#小編食好西 之 YMCA海鮮八重奏自助晚餐
自從上次實測完YMCA之後，就一直對佢嘅餐飲念念不忘🥺 今次佢出自助晚餐住宿優惠，梗係要即刻狗衝去試下啦！😎
🎊優惠詳情🎊 https://flyagain.la/94412
🎊預訂網址🎊 https://flyagain.la/26tn
📍預訂日期📍 即日起～6月14日23:59
📍入住日期📍 6月14日～11月30日
🤑回本位
海鮮－有龍蝦、蟹腳、螺、蜆、蝦等選擇，全部任攞任食，十分慷慨！而且質素唔錯，夠新鮮彈牙，冇雪藏／霉味
即煎鵝肝－一聽就知係貴嘢啦！仲要係無限量任食！咬落去好juicy，正呀！
刺身－選擇唔多，有三文魚、吞拿魚、希靈魚同八爪魚，勝在新鮮好食，小編都encore咗好幾次～
即製軍艦－有拖蘿蓉揀！真係即叫即整俾你食！
即烤老虎蝦－長期熱門，成日有人等，隻蝦真係差唔多有手板咁大！
薑蔥焗蠔－冇生蠔食，都有焗蠔！薑蔥風味的蠔真係比較少，食落都幾特別
金不換煮青口－青口好入味，煮完都唔韌～
羊架－脂肪比較多，膻味唔太重，煎得啱啱好
Haagen Dazs－任食唔嬲，可以配埋即製格仔餅／心太軟食～
心太軟－出去食閒閒地都5、60蚊個，而家任食！不過有點過熟，個心唔夠流
😋其他必食推介
蒜泥白肉－第一次見buffet有得食呢？佢唔太濃蒜蓉味，鹹味較重
燒牛肉－好稔好易咬，牛肉味好重
人蔘牛仔骨－真係食到有人蔘味，牛仔骨肉質鬆軟
蜜瓜果凍－清新之選，足料到食到有果蓉～
好立克奶凍－超濃味！濃到好似真係飲緊好立克咁，好好食！
即製格仔餅－就算凍咗都仲keep到脆口，配雪糕一流！
杏仁露－配上蛋白，好足味，杏仁迷一定要試！
😇其他食物
韓式牛肉湯、青紅蘿蔔湯、麵包、沙律、火腿、芝士、溫泉蛋、煙三文魚、壽司、時菜、軟殼蟹、即煮海鮮喇沙、各式蛋糕及甜品、涼粉、水果等等等等
另有果汁／咖啡／茶任飲，都係一個加分位～
💬結論
講真整個buffet的選擇唔算好多，但勝在食材夠新鮮，加上有唔少回本位，贏返唔少分數！😎 職員都十分有禮，服務質素很好！🥰
到夜晚8點時餐廳仲會特地調暗燈光，配以背景音樂予大家透過落地大玻璃，欣賞幻彩fing香江，真係一個好特別的體驗😂😂😂 趁而家有平嚟食返次，都真係幾唔錯🤓
完
青紅蘿蔔湯 在 青紅蘿蔔粟米花膠湯此湯水潤肺止咳、美顏明目清熱 - Facebook 的推薦與評價
青紅蘿蔔 粟米花膠湯此湯水潤肺止咳、美顏明目清熱、 防癌降血脂、增強身體免疫力。適合全家飲用紅蘿蔔明目降血脂、軟化血管、降壓助消化青蘿蔔清熱舒肝，健脾， ... ... <看更多>