[大理鄉中出環](*)I am serious.If eating 8蚊麥芽糖夾餅doesn't incentivize you to invest, nothing will.
TLDR:匯率制度似買胸圍,唔啱身夾硬嚟,表面好睇,遲早出事。
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
1. 早排講葬禮,過我死鬼阿公,除咗鍾意睇不文集(畀我拎咗去睇),炸雞翼(畀我食),鋸西多(又係畀我食埋)(***),仲有佢就係好鍾意食麥芽糖夾餅,當然亦係畀我食埋
2. 但我好肯定,當年8蚊食麥芽糖夾餅,可以食撚到阿公同我literally 飽死。而當年仲要係另外有個hemispherical 嘅容器裝住麥芽糖,用對筷子捲,雖然我到而家都唔知最後嗰啲點拎出嚟。(****).我細細個已經拎嚟裝水,研究係咪 4/3 X π X 半經三次方,唔做科學家真係埋沒咗我。「學校咁早有教?」「學校夠冇教你扑嘢啦,你又識?」(*****)
3. 有人話因為租貴。唔可以話錯,但啱唔晒。唔使涉及租嘅嘢,一樣係飛升,我唔撚信網上賣麥芽糖餅買2蚊塊。況且一般食肆最大成本係員工。而人工貴租貴係結果,唔係原因。
4. 冇錯,幾廿年前嘅事嘛,佢都死咗三十年。有通脹物價飛升。但有冇諗過點解物價升?視乎你係咩學派,但一般人都知,錢印得太多。
5. 但點解會印得多?聯儲局量化寬鬆後先開始?又錯。上次咪講過,尼克遜廢除金本位咯,自此法幣就任印(subject to certain conditions),貨幣供應脫離GDP,人工亦都追唔上人均GDP,都係金本位收皮後嘅事。五十年之嘛。歷史係咁讀的,你旨意啲濕鳩教授真係含得撚。
6. 但一樣,佢地根本don’t give a shit,佢份糧係咪基於教得好唔好?人人都知,呃funding 先係大茶飯嘛,阿富汗都係咁玩。
7. 我在經濟一週篇文,就用咗呢個有點不文但我覺得好貼切嘅比喻:
8. 匯率制度似買胸圍,唔啱身夾硬嚟,表面好睇,遲早出事。冇咁大個頭唔好戴咁大頂帽,33B就33B,唔好買大買細。
9. 唔信?英鎊被索羅斯狙擊,最後退出歐洲匯率機制(ERM),英鎊半年跌30%,英國納稅人輸咗10億美金(1992年嘅10億),索老一戰成名成為打爆英倫銀行的人,仲害到英國首相都下埋台。因乜?正係冇咁大個頭,唔好戴咁大個bra.對面岸嘅德國(當時已統一)就戴得起啦.ERM就係外判咗個揀胸圍嘅權利畀德國。
10. 舉一反衫反埋bra,亞洲金融風暴,仲有再老啲嘅墨西哥Tequila crisis,亞洲金融風暴泰國CEO賣三文治韓仔好愛國賣金救國(其實冇,只係政治宣傳),仲有阿根廷違約多過捧世界盃,全部都係因為夾硬嚟。
11. 咁你話,明知唔啱身都戴?自己唔知架咩?一般呢,係知嘅。但,點解唔舒服都戴?靚咯!邊個著高踭鞋貪舒服?女為悅己者容,政客就勾引選民,而男人就用下體思考,選民就冇腦嘅。呢啲就歷史啦。
12. 應該睇到一半,聰明嘅讀者應該已經問:咁香港聯擊匯率,咪即係外判咗個揀胸圍權畀美國咯。港女戴美國嘥屎,得唔得架?會唔會出事?
13. 會唔會出事?你咁問嘅,即係你未夠三十歲。索羅斯除咗有份招呼英鎊,亦都招呼埋港紙,親子丼(雖則個女改嫁咗),十分爽。亞洲金融暴風咪有份咯。咁但冇嘅,死唔到人。英國韓國泰國而家咪好地地。
14. 講遠咗,但,都係嗰句,見到8蚊嘅麥芽糖餅,你都仲唔信不投資往下流,我就真係幫你唔到。投資有風險?當然,但,唔投資一樣有風險,甚至更大,保證輸死
15. 係喎,其實我呢啲講法,某程度上都係販賣恐懼。現今最流行嘅生意,講真的,好多東西背後都係販賣恐懼。但,我有啲唔同,我唔係叫你份幾千萬保單,又唔係叫你個個月兩千蚊供基金嘛!我只係R你一舊水訂個Patreon.好快就食個麥芽糖夾餅都唔夠呀,大師冇點你。仲等?
(*)有人提我打錯字。嗯,而家啲小朋友打麻雀應該唔會打花章。實情打花章呢啲基本功,如果大家都係普通素人唔係雀精物語(**),咁你打得八圈,或者打得幾次八圈,識打花章嗰啲必然有edge.或者話唔打花章嘅一定蝕式,打得幾次,自然拉開晒。係咪又學到嘢呢?冇錯,正如你去賭場,長賭當然唔止冰茶,仲會必輸。但投資正好相反(可惜有啲人連呢樣都唔知),升日子嘅可能51%,跌嘅49%,但我拉到一年,五年,自然食硬你。你日日去估上落,當然搵唔到錢。況且,你仲要一定唔敢買得大。我拎幾球嘢買股票,你敢唔敢拎幾球嘢炒期指?
(**)啲回憶返晒嚟。細細個辛苦到舖牌,睇住J幾耐呀!而家唔使錢乜都有。
(***)多得阿公,打後四十年我都不能接受有餡嘅西多,而西多只能落糖漿,舊式茶餐廳有個壺嘅最好,但冇辦法之下只能接受一包包,殷海光話嘅。正如我都用咗三十年先勉強接受到有芝麻嘅雞蛋仔,但其他餡免問。呀同埋,打邊爐係不能放腸仔燒賣午餐肉,雖然埃汾太會放,我結婚前都知,但你係咪埃汾太丫?
(****)諗起個故事,應該真人真事,外國有條友年青時打暑期工,家族Pizza 餐廳,咁佢落完啲茄膏就掉走個罐。大老細發現,拎返啲罐,然後用水沖,了埋入面啲剩低嘅茄膏出嚟,同佢講:you are washing away my profit margin
(*****)早排先講起,當年有個中學同學,真係埋到門唔識起腳,居然打電話問功課。我地就眾志成城電話幫佢指導。「喂埃汾你又話你大學先失身」。差矣,自己未做過唔等於唔識教人!我有睇書睇片嘛!都話冷氣軍師理論多,唔踢波都寫一大輪巴塞啦。
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
同時也有8部Youtube影片,追蹤數超過2萬的網紅培仔Jacky,也在其Youtube影片中提到,Jacky Vlog|山長水遠入大澳 只為左一個沙翁|我的必食大澳美食| 拍左幾個月嘅片,終於有時間剪返呢條大澳Vlog同大家見下面! 雖然唔算完美,但 iPhone 12 Pro Max 拍片真係靚到無野講!即刻去片! ▶︎影片拍攝器材◀︎ 【相機型號 】 iPhone 12 Pro Ma...
「雞蛋仔3個月」的推薦目錄:
- 關於雞蛋仔3個月 在 Facebook 的最佳貼文
- 關於雞蛋仔3個月 在 Mini Bubble Corner Facebook 的最佳貼文
- 關於雞蛋仔3個月 在 Facebook 的精選貼文
- 關於雞蛋仔3個月 在 培仔Jacky Youtube 的精選貼文
- 關於雞蛋仔3個月 在 李根興 Edwin商舖創業及投資分享 Youtube 的最讚貼文
- 關於雞蛋仔3個月 在 李根興 Edwin商舖創業及投資分享 Youtube 的最佳貼文
- 關於雞蛋仔3個月 在 小皮雞蛋仔 三個月期間限定店已經正式營業嚕~ 把握時間來吃 ... 的評價
- 關於雞蛋仔3個月 在 超華麗雞蛋仔!冷熱交疊口感意外超搭抹茶剉冰有驚喜 - YouTube 的評價
雞蛋仔3個月 在 Mini Bubble Corner Facebook 的最佳貼文
#6歲生日快樂
#抵玩難忘生日staycation
今日係QB 6歲生日🎂,佢期待左成個月既生日終於到啦,大家同佢講聲生日快樂啦🥰🎉🎉!生日點都要開心玩,同埋好朋友一齊更開心。今年因為媽媽一直好忙(其實未試過唔忙😅),連staycation package 、生日飯、蛋糕都去到好遲先訂😳趕慣deadline既野難我唔到😎,最後順利送女皇一個超級開心,分貝爆標💥既生日小旅行🏩,係爸爸媽媽去玩二日一夜後散左者🤯
今次又約埋小閨密一家 芊嶠與細佬·雞蛋仔齊齊慶祝🎊🎊👩👩👦👦。地點選左尖沙咀既 #GatewayHotel港威酒店,我地喺KKday買左【#親子反斗繽紛樂】 2日1夜依宿連自助早餐、免費玩PICCOLO反斗活動室、迎賓禮物,2大1小都只係$989,真係好抵玩🤩。
小朋友住酒店最開心一定係玩水💦,所以本來酒店免費upgrade我地去總理客房,但就無浴缸,知道我哋都想有浴缸,就建議我哋選豪華客房連浴缸,客房大小一樣,咁有浴缸浸下浴🛁,大人小朋友都開心啲😌,我帶黎既泡泡浴液同浴鹽就大派用場,兩位少女一齊浸左2次浴,真係好開心😍。如果要游水就要行5分鐘去隔離酒店既泳池🏊♀️,不過撞正落雨🌧,最後都無去游。
而酒店4樓全層15間房化身 #PICCOLO反斗活動室,有 #VR、#Switch、#OSIM按摩椅,記得預先book時間,每間房每樣可玩一次,每節半小時。另外有乒乓球、氣墊球、籃球、足球機、遙控車、桌上遊戲、幼兒活動等唔駛book可以任玩。爸爸去massage嘆下,小朋友就玩下遊戲,就算外面落雨都唔怕,依個安排都幾貼心🧡。
另外package仲送一系列 #迎賓禮品🎁,有Haagendazs雪糕🍦、填色套裝🎨、水果拼盤🍎;仲有幾份禮物喺海港城內既商戶換領,落商場行下街順手食晚餐,休休閑閑都好relax。另外,買package時remark返慶祝生日,酒店仲會送上一個小小既生日蛋糕🎂,雖然只係贈品,但大家一致認為整得好好味😋 自己外帶蛋糕可以比酒店寄存,到要切時打去前台講聲就有專人送上房,仲會好細心問我哋需唔需要火柴點蠟燭。
今個生日之旅可能係QB最開心既一次💖,因為兩家人安排到住隔離房之餘,中間既門仲可以叫酒店開鎖打通,自出自入3個小朋友朝夕相對超過20小時🕥,兩位少女一齊訓😴一齊浸浴🛀🏻一齊扮生BB🤰….🤣🤣🤣房間長期分貝超標📢📢(大人就想抖下都唔得😬)。多謝你哋陪QB過一個難忘既6歲生日🥰,三個小朋友早就如3姐弟咁,一時鬧交一時又攬頭攬頸🤣 雖然唔係主題房,但間房一啲都唔細,簡單佈置下一樣好有氣氛🎈🎊。酒店好helpful同靈活變通既安排都要比Like👍。
Package詳情:https://bit.ly/2UEtASg
Gateway Hotel, Marco Polo Hotels
#生日staycation #GatewayHotel #staycationPackage #親子staycation #QB生日週 #成個暑假都好多節目 #親子好去處 #香港本地遊
雞蛋仔3個月 在 Facebook 的精選貼文
[我覺得真係威喎]咪講笑,勁過柯南。我做過嘅幾間公司,都畀人收購。咁呢間,就畀人收皮(諗唔到更好嘅詞語)。
TLDR:冇乜必要唔好買自己公司股票呀,CFA係咁講的,所以CFA嘅嘢真係冇發達,但又唔會乞食咁咯
1. Er………………當然如果醒目仔就梗係食花生,或者睇「醒目仔時間」。。但當年我係唔睇亞視的,實則有乜人睇亞視?否則都唔會有 「老周電視」呢個戲仿。但我就唔係醒目仔嘛,所以都講兩句。
2. 關於康宏除牌,有人話可能有好多人搵我,實情荼走就人涼。要搵都唔使搵我。
3. 不過,有人黑心咁諗,「你係咪好心涼呢?」「使唔使開香檳慶祝?」。答案係,我並冇特別感覺。當然,星期五打邊爐日,當然係照打的。如果我話你知「好傷感」亦係有啲假惺惺,但的確我冇特別開心
4. 因為,關我乜事?
5. 你理性少少諗已經知,康宏隻股票,由我加入嘅第一日已經停緊牌,到我被炒嘅最後一日都仲停緊牌。嗰啲前世的滄桑 後世的風光,同我無關。
6. 有人話,啲球員倒戈對返舊球會入波唔會慶祝以尊重母會咁喎。太抬舉我了。首先,我在康宏先兩年爭幾日(*),並冇乜咩感情,你估真係曼聯名宿奧雲咩。我做得最耐嘅係耆英證券,亦都影響我最多,在嗰度過咗最青澀最張狂最憤怒最開心嘅日子,結婚買樓都係嗰時,每次我經過太古廣場三期都仲諗嗰嗰時嘅日子。咁如果你講我做過最大嘅公司,自然係星展,雖然都唔係好耐,但即係踢過下大會(**)掂過下草皮嘛。
7. 咁但,佢牌除又唔關我事,唔係我搞到佢除牌。所以,比較適合嘅講法,你話等於係我踢過隊波降咗班咁咯(史浩克零四?)。咁但我並唔會特別開心,或者特別唔開心。
8. 當然最重要嘅係:本人並無持有任何康宏股票(噢耶!)。你心諗,傻的嗎?你咪話你工作期間隻嘢都一路停牌,你點持有?此言就差矣,停咗牌,都可以關畀你嘛。雖然事實係冇。咁正如我舊公司都有試過花紅出股票,雖則我就咁多年都冇收過,證明都係未夠勁。
9. 不過,買自己公司股票好唔好?其實一般係唔好的。我依書直說。
10. 固然睇你間公司點,咁我都唔少朋友因為公司股票而進帳好多。咁但,
11. 佢關畀你,你咪自己計數。一般都係現金為王,即係我收開五皮人工,你畀六皮我再加股票(固然,睇幾多股票,同埋上咗市未,同埋係乜公司)幾好,你畀五皮我再加股票麻麻地,你畀兩皮我然後同我講你公司之後點勁就 on9 + bye (一個好重要嘅indicator:offer你呢樣嘢嘅人,自己又係咪成份糧出股票先?)
12. 咁但,公司關畀你,或者你出糧代支(***)以外,就最好唔好自己走去買了。原因?concentration risk 嘛.當然好多人會話 on9,我做騰訊嘅個個月拎幾千蚊去買自己公司股票一早發撚達仲使聽你9up?
13. 但我依書直說,CFA 係咁講的(亦所以,CFA真係冇乜發達,但又好少搞到乞食,雖然樓下賣雞蛋仔嗰個都CFA,但都係一門手藝,賣雞蛋仔唔食乞食丫,乞都係特色小食)。一般,你工作在嗰度,分分鐘出糧花紅都係嗰啲公仔紙,有啲仲有信心度買埋公司啲產品(例如做大家樂就買幾皮嘢現金券,我心諗,梗係買對家啦)。咁公司一唔掂,你就幾邊一齊受了。當然,你做騰訊嘅就唔使講,可以睇多次上面嗰段
14. 原本真係WFC ,但之所以打咁大段嘢,並唔係因為我對康宏有任何好正面或負面嘅感情(對個別人就有嘅,但鐵打的衙門流水的官,個別同事唔係代表成間公司),亦唔係因為我有任何財務權益
15. 主要係,因為聽聞有啲舊同事,係持有公司股票嘅。So sad。而啲同事一般都同我無仇無怨嘛。咁人地破財,我總不會特別開心—雖然我亦唔會因為咁特別傷心。
16. 我相信,既然公司過去N年都停牌,佢地都應該大約預咗有呢一日。但都係一件唔太好嘅事。咁而我接觸過嘅舊同事,應該百份之九十以上都係幾好嘅人—我可以話你知呢個比例相當高的了!好多公司四成係仆街冚家鏟,仲有四成係廢人。剩返兩成?咪又仆街又廢嘅極品。
17. 咁所以,都係so sad,但亦係就事論事,依書直說。並非而家出嚟話told ya,而係過去我都唔止一次講,自己做嗰間公司就唔好買自己公司股票嘛。書係咁講的
18. 話說回頭,雖然近期星展股價不錯,新高了,但其實同我做嘅年代都係差不多—亦即係,固然唔係差嘅投資,但,照計拎去買美股一定回報更高,就當你買指數都夠。
19. 最後一講,有舊同事問,公司除咗牌即係點,係咪即係清咗盤。答案係否,理論上,正如公告所講,係business as usual 嘅。又係請循其本,我做嗰兩年爭幾日,公司都係咁運作啦,一路都停緊牌的。
20. 之但係,如果啲舊同事持有嘅股票,無論係公司關畀你(冇計),定自己手痕買(實在唔應該自己買自己公司股票),就應該,真係凍過水了。
21. 理論上啦,冇上市嘅公司,都係有價值嘅,「Coinbase之前都大把場外成交」「Patreon OnlyFans都係」。咁但,你公司唔係Coinbase 唔係Patreon OnlyFans嘛!
22. As per 公告所講,「除牌後,將不會有正式機制協助進行股份買賣」。咁但當然,可以有其他場外交易嘅,以前都有公司試過,「本公司現正委聘一個為非上巿 公司而設的電子交易平台,為有意出售其股份之股東及有意買入股份之潛在投 資者提供對盤服務」 ,聽落係靠譜嘅,不過到時啲價就,哈哈哈哈哈哈
23. 好過冇咁咯,畢竟,停咗牌咁多年,好多人以為變廢紙。咁執返一成,好過雙目失明啩?
24. 希望呢篇文唔會又有人嚟找我麻煩。不過該公司都出名鍾意找人麻煩的。
(*)明嘅,自然明。就係兩年爭幾日就郁咗我。嘻嘻。
(**)何謂大會就自己定義,但星展一度係全東南亞最大市值公司,應該都算大。
(***)諗唔到更好嘅詞
雞蛋仔3個月 在 培仔Jacky Youtube 的精選貼文
Jacky Vlog|山長水遠入大澳 只為左一個沙翁|我的必食大澳美食|
拍左幾個月嘅片,終於有時間剪返呢條大澳Vlog同大家見下面!
雖然唔算完美,但 iPhone 12 Pro Max 拍片真係靚到無野講!即刻去片!
▶︎影片拍攝器材◀︎
【相機型號 】
iPhone 12 Pro Max
【影片剪輯及製作】
Final Cut Pro
After Effects
▶︎我的社群/歡迎追蹤緊貼最新動態◀︎
Instagram: https://www.instagram.com/jkjuntaro/
面書專頁 : https://www.facebook.com/jackyjkhui/
▶︎影片合作◀︎
jkjuntaro@gmail.com
#大澳 #香港 #美食
![post-title](https://i.ytimg.com/vi/PmPVX1sgyeE/hqdefault.jpg)
雞蛋仔3個月 在 李根興 Edwin商舖創業及投資分享 Youtube 的最讚貼文
全家出動 ???: 農歷新年十大賀語兼鼠年十大成交回顧
農曆新年又來到!如果你要跟開舖做生意的朋友拜年,除了說句「恭喜發財」之外,還有沒有其他呢?
拜年講心,論舖講金!現在我跟你講心又講金,分享我的拜年十大賀語!兼鼠年十大商舖成交回顧!
1) 老闆!我祝你生意興隆
生意興隆! 說到肺炎疫情,就人人都留在家中,只可到街市買餸。現我站在在深水埗基隆街377號紅色招牌這個無名菜檔,早前成交了2860萬,再過五間舖,超市就早前成交了2880萬。還記得,舖市最旺,自由行2013及2014年的時候,銅鑼灣的商舖每間由9000萬下跌到3000萬。基隆街這裡的舖由千多萬上升到3000萬。一個跌剩三分一,另一個卻升了三倍。買舖應該低位持有高位沽出,而不是高追低沽,今時今日的舖市,人人都到街市,肺炎疫情過後,遊客又多不多來這裡呢?人們會留在家中還是出外食飯多呢?街市會更旺些?還是會淡靜一點呢?買街市舖小心摸頂!
2)大媽!我祝你鴻圖大展
大媽!祝你鴻圖大展!所說的是錢大媽。現在我於葵涌石蔭路,後面這間舖早前由東亞銀行沽出了5200萬,4000多呎的地方。錢大媽就用$100,000租了半間。現在銀行不停沽舖,例如東亞,富邦,星展。但錢大媽呢?失業率愈高,創業率愈高,大量加盟者加盟錢大媽去大展鴻圖。你說是否鴻圖大展?
3)Uncle! 我祝你扭轉乾坤
說到扭轉乾坤,當然要提舖王波叔—鄧成波!坊間某研究報告都有提到,於社運及肺炎疫情之前幾年,波叔合共購入了266億物業。現在當然要減減磅,所以他於今年初,2021年的第一季,就連續沽出了9間舖,合共7億的市值。包括我身後,灣仔活道VTC對面上層的老人院,空間地下加上一樓面積合共11900呎,以1.15億成交。買家亦不簡單,是科達地產的湯君明,4厘多的回報算相當不錯。加上在小巷的「麻王」及「麵語」孖舖成交了合共3100萬,也是波叔物業。加起上來9間舖共7億,比起他買入266億的物業算是小數目。希望今年舖市會好轉,祝願波叔扭轉乾坤!貨如輪轉!最重要是身體健康!
4)大王!我祝你舖舖高升
大王,我說的是磁帶大王—陳秉志,他真的是舖舖高升!我現於灣仔軒尼詩道天樂里後面的泰國菜館。他在2014年8月份舖市最高峰的時候,就用5600萬買入,還記得一個月後2014年的9月便發生佔中事件,舖市便開始向下滑,再加上社運及肺炎疫情,在最黑暗的時候,我身後這間舖於2021年1月竟然能沽出了6450萬,比起最高峰時的5600萬再高出超過15%,即6450萬,你說是否舖舖高升呢?不過亦知道他買入了中環中心9層物業,每層大概10億,或需要把其他地舖物業放售。祝願他放售的其他地舖繼續舖舖高升!
5)同事們!我祝你們雙喜臨門
說到雙喜臨門,當然要祝賀我一班同事們。去年肺炎疫情嚴峻,4、5月份時,我們用了2100萬買入這間皇后大道中的燒臘店。同時,又用2100萬買入銅鑼灣道的一間7-11便利店,然後,這間皇后大道中的燒臘店,就由買入的2100萬,沽出了2800萬。而銅鑼灣道那間舖就由買入的2100萬,沽出了2880萬,合共為我們基金進賬1480萬。為什麼銅鑼灣道那間舖比這間更值錢?因為銅鑼灣道那間有現租客,沒有售後工作。而這一間需要分間及分契重並重新招租,因此要保留一些水位給下一手買家。你說是不是否雙喜臨門呢?祝賀同事們!恭喜!恭喜!
6)業主!我祝你們苦盡甘來
說到苦盡甘來,當然要提到我身後的尖沙咀首都廣場。2013年11月有位投資者就以378.3萬買入2樓S154舖,持貨7年後沽出了24.5萬,賬面蝕幅93.5%。是香港商舖蝕讓幅度的記錄。細有細蝕,大有大蝕!另一邊廂栢麗大道就有資深投資者華哥-李耀華,2014年以4.4億買入E段一間地舖連一樓,持貨8年後上年沽出了2.1億,足足蝕了2.3億!亦是香港單一商舖成交的蝕讓記錄。當然,華哥這舖蝕一點點,其他舖可賺回來。投資沒有百發百中這回事,祝福一班劏舖小業主或資深投資者也好,來年苦盡甘來。
7)核心區!我祝你春回大地
說到春回大地,我不想說其他投資專家,我只想說一位樓市專家-祥益地產的汪敦敬,一向持有民生舖的他,今次他首次買入核心區尖沙咀漢口道44號的地舖,我身後的這間地舖他買入8380萬,原業主於2007年以6600萬買入。這位置要做到3厘回報,21萬租金,小巷單邊共1000呎的空間,當遊客回來時絕對不難。高峰期這間舖租值有52萬,7至8厘回報!只要政府通關,遊客回來,市一旺,這間舖以一至兩億沽出絕對沒有難度。這位專家都在核心區底撈底,你說是否春回大地呢?
8)同事們!我祝你們早著先機
說到早著先機!當然要恭賀我一班同事們,還記得上年政府11月26日宣佈撤銷工商舖的雙倍印花稅,稅率由最高8.5%減至4.25% 。我們預期舖市將價量齊升,遲一點更難追價,於是準備了幾張支票,當11月26日措施宣佈後,我們就馬上簽約,以988萬買入這間於太子汝州街的摩芽雞蛋仔。全靠一班同事們早著先機,為我們的基金投資者賺了一筆。
9)老闆!我祝你有備無患
有備無患,不得不說一位平民超市的凍肉大王—佳寶老闆林曉毅。大家有所不知,他其下百多間分店中,他自己擁有六十多間,當中九成自用,一成出租。買舖自用就是有備無患,進可攻退可守。進的,可多開幾家分店,做生意賺錢。退的,可作資金周轉,有需要時可沽出套現。最近林曉毅就沽出了四間舖,合共套現5億。這裡是其中一間,於九龍城岩前塱道62號。這間自用舖佳寶超市於2013年以1.3億買入,最近亦以1.3億沽出,是平手離場。自用舖售後租回,買家對他特別有信心,沽舖又特別容易,你說是不是有備無患?
10) 高手!我祝你十全十美
最後,我要說一宗十全十美的商舖成交!不知不覺,我已在坊間現場錄了二千二百多宗商舖成交影片。去年,唯一一宗我給十分的,是我身後上環樂古道的吳興記,地舖、閣樓連一樓合共三千呎的空間,以2200萬成交。計一計,每呎只需7333元,比住宅呎價更低,你說是否值十分呢?然而我給予的分數都有影響力,買家一個月後再轉手,就由2200萬沽出了3000萬,賺了800萬,升了值36%。而原業主吳興記就由1984年用168萬買入,持貨37年,升值了12倍。大家都賺大錢,買家與賣家豈止兩存其美,簡直十全十美!
說到底,牛年最重要是勤力,一分耕耘一分收穫,大家多勞多得,才能多買幾間舖!
最後,我們李氏一家,祝願香港牛年,健康團圓、和氣吉祥、舖氣揚眉!
。。。。。。。
【2021年第一季商舖基金集資】集資上限港幣6000萬,今期我個人會加碼起碼1000萬。
預祝大家新一年,舖市扭轉乾坤,舖舖高升!
盛滙商舖基金專注投資香港商舖,讓客戶以較低資金購入基金參與商舖投資(低至港元300萬),相對於購入單一商舖動輒過千萬元,投資基金的客戶等同以較低門檻投資多間商舖,更可分散風險。
盛滙將於2月舉辦多場基金講座,讓您了解牛年舖市走勢及商舖基金如何捕捉良機。
日期:2月19日(五)/23日(二)/25日(四)
時間:1 – 2pm
地點:中環新世界大廈1座1502-3室 (本公司會議廳)
對象:按證監例只適合持有八百萬港元以上流動資產(非物業)人士
註:疫情期間,每場只限六位。參加者須全程配戴口罩及保持1.5米社交距離。
報名方法:
https://edwinlee.com.hk/%e8%ac%9b%e5%ba%a7/
查詢: 2830 1117 (Ashley) / 2830 1111 (Suki)
WhatsApp: 62067091
![post-title](https://i.ytimg.com/vi/ftFDIAWJmsg/hqdefault.jpg)
雞蛋仔3個月 在 李根興 Edwin商舖創業及投資分享 Youtube 的最佳貼文
【商舖電是如何計算? 】睇返我之前錄過的 video (舖點計電?):
我們剛以2050萬買入荃灣沙咀道的孖舖。電是如何計數?
Power 電力 = Ampere 安培 x Volt 伏特
電量 Power 就好似供水一樣。 水管的粗幼就是 Ampere,水壓的強弱就是 Volt。 如果水管粗,水壓大,自然電量多。
在香港,單相電是220 Volt
三相電是380 Volt
家用一般是單相電,工廠多數是三相單。舖則是有單相也有三相。(FYI, 沒有二相或四五相電的?)
以一部雞蛋仔機為例,用電量就是1400 Watt。
如果單相電: 1400 watt / 220 volt = 6Amp
換句話說,如果一間舖,只得單相60A電, 放十部雞蛋仔機就已經用爆電, 未計冷氣、未計燈光、未計招牌、未計雪櫃等。
三相電,經過一條好複雜計算的程式, 同樣的 Ampere 就大約是單相電的三倍電力, 而且供電較為穩定,不會經常跳制。
單相60A電的舖,生產到的電力就是13.2 Kilo-Watt (千瓦特)
三相60A電的舖,生產到的電力就是39.49 Kilo-Watt (千瓦特)。
三相電源有三條線 (A,B,C) , 唔同顏色,互相差120度。工商業用途多。 單相電只得一組,家用多。 相知單相或三相? 望一望電相就望得出, 三相電有不同顏色的三組線。
香港每度電大約是$1.2。
1度電 = 1kWh (kilo-Watt-hour 千瓦特小時)
單相60A的商舖,用電用足24小時,用足30日就是:
60Amp x 220V x 24小時 x 30日 = 9504 kWh,電費約$11690 (中電)
如果是三相60A的商舖,用電用足24小時x 30日,電費就是約$34784 (中電價錢)
《商舖又如何計算用電量?》
商舖每100呎的空間,就需要約一匹至一匹半的冷氣。
每一匹的冷氣,用電量就是約1000 Watt 。每開一小時,就大約是一度電,即電費$1.2。
以單相電計算,1匹冷氣,1000 Watt / 220V = 5 AMP
假設想開一間雞蛋仔舖:
4部雞蛋仔機 x 1400W = 約24 Amp
兩匹冷氣機 2000W = 約9Amp
電熱水煲 2000 W = 約9 Amp
燈/招牌 1000W = 約5 Amp
雪櫃 200W = 約1 Amp
多士爐 1000W = 約5 Amp
其他生財工具 1000W = 約5 Amp
合共 = 約58 Amp
因此如果間舖只是得單相60A電, 營業繁忙時候用電就已經非常緊張。 再加多部雞蛋仔機或電熱水煲,就已經跳掣。停電,做唔到生意!
如果你想做些用電量較高的行業,例如乾洗/濕洗/BBQ/串燒/電器燈飾店等, 馬上就唔夠電。
需要加電的話,業主則需要向大廈業主立案法團申請。 但過程未必咁容易,約一半機會唔批。因為(1) 大廈本身電量可能已經不夠,其他商戶已申請晒,或 (2) 太大電量對樓上居民可能造成危險 (佢都可能唔想你做食肆, 環境污染)。
假設大廈的業主立案法團通過,你可以去中電或港燈正式申請加電,獲批准的話,再找註冊電業承辦商施工。 好彩的,一兩個月可以加到電。唔好彩的,以年數計 or never!
一般來說,我們好多租客, 如果間舖是實用面積二三百呎以內, 單相60A電已勉強足夠, 視乎行業。 但如果是三五百呎, 最好有單相100A以上。 問電工師傅的話,他們全部都會說視乎大細,間舖最好有三相電60A/100A/150A 以上。 我們絕大部分的租客, 都要求間舖有三相電, 因為電力較穩定,才會考慮租。 第一次租舖的初次創業者,唔識就會租。做開生意的有經驗營運者,通常都要求三相電才會租,... again ... 視乎行業。
希望以上商舖電力的計算,能夠幫你日後買舖租舖,以作參考。 我2009年起買賣過百間地舖,中唔少招 ?? 今年肺炎後我們已買入8間街舖,相信是同期全港最多,我們是行動型的。 李根興 Edwin
#商舖如何計電
![post-title](https://i.ytimg.com/vi/fL_a3p4rKCo/hqdefault.jpg)
雞蛋仔3個月 在 超華麗雞蛋仔!冷熱交疊口感意外超搭抹茶剉冰有驚喜 - YouTube 的推薦與評價
![影片讀取中](/images/youtube.png)
788 views 3 months ago # 雞蛋仔 #冰淇淋 #TVBS新聞網. Show less. 一間位在嘉義檜意森活村裡的咖啡廳,充滿日式氛圍,裡頭的甜點經過精心設計,使用 ... ... <看更多>
雞蛋仔3個月 在 小皮雞蛋仔 三個月期間限定店已經正式營業嚕~ 把握時間來吃 ... 的推薦與評價
小皮雞蛋仔 三個月期間限定店已經正式營業嚕~ 把握時間來吃我們的雞蛋仔和格仔餅嚕嚕 地址:新莊區中正路514巷51號 (輔仁大學側面) ... <看更多>