【龔成問答信箱】(Q22401-Q22420)
Q22401:
Hello 依家溫緊進階班第5堂 notes 你話如果附屬公司多而且比較接近50% or 小數股東股益較大 個純利率會扭曲左
想問下幾多間附屬公司先為之多。同樣 小數股東股益點樣先為之大 例如佔左總盈利既某個%就叫大?
龔成老師︰
我地要估這個調整,主要係因為當集團對附屬公司持股,較接近50%時,即附屬公司盈利中,有不少比重非有集團所有,令計算出來的純利率出現偏差。
所以,我地有時係會唔扣"非控股權益",直接用盈利(而非股東應佔溢利)去除營業額,去計算純利率。
但我地唔需要一見到"非控股權益"有數字,就去做這個調整。因為有時個數字好細,當你調整後,發現純利率其實無明顯變化。
所以,你預"非控股權益"大於"盈利"10%,我地才會對純利率進行調整,令佢數字更能反映真實情況。
------------------------------------------------
Q22402:
你好請教1928,見佢近期弱左,如靠債去還債,賺到的利潤都會被利息蠶食。
派一次中期息都要10億美元,好難想像何時內可以做到。
還未計續牌等政治風險,以你的專業分析點解可以對此企業有咁堅定信心?
龔成老何:
金沙(1928)風險度的確增加左,但投資者分析時,不要將中短期因素太過放大,其實只要澳門疫情穩定翻少少,其實就無事。
睇翻上半年,金沙中期經調整物業EBITDA 2.34億美元,銀娛都是EBITDA有正數的,反映如果唔計會計因素,佢是有錢賺的,除非疫情惡化,否則,佢無問題,而我地從投資,是投資企業的長期,不用將當刻的短期因素太過放大,同時佢持有的資產好有價值,要融資都十分容易。
至於政治因素,的確有少少,但如果從「澳門政府想那些博企續牌的角度」,就是金沙、銀娛,這是從就業、澳門發展等的角度去分析。
------------------------------------------------
Q22403:
你好。想問9926同2878點睇,9926跟人買跌左十元。點算,唉。守唔守好
龔成老師:
康方生物(9926)你預佢上落會較大,不宜持有太多。
主要從事生物製藥業務,專注於腫瘤學及免疫學治療領域。
佢候選藥物例如有AK104:適應症包括子宮頸癌、肝細胞癌、食管鱗狀細胞瘤、胃癌、非小細胞肺癌、黑色素瘤、晚期實體瘤、外周T細胞淋巴瘤;預計於2021年下半年在中國提交治療子宮頸癌的首次NDA(新藥申請/生物製品許可申請),及開始在美國進行治療晚期或轉移性實體瘤的Ib/II期臨床試驗,以
及聯合治療實體瘤的試驗。
這企業現時是投資期,回報要慢慢先見到,不過,這股估值十分難。因為無實在的收入與盈利進行計算。
只可以話,風險較高,是有危有機的類別。投資注碼一定不能大。
如果持貨,小注,長線,不是不可。投資得就一定長線,等佢長期回報。
如黑持貨多,宜減。
晶門半導體(2878)都算有長線投資價值,佢係一間無晶圓廠半導體公司,主要從事設計、開發及銷售專有集成電路晶片產品及系統解決方案業務。
佢的產品及方案可供應用於智能手機、平板電腦、電視╱顯示器、筆記本電腦以及其他智能產品。
雖然都有一定的生意,但多年來都出現虧損,到近年才算好轉。行業需求對佢是利好的。
這企業質素未算好高,因為技術未算好強,這股如果持貨不過多,都可守住先。
------------------------------------------------
Q22404:
我想請教你
2869在11元買入
1313 在 9.9買入需止蝕嗎?
我知3319/1313是優質股可以守,2869是優質股嗎?
多謝阿sir解告令我心態有改變
龔成老師:
綠城服務(2869)仍算有質素的。佢為中國高端住宅物業服務供應商,提供以下三類服務:
(1)物業管理服務:包括保安服務、保潔及園藝服務,以及物業維修及保養服務。
(2)顧問諮詢服務:包括在建物業服務(示範單位管理服務及建築工地保安服務)及管理諮詢服務(於項目設計及開發階段提供物業開發諮詢服務,以及於物業交付後提供各種物業管理諮詢服務)。
(3)園區增值服務:包括園區產品及服務(購物協助、拎包入住服務、交通服務、文化教育服務、房屋返租與置換服務及二手房交易的經紀服務)、家居生活服務(物業維修及保養、家政服務、保健及娛樂),以及園區空間服務(出租廣告空間,並提供廣告設計、製作及出版服務)。
過往發展不差,業務有增長,現價合理區中上部。
這股都可以守,但你預佢中短期會有少少波動。
至於另外兩股,都可持有。但你較集中在內地地產相關行業,小心行業集中風險。
------------------------------------------------
Q22405:
如果我40歲,加按d錢出嚟投資會唔會有風險?謝謝你的意見
龔成老師︰
以你年齡可承受的風險程度(以你年紀,建議總負債,最多只可以佔總資產6成),加上現時仍處低息期,加按是沒有問題的。
關鍵是加按後,將資金買入其他資產,創造更高的回報,由於加按是要支付利息的,所以新資產產生的利息回報一定要比加按的利率高,這樣才值得做。
最好有比較明顯的息差回報,這樣才能抵銷加按後,加大負債為你所帶來的風險。因此,你加按前,最好先計劃如何分配新資金,如何平衡風險,怎樣說服自己獲得理想的回報,即是有充分的理由,而非為加按而按。
若是投資於股市,相信中低風險會較合適,公用股、內銀股、收息股、房託等,都可考慮,策略為長期的增值及收息,期望股息回報大於加按利息,這樣就值得做。但絕不建議炒賣等方式投入股市。
------------------------------------------------
Q22406:
到目前為止,我們現住的村屋政府還沒有任何收地計劃。估計還可以起碼多住十年八載。我想得到一些資料關於鄰近地區政府收地價、土地私人買賣價錢等資料,
從而比較一下地主開出的價錢是否合理。請問以上資料可以從哪裏得知呢?謝謝你的幫忙!祝生活愉快!
除了以上住屋問題之外,從二月至今,已分段買入以下股票合共約200,000。(之前打算用1,000,000投資,其中500,000分注入市及月供股票;
其餘500,000手持現金等大跌市才大力度掃貨),請問暫時這個股票組合是否合適我?分注買入速度又是否過急呢?
66 - 43.50 (12.3%)
1658 - 5.70 (9.6%)
1928 - 29.20 (13.2%)
1972 - 22.90 (12.9%)
2800 - 27.80 (7.8%)
3067 - 17.60 (19.9%)
9633 - 56.80 (12.8%)
9988 - 198 (11.2%)
另外,月供股票方面也開始了兩個月。分別月供以下股票。月供股票因為剛開始,未有計算在以上。
2800 - $3000
27 - $2000
66 - $1000
請問以上我的股票組合是否潛力股方面佔約40%太多呢?之後再分注買入的資金,我會偏向平穩增長股及收息股。請問龔sir有什麼股票建議加入我的組合呢?
以上問題太多,不好意思。希望得到你的抽空回覆。祝身體健康,生活愉快!
龔成老師︰
你可以去田土廳和地政總署,可以睇到交易金額和一些補償計算資料,你可以用來參考。
你現時持股和月供計劃,大致上係可以。但安碩恒生科技(3067)和阿里巴巴(9988)係潛力股,這類股票以你48歲,最多佔2成左右好了。
未來時間,就正如你所講,要偏向平穩增長股及收息股,去慢慢拉低翻潛力股比例,以免風險過高。以下都是一些合適選擇,現價都合理,你可以參考下。
但緊記唔好偏重個別企/行業,個別企業和行業,不要佔組合15%和30%以上,銀行業更加不要高於組合20%,否則會有過度集中性風險。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)、富豪產業(1881)等(記住,股價略波動,不能太過大注)。
現時你投入了1/5資金,這個比例係可以。當再出現多10-15%左右回調,就可以再加下一注。而另外50萬,但等大跌市出現,才分注入貨。
------------------------------------------------
Q22407:
1) 龔sir , 想問一問關於美股TLRY , 持有半年虧損接近40% , 應繼續持有還是止損,能幫手分析一下嗎
2) 龔sir, 6993 係米仲可以持有 ,仲可以守
龔成老師︰
1) Tilray Inc (TLRY)從事是一家從事製藥業務的公司。該公司是一家向藥品分銷商供應大麻產品的供應商。
大麻股過往曾是熱炒對象,過去一年波幅好大,由$5至到$67。上市後,更曾經升至$300,可見這隻股票,有一定投機味道。
我自己無仔細研究過大麻行業和相關股份,但從佢財務數據睇,上市後收入係有明顯上升,但依然未能達至收支平衡。
因此,此股現價不少部份,係來自投資者對"將來"的睇去。只要未來前景稍有偏離,你預佢會有較大幅調整。
此股唔係話無投資價值,但確定性較高,只宜小小注。
2) 藍月亮(6993)不是劣質,但最新業績令人失望,由於上市前的數據幾靚,因此,有可能佢上市前執靚盤數,這亦是我對新股/半新股有保留的原因。
佢最新的中期虧損約$4400萬元,去年同期純利約$3億元。虧損主因是市場上,其他平台出現過剩的較低價產品,導致佢定價策略及產品在市場上的價格體系受到干擾。
為統一產品在市場上的定價,佢向其客戶提供若干折扣以穩定產品的市場價格,此類折扣對其於上半年的毛利率產生約9%的負面影響。
相信中短期未必強,但長遠,其實又不算好差,佢成立於1992年,擁有衣物清潔護理、個人清潔護理和家居清潔護理三大系列共73個品種的產品。
佢係中國洗衣液有龍頭地位,加上毛利率高,賺錢能力強。睇翻佢之前的資料,以零售額計算,藍月亮在洗衣液市場、濃縮洗衣液市場及洗手液市場的市佔率均為第一。
整體有質素,不過之前貴,現價算是合理區中上部,如果你小注持有都可以。
------------------------------------------------
Q22408:
龔老師你好,我想聽一下老師的意見.本人可承受高風險。
1. 持有1257,20,000股平均價3.4。現價掉到2.77左右,應否繼續持有或減持?
2. 持有1448,6,000股平均價7.02。現價7.42應否增持?
還是增加其它平衡增長股?
龔成老師︰
1) 中國光大綠色環保(1257)其實本質不差。
睇翻佢的業務情況,長遠發展其實是一個大方向,但佢近年負債有所上升,加上市場擔心佢之後的增長力有所減慢,因此對這股的評價減少左。的確,負債與發展持續性,是這股的風險因素。
長遠來說,這股仍是有投資價值。但不建議太過大注,始終都有風險,同時可能仍會弱一段時期。你明白這些風險,你照長線持有係可以。
當然,若你持股佔組合較多的話,我比較建議你沽出少少,去平衡翻個風險,咁會較好。
2) 福壽園(1448)有質素,現價算合理區頂,如果你現貨佔組合比重不多,或者資金較充裕,現價可以再加小小注。
否則,你等佢回多10%左右,才再加注會較好。
以下增長股,都適合你30歲年紀,你可以參考下。
平穏增長股︰指數基金、金沙(1928)、恆基(0012)、平安(2318)、中銀(2388)、港鐵(0066)、長建(1038)、領展(0823)、粵海(0270)
潛力股︰安碩恒生科技(3067)、比亞迪(1211)、阿里(9988)、騰訊(0700)、港交所(0388)、舜宇光學(2382)、小米(1810)、中生製藥(1177)、福壽園(1448)、GX中國電車基金(2845)、三星FANG ETF(2814)。
平穏增長股,現處於合理水平,可分注入市。但潛力股,部份係略貴。
現時只有安碩恒生科技(3067)、GX中國電車基金(2845)、騰訊(0700)、阿里(9988)、中生製藥(1177)、福壽園(1448)勉強算在合理區中上至頂部,可分注入貨,其餘都略貴,想買就要等一等。
------------------------------------------------
Q22409:
真的衷心感謝,讓我瞓吾著幾日不斷思考過去錯在哪!同時,我並非抗拒買股票,亦十分認同你價值投資的方法。
我從不同category 選了一些之前心儀的和你推薦的選一至两隻,想把台灣現金調回來建立一個組合,比D意見?
銀行-滙豐/恆生/中銀3988(但PE 4倍不到,好似鬼鬼哋)/citibank
地產 - 恒基/新世界/置富
科網-阿里/騰訊/MSFT
手機-小米/舜宇/瑞聲
網絡-電盈/香港電訊/移動
電車-比亞迪/中國電車/雅廸
公共-地鐵
醫療-和黃醫藥/平安好醫生
零售-佐丹奴/六福/周大福
休閒-金沙/銀河
指數或基金-2800或3086華夏納指
建倉用80至100萬,留150萬現金等。
有點長,抱歉!
老實講,我清楚年齡影響可承擔的投資風險,只是希望在還有生產力(10-12年)間,除完成兩個小朋友在外地讀完書和以後照顧到自己已滿足了!
龔成老師︰
以你48歲年紀,我唔建議太進取。你可以用恒基(0012)、地鐵(0066)、金沙(1928)/銀娛(0027)、六福(0590)/周大福(1929)、指數基金作為核心,為組合提供平穏增值能力。
之後,再配以一些收息股,好似滙豐/恆生/中銀3988、置富(0778)、佐丹奴(0709)。
中行(3988)和一些內銀股,你會發現地市盈率都係好低。因為市場覺得佢地壞帳潛在風險大,所以市場唔會比佢地個市盈率太高。
最後,若果你想個增長力強少少,可以加入一些潛力股,例如阿里(9988)、騰訊(0700)、比亞迪(1211 - 但現價偏貴,可先用2845代替)。但由於潛力股風險較高,總額不要高於組合2成。
現時大市只在合理水平,先用80至100萬建倉,再另留150萬現金等大跌市機會,係可以。
若你想加快增值速度(但會承受較高風險),你可以調高少少潛力股和平穏增長股比重。
否則,你這個年紀,我建議按潛力股/平穏增長股/收息股(20/40/40)的比例,會較穏當。
------------------------------------------------
Q22410:
龔成老師, 你好~ 本人35歲, 月入2萬幾, 60萬左右, 買了以下股票~ 月儲萬五至2萬左右~
買了以下股票, 但一直持續跌勢, 雖然以下股票都是有質素的, 但.. 某些股票仍需要賣出先止蝕嗎? 謝謝!
另外, 怎樣可以增加財富呢.. 因有可能10年後便跟小朋友去外國讀書, 相信在外國對於我來說, 不易搵工作… 買那些股票是比較隱陣呢, 謝謝!
700 騰訊 買入: $616 x 400 (現價約: $537)
1211 比亞迪 買入 $157 x 500 (現價約: $218.
388 港交所 買入: $437.5 x 200 (現價約: $531.5)
2800 盈富 買入: $28.43 x 3000 (現價約: $27.72)
3690 美團 買入: $290.30 X 200 (現價約: $268.80)
9988 阿里巴巴 買入: $223.8 X 100 (現價約: $202.60)
1398 工商銀行 買入: $5.33 X 3000 (現價約: $4.39)
1810 小米集團 買入: $24.75 X 400 (現價約: $26.
1972 太古地產 買入 $23.10 X 400 (現價約: $22.95)
1177 中國生物製藥 買入 $7.44 X 1000 (現價約: $6.99)
3067 安碩 買入: $17.12 X 300 (現價約: $15.28)
2638 港燈 SS 買入: $7.61 X 500 (現價約: $7.80)
3088 華夏恆生 買入: $10.34 X 200 (現價約: $9.22)
龔成老師︰
你現時持股都係有質素,你唔好太比個買入價或者大市氣氛影響,令你做出錯誤決定。緊記只要係有質素,長線投資價無轉壞,就算股價下跌,我地都應該照持有。
由於你尚有10年時間,用以上股票去增值,都係可以。
但有個較大問題,你而家太偏重左係潛力股(0700, 1211, 0388, 3690, 9988, 1810, 1177, 3067, 3088),佢地雖然有增長潛力,同時風險都較高,不宜持有過多。
你算年青,潛力股可佔約5成,餘下應用以下平穏增長股。若你投資經驗較淺,潛力股比重,要再調至3成以下。到你學到一定投資知識,才慢慢調高。
但你唔需要減持任何股票,只要未來時間,加大翻平穏增長股部份,令組合慢慢回復平衡,咁就可以。
平穏增長股:指數基金、金沙(1928)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)、長建(1038)
但到10年後,你要移居外國,你可能會需要穏定現金流,去支援生活,多於財富增值。
那時候,你可以將部份股票,慢慢換成收息股,用股息收入,去減輕你生活負擔。至於比重多少,你就按自己實際情況而定。
------------------------------------------------
Q22411:
龔 sir 您好!又要打擾您!有關一些資產問題希望您可提供一些意見。
本人有一層剛供完的樓,由於預計子女在未來五至八年後會移居外國 (他們已有當地護照),所以我希望在當地置業。但由於疫情關係,
暫時不能往來外地親自考察當地不同區域的環境,而我又不想只靠海外agent 隔山買牛,所以暫時對於將要付出的金額只有很初步的概念。
現在問題是,我應否在此期間先翻按現在的居所,先keep 錢向手,再等時機去用這筆錢於海外買樓(根據疫情,有機會我要兩年左右才真正落實買到,
甚或如果到時樓價因大量移民而飛升, 海外置業計劃亦可能泡湯)
另一考慮是,我自己工作的房屋津貼將會屆滿,人工也已經到了max, 所以翻按的還款能力會降低,我應否take risk 仍然去翻按 (因市場常有消息指高息時代很快重臨)
不好意思,可能說得有些亂。盼龔sir 比D意見
龔成老師︰
你2個問題,都係建基於一些假設性結果(外地樓價大升/環球息口大升),但這些結果,到底會否成真,幾時會成真,無人會知。
我地係投資時,係唔應該用"估"去做策略。我地係因應現時情況,平衡各方利弊,去找出一個較可行方向。
由於你子女尚有5-8年才會移民當地,有一定時間。你而一刻其實唔需要急住買當地物,除非你好有信心,長線當地升幅,一定會跑嬴香港樓,咁就另作別論。
至於翻按,你就要一直支付利息開支成本。但你又未知幾時先買外國樓。如果到時外國樓升幅不多,可能這筆錢跟本用不上,你就白比利息。
我建議你先計劃清楚,如果你擔心到時賣左香港樓,都唔足夠你買外國樓。你可以把握這5-8年,用優質股去增值財富,令自己有更多資金可以動用,減少到時的不確定性。
------------------------------------------------
Q22412:
老師,我上了堂, 計算了00698 通達之估價為
市盈率9-12
保守盈利預測0.05
市值股價約$0.45-0.6
不知道為什麼,00698的估價跌了很多,我之前已經減持了很多,上堂後覺得此公司不優質,但還有少量貨,不知道如何處理剩下少量貨,約40000 股,請老師指導
龔成老師︰
佢過往市盈率大約係9-10.5倍,但由於佢質素唔係咁高,我會再打折扣,下調至6-8倍左右。
而每股盈利,可以用佢過去10年平均,大約HKD0.09。
合理價︰HKD0.54 - 0.72。
但要留意,通達集團(0698),只是不過不失。
佢主要從事電器產品(包括手機、手提電腦及其他電器產品)零部件生產;為電子產品及電器提供金屬外殼及其他五金部件;及提供塑膠機頂盒及生產體育產品。
現價計係偏平,但由於質素只係一般,唔值得持有太多,勉強可長線。若40000股只係佔你成個組合,一個好低的比重,你照持有係可以。否則,當有反彈,就要再沽多少少。
------------------------------------------------
Q22413:
老師,其實etf回報係唔係理應回報多過投資個股? 我見差唔多全部etf股價都係步步向上,好似無邊d係大起大落 或者 長線向下? 想問下呢個係ETF特性?
問題二. 想請問下一我地係咪應該買ETF好過買個股? 一般人理應唔會下下買中倍升股,但係etf就基本上股價係一直向上? 長線好小跌?
謝謝你的寶貴意見
龔成老師︰
1) 唔一定,因為ETF係一籃子優質企業,可以係追蹤一個股票市場、一個行業、或者特定產品(如黃金)。
以盈富(2800)這隻較為人所熟識的ETF為例,佢係追蹤恆生指數,等同買入58間優質企業。
但當中有潛力股,有平穏增長股,也收息股。若你用當中的比亞迪(1211)為例,佢近2年一定係跑嬴盈富(2800)。
但如果你用中國人壽(2628)做比較,佢就明顯係跑輸恆指。所以,ETF唔一定係跑嬴個股。只係佢較有風險分散能力,令個整體回報相對穏定。
2) 如果你係初階投資者,不懂選股,但又睇好個別市場,ETF就會係一個唔錯選擇。
因為佢係一籃子股票,就算當中有些股票,表現未如理想,但只要大市或者相關行業係正面發展,你都會享受到成果。這就是分散風險,有利之處。
當然,如果你係買中一隻較具潛力的企業,升幅係有權優於ETF。但若投資個股時,你選擇錯誤,係可以大市/行業升,但你個隻跌。
------------------------------------------------
Q22414:
龔成 我係你fans 有買你啲書 亦曾經係你股票班學生 不過喺度好想同你講聲對唔住 我覺得自己好似辜負咗你咁 因為你當初教嗰套信念我無好好記住
搞到依家由賺錢變倒輸 初初我齋買港股都好哋哋 後尾學人買美股 賺咗少少之後就開始心雄 再玩埋沽空 結果依家輸到損手爛腳 我好嬲我自己
當初嫌你嗰套賺錢慢 於是就不知不覺好似走咗入賭場咁 仲要唔識走 越賭越大 到依家諗返轉頭 原來你一路教嗰套先係最穩陣 雖然唔會一夜致富
但最終一定有收成 依家我down得好緊要
近排工作 前途 甚至依家股市 無一樣嘢順利 好似時不與我咁 唔知點樣走出呢個困局…
龔成老師︰
其實,有唔少人都會因為短炒成功幾次,就會心雄,只後走上短炒之路。這就是點解我成日Q&A度提讀者,以前做證券行個陣,見短炒個班,可能會短期賺,但長遠都係輸晒架原因。
我地投資要成功,除了要學好一套投資方法外,經驗、自律性和心理素質,都係同樣重要。
有些人,本身心理素質好穏定,可以好好地操作個長線投資計劃。有些人,要好像你有一樣,要有所經歷才會明白。但重點係,這2種人最終都會走到財務自由之路。原因是,他們都"學懂"了。
你現時才34歲,依然很年青,只要你現時開始用正確方法,去創造你財富增值組合,係一D都唔遲。
而且,你比其他人經歷更多,對未來操作"真正"大升大跌市時,你心理上優勢,係會更加明顯,這都對你長線投資有利。
所以,你現時要做,就係收拾心情,做你應該做的事,一切自然慢慢會好。加油!!!
------------------------------------------------
Q22415:
老師,我手持幾隻蟹貨,可唔可以strong hold 牙?
3692 $33.1 2000 shares
2160 $16.7 5000 shares
1913 $55.5 500 shares
873 $24.7 3000 shares
謝謝
龔成老師︰
持有與否,你要睇翻企業本身有無質素。如果無,就算唔係蟹貨,係賺緊錢,都要減持,甚至係沽出。
微創心通醫療科技(2160)和翰森製藥(3692)不確定性較高,近期中央相關政策,令佢地風險高左,故暫時不要再加注。
普拉達(1913)有質素的。
佢係全球時裝及奢侈品集團之一,透過Prada、Miu Miu、Church’s 及Car Shoe品牌,從事設計、生產、推廣及銷售高級皮具用品、成衣及鞋履,以及透過特許協議提供眼鏡及香水。
有一定的品牌價值,但都較受經濟週期情況,你預佢中短期都會較波動,這股有長線投資的價值。
世茂服務(0873)由世茂集團(0813)分拆上市,業務有(1)物業管理服務(2)社區增值服務(3)非業主增值服務。
睇翻佢過往的財務數據,基本上都正面,業務不差同時有增長力,不過上市年期不算耐,因此參考價值會減。
股價上落較大,要注意風險。這股都有質素,有長線投資價值。
------------------------------------------------
Q22416:
龔sir, 睇而家個勢6088同788前景如何。6088坐緊3.48,788坐緊1.44
1858之前40入跌到20放埋一邊冇理到 點知前排彈咗一彈上30 好後悔冇溝 係咪繼續坐吓等
龔成老師︰
唔好用買入價,去決定是否持有一隻股票。我地要睇的是企業質素,只要佢有長線投資價值,中短期帳面虧損,唔係咁重要。
IT HON TENG(6088)質素中等,雖然都有投資價值,但企業不是最高質之列,因為企業的賺錢能力始終唔算好強,每件產品賺錢唔多。
同時業績有回落情況,不過,這股始終不是無質素,但預期長遠的增長力只是中等。若你持貨不多,可以守。
中國鐵塔(0788)質素無大變,但你預佢增長潛力同幾年前相比,會係弱左。整體而言,都有長線投資價值。
春立醫療(1858)長遠有發展的,但本身佢股價和盈利,都係較大上大落。你現貨照持有,只要唔係佔組合太重比例,咁就可以。
------------------------------------------------
Q22417:
老師點睇1024快手?佢差唔多每曰都跌,有投資價值嗎?現價$142是否仲係貴既水平?
問題2,另外今個月開始每月會買1手你書中介紹的潛力股1833(平安好醫生),用老師上堂教的估值計是合理價,現價吸引,會持續1年至2年買入,佢升到咩價位應該停買?
想問請如何操作?老師又覺得e家1833是處於咩水平?
龔成老師︰
1) 快手(1024)之前貴,現價開始合理,大致在合理區中上至頂。近期受大市和中央政策風險所影響,有較大回調,但本質上無太大轉變,有貨可照持有。
2) 平安好醫生(1833)長遠有發展力。
佢係中國領先的一站式醫療健康系統平台,透過「移動醫療+AI」,為每個家庭提供一位家庭醫生,為每個人提供一份電子健康檔案、一個健康管理計畫。
平安好醫生係中國互聯網醫療健康市場的先行者,以平均月活躍客戶,以及在線諮詢量計,是中國最大規模的互聯網醫療健康平台。
企業的業務有潛力,本身有優勢,大環境的配合,都成了這企業的機遇,前景正面,不過財務數據未算好理想。
雖然長遠的企業價值向上,但股價在中短期,可以十分波動,因為市場以「前景」作估值,故此變化必然很大。好難得出平貴的準確數,只能估估下,作參考。
因此,低風險者未必適合投資,若投資者考慮這股,亦不能大注投資,買入後就耐心長線持有,等待這企業改變整個行業的情況,現價算合理區中間位。
但好波動,你每月買1手,去平均個價格,係可以。但此股始終不確定性較高,不宜佔組合太多。
如果一個月買一手,會令佢佔你組合比例過重。你可以更改為月供,或者隔開多少少,例如每2,3個月才買一手,去平衡。
------------------------------------------------
Q22418:
龔sir,我有個理財問題想請教你,我手上有兩個物業出租,一個已經供完每月收租金$11500.00,
另一個仲有20幾年要供,每月租金收入$12500.00,租金可以cover供款和物業管理費等支出。
我的問題係我自己住的單位是租的,每月扣除租金收入後還需要付$20500.00。
我上完你初階股票班後一直思考,我係咪應該把手頭上兩個出租物業賣出,先幫自己買入一個自住用的物業來減底支出呢?
謝謝!
龔成老師︰
其實都唔一定,因為香港買賣樓宇成本唔細,你這個變動,可能要用你唔少錢。你可以主要考慮翻,邊個方法可以令你有更在資金空出,作投資增值之用。
如果你現時置業,反而令你每月投資優質股資金少左,其實係成個配置角度,就未必值得咁做。
當然,長線計你照好都持有一個適合自己長線生活需要的物業,但唔需要過急去進行。
你現時持有2個物業,若都有一定質素,你可以照持有,用佢地來資產追資產,平衡樓市波動的影響。
另一邊,你繼續用優質股去增值,到你可以做到買自住樓之餘,又可以保留一定優質股(最好可保留一間收租物業),才去出手買自住樓都未遲。
------------------------------------------------
Q22419:
1) 也想請問你1093, 《50值博倍升股》中亦提及此股能穩中求勝,請問此股的便宜區是多少?
2) 1297的便宜區是多少?
3) 你的著作《50值博倍升股》中提及1181是穩中求勝之選,請問此股的便宜區是多少?
4) 《50值博倍升股》中提及1458成功打開了一片藍海,請問此股的便宜區在哪?
5) 《50值博倍升股》中提及1373是穩中求勝之選,請問此股的便宜區是多少?
6)《50值博倍升股》中提及868是穩中求勝之選,請問此股的便宜區是多少?
7) 讀完仍的《50值博倍升股了》,但發現很多股票已升了很多,如果現時從書本中選一隻,你會選哪一隻?
8) 想問根據過往數據,本港樓市平均每年會上升多少?(樓價、租金分別上升多少?)我已在書中找到了。
9) 想問現有哪隻優質潛力股已跌至便宜區?
龔成老師︰
1) 石藥集團(1093)現價算合理區上部,要平宜區,要有好大幅回調,接近回一半才到。
2) 中國擎天軟件(1297)規模較細,以及行業存有風險。此股較難做個穏當估值,如你想投資,現價都有投資價值﹐但要控制注碼。
3) 唐宮中國(1181)現價計,你預回多3,4成,會開始到初步平宜區。
4) 周黑鴨(1458)雖然近期回落唔少,但都仲係偏貴,你預佢真係有好大跌幅,去有機會進入平宜區。
同埋,其股都有一定風險,不宜大注。
5) 國際家居零售(1373)你預跌在多2,3成,才算係初步平宜區。
6) 信義玻璃(0868)過往一段時間,累積了不少升幅,就算合理區,都要有一個明顯大回調才會到。所以,暫時唔好入市住。如果真係想入,最好用月供去儲貨。
7) 我會選中生(1177)和信義光能(0968),2隻雖然只在合理區上部,但本身質素較高。故在當中,值博率會係較好的2隻。
但由於現價唔平,只宜小注,等有明顯回調,才正式入市。
8) 過往數據,你可以作為一個參考。但更重要,你應著眼面前轉變、房屋政策、樓市供求問題。未來預期,香港中短期房屋都係維持供不應求。
再加上,近年多國政府都用量化寬鬆政策去救市,令市場資金大量增加。所以,可預見的將來,樓價都會維持上升。
9) 沒有,其實高質素的潛力股,極少跌到平宜區。所以你唔好諗住平宜區先入,要係合理區就開始分注,如果唔係,好機會錯失入市機會。
------------------------------------------------
Q22420:
老師,我睇返中國銀行和中銀香港每年既股息增長率,中國銀行既股息增長比較快,而家中國銀行呢個價位股息有8厘,如果股息再增長股價必定有影響,那投資中國比行不是比中銀香港好嗎?
同埋我想問如果我想查返中銀香港10年前既股價可以係邊到查詢?
同我想問通漲對阿里巴巴,騰訊,香港中華煤氣,同中銀香港會唔會有影響,我照你推介已買入呢四隻股票,之後仲想入d香港電訊同置富
龔成老師︰
我地唔可以單憑派息增長力,就去判斷一個企業情況。無錯,當中行(3988)股息再上調,有機會令股價再上。但
但始終中行(3988)本身已經好大間,加上佢業務上發展比中銀香港(2388)細,故增長力預期會較弱。
以你3X歲年紀,應該集中係財富增長上,故中銀香港(2388)會較為適合。
至於你想睇10年前股價,你可以去YAHOO財經,或者睇各個財經網的圖表,都會有。
阿里巴巴(9988),騰訊(0700),香港中華煤氣(0003),同中銀香港(2388)都係有質素的企業,長線都會跑嬴通漲,你長線持有就可以。
至於指數基金都係適合你,但香港電訊(6823)只係收息股,增長力不高,不太適合你這個年紀。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有12部Youtube影片,追蹤數超過4萬的網紅李根興 Edwin商舖創業及投資分享,也在其Youtube影片中提到,【龍豐沽舖 - 9分位!】第2091成交(堅-註冊) 今日曝光註冊。超平超靚位!龍豐藥房老闆謝少海最近沽好多舖, 龍豐自用地舖,上水新康街超超超旺位 sold 6000萬,超平! 平市值3成? 這間舖市場上應該是暗盤,沒有公開積極地被推售過。 地址是上水新康街98號地舖 Confirmed 600...
靚便可遇不可求 在 Facebook 的最佳解答
[MV幕後花絮] 最多人問躺在大石那幕好像很危險,是怎爬上去裙怎換?
導演乃攀石達人,她先探路,團隊也保護我上去才離開🙏🏻 自己以前亦練過這項運動所以不用擔心,但是大家別偷偷亂試~有挑戰性的不是爬而是要懶舒服,因為那時雨下得最兇,要用力平衡身體和緊閉雙眼,如果仔細留意那面容是扭曲的👽 至於裙,既然著旗袍鬥波也可以,手一抽沒甚麼不行💃🏻
另外取景大自然是否因為熱愛大自然?
絕對有關。這個也要謝謝 @pforpingg 素未謀面只聽歌便懂我;當年我是想著好幾個平衡題材去貫穿《塵》的創作,最後用了聽起來較浪漫的stardust作demo名稱,其他storyline包括山石塵埃就銷聲匿跡。那天whatsapp播著她説聽到歌詞取材大自然,音樂是個cycle,聯想到石頭經歷weathering的解讀,我不禁感動落淚 (也嚇壞餐廳侍應🤡)。出歌路上幸運地能夠和不同叻人共事,遇上「知音」卻算是第一次。我很清楚這是可遇不可求,亦深深體會到the universe works in ways and at times when you least expect it to 🌌 #thankyouuniverse
有朋友以為是刻意捕捉雨天拍攝朦朧氛圍,一切巧合罷了;相反,要解決的問題當然不少。坦白說,起初頗擔心大家會否太吃力而曾考慮改期,但是看到他們只顧盡善盡美的熱血模樣,我亦放心做自己搏盡😭🔥 謝謝團隊黃雨下仍然決定照去,也辛苦後製,成品出乎意料地唯美非必然~
特別謝謝陪我一起監製的 @jasminetsc 壓力爆煲到懷疑人生之際幸好有你❤️❤️❤️❤️❤️ 今次拍片穿針引線,靚裙靚石多才多藝,力大無窮同時溫柔體貼再下刪一千字......總之,在心中。
最後,謝謝自己肯成全自己。
📸 @jhimisfunny @jimi_law @chttttterrorist
#結果都幾長氣
#因為太深刻了
#已經盡量縮短
#睇到呢度真心多謝你同恭喜你
#排版終於完畢之後可以po其他嘢啦
#音樂製作同感想會唔知幾時作最後解構
靚便可遇不可求 在 金成 Facebook 的最佳解答
【這是一場甘苦與共!】
(2016年舊文。至少應驗了「前面有幾多意外幾多厄困沒有人知」。)
自己是黎明粉絲,屬於麻甩理智型,即是他好靚仔時我會說他好靚仔,他水腫時我會說他水腫,他唱歌好聽會說他唱歌好聽,他跳舞求其我也會說他跳舞求其。
四大天王那時代,把黎明的五官拆散比併,應該會輸盡給劉德華郭富城,只贏一個張學友,偏偏合起來時,除了有時水腫,他的樣子可以霎時間靚仔得散發仙氣(呢個形容係有私心),而且客觀事實四人中他最高大,穿衣品味最好,他行出來英俊瀟灑的台型具有壓倒性。有可能是誇張記載:九十年代黎明最早攻佔韓國市場,據說他當年掠奪韓女芳心之哄動,不下於今天宋仲基掠奪港女們的程度。劉德華的靚仔向來公認是香港隊代表,只有黎明可以挑戰他而沒有處下風,他們的粉絲鬥得最天崩地裂!
黎明高大也有壞處,是跳舞不容易好看。這樣方面郭富城當然最強,但你看過張學友的演唱會,他跳舞的韻律和難度幾乎迫貼郭富城,可以知道他下了超強苦功。黎明呢,他最公子最貴氣,四天王的體能操練他應該最懶,跳舞亦明顯「求其」。有年又是TVB種的禍,甚麼勁歌總選,竟然要求他們四人一分鐘鬥舉啞鈴,不要以為郭富城大隻,劉華在鏡頭前那種拚搏牛逼不用多介紹,他一分鐘五十下,郭富城張學友死谷各接近四十,只見黎明真心求其舉,結果他應該僅及三十下。或者可以說,他看自己很準,他的有型從來不是來自大動作,於是早期唱〈我的親愛〉,雙手隨便練習幾下炒飯手勢,雙腳一時內八字一時外八字反來覆去翻動幾下,賣個傻痴痴的萌笑,問候聲:「May,你點呀!」粉絲們已經心滿意足。
黎明沒跳舞運卻有歌運,他曾經演唱〈對不起我愛你〉走音被笑足四份一世紀,然後他明白知恥近乎勇,他有努力練歌,後來遇上連串廣告歌從〈那麼有一天不想妳〉、〈情深說話未曾講〉等都唱得讓人刮目相看,成為九十年代香港最輝煌印記。他有很多歌的流行程度,甚至迫貼張學友。大概他成熟了,醒悟從前裝可愛扮天真去得太盡,四十幾歲男人老狗不可能再沒技巧賣萌地跳〈我的親愛〉,於是索性任何慢歌快歌都站得耿直,他的士兵式站姿簡直破壞所有快歌的第一傳,今天他唱〈我愛Ichiban〉時屁股作二十度搖晃已經是天大賞賜,結果開始有人埋怨,他在訪問也承認自己演唱會有點悶,於是今次換場地玩4D,結果惹了禍,同樣也成為考驗黎明成了超天王的契機。
張學友那張臉本來最能經歷風霜,劉德華到今天仍像牛般頑強謹慎,他的臉和鼻和身體都以零脂肪起角見稱,郭富城也超勤力,鑽研演技和溝女的操練從沒間斷,五官保持精緻銳利。如果以五十歲男兒計,最早退出江湖的黎明可能是最不襟老那位,近年看他,臉容有時浮腫厲害,五官也失卻過往神采。上天明顯仍眷戀黎明,他沉藉多年水腫多時,開唱片公司捧人成績不過不失,本來最好的衞蘭,操練體能方面跟他一樣隨心所欲,不願控制自己體重。但他變得很會說金句,其實四大天王沒有一位幽默,黎明只是完全放下偶像身段,不再顧忌說內心直話,直到用北京話直譯廣東話咁直。
從他三十年幾乎沒變的髮型和西裝畢挺,從他一直在四大天王中往往顯得離群獨處,可知道他是位個性超強的人,他的金句往往由衷而發,含金量極高,因為夠真心因為夠突然因為去得夠遠,所以笑死人。今次黎明演唱會每天都在逢迴路轉,他反而貼地應戰。他可以不化妝,頭髮還殘留cap帽柒印的狀態,便誠意滿分地拍片為場地問題解說一次又一次,然後把責任放在自己身上,有新鮮難題,他提出新鮮解難方案。這時候,你會發現黎明已經盡褪從前的脂粉和傻笑,沒以往英俊秀氣,卻變成一個隨心所欲型到爆烈和很會用臉書的中佬。
人和人好簡單,我們曾經這樣愛你,只要你真心努力過,遇上難題碰上困境,只要你坦誠告白,沒學那些官員玩語言偽術,香港人幾時輕易離棄你。你的演唱會要取消便取消吧,要拆帳蓬冇4D就拆帳蓬冇4D,入場混亂排隊要排兩個鐘就排兩個鐘,落雨照頭淋就照頭淋,唱唱下個電幕故障上不上去,你要朗誦歌詞便朗誦歌詞,你係鍾意唱快歌唔排舞便繼續唱快歌唔排舞。
我們喜歡你廿幾三十年,前面有幾多意外幾多厄困沒有人知,只相信黎明不會老點你,有事他會站出來拆掂,要金句有金句要膊頭有膊頭,於是歌迷大眾條氣會順,於是幾多甘苦都願意與你共同渡過,反過來更擔心黎明壓力太大食不飽睡不甜。香港人真係好易商量好易管,要把香港管到現在這種怨氣沖天的狀況,真的要好柒好Seven的領導人才做得到。題外話,同期開演唱會的林峯的鋒頭難免被蓋,接受訪問時他表示沒有看黎明演唱會新聞,記者又抵死,追問「而家我咪話俾你知!」,他只答了一聲「哦!」很明顯他沒有金句胸懷,個人亦懷疑吳千語可能曾經表態想睇黎明,所以他有少少介意。
靚便可遇不可求 在 李根興 Edwin商舖創業及投資分享 Youtube 的精選貼文
【龍豐沽舖 - 9分位!】第2091成交(堅-註冊) 今日曝光註冊。超平超靚位!龍豐藥房老闆謝少海最近沽好多舖, 龍豐自用地舖,上水新康街超超超旺位 sold 6000萬,超平! 平市值3成? 這間舖市場上應該是暗盤,沒有公開積極地被推售過。
地址是上水新康街98號地舖 Confirmed 6000萬 sold by 龍豐謝少海。建築約1000呎,舖闊16呎,深50呎。
原業主地舖於2006年1月用1700萬買入。
閣樓 also sold 738萬,謝氏2006年1月以167.5萬買入。
地舖連閣樓,合共以6738萬沽出。
2006年合共以1867.5萬買入。2020年11月3日簽約。傳出工商舖減辣消息(11月10日)前簽約。沽得太早了?
新買家劉xx。我唔識佢, but good price. 上年反修例前的話, 這間鋪值超過一億。跌了一半! 重災區, 但可遇不可求。
剛特登去上水睇了謝少海間舖, 真係好靚。 雖然間藥房依家無人幫襯,間舖依然好靚?
(Note: 睇舖同睇老婆是相反! 睇舖是睇外表,唔使理咁多入面係乜。換個租客就得。睇老婆是睇內裏, 情人眼裏出西施,老婆自己覺得靚就得? .... 內裏你唔會改到佢!)
... speaking from experience ?
這間舖近上水龍深路,最旺段,舖型四正,超靚超靚超靚位。 唔明點解謝少海要現在咁差的價錢沽出。 只要下年通關, 這間舖輕易賣近一億。 真係好大間好靚??
旁邊88號舖 Veeko, 位差好多,細間啲,上年3月都成交了1.175億。 按此成交價推論,Veeko 今日今時只值約4800。跌了6成?。
https://youtu.be/7wuKoAWGGtQ
由於我2024年前原則是只買五千萬以下的街舖, 我沒有考慮這一間。 但如果我可以買的話,我都會買。中長線好難輸。
恭喜買家 .... 劉xx! ?? 高手! 9分位。
。。。。。。。。
我剛開始成立個 Whatsapp Private Message List (Not group) 。如你想知道多些最貼市的商舖資訊及我個人分析,可以whatsapp我 (+852) 90361143,我可加你入 《李根興「堅堅流流」商舖資訊》 private message list。??
好多嘢唔方便公開講。
李根興 Edwin
www.edwinlee.com.hk
![post-title](https://i.ytimg.com/vi/U4qiNhf2ZxY/hqdefault.jpg)
靚便可遇不可求 在 Smart Travel Youtube 的最佳貼文
#平買貴用 #屯門 #12元店 #兆禧新店 #Aeon #aeon必買香港 #必買推介 #屯門 #幻愛 #屯門美食 #屯門碼頭 #必買推介 #兆禧新店#livingplazabyaeoN #屯門之友 #屯門兆禧苑商場 #兆禧苑 #staycation
【屯門】【創業故事】|兆禧食坊|抵食多選擇必食推介+Aeon Living Plaza
Hello大家好 ,我叫阿Tsar,
上一集我介紹了屯門最近新裝修的兆禧食坊,裏面的Aeon Living Plaza
你們似乎都好鍾意看我介紹這些生活家品
遲些讓我介紹多點吧, 今集就帶大家去看這條新食街
最近大家都有提及幻愛這套電影
兆禧食坊就正正是幻愛電影裏面其中一個場景屯門碼頭附近
所以大家如果有機會來到屯門碼頭打卡
一定不可以錯過這個新的美食街,兆禧食坊
裏面有十幾間食店, 店舖營業到凌晨12點
除了好多小食之外 ,價錢亦相當便宜
最重要是好好味,影片不是廣告,全部都是自費和真心推介
當中我會重點推介三間我食過的店舖
亦跟裏面小店的老闆傾談
向他們請教一些創業故事,Are u ready?
第一間要介紹給大家呢,就叫做日本驛和食
這裏有好多食物一流,皆因老板並非普通一個屋邨小店的廚師
我直情覺得他是隱世街坊廚神, 不如讓你聽聽他的創業故事吧
聽講你在逆市創業喎 ,不如跟大家講下你的奮鬥故事吧
疫情期間, 我覺得出面市道比較差, 如果去打工
分分鐘會有給人炒的機會,所以我就思考長遠些
當時我已經跟了兩位日本大師學廚,
他們都在兩間香港的大酒店工作
他們在中環開了一間高級日本料理,我就負責日本和食部分
他們都是很有經驗的名師,曾經拿了米芝蓮餐廳獎項
我見到他們在日本也有攞獎,因為他們真的很有料子
所以我就好勤力好勤力跟他們學習,得到他們兩位師父讚賞
你在這個行業工作多少年呢?差不多20年了
一直都有跟不同的日本人學師,隨後亦得到很多食客的讚賞
客人鼓勵自己開舖, 好想吃我的手藝
所以就一直策劃,之前開過兩間,但因為太貴租
直至遇到這個地方,主力做和食,沒有刺身和壽司
為何只做和食呢?因為我想親力親為做食物
就可以確保食物的質素和品質,亦可以用平民的價錢
提供給食客,可以品嘗到日本地道的風味
店內所有醬汁都是自己調配,”
聽完阿水哥講之後, 我起初order店裏面的食物
是用一般食客的心態去試下啦,
問他鎮店之寶是什麼, 他介紹了一個牛肉香味燒溫泉蛋飯
當我付了錢43hkd, 坐在店舖前面有幾張凳,付完錢
驚喜就嚟啦,首先43hkd一個和食便當,
我沒想過原來有包括味噌鮮菇素菜湯的,
價錢實在是超平,當我打開個蓋
我品嚐第一口湯,驚喜更甚,湯好鮮甜
好有鮮菇鮮甜味,我夠膽說,如果這個價錢,
就算在日本都未必飲到那麼鮮甜的湯, 你看著我付錢吧
我不會為了幾十hkd幫人賣廣告㗎,是真心話來的
不愧水哥曾經在米芝蓮日本餐廳做過
讓我試試個飯先,你見到牛肉好juicy
望落去亦都肥瘦均勻, 食落口好有牛味
原來他們是用新鮮牛肉、再加一些新鮮的洋蔥去炒
洋蔥都是甜甜的,再加上紅色這個是日本福神漬
將它砌得好靚 ,除了令到食物賣相upgrade了之外
福神漬的酸酸甜甜,可以中和牛肉的肥膩, 簡直一絕配
篤穿的溫泉蛋,那種流心混合那好有米香的珍珠米飯
這個菜如果在中環一間普通餐廳吃,沒150hkd你都吃不到
我回家上網搜查資料,原來水哥兩位日本師傅
就是鼎鼎大名佐藤先生及竹内先生,
他們是香格里拉酒店總廚及大廚日本名師
其中一位鼓勵他自己開舖的客人就是唐英年先生
43hkd食到大酒店師傅的手藝,不用説都知是物超所值啦
有麝自然香 ,你看看那些街坊都排曬長龍呀
還要店舖裏面的食物,全部都是即叫即整嘅
確保出來食物的水準是非常之高超
老實說,我現在剪緊片,都好懷念他的食物手藝
真的好好食,另外又有這個叉燒溫泉蛋黑松露飯
我不知你們隔住個mon,聞不聞到那個黑松露味呀?
我就聞到啦,超香呀!
咖哩豬扒飯,出面脆,入邊還好juicy,切落去sok sok聲
他們的咖哩汁是分開上 ,所以如果你外賣
不會驚汁令到個豬扒淋了, 雖然可能有些人覺得不是那麼環保
又要用多個盒, 但這就是水哥對食物的要求
希望你打包回到家, 食物質素仍能保持得那麼好
咖哩豬扒飯,都是送鮮菇味噌湯,46hkd
做個鰻魚飯,都是自己加了心機炙燒過的
另外有火炙鰻魚玉子熱狗32hkd,超級抵食
咖哩牛肋肉飯 、店舖裏面所有都是水哥秘製醬汁
所以經他調配的咖哩是會比較甜甜地 ,
太不辣, 連小朋友都食得㗎
再來過日式芝士年糕,外脆內軟
成間舖頭的食物最平有13hkd去到最貴50hkd(6/9/2020)
就可以享用到曾經在米芝蓮大酒店餐廳做過水哥的手藝
我真是無話可說,物超所值!
這條街有另一間又是好好食的,叫做「小英滷肉」
這裏最出名就是肥而不膩風味的鹽酥排骨肉燥飯,
排骨經過秘製的醃法 ,不含味精, 外皮金黄酥脆,
肉質鮮嫩濃郁, 燥肉具有彈性,能夠釋放出膠質
肉汁能夠融入米飯中,香味四溢、齒頰留香
還有這個蔥油拌麵, 不要輕看它樣子平平無奇
其實下了好多心機苦功去煮的, 採用了古法低溫慢火煉製的蔥油
視覺上呈現金黃色澤,濃郁的蔥香,口味素雅樸實,
麵條吃起來超有彈性,另外他們的肉燥飯亦都是水準一流
店裏面是台灣滷水汁,亦是店舖的靈魂之一
台灣有所謂一滷入魂, 你就是必須要知道熬出來的學問
能夠做出那麼優秀的食物,並非偶然
我跟老闆小英傾談過,言語間得知她跟店裏其中兩位員工
以前曾經幫小英打工有20年之長,小英其實已經退休了
退休的生活百無聊賴,小英突然喜歡了研究美食
小英不時煮給她的家人和員工品嚐
當中小英就研究到台灣滷肉美食,
剛剛男員工又好鍾意去台灣旅行,嘗盡好多台灣嘅美食,
所有吃過小英煮的台灣滷肉飯,親戚朋友都讚不絕口
之後這兩位舊員工就一齊幫阿小英一起去研究 ,
直到他們覺得好食到有信心做生意去賺錢
最終就在今年6月在兆禧食坊成立了這間小店小英滷肉
當日我在小英店舖跟她傾談,人客的order絡繹不絕
有些是前來店鋪外賣 ,有些是經過foodpanda、 Uber eats
等等的apps去落order, 除了我試過這間店舖的美食之外
另外一樣令我好驚喜的, 就是見到三個人好合拍
試想想,天下間得一知己死而無憾
但是你找到兩位舊員工跟你赴湯蹈火
我見到他們三人並不似僱主關係, 直情好像一家人
大家好像兄弟姊妹一樣那麼親切和合拍
這個除了是緣份之外 ,我相信都是跟阿小英待人處世有關
其實早在我未行到去她店鋪之前,
遠遠已經見到這位女士好親切的笑容對待她的顧客
之後我跟小英傾計時,我將我所見到的事告訴她
她解釋, 因為這裏做街坊生意 ,大家好像一家人
之後我再見到她跟兩位夥記的相處,
我更加深信小英的待人處世是好值得人尊敬
畢竟她的夥記跟她相處了20年 ,今時今日仍然能夠維持一種互勵互勉
你見我現在就稱呼兩位是她的夥記,其實在小英口中兩位是同事
足見得這位老板的胸襟和謙卑,待人誠懇
由小英的創業故事得知,在她身上發生的天時、地利、人和
並非一朝一夕發生的,
我希望這條影片向這三位真誠努力不懈的香港人致敬
祝你們三位心想事成、分店越開越多。
大家食完飯想滋潤一下,就要來這間甜點糖水坊
我一向好少食甜的,我在吃甜方面是非常之厭尖
但見到這家店鋪的相片吸引到我
這個叫幸福八寶,裏面有四色芋圓、小丸子、紅豆
蘆薈、椰果、椰汁西米、爆爆珠、仙草涼粉
呢碗糖水嘅顏值相當高,淨係見到色彩繽紛已經令人有一種興奮嘅感覺
芋圓咬落去好煙韌,爆爆珠粒粒咬落去酸酸甜甜好開胃
唔會因為我頭先食飽飯而飽飽濟濟
椰汁西米非常之清熱,涼粉非常之爽滑、紅豆煲得夠淋軟
這個簡直是一個Q彈甜美有顏值,好內涵的糖水
夠足料, 吃完有一種好幸福好圓滿的感覺
亦推介這個店舖的珍珠仙芒果紫米露
賣相非常之吸引,芒果超級新鮮
食落去好爽甜冇渣滑溜,紫米露香甜軟糯
Q彈香濃西米露,甜度剛剛好, 芒果甜味已經能夠帶出整碗糖水的鮮甜
夠自然, 夠清新, 勁好味
這位就是糖水店幸福圓圓潤的老闆,畢竟食物出自幸福人的手中
見她的笑容倍覺糖水特別甜,
兆禧食坊當然不止這三間店舖啦,
下次我再去的時候,除了會探望這三位用心調制食物的老闆之外
希望有機會可以試試其他店舖
疫症好快就會過去, 香港有好多默默耕耘做得好出色的小店
我希望在這個經濟環境咁差的日子
將你們介紹給大家,
我知道這個時間做小生意的,
經營是有相當壓力,但不要緊
只要大家繼續用心去製作每一道食物
總會有人欣賞,
最重要保持住這個兆禧食坊的主題
保持住笑嘻嘻的心情,面對每一天
日子一定會覺得越來越好
大家看完影片, 記得幫我用whatsapp和facebook分享出去
留個表情符號以示支持, 下一集我會有更多好的介紹給大家
雖然去不到旅行, 但其實香港都有好多人和事值得我們去深入了解
發掘他們的優點, 就像如果不是幻愛這套電影
我們都不知道原來屯門是那麼美的, 你們看過電影幻愛未呀?!
前回のエピソードでは、イオンリビングプラザ内のトゥンムンに新しく改装されたシウヘイフードスクエアを紹介しました
皆さん、私がこれらの家庭用品を紹介するのを見てみたいです
後でもっと紹介しましょう。このエピソードでは、この新しいフードストリートを見ていきます。
最近、誰もが映画「ファンタジーラブ」について言及しています
Zhaoxi Food Squareは、ファンタジー映画のTuen Mun桟橋近くのシーンの1つです
なので、みんながトゥンムンフェリーにチェックインする機会があれば
この新しいフードストリート、Zhaoxi Food Squareを見逃してはなりません。
中には十数軒のレストランがあり、朝12時まで営業しています
たくさんのおやつに加えて、価格もかなり安いです
動画を宣伝するのではなく、すべて自己資金で心からお勧めします
中でも食べたお店を3つ紹介します
店内のオーナーにも相談しました
それらにいくつかの起業家の話を聞いてください、あなたは準備ができていますか?
成為這個頻道的會員並獲得獎勵:
https://www.youtube.com/channel/UCIuNPxqDGG08p3EqCwY0XIg/join
請用片右下角調4K睇片。
![post-title](https://i.ytimg.com/vi/WCh5jvBs6YU/hqdefault.jpg)
靚便可遇不可求 在 Smart Travel Youtube 的最佳解答
#平買貴用 #屯門 #12元店 #兆禧新店 #Aeon #aeon必買香港 #必買推介 #屯門 #幻愛 #屯門美食 #屯門碼頭 #必買推介 #兆禧新店#livingplazabyaeoN #屯門之友 #屯門兆禧苑商場 #兆禧苑 #staycation
【屯門】【創業故事】|兆禧食坊|抵食多選擇必食推介+Aeon Living Plaza
Hello大家好 ,我叫阿Tsar,
上一集我介紹了屯門最近新裝修的兆禧食坊,裏面的Aeon Living Plaza
你們似乎都好鍾意看我介紹這些生活家品
遲些讓我介紹多點吧, 今集就帶大家去看這條新食街
最近大家都有提及幻愛這套電影
兆禧食坊就正正是幻愛電影裏面其中一個場景屯門碼頭附近
所以大家如果有機會來到屯門碼頭打卡
一定不可以錯過這個新的美食街,兆禧食坊
裏面有十幾間食店, 店舖營業到凌晨12點
除了好多小食之外 ,價錢亦相當便宜
最重要是好好味,影片不是廣告,全部都是自費和真心推介
當中我會重點推介三間我食過的店舖
亦跟裏面小店的老闆傾談
向他們請教一些創業故事,Are u ready?
第一間要介紹給大家呢,就叫做日本驛和食
這裏有好多食物一流,皆因老板並非普通一個屋邨小店的廚師
我直情覺得他是隱世街坊廚神, 不如讓你聽聽他的創業故事吧
聽講你在逆市創業喎 ,不如跟大家講下你的奮鬥故事吧
疫情期間, 我覺得出面市道比較差, 如果去打工
分分鐘會有給人炒的機會,所以我就思考長遠些
當時我已經跟了兩位日本大師學廚,
他們都在兩間香港的大酒店工作
他們在中環開了一間高級日本料理,我就負責日本和食部分
他們都是很有經驗的名師,曾經拿了米芝蓮餐廳獎項
我見到他們在日本也有攞獎,因為他們真的很有料子
所以我就好勤力好勤力跟他們學習,得到他們兩位師父讚賞
你在這個行業工作多少年呢?差不多20年了
一直都有跟不同的日本人學師,隨後亦得到很多食客的讚賞
客人鼓勵自己開舖, 好想吃我的手藝
所以就一直策劃,之前開過兩間,但因為太貴租
直至遇到這個地方,主力做和食,沒有刺身和壽司
為何只做和食呢?因為我想親力親為做食物
就可以確保食物的質素和品質,亦可以用平民的價錢
提供給食客,可以品嘗到日本地道的風味
店內所有醬汁都是自己調配,”
聽完阿水哥講之後, 我起初order店裏面的食物
是用一般食客的心態去試下啦,
問他鎮店之寶是什麼, 他介紹了一個牛肉香味燒溫泉蛋飯
當我付了錢43hkd, 坐在店舖前面有幾張凳,付完錢
驚喜就嚟啦,首先43hkd一個和食便當,
我沒想過原來有包括味噌鮮菇素菜湯的,
價錢實在是超平,當我打開個蓋
我品嚐第一口湯,驚喜更甚,湯好鮮甜
好有鮮菇鮮甜味,我夠膽說,如果這個價錢,
就算在日本都未必飲到那麼鮮甜的湯, 你看著我付錢吧
我不會為了幾十hkd幫人賣廣告㗎,是真心話來的
不愧水哥曾經在米芝蓮日本餐廳做過
讓我試試個飯先,你見到牛肉好juicy
望落去亦都肥瘦均勻, 食落口好有牛味
原來他們是用新鮮牛肉、再加一些新鮮的洋蔥去炒
洋蔥都是甜甜的,再加上紅色這個是日本福神漬
將它砌得好靚 ,除了令到食物賣相upgrade了之外
福神漬的酸酸甜甜,可以中和牛肉的肥膩, 簡直一絕配
篤穿的溫泉蛋,那種流心混合那好有米香的珍珠米飯
這個菜如果在中環一間普通餐廳吃,沒150hkd你都吃不到
我回家上網搜查資料,原來水哥兩位日本師傅
就是鼎鼎大名佐藤先生及竹内先生,
他們是香格里拉酒店總廚及大廚日本名師
其中一位鼓勵他自己開舖的客人就是唐英年先生
43hkd食到大酒店師傅的手藝,不用説都知是物超所值啦
有麝自然香 ,你看看那些街坊都排曬長龍呀
還要店舖裏面的食物,全部都是即叫即整嘅
確保出來食物的水準是非常之高超
老實說,我現在剪緊片,都好懷念他的食物手藝
真的好好食,另外又有這個叉燒溫泉蛋黑松露飯
我不知你們隔住個mon,聞不聞到那個黑松露味呀?
我就聞到啦,超香呀!
咖哩豬扒飯,出面脆,入邊還好juicy,切落去sok sok聲
他們的咖哩汁是分開上 ,所以如果你外賣
不會驚汁令到個豬扒淋了, 雖然可能有些人覺得不是那麼環保
又要用多個盒, 但這就是水哥對食物的要求
希望你打包回到家, 食物質素仍能保持得那麼好
咖哩豬扒飯,都是送鮮菇味噌湯,46hkd
做個鰻魚飯,都是自己加了心機炙燒過的
另外有火炙鰻魚玉子熱狗32hkd,超級抵食
咖哩牛肋肉飯 、店舖裏面所有都是水哥秘製醬汁
所以經他調配的咖哩是會比較甜甜地 ,
太不辣, 連小朋友都食得㗎
再來過日式芝士年糕,外脆內軟
成間舖頭的食物最平有13hkd去到最貴50hkd(6/9/2020)
就可以享用到曾經在米芝蓮大酒店餐廳做過水哥的手藝
我真是無話可說,物超所值!
這條街有另一間又是好好食的,叫做「小英滷肉」
這裏最出名就是肥而不膩風味的鹽酥排骨肉燥飯,
排骨經過秘製的醃法 ,不含味精, 外皮金黄酥脆,
肉質鮮嫩濃郁, 燥肉具有彈性,能夠釋放出膠質
肉汁能夠融入米飯中,香味四溢、齒頰留香
還有這個蔥油拌麵, 不要輕看它樣子平平無奇
其實下了好多心機苦功去煮的, 採用了古法低溫慢火煉製的蔥油
視覺上呈現金黃色澤,濃郁的蔥香,口味素雅樸實,
麵條吃起來超有彈性,另外他們的肉燥飯亦都是水準一流
店裏面是台灣滷水汁,亦是店舖的靈魂之一
台灣有所謂一滷入魂, 你就是必須要知道熬出來的學問
能夠做出那麼優秀的食物,並非偶然
我跟老闆小英傾談過,言語間得知她跟店裏其中兩位員工
以前曾經幫小英打工有20年之長,小英其實已經退休了
退休的生活百無聊賴,小英突然喜歡了研究美食
小英不時煮給她的家人和員工品嚐
當中小英就研究到台灣滷肉美食,
剛剛男員工又好鍾意去台灣旅行,嘗盡好多台灣嘅美食,
所有吃過小英煮的台灣滷肉飯,親戚朋友都讚不絕口
之後這兩位舊員工就一齊幫阿小英一起去研究 ,
直到他們覺得好食到有信心做生意去賺錢
最終就在今年6月在兆禧食坊成立了這間小店小英滷肉
當日我在小英店舖跟她傾談,人客的order絡繹不絕
有些是前來店鋪外賣 ,有些是經過foodpanda、 Uber eats
等等的apps去落order, 除了我試過這間店舖的美食之外
另外一樣令我好驚喜的, 就是見到三個人好合拍
試想想,天下間得一知己死而無憾
但是你找到兩位舊員工跟你赴湯蹈火
我見到他們三人並不似僱主關係, 直情好像一家人
大家好像兄弟姊妹一樣那麼親切和合拍
這個除了是緣份之外 ,我相信都是跟阿小英待人處世有關
其實早在我未行到去她店鋪之前,
遠遠已經見到這位女士好親切的笑容對待她的顧客
之後我跟小英傾計時,我將我所見到的事告訴她
她解釋, 因為這裏做街坊生意 ,大家好像一家人
之後我再見到她跟兩位夥記的相處,
我更加深信小英的待人處世是好值得人尊敬
畢竟她的夥記跟她相處了20年 ,今時今日仍然能夠維持一種互勵互勉
你見我現在就稱呼兩位是她的夥記,其實在小英口中兩位是同事
足見得這位老板的胸襟和謙卑,待人誠懇
由小英的創業故事得知,在她身上發生的天時、地利、人和
並非一朝一夕發生的,
我希望這條影片向這三位真誠努力不懈的香港人致敬
祝你們三位心想事成、分店越開越多。
大家食完飯想滋潤一下,就要來這間甜點糖水坊
我一向好少食甜的,我在吃甜方面是非常之厭尖
但見到這家店鋪的相片吸引到我
這個叫幸福八寶,裏面有四色芋圓、小丸子、紅豆
蘆薈、椰果、椰汁西米、爆爆珠、仙草涼粉
呢碗糖水嘅顏值相當高,淨係見到色彩繽紛已經令人有一種興奮嘅感覺
芋圓咬落去好煙韌,爆爆珠粒粒咬落去酸酸甜甜好開胃
唔會因為我頭先食飽飯而飽飽濟濟
椰汁西米非常之清熱,涼粉非常之爽滑、紅豆煲得夠淋軟
這個簡直是一個Q彈甜美有顏值,好內涵的糖水
夠足料, 吃完有一種好幸福好圓滿的感覺
亦推介這個店舖的珍珠仙芒果紫米露
賣相非常之吸引,芒果超級新鮮
食落去好爽甜冇渣滑溜,紫米露香甜軟糯
Q彈香濃西米露,甜度剛剛好, 芒果甜味已經能夠帶出整碗糖水的鮮甜
夠自然, 夠清新, 勁好味
這位就是糖水店幸福圓圓潤的老闆,畢竟食物出自幸福人的手中
見她的笑容倍覺糖水特別甜,
兆禧食坊當然不止這三間店舖啦,
下次我再去的時候,除了會探望這三位用心調制食物的老闆之外
希望有機會可以試試其他店舖
疫症好快就會過去, 香港有好多默默耕耘做得好出色的小店
我希望在這個經濟環境咁差的日子
將你們介紹給大家,
我知道這個時間做小生意的,
經營是有相當壓力,但不要緊
只要大家繼續用心去製作每一道食物
總會有人欣賞,
最重要保持住這個兆禧食坊的主題
保持住笑嘻嘻的心情,面對每一天
日子一定會覺得越來越好
大家看完影片, 記得幫我用whatsapp和facebook分享出去
留個表情符號以示支持, 下一集我會有更多好的介紹給大家
雖然去不到旅行, 但其實香港都有好多人和事值得我們去深入了解
發掘他們的優點, 就像如果不是幻愛這套電影
我們都不知道原來屯門是那麼美的, 你們看過電影幻愛未呀?!
前回のエピソードでは、イオンリビングプラザ内のトゥンムンに新しく改装されたシウヘイフードスクエアを紹介しました
皆さん、私がこれらの家庭用品を紹介するのを見てみたいです
後でもっと紹介しましょう。このエピソードでは、この新しいフードストリートを見ていきます。
最近、誰もが映画「ファンタジーラブ」について言及しています
Zhaoxi Food Squareは、ファンタジー映画のTuen Mun桟橋近くのシーンの1つです
なので、みんながトゥンムンフェリーにチェックインする機会があれば
この新しいフードストリート、Zhaoxi Food Squareを見逃してはなりません。
中には十数軒のレストランがあり、朝12時まで営業しています
たくさんのおやつに加えて、価格もかなり安いです
動画を宣伝するのではなく、すべて自己資金で心からお勧めします
中でも食べたお店を3つ紹介します
店内のオーナーにも相談しました
それらにいくつかの起業家の話を聞いてください、あなたは準備ができていますか?
成為這個頻道的會員並獲得獎勵:
https://www.youtube.com/channel/UCIuNPxqDGG08p3EqCwY0XIg/join
請用片右下角調4K睇片。
![post-title](https://i.ytimg.com/vi/qGMzuWBm_a4/hqdefault.jpg)