐」為例,一九六八年參選「香港公主」,憑出眾美貌奪冠,同年加入電視圈,拍過多套膾炙人口的劇集(一九七七年期間短暫效力麗的電視),作品包括《啼笑姻緣》(1974)、《山水有相逢》(1980)、《輪流傳》(1980)、《流氓皇帝》(1981)、《真情》(1995-1999)以及《溏心風暴》(2007),又曾兼任配音員(經典美劇《合家歡》聲演小寶)以及《歡樂今宵》主持,這一大堆履歷,甚具重量,惟在新世代眼中不過是「咸豐年發生嘅事」,沒有共鳴。
_
但出道已半個世紀的「司棋姐」深明人在江湖,最棹忌恃老賣老堅離地,所以就算近年於幕前相對低調,在網絡世界依然活躍,不時在個人Instagram發帖,講飲、講食,見見朋友,拍拍靚相(專誠到尖沙嘴天星碼頭與Anson Lo的大型慶生廣告牌「合照」),甚至偶爾穿黑絲襪展露健康性感加佻皮一面(三歲定八十,2015年「司棋姐」接受有線電視訪問時已承認性格貪玩,所以18歲時才會瞞住家人參選「香港公主」),識玩程度拍得住後生仔女,這種貼市作風,粉絲相當受落,追蹤人數已多達6.6萬,這亦解釋了為何創作團隊會想到邀請「司棋姐」合作拍攝今次的新廣告,因為「司棋姐好Hip」的形象深入民心,毫無違和感的甜美感覺,拿揑角色性格和情緒的柔韌度高,只要廣告有她的參演,而且是男女老幼皆為目標群眾的外賣廣告,就可以演活新紮rider角色、成為網路熱話。
_
事實上,截至周五(17/9)傍晚六時半,這條廣告片已累積超過90萬點擊(IG和YouTube),因為經過多年用心經營而得來的觀眾緣,足以令「司棋姐」今天在幕前做甚麼,觀眾都會想看、有興趣看,哪怕廣告第一句對白已經「Hard Sell到暈」:「我第一張單就送到戶戶送獨家優惠嘅麥當勞地獄脆辣雞腿包!」但因為好久不見,因為坊間罕有,因為那人是「司棋姐」,所以不少觀眾照單全收,願意由頭睇到尾(見到她Chok個超人甫士,再以《聖鬥士星矢》的主題曲做BGM襯托畫面,甚至日本動漫式喜感)。而「司棋姐」今次在廣告中的另一個重要責任,是將香港演藝界老中青三代串連在一起,一個外賣袋,一架升降機,讓觀眾知道今時今日除了李司棋外,還有梁祖堯、張文傑和張天賦(MC),甚有大師姐聯乘新世代的意味,當中最驚喜的是她開金口獻唱MC的派台歌《反對無效》,這一段我反覆看了N咁多次,試問當今香港,又有多少位資深藝人能夠放下身段跟新人一起玩?
_
因為好奇,想知道更多廣告拍攝細節,所以冒昧透過製作單位向「司棋姐」問了幾條問題,竟然收到真─人─回─覆,OMG!
_
【 司棋姐Q&A 】
_
(1)游大東:當初收到Deliveroo邀請拍廣告做「新紮RIDER」,當下有何感覺?
_
司棋姐:第一時間覺得:一日邊拍得晒?故事又咁長,過程一定有阻滯,所以(拍廣告前)已經向跑步隊請了兩日假,結果導演可以一日內完成,真心佩服導演以及年輕廣告團隊的準備功夫。亦都驚訝Deliveroo(客戶)點解會諗到佢(即她自己),竟然畀自己做他們的Rider,有冇搞錯?因為自己好長時間沒有拍香港廣告,今次是Out of Comfort Zone(跳出舒適圈),不再是之前賣鈣片等「老友記廣告」,所以是很好玩的經驗。
_
(2)游大東:知不知道很多後生仔很鍾意睇你IG?
_
司棋姐:開始之前沒想過會這樣受歡迎,由幾百個Likes,去到有幾千個人Like我的Post,原來自己在IG都可以跟年輕人一拼(哈哈)。(當初)開IG是因為自己以往只能被角色規限,不停要做阿媽、阿嫲,沒機會展現個性,在IG終於可以做回自己,得得意意,隨心所欲,自己不停Post食物相,係因為自己真的為食,不是賣廣告,原來這樣反而會多人Like,亦因此有更多機會與後生一輩交流,鍾意你或唔鍾意你都來得很快很直接。今次是第一次跟阿祖、German和MC合作,之前大家未見過面,開工前,我都(只能)去他們的IG初步了解一下;不瞞你說,其實拍攝之前我甚至未聽過MC(尷尬笑),看IG才知道他原來很受歡迎。
_
(3)游大東:怎樣看今次廣告裏的跨代合作?
_
司棋姐:我不擔心跟阿祖合作,因為他很有經驗,反而開始的時候有啲驚MC(笑),因為擔心他不認識自己,又擔心他會覺得自己是前輩,會怕了自己,但最後他與German都給我很多驚喜,他們很有活力,能夠從他們身上「學到嘢」。我不是「老屎忽」,曾經試過拍劇集,有位前輩臨時改劇本,將自己全部戲份「飛走」,所以都要提醒自己,要遷就一下年輕人,令他們不會那麼大壓力,令年輕人接受你,他們就會用最自然的方式對你。
_
(4)游大東:今次拍Deliveroo廣告有甚麼趣事?
_
司棋姐:自己要扮萌、扮熱血和驚青,惟有當自己拍緊IG Stories(限時動態)。阿祖扮鬼扮馬,不停「爆肚」,爭啲接唔到戲。唱MC的《反對無效》唱錯歌詞,第一眼望到他的玉帝造型爭啲(笑到)噴飯。畀German女僕造型嚇親,因為好似比自己更可愛。
_
《Deliveroo呈獻:送辣送到Site》足本睇:https://bit.ly/3EpEa1p
_
(17092021)
_
#游大東 #游大東影視筆記 #李司棋 #梁祖堯 #張天賦 #張文傑 #戶戶送香港 #是日戶戶送 #美味日嚐 #送辣送到Site #戶戶送優惠 #戶戶送麥當勞 #地獄脆辣雞腿包 #菠蘿脆辣雞腿包 #DeliverooHK #DeliverooOffer Deliveroo #DeliverooPresents 梁祖堯 German Cheung (張文傑) MC 張天賦 月巴氏 / Work Super Guy
同時也有86部Youtube影片,追蹤數超過14萬的網紅希治閣【遊戲情報科】,也在其Youtube影片中提到,一隻遊戲多 外掛 大家都唔想, 有玩家出黎講 , 最後竟然被 GM 封帳號 ? 到底呢個 營運 做乜勁 ? 定真係當 玩家 係狗 ? 當然今星期仲有好多唔同嘅 新聞 , 係唔係乜都可以關 電競 事 ? 又不如今集 Gamehub 大家一齊睇下啦! 跟蹤 希治閣 睇 希老闆 日常生活: Faceb...
開唔到機黑畫面 在 OpenCar Facebook 的精選貼文
「007特別版 Defender」
英國Land rover為咗紀念Defender喺《007:no time to die》(港譯 007:生死有時)到出任要角,特別推出限量300部嘅Defender V8 Bond Edition
Defender V8 Bond Edition分別會提供90同110版本,為咗符合特務身份兩者都係用咗黑色作為主要顏色,只有鮑魚部份用咗藍色同埋喺沙板、車尾位置多咗「Defender 007」徽章
而內籠你唔好以為多咗咩特別功能,其實都係多咗車機開機畫面變做007、腳踏板變寫上Defender 007同開門迎賓燈會射出007 Logo等
而價錢方面Defender V8 Bond Edition 90要105,395英鎊、110要108,040英鎊,如果你喺007嘅Fans,記得留意下喇
#007notimetodie
#Defender
#Landrover
——— 𝐎𝐩𝐞𝐧𝐜𝐚𝐫 ———
🚗想緊貼我哋Opencar得到更多汽車資訊,記住睇埋我哋其他平台🚗
𝐘𝐨𝐮𝐓𝐮𝐛𝐞 : https://www.youtube.com/opencar
𝐈𝐧𝐬𝐭𝐚𝐠𝐫𝐚𝐦 : https://www.instagram.com/hkopencar/
𝐖𝐞𝐛: www.opencar.hk
開唔到機黑畫面 在 晞。觀影記事 Facebook 的最讚貼文
【《惡煞》短評幾句 X 到底《尚氣與十環幫傳奇》可以有幾好睇?(無劇透)】
兩大發行商同一晚搞兩套大片場,趕到hihi但兩套都睇得好滿足,喺我聽晚全心投入《紙房子》前,簡單講兩句。
《#惡煞》:
1. James Wan監製咗咁多套(部份幾失望)恐怖片後,繼《詭屋驚凶實錄2》五年後再拍恐怖片依然冇失禮
2. 成套戲都好有佢一貫個人風格,紅光、白霧、鬼屋、血腥、潛意識,呢一切全部都會見到,今次就嘗試玩個新方向類型故事
3. 氣氛控制上依然係佢拿手好戲,一閃而過異像、大玩心理驚慄、善用唔同鏡頭去製造驚慄感,將個你以為千篇一律故事都拍得充滿張力,重新打造典型恐怖片套路,前大半段堅精彩
4. 做乜要三級,因為啲暴力場面好勁好極致,尤其最後場殺戮,結合佢拍商業大片學到嘅鏡頭調度同佢本色暴力風格,睇得幾爽喎!
5. 結局相信唔係人人接受到,又或者講你唔難估得到,但成件事點樣呈現、點樣鋪個伏線出嚟,的確拍到驚人效果;執行上未必好似佢往作咁圓滿,依然眼界大開
《#尚氣與十環幫傳奇》(片尾有兩節片段,第一段好重要!):
1. 作為一套唔可以讚嘅戲,只要你一讚就一定收咗錢,我想問可以點出糧😂真心我個題未至於入到「到底可以有幾好睇系列」,而係入場前堅好奇:捧到史上最佳零負評,到底可以有幾好睇?
2. 整體嚟講「史上最佳」有排都未到,但動作場面就可以話係史上最佳之一——我依然覺得二三集《美國隊長》最好睇,呢套五甲之內啦。多場動作場面出乎意料精彩,由大肆宣傳嘅巴士戰,到大廈外牆追逐戰,成功將東方武術結合到荷里活特技,情況好似當年睇《22世紀殺人網絡》同《神探俏嬌娃》種驚艷
3. 動作場面駕馭得好,連同視覺效果都相當出色,大場面更加比想像中強得多,完全係套超級娛樂爆谷片,節奏之明快都睇得好爽,對比之下《黑寡婦》簡直唔係果回事
4. 以為係典型「拍俾西方人睇東方電影」,今次結合東西文化都做得好好,普通話同英語轉接,大部份都係情理所需,將東方陰陽(太極)、血濃於水家庭概念融入故事;一班華人角色都唔係獵奇式耍功夫,或如《花木蘭》咁無厘頭,呢種東西文化衝撞以為會中招,點知係最好睇嘅
5. 一如雷神、黑豹,一個起源故事都係涉及到「Family issue」,呢套用東方文化「家」嘅概念去講故事,同雷神或黑豹都有唔同嘅方向。唔係爭皇位,反而係父權社會下倫理概念,將東方家庭上一代所想強加到下一代,令下一代唔可以自由追夢理念融入;最後甚至有武俠片味道,係Marvel繼《黑豹》後一個唔錯嘗試
6. 梁朝偉對比其他Marvel反派,可能解唔到佢有幾強,但佢走上絕路嘅原因同矛盾抉擇,反而會令人同情兼投入到。戲份絕無吹到咁多,每每出場都好有壓場感,而果種深情、滄桑,亦係佢最擅長一環
7. 因為劉思慕搞到台灣宣傳要叫人「放下成見」,真心佢演出俾外媒捧到「史上最佳」唔知點嚟,又未至於一文不值,只能話一般啦,感覺有少少硬滑稽但又唔及Awkwafina,反而張夢兒毫無星味演技都好平庸,竟然做個咁重要角色,仲要之後疑似俾佢擔正,搞乜?
8. 作為「起源故事」,對於尚氣個出身同成長確係差咁啲,當其他Marvel電影都玩到咁大時,佢可以點樣融入到都難以想像
9. 鍾意佢由此去解釋之前另一條玩爛咗Timeline,又製造到喜劇效果
10. 想像到套戲好3D,可惜香港似乎已唔再入呢個技術,但全IMAX畫面睇都好有氣勢,只係當套套戲都可以用IMAX認證機拍時,IMAX驚艷好似低咗
《尚氣與十環幫傳奇》觀後感可看留言連結。
(有劇透疑惑😂)
.
.
.
.
.
.
.
.
.
1. 如果拎佢支龍鱗矛去插美國隊長個盾,邊個贏?
2. 如果拎佢支龍鱗箭同鷹眼鬥,邊個贏?
3. 「文武」聲稱自己打曬全世界,佢係咪漏咗Wakanda?
4. 竹林世界同Wakanda,邊個技術勁啲?
5. 當套套戲/ 劇都拉到Thanos時,呢班人有冇邊個消失過?點解佢哋唔幫拖?
6. 「假滿大人」隻無頭雞係咪只為merchadise之用?
‼️電影網店全新貨品已上架,低至$5起,快啲嚟搶購啦:https://bit.ly/3qLPkpk
【Patreon加強版】尊享優惠、更多深度獨家電影文章:https://www.patreon.com/travelerwithmovie
📣文字工作者也得要吃飯,你的支持是我的原動力。請給點心意,給小弟寫更多好文章,歡迎透過payme課金以作支持🥳:https://bit.ly/3a9wOzy
或使用Payme link:https://payme.hsbc/jackyhei
或透過Paypal捐款:paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持,小弟執筆之原創小說私人貨存已全部售罄,有意者可到此文章內的連結購買:https://bit.ly/3dRuUWu
開唔到機黑畫面 在 希治閣【遊戲情報科】 Youtube 的最佳貼文
一隻遊戲多 外掛 大家都唔想, 有玩家出黎講 , 最後竟然被 GM 封帳號 ? 到底呢個 營運 做乜勁 ? 定真係當 玩家 係狗 ? 當然今星期仲有好多唔同嘅 新聞 , 係唔係乜都可以關 電競 事 ? 又不如今集 Gamehub 大家一齊睇下啦!
跟蹤 希治閣 睇 希老闆 日常生活:
Facebook :https://www.facebook.com/ScaryPlay
Instagram:https://www.instagram.com/hitch_oilking/
Mewe: https://mewe.com/p/scaryplay1
========================================================
-感謝支持希治閣 / Podcast / 黑畫面 -
贊助及節目重溫 : https://streamlabs.com/scaryplayttv/v2
加入會員:https://www.youtube.com/channel/UCk25FUc8pLiP3A6Zniknxbg/join
========================================================
#魔力 #營運 #屎 #乜都電競 #睇埋呢度 #中文字幕
![post-title](https://i.ytimg.com/vi/vrblzVtmFjE/hqdefault.jpg)
開唔到機黑畫面 在 希治閣【遊戲情報科】 Youtube 的最佳貼文
其實10萬訂到今時今日都差唔多一年 , 唔少朋友都叫我開箱個銀牌仔、又或者做studio room tour ,QNA 等等 , 作為麻甩佬, 有乜比人問丫, 不如帶大家睇下我工作環境,順便做個Studio room tour , 比大家睇下平時遊戲情報科、Gamehub 係喺咩地方做出黎啦。
ECHouse 免費裝修配對平台 網址: https://echouse.com.hk/
跟蹤 希治閣 睇 希老闆 日常生活:
Facebook :https://www.facebook.com/ScaryPlay
Instagram:https://www.instagram.com/hitch_oilking/
Mewe: https://mewe.com/p/scaryplay1
========================================================
-感謝支持希治閣 / Podcast / 黑畫面 -
贊助及節目重溫 : https://streamlabs.com/scaryplayttv/v2
加入會員:https://www.youtube.com/channel/UCk25FUc8pLiP3A6Zniknxbg/join
========================================================
#10萬訂閱 #找數 #睇埋呢度 #中文字幕
![post-title](https://i.ytimg.com/vi/Hbz_bcnvT6M/hqdefault.jpg)
開唔到機黑畫面 在 MEeeep More Youtube 的精選貼文
#小米#Mi11i#開箱評測
小米嘅 Mi 11系列一直都受市場歡迎,而小米新推出嘅 Mi 11i 更加擁有超高性價比,今日就同大家做個開箱睇下!
呢部 Mi 11i 使用雙玻璃面設計,配備高通 Snapdragon 888 處理器,同採用 6.67 吋嘅 FHD+ AMOLED 開孔式屏幕,最高支援 120Hz 更新率同360Hz 觸控採樣率。機身上,佢嘅右側設有音量鍵,同可以用作指紋感應器嘅開關鍵。而佢嘅下側就擁有支援 5G 雙卡雙待嘅 Sim 卡槽同Type-C 充電口。
等我哋試下用嚟睇片先!喺 120Hz 嘅更新率之下,畫面睇落好流暢,而且整體色彩自然。開多個有多行走馬燈嘅新聞資訊節目睇下!無 lag 之餘,畫面都依然保持到流暢度,認真唔錯!
再睇埋 5G 上網嘅速度!喺室內嘅情況下,都有呢個水準,就算打機、煲劇都可以輕鬆應付喇!
Mi 11i 其中一個主打賣點就係佢嘅拍攝功能,佢嘅後置三鏡頭由 1 億 800 萬像素主鏡頭、800 萬像素廣角鏡頭、同 500 萬像素微距鏡頭組成,等我哋睇下影相出到嚟嘅效果!佢嘅AI拍攝功能都好出色,等我再試幾個俾大家睇!
好喇! 同你試多個特效,如果你用呢部手機拍片嘅時候慢慢放大影片嘅畫面,你會聽到我講嘢嘅聲音都會越嚟越大聲,效果就好似而家咁!
Mi 11i 擁有 4520mAh 嘅電量,支援 33W 快速充電,即使全日使用 5G 網絡都足夠應付。
呢部 Mi 11i 香港已經正式開賣,8GB RAM + 128GB內置儲存空間款賣HKD$3,999,而8GB RAM + 256GB 內置儲存空間款賣 HKD$4,399,有冰霧白、太空銀、同宇宙黑 3 款顏色選擇。
![post-title](https://i.ytimg.com/vi/Cg6JBXGCZQE/hqdefault.jpg)