了解1元頭盔POST的行騙手法 -
無中生有的「SHOEI招財貓開面頭盔」，何來正貨呢？
「SHOEI招財貓只有X14、Z7全面頭盔」
http://moto-one.com.hk/Products.php?id=8307
依家係FB市場，充斥好多假頭盔的現象，作為香港電單車業界的一員，有責任提提大家，小心假貨。近來，多咗好多靚女頭像的新賣家，專售名廠電單車頭盔，以ARAI、AGV、SHOEI最為常見，而行騙方法一般見有兩種：
第一種就係用超低的售價出價，用番ARAI RX-7X東方龍為例，佢係ARAI廠專為鴻興而製造，基本只有同鴻興有聯係，先會買到。另外，依頂RX-7X東方龍售價係HK$5,390元正，而佢地就表價HK$999，稍有留意市價都會知道有問題，世上真係有咁大隻「蛤乸」隨街跳？最後貨到付款，實係假野。
第二種就係1元頭盔POST，佢地冇展示售價，需要PM佢地，先知道售價。講番今次既主題「SHOEI MM93招財貓」，佢只有2017出既X14頂級賽車頭盔，同埋2020今年出既Z7，兩者都係全面頭盔。SHOEI廠方根本冇出過招財貓開面頭盔，所以係FB市場睇到既POST，可以肯定100%係假。
為咗令大家知道佢地點樣行騙，小記嘗試PM其中一間，得到以下的回覆。首先問佢地價啦？佢話「正品」1,200元，(心想開價比上述的ARAI更高，食水深咗)，小記再問係咪「SHOEI正品？」，佢都係話「正品」，反正心知係假，不再追問。
由於佢係FB市場標明地點係中西區，所以小記亦老作自己係中環返工，想試下睇現貨及購買。不過回覆一如想象，貨到付款，在無新意下，裝作考慮吧﹗正當小記無心戀戰下，佢為咗加強小記購買頭盔的信心，出示了一張有人落訂的銀行入數紙，仲講係保障佢的權益，利害利害。
如果真係完成交易，可以肯定得到一頂翻版的SHOEI招財貓開面頭盔，價值幾多唔知，安全規格唔知，有冇勇氣戴出街都唔知，怕比人笑到面黃，安全問題亳無保障，又損失成一千蚊，可憐。最後，希望大家多分享依個POST，或提點身邊的新手，網絡好多假野，小心小心，最穩陣係到實店或有實店的網站買吧﹗保證真貨正貨。其實係香港買頭盔，係好方便。
最後，提提大家，本網託朋友幫手買咗頂假野，稍後進行實物測試，敬請留意。
電單車頭盔 新手 在 【電單車新手裝備】邊款頭盔最適合#初學嘅你？#全 ... - YouTube 的推薦與評價
初學 電單車 有好多問題呢？即刻撳入呢去留名 https://bit.ly/31GFDli輝sir或者輝Sir團隊會主動聯絡你，免費解答你學 電單車 疑難 新手 學 電單車 要買 ... ... <看更多>