📍雅 ‧悠蔬食 (尖沙咀)
🔍尖沙咀金馬倫道48號中國保險大廈3樓B號舖
-----
成日大魚大肉食得Heavy，搞到腸胃最近有少少唔健康，今日就決定清一清腸胃，放工嚟咗呢間我一直都好中意嘅素食餐廳食晚餐。
一走進餐廳，淡淡嘅粉紫色同純純嘅白色，清清雅雅嘅感覺令人瞬間心曠神怡。
餐牌有多款素食，但有別於傳統嘅素食餐廳，佢哋嘅素並唔係素叉燒、素燒鵝、素雞嗰種，造型非常精緻，而且顏色天然，令人食慾大開。
🥄泰式鳳梨炒飯$108 ： 炒飯口感味道非常豐富，裏面加入左大量素嘅肉鬆、菠蘿、素火腿、素菇粒等等，仲有少少黑醋沙律菜伴碟中和油膩感，整體味道完全唔輸有肉嘅炒飯，份量多，食完感覺飽足。
🥬鮮蔬豆腐粉絲煲$108：調味調得啱啱好，唔會太清淡，又冇好油膩或者濃味，粉絲索曬湯底，滋味非常，而且佢嘅豆腐仲唔係一般嘅豆腐，而係用咗千葉豆腐，更具口感及彈性。
🍍藜麥蔬果沙律配鳳梨百香果汁 $68：大量嘅菠蘿貌甚吸睛，配搭健康飽肚嘅藜麥，整體味道開胃，香甜多汁，菜式唔算好特別，但係好食。
另外提提大家，B仔唔係初一十五，亦都唔係星期五或者假期去，但係都好hit好多人，想食記得最好提早book位。
-—-
👶🏻B仔整體評價：8.1/10個👍🏻
👶🏻B仔抵食程度：7.5/10個👍🏻
👶🏻B仔環境評分：8/10個👍🏻
👶🏻B仔味道評分：8.5/10個👍🏻
👶🏻B仔回頭機會：8/10個👍🏻
-----
#swallowhongkong
跟住我一齊吞食香港啦！🤤
#swallowtst
#swallowveggie @ 雅。悠蔬食
雅悠蔬食 在 悠蔬食- Leisurely Veggie - Home - Facebook 的推薦與評價
悠蔬食 的特點是融合多國菜式(Fusion) 以及使用新鮮天然食材，帶給您和家人朋友一個全新的蔬食體驗。有多款精緻甜品，滿足所有男女老幼的口味，是家庭或朋友歡聚的好 ... ... <看更多>