美股創新高 港股追落後
11月25日，大致天晴，氣溫較早前稍為回落，呢啲天氣最舒服。美股隔晚做好，擾攘多時嘅總統寶座最終落喺拜登手上，新一屆政府可順利交接，加上鴿派女皇耶倫將出任下屆財長，市場憧憬或再推刺激經濟措施，美股連續兩日做好。道指突破三萬點，升454點創收市新高。而標指同創收市新高，升57點，報收3635點；納指則升156點，報收12036點。港股ADR及夜期均向上，今日有望向上挑戰26800至27000水平。
今年炎疫情困擾全球市場，股市表現非常波動。道指喺2月一度逼近三萬點，惟至3月美國疫情爆發，投資者憂慮經濟危機而拋售股票，道指急挫至18213點，其後聯儲局「放水」及財政政策支持，推動股市連續數月反彈，道指低位回升超過65%，隔晚終突破三萬大關，創出歷史新高。科技股為主要領漲板塊，Salesforce、蘋果公司、微軟今年來分別累升59.4%、56.1%、35.4%，為道指表現最好成分股。
拜登入主白宮，市場憧憬拜登將帶領美國重新融入環球貿易及改善與中國的關係，終止兩年幾嘅貿易戰，已有美國基金公司上調美股投資評級，理由係預期將受惠結構性增長趨勢，以及明年可能進入周期性升軌。至於港股表現一直落後，即管睇睇喺美股大好形勢下，能否帶動港股突破27000水平後，再向28000水平挑戰。
傳統股或可追落後，但始終唔係古天后杯茶，即使疫苗進展理想，好快可以推出市場，但實體經濟要回復疫情爆發前狀況，仲需要一段相當長時間，反而累積升幅巨大嘅新經濟股及科技股，今後仍然係主導市場嘅領頭羊，唔單止因為世紀疫情已改變生活習慣，科技進步同樣不斷改變人類未來。
兩隻最重磅嘅科技巨無霸騰訊(00700) 股價及相關新聞 跟阿里巴巴(09988) 股價及相關新聞 ，今年以嚟分別累升55%及30%，以其萬億市值咁夠份量嚟計，兩者升幅已極為厲害，預期明年繼續成為股膽，其中阿里有望喺互聯互通擴大至可納入第二上市股份而獲北水垂青。雖然早前因為馬雲衰多口，螞蟻上市被刹停，但管理層已剛剛向阿爺表忠，兼表示以後會乖乖地，喺未來遵守新規則下繼續發展螞蟻業務，阿里料可追落後。而騰訊霸主地位不變，公司受反壟斷法影響亦有限，各項業務發展理想，繼續長升長有。
小米(01810) 股價及相關新聞 剛公布業績優於預期，不過業績公布前炒起近兩成，今日唔排除借好消息出貨惹來沽壓，但長線投資小米仍然係組合內必然之選，已有大行即時將其目標價調高至32元，不過古天后更為進取，明年此股再翻一番見半百亦不為過。主要係其最大競爭對手之一華為被美國制裁圍堵，反造就小米搶佔更大市場份額，而公司從低端手機市場升級，未來估值有上調空間，可以逢調整收集。
值得留意今日11點左右發表施政報告，留意其公布措施會否對市場帶嚟震盪，不過美股表現強勁，只要A股今日生生性性，港股應唔會失禮得去邊。
古天后
#300likes30shares #古天后 #古天后日誌 #頭條財經網
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
依家我嘅聊天室已經停止免費試用, 直接課金入來聊天室啦：https://bit.ly/2BmeAhZ
立即下載秒投：https://link.stockviva.com/L9J41qUp01
對聊天室有任何疑問，可以直接聯絡秒投小編：電郵 cs@stockviva.com
注意：本人僅在 "秒投App" 及其網站內開設聊天室，本人並沒有與其他網站，或以外的平台，開設過任何通訊群組，亦沒有任何所謂的「私人whatsapp 群組」「Telegram 群組」等等，為保障大家利益，切勿加入任何類似群組。
