舊同事約食飯，本來好唔想去，因為呢班友經常開OT，最低消費要等到8、9點先齊人，食完再返屋企真係乜嘢時間都冇晒，點知佢哋話而家冇OT呢隻歌仔唱，個個搭正6點sharp走喎。
咁係乜嘢驅使佢哋學識work life balance呀？係集體患絕症吖？抑或舊公司冇生意就嚟執笠呢？原來係老細無啦啦玩遲到罰錢政策，遲一分鐘已經要扣錢，仲會累積計，但佢又唔諗下平時班員工OT冇同佢計，結果搞到有人走去勞工處查詢係咪違法，又有人遲咗十幾分鐘已經要罰200，計過條數即刻請sick leave坐車返屋企仲抵，個個意興闌珊，連最搏嗰幾位同事都唔再賣命，而家一夠鐘全人類執袋收工，真係團結就是力量。
其實冇人想斤斤計較，但係面對咁唔人性化嘅管理，公司要同你計，難道你唔同佢計咁傻豬咩！老細今次條數計錯晒，絕對係得不償失，其實佢只要拎部計數機出嚟篤一篤，就會計到班人遲到係有限數，不過晚晚OT就無極限，而家搞到怨聲載道，真係好難掹得返。
強烈提議老細買部 CASIO Calculators - Hong Kong JW-200SC計數機自用，12數位可以畀佢計得清清楚楚之餘，又有稅率同埋兌換率嘅設定，可用太陽能或者電池，學下咩叫人性化啦！呢部機仲有好多顏色以供選擇，不過班同事好明顯揀晒黑色同白色兩種風格，所以先會咁黑白分明。
公司計得咁清楚，員工要計數都好合理啫，記得揀部準確無誤嘅計數機就得喇！
#人性化 #計數機 #JW200SC #你計我咪計囉 #員工要識計數 #老細更加唔可以計錯數
電池學 在 鋰離子電池原理與技術 - 博客來 的相關結果
內容簡介. 書中介紹了鋰元素的物理化學性質；鋰離子電池的基本概念與組裝技術；正極材料的微觀組成與電化學性能；負極材料、電解液、電極材料的研究方法以及鋰離子電池 ... ... <看更多>