響母親節前2日,
我夢到我離開咗嘅外婆。
夢依舊短暫,
都係響我一接觸我外婆,
猛然發現呢個只係夢,
佢已經唔響度而驚醒遺憾作結。
但呢一次,
我冇畀自己嘅過於清醒破壞咗呢大半年嚟唯一嘅相聚。
呢一次,
我有好好咁擁抱我外婆,
佢嘅體溫觸感,
身上熟悉嘅藥油氣味,
全部都好真實。
醒咗我冇流淚,
轉身就繼續入睡。
然後鬧鐘響起身,
已經忘記咗自己發過咩夢,
但就響窗外見到呢隻蝴蝶。
起初我仲冇為意,
話隻蝴蝶唔知咩事痴住響個窗好耐都唔走,
好在冇開窗,飛咗入嚟都唔知點算,
但屋企人同我講,
可能母親節就到,
外婆嚟探吓我地呢……
果一刻,
我成個人好似畀電電到咁,
先記返起發過嘅果個夢……
我抱起Aki,
拎起佢隻手仔,
向窗外蝴蝶揮揮手,
話佢知,
你未見過嘅外婆嚟探我地呀,
然後我用我仍然未學得好嘅福建話同佢講,
唔洗擔心我地,
我會好好的,
屋企有我睇住,
你得閒多啲嚟探我啦,
因為我真係好掛住你呀婆婆……
今日母親節,
希望大家都唔好忽略咗母親嘅母親,
學懂珍惜,
當你還擁有。
母親節快樂。
#雖已逝去總想挽留 #阿嬤你今嘛置叨位 #可曾明月圓
Search