《失憶24小時》一晚睇緊三套《愛回家》，滯唔滯？
～ 原來又係喜劇，播了差不多一半的《陀槍師姐2021》已經好鬼似《愛回家》，加埋呢部，好似一晚三套《愛回家》咁，好滯吓！個人應該唔會滯，因為知道消化唔晒，頂多睇一套！
～ 監製王心慰擅玩金錢扭曲人性，近年作品《逆緣》和《黃金有罪》，都是這類劇情。今次主角郭晉安配譚俊彥，算是新鮮，尤其譚應是首次在大台演喜劇，不用黑起塊面去做戲，至於會否躁狂要睇落去先知。郭晉安這個貪錢小人物角色，睇落好似啱視帝祥演多些，不過郭的表現交到貨。
～ 第一集當然是人物介紹為主，最突出的分別是「發錢寒」的郭晉安和「守財奴」黃君馨，死撐為個仔籌錢的「唔中」無所不用其極，卻頭頭碰著黑，愈窮愈見鬼，走投無路，是鋪排他最終捲入綁架案的情節，相當爽快！Freeya(黃君馨)的守財奴劇情，亦透過同老爺姜大衛的爭拗，與及唔同意賣樓的劇情，交代得相當鮮明，相對上阿蒙(譚俊彥)被搶去不少戲，唔夠他們突出。
～ 節奏明快，人物關係、矛盾和事件交代清晰，是這集的優點，感覺上亦比《陀槍2021》首集的演員大堆頭但硬滑稽更好，能否保持這種節奏有點疑問，因為成27集咁長。錢與人性扭曲的荒謬感能否表達出來也是看下去才知，可以說第一集感覺唔錯。如果你是見到大台劇就無名火起的理應繼續杯葛，無謂激親自己。
～ 肥東的自閉症角色，好似同《堅離地》的獨男分別不大，初初見到江欣燕，幾驚佢會做郭晉安阿媽，因為之前有商天娥在《隔世追兇》飾演郭晉安阿媽事件，二人實際只相差兩歲，真是充滿陰影。
#失憶24小時 #郭晉安 #譚俊彥 #黃君馨 #姜大衛 #江欣燕 #何遠東 #譚凱琪
隔世追兇 在 隔世追兇| 一通穿越電話連接死鬼老豆?! - YouTube 的推薦與評價
... <看更多>