網友 NANCY媽：
#Zoom教學小記
#請告訴我你的網上教學生活
#我現在就告訴你
（一）我教小學，我地啲網上教材放晒上google，一星期派兩次。又會叫學生睇吓etv咁，youtube都係。學校有跨境生，家長表示睇唔到教材（我地每兩星期左右打一次俾全班家長關心吓），校方知道之後，開咗個內地都用到嘅平台，要我地將放上google嘅教材，重新放一次上去。youtube、etv都要自己cap，即係迫老師做老翻，有事既時候，邊個保我地？有無版權問題？
cap完放上個平台又話個file太大，要自己轉檔、壓縮，成個過程領導層除咗俾指示，就係催。搞咗一大輪整好咗，etv方面又話同有關方面傾好咗，大陸睇得到。（吐血）
（二）跨境生無帶課本返鄉下，無課本，做唔到功課，我地要scan埋放上網俾佢地睇。
（三）為咗解答跨境家長疑問，學校開咗六級wechat group，拉晒跨境家長入去俾老師解答疑問。「細路返學部ipad響深圳，我人在老家，點算？某某平台個序號係乜？我用自己手機登入先。唔記得咗自己個login點算？老師，我兒子不學習，這是他號碼，你拉他進去學習吧！」唔好同我講set靜音乜乜乜，群入面有高層，家長@咗你你唔回應，佢都會知道。老師一入群，家長就會好熱情咁「x老師好！熱烈歡迎x老師！」於是，老師嘅手機同耳根都失守咗。仲有，跨境家長連學校校長姓乜都唔知，一入群就「多謝x校長！x校長好！」（其實開群果個係副校。）
（四）老師想關心交唔到網上功課嘅同學，打俾家長了解，俾家長鬧，好話佢煩。
（五）朋友學校分電子班同非電子班（即係用自己ipad 上同用學校ipad上既班），電子班上過live堂，校長話咁樣非電子班學生好蝕底，叫電子班老師live大課。
咁樣就會拉開家境差距同學習質素：有d學生，佢可以Byod=bring your own device，即自攜電子裝置（ipad/android平板/其他平板電腦）即係學生無自己買ipad帶返學用嘅班。係呀，有啲學校行BYOD，會俾家長揀參唔參加。非電子班咪好似一般課堂咁，學生無用ipad電子書，老師都會照用ppt，想用電子學習咪借學校公家機俾學生兩人一部ipad嚟上堂。最大分別係返到屋企無得用ipad後續堂上學習，例如交功課咁囉。
我間學校就一刀切，全級byod，朋友學校有分。佢最詭異係非電子班都live，學生/家長嘅device未必support架嘛（學校位於九龍比較貧窮區）
（六）小六學生揀中學，有D要網上面試，老師要負責gather佢地響網上同佢地zoom/google meet訓練網上面試。呢頭整完教材果頭要開zoom，好忙。
網友P：有學校需要家長自己拍片，幫學生面試然後畀老師睇。仲有d 老師叫埋家長一齊面試，因為而家好多中學都會用英文同國語問家長問題，咁可以試埋家長質素係點，可唔可以做到家校合作，會計埋呢樣。
我睇完片，唔通叫個家長背好d 英文／國語先再拍片咩？個家長唔得，就害死個細路啦而家。
網友C：正常呢，好多學校用google系統，包括gmail, google classroom, google form等等，教學影片當然就upload上youtube。但我啲fd嘅跨境／ 滯留喺大陸嘅學生上唔到，要老師為佢哋將啲嘢upload上百度乜乜乜⋯⋯大佬呀，佢哋國家嘅缺陷，點解要由我哋做多幾倍workload去彌補？仲要就算搞一大輪，嗰啲大陸網都唔可以完全做到同樣功能囉！
有啲中學生都好啲，明事理，識自己醒水翻牆，知道應該自己搵方法去跟返國際標準，而唔係要求學校額外去遷就佢哋！
～～～～～～～～～～～～
Elearning 會唔會拉闊貧富差距，影響社會流動？一定會架。但咁可以點？777唔封關，擺明想病毒大爆發，就係要你班窮人呢世都窮，食人捐既飯，食社工既資源，乖乖地做賤民嘛。呢d 招數，外國都好多。
咁鬼叫你地覺得香港政府管得好好，只要聽社工話就要咩有咩咩……
電子學課本解答 在 [討論] 電子學課本選擇- 看板graduate - 批踢踢實業坊 的推薦與評價
我要自修 準備台大光電佔25%的電子學
我對電子學沒什麼基礎 連有些較繁瑣的串並聯也不熟 我想直接買 史密思中文版來看
所以想請問大家 有其他本書 還是一些讀電子學的技巧 可以提供給小弟我參考的嗎?
謝謝
不好意思 想再問一下 想加強英文能力有推薦的書籍嗎？
--
Sent from my Android
--
※ 發信站: 批踢踢實業坊(ptt.cc), 來自: 61.223.69.116
※ 文章網址: https://www.ptt.cc/bbs/graduate/M.1437245115.A.BB9.html
※ 編輯: m4vu0 (61.223.69.116), 07/19/2015 02:46:36
※ 編輯: m4vu0 (61.223.69.116), 07/19/2015 02:52:48
※ 編輯: m4vu0 (42.77.225.155), 07/19/2015 13:14:57
... <看更多>