聞說是負難度的路線,
因為媽咪正在學用行山app而亂畫路徑, 😆
結果......
準備走上「#石龍拱三角測量站 」,
爸B: 「左邊要用繩, 頭先個叔叔話又斜又跣要小心, 右邊就小路慢慢行沒難道, #你地想行邊條?」
巧巧: 「#我要用繩!」--- 巧姐其實好憎行山但好喜歡爬山;
靖天: 「#邊條路快行邊條!」--- 完全不明白"風險管理"的重要性;
結果......
靖天: 「嘩! 好驚呀~~ 救命呀~~ 好斜呀!!😖 我會唔會跌死架?! 爸B~~~」
爸B: 「講左你知呢條路好斜架啦! 你又話要快!」
靖天: 「我頭先望上去唔係好斜咋麻! 點解上到黎咁斜同咁跣架?!」
媽咪: 「🥺 有... 無.... 人..... 理..... 下..... 我.......🥺 唉......」
上回九逕是爸B一個照顧2個,
今回也是爸B一個照顧2個,
可惜因為多左一個,
結果被放棄的就是......🥺
KILL標完,
靖天: 「咦?! 我地點落返去下一個CHECK POINT呀?」
媽咪: 「(汗) 原路落返去架咩?! 我明明記得唔係架?.... 🙉」
找了一陣子,
爸B: 「呢邊呀!! (指住一條唔算係路既路) 呢度1去蓮花公立學校架喇~」
媽咪: 「(汗) 🙈🙈 啲youtube片無話條路係咁樣落返去既.....」
說時遲那時快,
兩姐妹已經當滑梯的跣下走下的走到很遠,
媽咪: 「唉.......😔 等埋我好無....... 唔好行咁快...... 好危險呀.......!!!!」
爸B: 「其實唔係好斜咋~~ 😑 喂! 你2個停一停先啦好無? #阿豬媽未落到黎呀!!!!」
兩姐妹: 「😂😂🤣🤣😆😆」
從蓮花山學校回到清快塘,
明明應該是走石屎路/引水道的,
卻最後因為想跟自己畫的地圖,
全程都走了山林路....
遇上一班叔叔姨姨: 「嘩... 好叻喎行呢條路, 呢條難行好多架~~ 加油呀小朋友~」
暗想: 「洗濕左個頭又返唔到轉頭咋uncle.....🙈🙈」
google map顯示是3.5小時走11公里,
出發前媽咪已將時間乘大1.5x,
埋單走了近5小時🥱🥱,
最後算是在預算中完成~
傳說中「好行到不得了甚至是BB都行到的元荃」,
咱們無情情變了山路走,
玩下繩子又爬又滑的上山下山,
最後的結論是....
兩姐妹似乎不大喜歡走平路石屎路,
倒是要爬上滑下的山路她們更覺挑戰~
可惜....
咱們還是要慢慢來, 慢慢走……
#媽咪行山為打卡
#爸B行山為強身
#靖天行山為走走
#巧巧行山為過癮
#要找一次過滿足4個願望的山路有㸃挑戰
#元荃古道
Search