詳情：www.nmplus.hk/770602
【#早買早享受】5個星期大嘅BB，身家已經多過我...
#新Monday #Rolex #勞力士 #Mayweather #拳王 #NM_EDC
韋達身家 在 新Monday Facebook 的最讚貼文
韋達身家 在 君子馬蘭頭 - Ivan Li 李聲揚 Facebook 的最讚貼文
［你冇睇錯］李嘉誠冇你想像中咁有錢。李嘉誠投資唔係無寶不落。
TLDR：光頭佬同Elon Musk，今年已經啤咗半打李嘉誠出嚟！連光頭佬個前妻都啤一個嘉誠！誠哥要賣幾多間鑽石廳幾多包油魚先搵到？另外，李嘉誠一樣有滔滔loss，但對佢完全冇影響
1. 呢個心靈/金融西湯環節似乎幾受歡迎，可以考慮變做Patreon，ivanliwestsoup。係喎，昨日西湯講Payme咪講過，成形梗係要monetise。例如而家newsletter 12蚊美金個月，遲下西湯亦係12蚊，然後兩個一齊要要就20蚊，幾好。支持下（https://bit.ly/31QmYj7）
2. 正題，昨日呢單都幾震憾。Bloomberg搵到個好angle（https://bityl.co/3K5y）．之前我成日貼富豪榜，有人話關佢乜事。而家咪話你知點解要留意。因為上面就係地球上最成功最有影響力最勁嘅人。
3. 大家知我唔鍾意人云亦云。列晒李嘉誠投資有幾巴閉點無寶不落，扯，度度都識寫啦，又係回帶講佢買Facebook 買Sportify。或者另一角度，講新經濟股點勁—但，升咗幾多年啦？而家先講呢啲？明明3月就人人問我老母話仲好叫人買股票你害撚死人呀仆街廢柴財演。
4. 咁，不如另類啲兩個角度？首先，李嘉誠冇你想像中咁有錢。第二，李嘉誠都成日投資選手。夠震驚未？且聽我講
5. 講第一點先，Zoom升咗N倍，但亦都不過1000億美金市值，當然都好大，但唔係Facebook Amazon嗰種級數，Right？咁所以，一隻甚至都未係標普500成份股嘅Zoom，就佔咗李嘉誠三份一身家。唔奇怪？即係，李嘉誠都唔係好有錢。當然睇同邊個比。咁梗係同全世界最有錢嗰班人比！
6. Zoom差不多係人類史上，最快由零去到1000億美金市值嘅公司，由成立到1000億市值，唔夠10年。仲快過Facebook，只係落後Google．
7. 李嘉誠早著先機，2013年拎咗8.5%股權，成本可以不計，而家就值110億美金。但，呢度已經係佢三份一身家喎。咦？即係佢成副身家，就大約係330億美金。就係咁咋。全球？頭三十都未到。香港人心目中嘅神，都不過係咁。當然都係好勁，但我未講前，你有冇諗到佢係三十名不入？（＊）。不妨問下同事。
8. 換個角度睇，全球首富亞馬遜嘅光頭佬，今年身家增長900億美金，等於啤咗三個李嘉誠出嚟！傻的嗎？仲有Tesla嘅Elon Musk，一樣係咁上下，今年已經啤多三個嘉誠。呢兩條友未到中秋就啤咗半打嘉誠！死未？仲話股災財富洗牌，係呀，佢地咪洗咗你嘅牌。
9. 冇咁痴線嘅，Facebook嘅小朱，一樣多咗一個嘉誠。就連光頭佬個前妻，分完身家，今年都啤多一件李嘉誠！佢身家係兩個嘉誠—而all due respect，只係因為佢當年畀光頭佬上咗！
10. 冇人因為睇李嘉誠傳記發達，除咗博益（都死埋），但我都有睇，所以冇發達。記得我初中，90年代初期，李嘉誠身家應該200億港紙。而家，300億美金。但，30年喎，太古城升咗幾多？佢身家增長，並冇你想像中咁多。
11. 固然佢志不在此，但我用呢個手法話畀你知，科技股如何創造財富，有幾驚人。再講一次，光頭佬同Elon Musk兩條友，一年啤咗半打李嘉誠！陰功，誠哥要賣幾多間鑽石廳幾多包油魚先搵到？
12. 仲要佢身家有三份一係Zoom喎！
13. 冇錯，因為Zoom大升，李嘉誠身家，星期三晚一晚多咗30億。但知唔知全年身家升咗幾多？答案係29億。下？！係呀，唔計星期三晚，佢全年身家仲要縮水，仲要之前Zoom都升咗好多。
14. 李嘉誠當然超勁。但正如陳七都超勁（佢唔勁唔通你勁？），但拍埋韋拿，就梗係爭啲啦！（咁當然李嘉誠同光頭佬嘅距離，冇陳七同韋拿咁遠，即係咁講）
15. 第二點，仲反智，又會畀人噓。但，李嘉誠真係無寶不落？唔係。
16. 首先，佢都買咗幾億小米，咁當然對佢嚟講係散紙（對佢嚟講有乜唔係散紙？），但買完即時潛晒水，仲畀人覺得佢只係交保護費。換著係第個，你啲網友一咗抽到維港水都乾啦。超，識唔識架你，買小米。小米後來上返水面就後話。另外，再細隻啲嘅，五龍電動車，出晒事啦。
17. 不過再型嘅，都係人造雞蛋。記唔記當年李嘉誠都好高調出嚟親身上陣（李嘉誠冇同雷軍一齊are you ok）？呢檔人造蛋做乜冇晒聲氣？就梗係香咗啦。
18. 但，有乜所謂呢？聰明嘅你知道啦，扯，嗰啲散紙嚟之嘛！佢一隻Zoom就賺返晒N咁多隻出事啦！孫正義都係咁玩法。
19. 點解睇李嘉誠你又識咁諗，睇其他人你唔會咁諗？或者睇自己你都唔會咁諗？
20. 早兩日黃國英寫篇文，非常好（https://fbook.cc/3Ewc）。你唔冒險梗係簡單，要十次有六次中，完全唔難（反正股票係升嘅多）。但，講撚咗十鳩幾次啦，你唔使放大人地每腳波每步棋每句嘢咁睇，講到尾，最後成績表就係一切。
21. 我十次輸七次都好，畀人話燈神都好，但可能贏嗰兩三次就夠冚晒啦！你睇Zoom升咗幾多倍？扑十隻一百隻公司死晒又如何？呢隻中咗，夠佢冚晒其他東西啦
22. 切記一個常識：一隻股票只能夠輸100%（好廢，但真的），但可以升100萬倍。長期睇淡嘅基本上必死，唔買亦即係睇淡，亦係慢性自殺（通脹呀小朋友）。呢個係不對稱遊戲，樂觀嘅人先會搵到錢。
23. 但講真，換著你同我，可唔可以咁？好多人都可能買中過啲十倍股廿倍股，但坐唔實，可能升兩倍走咗，或者高位跌兩成即時又話熊市嚇到瀨屎止蝕。
24. 講就人人都知，投資要有耐性。但知易行難，點解？因為，你唔係李嘉誠嘛！亦因為咁，香港人買樓搵大錢嘅大有人在，一來有槓杆，二來唔易沽。但股票嘅，你太易沽出去了，坐唔實的。
25. 呢個就係要講，財不入急門。亦都見到點解富者越富。08年金融海嘯我就輸到仆街，差不多蒸發晒身家。點解？槓杆咯。Paper Trade永遠容易，但真落場係兩回事（所以我欽敬所有真金白銀炒嘅人，特別係大手落場嘅，哪怕係輸錢）。想像下李嘉誠去買人造蛋。呀，條妖走喎數呀？隻咗草呀？輸晒錢呀？仆街濟丫。OK，next agenda．但你或者我呢？下個月仲要供樓喎，分分鐘失業喎。而家斬你仲有一半，唔斬可能乜都冇喎。
26. 有壓力，咪自然容易犯錯。但咩人冇壓力？咪有錢人！亦都所以點解，錢搵錢容易。荷包大，心臟自然大。
27. 仲有，李嘉誠可以咁早買到Zoom（2013年你聽過Zoom未？），首先因為佢有錢，人地會上門搵佢。二來因為佢有大把人幫佢睇嘢。有錢人嘅叻鑊勁，同埋架生，又係唔同。所以係好屈機的。亦都點解講你要投資自己。
28. 多數我嘅讀者都係中產—我定義，你有資產嘅（哪怕係幾皮嘢），唔係拎救濟嘅，但又唔係唔使做嘅，咪中產。咁我話你知，中產就最要小心
29. 窮人，特別係年青人，最初咩資本都冇，反而冇問題。爛命一條。輸咗咪搵過，反正有嘅係時間，爭人錢都有老母還（況且正常唔會爭到好多）。唔年青嘅窮人呢？「其實都冇乜所謂」，本身都係咁嘛。
30. 但中產嘅你就最危險。所以雖然好廢，但都係要講：真係的，咬緊牙關，受屈辱又好，痛苦又好，博佢老母十年八年。然後例如職場上，你變到小頭目，可以參加分餅仔遊戲（https://bityl.co/3K78），咁你條路已經易行好多。
31. 「千其唔好以為啲勁人好享受工作。拳王阿里都話過：我最憎訓練，每分鐘都咁憎。但我同自己講，頂Ｘ住，而家受下苦，到你做咗冠軍就成世可以做廢老指點江山」
32. 講財富嘅，都係，又係好老土。但，要達到財務自由。有幾多先自由？我點知你有幾大洗？答你唔到。你餐餐去高流灣打邊爐，同你去大家樂打，已經爭好遠。你有小朋友，定係埃汾咁玩人類自願滅絶運動（即係唔生仔），又爭好遠。你留在香港，定係去台東小確幸綠島小夜曲，亦爭好遠。自己計。
33. 總之，你去到嗰個位（唔易，但肯定唔係不可能），你就順利好多。08年雷曼爆煲，我低位打晒靶，首先因為槓杆（切忌），另外因為冇經驗，仲有因為，本身冇乜錢—但又唔係完全冇喎，先死。06 07 嗰兩年其實好好搵（咁事實我之前教書，同埋在蕉行拎萬二蚊人工，點會儲到錢？），但我所有嘅儲蓄加埋花紅，差不多08年一季輸晒。
34. 對比下，今年3月，個跌勢仲凶險過08啦！我仲要而家結咗婚買咗樓。但點解坐得穩？一來有咗經驗，二來我冇負債，三來，點都係比當年富有咗（如果我撈咗12年財富仲少過當年，都真係唔好睇我個Page）。所以咪唔同。
35. 係好廢嘅，但，越窮越見鬼，你借錢嚟炒股票，個浪一打埋嚟你一定係低位打靶。萬試萬靈，因為每次股災都係斬死你呢啲人，先會反彈。08我咪係畀人斬嗰個
36. 當然講乜都有人唔啱聽，但講真，呢篇文，我有乜著數先？冇架喎，純分享。甚至都未放去Patreon做收費西湯（https://bit.ly/31QmYj7）。不過真係要考慮下，雖然有人話呢個系列十分Brian Cha。
（＊）當然富豪榜只計上市公司或者公開知嘅嘢，好多人話嚴重低估華人富豪財產。但冇法，除非你有好準嘅資料。否則只能咁。
———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已近 500人訂，仲有兩篇免費試睇：https://bit.ly/31QmYj7
——————————————————————————
［收費短片第八擊］美國總統大選買股部署
課程資訊:https://homebloggerhk.com/course_detail/?code=CC008
到上link會見到紅色按扭直接購買及觀看
題目:「美國總統大選買股部署」 /cc008
內容:
*美國總統大選買股部署
*美股8月終極一升，然後…
*制裁美國上市中資股，有乜後果？
*蘋果2萬億市值，之後點？。下間2萬億市值係？
*未買記得買返CCO06（下半年選股）同CC007（買金）
本星期內特惠售價: $80
課程編號：CC008
觀看期限：首次播放後一星期及限每影片４次
客服whatsapp: 63832145
韋達身家 在 龔成 Facebook 的精選貼文
【龔成問答信箱】（Q15061-Q15080）
Q15061：
成哥，可否分享一下你當年有冇如何戰勝恐懼？你講過2008年大跌市，2016年股災，當時都令你當時身家大縮水，但之後反而身家大增，點做到？
你見住自己股票價不斷跌，點可以克服？當時驚唔驚？點解可以把握到機會令升你之後身家大增？
龔成老師：
經驗是其中一個重要元素，過往20年，經驗多次大市上上落落，身上大升與大跌，就會學懂訓練，平常心面對股市上落。
第一要明白，大市恐慌期，持股的股價雖然會跌，身家看似減少左，但在長期來說，這是難得的機會，所以野都要從長遠角度分析。
另外，買股票就是買企業，只要企業有質素，完全唔需要理中短期的股票，當你愈有企業方面的知識，愈了解該企業的業務情況，這更平常心面對中短期不利情況。
原理就如同買樓，個個都想要沙士價，到近期新沙士，好多人就驚，2001年買樓，會跌到2003年，心理壓力好大，但而家睇翻，就賺到幾倍。永遠都係，係最差的經濟與市況，就是長期入貨機會，但我地唔會知幾時先係最底，現時如同2001年？還是2003年？無人知。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15062：
老師你好，我是股票班學生，有野請教：
醫藥企業主要透過"自家研發"或"收購合併" 去增加自身出售產品，好似康哲製藥(867)主打收購，綠葉製藥(2186)就2樣都有。其實這2個方法，有無話邊個會睇高一線?
"自家研發"會有研發成本，除始之外會有失敗風險。
"收購合併"一般都有現成產品，失敗風險較低，但好多時收購都要付出很高溢價，而且感覺較被動。
龔成老師：
其實沒有絕對的答案，因為兩者其實都有風險，自己研發有失敗風險，購買並有可能較貴。
從企業發展來說，自己研發會較有一致性，品牌等各方面都可以較好，但這類企業，最好本身有多種藥，多個研發同時進行，這才可以減少風險，即是用多個已賺緊錢的業務，去賺得資金，用資金去支持新業務。這類企業只要業務模式穩定，可以有不錯發展。
至於收購類，有可能令企業有較高的增長，但當然會有收購價過高的風險。所以要小心睇佢裡面的情況。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15063：
如果大約在11月尾入了 中國鐵塔（788） 1.61入了200000 股
應該如何部署
龔成老師︰
中國鐵塔（0788）有質素的，這股本身有質素、有前景，中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。
佢現時的收入正不斷增長，盈利都保持向上，但股本回報率不高，是這股較弱的地方。
由於這股有發展力，你唔需要太理個買入，我地應著重企業本質。此股有質素，你手上的貨可長線持，只要唔係佔你投資組合比重太多就可以。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15064：
請問1672、1652兩股怎樣？
龔成老師︰
歌禮製藥（1672）主要於中國從事生物製品研發。此股上年年期不長，較難估值。
加上風險十分高，因為佢仍然無錢賺。投資此股有點像博一博，風險高，雖然潛力可以好大，但如果從穩健來說，就唔建議投資。但如果小注博下，你則可以試，但你要明白投機味較重。
福森藥業（1652）主要於中國從事製造及銷售藥品。此股雖然有盈利，但上市年期不長。
新股半新股好多時都要些時間，才可以見到真實面，加上佢股價十分波動，估值困難，只建議小注，同時你要明白當中的風險。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15065：
你好，我睇了你的page 一段時間，有D 野想請教一下。
我30歲，月入約5.5萬，每個月會儲起$15000現金，另外約一年前開始一個月會用$20000 月供股票。
月供戶口入面有17隻股票 （中電、煤氣、恆基、銀河娛樂、港鐵、萬洲、中國聯通、領展、建行、聯想、中國生物製藥、BYD、友邦、中國平安、港燈、盈富基金、中國恆大）。
但係感覺好似好分散，所以上月開始調整到只供10隻 （中電、煤氣、恆基、港鐵、中國聯通、領展、中國生物製藥、BYD、港燈、盈富基金）。
我現時手上有現金大約60萬，另外月供戶口同埋自己另外買的股票各有23萬同埋6萬。
我目標係一兩年內買樓，預算都係6百萬左右的市區2房單位。
想請教老師，月供股票是否不宜過多隻股？如何可以一兩年內令現有的資金增值多少少少少，令我可以在買樓時多D選擇？
龔成老師︰
月供10隻股票有少少多，但都可以，但反而問題係有部份月供股票唔適合你。
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
以你年紀計，應以增值為主。中電（0002）和港燈（2638）都是收息股，增長力唔高，唔係咁適合你。已供左架就算，保留住。而這2隻股票的供款，可以全數加在其他組合中的股票。
至於你想1,2年內增值多少少，其實好難有個有效方法，因為就算再優質股票，中短期都會出現波動。2年是一個很短時間，很難確保你回報。
如長線計，你可以加大潛力股供款比重（BYD和中生）。但這做法同樣增加了回報波動性的風險，你要明白這點。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15066：
Hello, 前幾天買醫療股賺了一些, 然後再下注大買8225, 3681, 1011, 1345 .......結果股價大瀉.....
求救！請問這些股有機會回升嗎?
龔成老師︰
首先，一定要了解股價下跌的原因，基本上，股價中短期上落好正常，但如果上落太大，就要了解翻當中的事情，有無一些影響企業核心的因素。
中國醫療集團（8225）市值不高，股價會好波動，加上過去有2年損益表都出現 （修定報告），可能會有古怪，我會盡量避開而D企業。
最近集團向藥監局申請恢復生產對新型冠狀病毒（2019-nCoV）有抑制作用和療效的利托那韋（Ritonavir），雖令其股價倍升。但這藥是否真的有力令佢盈利持續大幅增長，這是一個問號。加上武漢肺炎過後，需求必然下跌。
這些你都要好好考慮，如果你覺得佢有潛力可以買少少，但唔好大注。
中國抗體（3681）這類新股，好難分析，佢係香港的生物製藥公司，從事研究、發展、製造及商業化免疫性疾病療法，主要研製以單克隆抗體為基礎的生物藥。
風險高，可能回報大，但現時市值都成幾十億，其實唔算特別平宜。如貨多，要減，這類股小注博下就算。
泰凌醫藥（1011）質素較弱，同時之前核數師報告曾經有少少問題 （修定報告），你要注意翻，賣出較好。
中國先鋒醫藥（1345）質素都一般，盈利和股價都十分波動。同樣，此股只可小注。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15067：
老師，我現在二十五歲..我現在大約有十五萬可作投資用途,希望三年後可以達百萬..最近股市唔好...我放哂手頭上的股票了...有幾個問題想問一問:
1. 我考慮緊恒指跌穿25800會入市，以下係我想買入的..銀河..比亞迪電子..小米..美團..亞里巴巴..吉利..舜宇..
但我唔知點分配同埋揀股揀得岩唔岩..
2. 如果我唔岩老師你有咩推介?
3. 另外有冇其他方法能盡快達成百萬如月供?
謝謝
龔成老師︰
我想先給你一些正確的投資概念。
首先，3年唔係一個長時間，就算再優質架企業，中短期都會出現波動（投資時間5年或以上會較合理）。而且你係講緊3年內由15萬增值至100萬，係一個好唔合理架增長幅度，我地一般期望優質股架係年增長10%至15%。
另外，股市唔好從來唔係一個要賣出持股的原因。我地投資股票就如投資企業，只要佢本質和前景無出現問題，應該一直持有，才是最有效的財富增值方法。
1） 你比較年青，投資時應以增長為主。你選的股票可以，但美團點評（3690）、小米（1810）風險較高，不宜大注。而阿里巴巴（9988）現價較貴，都只宜先小注或用月供去儲貨。
我建議你組合中加入盈富（2800），佢係包括50間質素不錯上市公司股票的組合，有助你平衡組合中風險，建議佔你組合約3-4成。
25800點只算大市合理區，你買貨時必需"分注"。到24000點以下，才算進入初步平宜區。
2） 以下股票都優質和適合你年紀︰
平穏增值股︰盈富（2800）、港鐵（0066）、金沙（1928）、煤氣（0003）、恆基（0012）、中銀香港（2388）、長建（1038）、粵海（0270）、領展（823）、港交所（388）、深高速（0548）
潛力股︰比亞迪（1211）、中生（1177）或福壽園（1448）
3） 你可以考慮做生意，從一些自己專長或興趣地方著手，有機會可以做到比投資股票更高增長。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15068：
龔成你好 想請教下現在的環境是否不適合裸辭？
本人38歲 做了約17年文職 人工現在是$18000. 沒有樓未婚獨生跟父母同住. 資產約二十萬元 現在沒有投資 只買危疾保險和做定期賺取約1000 港元（per yr).
想做些投資 應會買1手 煤氣作長線
龔成老師：
你裸辭的目的是甚麼？如果沒有特別的原因，我不建議這樣做。
如果你做了17年文職而無突破，我認同應該轉下環境，但建議你先計劃，想好自己的大方向，唔好在無計劃的情況下進行。
加上現時香港的經濟轉弱，而你本身累積財富不算多，你應該好好計劃，才決定下一步點行。但我好建議，你之後要有突破的。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15069：
老師想問371點樣？
同埋金沙既話係咪有6%息率果陣會更好
龔成老師：
北控水務集團（0371）本質不差的，但由於佢的負債在近年不斷上升，市場認為佢的風險度提高左，對佢估值方面都保守左。
整體來說，這股可以長線投資的，不過不建議大注。而現價合理。
至於金沙（1928），這股有質素，可長線，現價合理，當然，去到6%股息率會更吸引，6%可說是合理區中下部的區域。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15070：
老師~我已經盡能力留左80000現金留在大跌市時掃貨 但80000現金始終不多 例如 就算我等到銀娛(27)跌到落$40 恆基(12)跌到落32我各買1手都已經用了9成資金
做不到分注效果 而且 如果其他心水股如中生，福壽園，中銀香港等優質股都跌到落便宜區 就會因為用盡資金買銀娛同恆基而買不到。
因此 我想請教如何可以在這次潛在大跌市中更善用這80000資金呢？ 是否應把資金投放在入場價較低而同時又去到便宜區既優質股呢？
謝謝你
龔成老師：
首先，要睇翻你現時現金與持貨的比例，如果現金百份比好少，就盡量不用。如果在合理的水平，就建議先在跌入一手，餘下等平宜區。
你可以等大市回落時，在上述的股票中，投資跌得最多，相對最平宜，投資值博率較高的。而餘下的最後一注資金，就等再下一次暴跌時，先出手。
你現金比例愈少，就要用「等愈平宜區」去入的策略進行。你只能夠將手上現金，分2、3次去等跌市機會去入不同的股票。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15071：
龔成老師，之前0.66買入新石文化（1740）四手，但現時股市不斷下滑，請問是否應現時止蝕？還是可以再觀望？
另外，對平安好醫生（1833）感興趣，應否趁低吸納呢？
謝謝
龔成老師︰
我地投資股票，其實唔太需要理會大市，應著力在企業本身質素和前景。
新石文化（1740）主要在中國從事電視劇投資、製作、發行及許可業務。客戶包括電視台（包括其營運實體）、從事電視劇發行業務的公司、電視劇執行製作人及版權擁有人。
其電視劇會在一些較知名電視台播放，如中央電視台、天津廣播電視台、山東廣播電視台及安徽廣播電視台以及愛奇藝、騰訊視頻、風行網及PP視頻等網上視頻平台。
業務上，的確有吸引力的，不過，我一向都新股半新股都無興趣，因為真實面要慢慢先見到，故估值困難。如果佢佔你組合比例唔高，可持有。
平安好醫生（1833）都可以話係潛力股，但就屬於較高風險的類別，我自己會比較怕投資這類。
首先，佢地的上市年期不算長，加上上市時是市場熱炒期，當時估值過高，對這類股有少少保留。
業務上，佢地的確是高增長，同時業務有發展潛力，但睇翻佢地的財務數據，平安好醫生仍處燒銀紙狀態。你覺得佢有潛力，可以小注。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15072：
請問813到什麼位才入，現等低位想買，謝！
龔成老師：
世茂房地產（0813）業務不差，增長力理想，但這企業最大的風險是負債。
中國的經濟轉弱，以及負債多，都會對這企業造成影響，增長力將會有所減慢。這股都可以長線投資，現時處合理區，都可以分注，當然，跌多1成會較好。但你要預總投資金額不能多。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15073：
老師你好
請問一下，信義玻璃現價值得入手嗎？之前睇過你留言呢隻值得長揸
龔成老師：
信義玻璃（0868）有質素，這股有長線投資價值。
不過，佢近年增長力減左，你預佢只是平穩增長型企業，現價處合理區，分注投資可以，長線無問題。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15074：
你好老師，想問金界控股現價可以買入一手嗎？我見它因短期因素 罷工 而跌了下來，現價合理嗎？建議分注還是一手
龔成老師：
金界控股（3918）有質素的，相信仍由於多種因素，例如中國遊客減，會對佢中短期有一定的影響，不過在長遠而言，佢的發展仍然是正面的。
現價合理，可分注投資，長線持無問題。但要留意，佢始終處於較為新興的市場，因此有點風險，所以資金不能大注。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15075：
龔老師。我係你之前嘅學生，今晚都會睇番課堂講嘅野，溫下書。不過，我有啲資產分配嘅問題想請教你。
我今年35歲，每月可以儲約$15000，有現金約$650000，未持有任何股票或物業。目標係希望2021年中左右可以有筆資金置業（薪金而過買居屋門檻，只能買私樓），另外希望有少少資金可以繼續投資股票。
喺呢個情況之下，其實我應該持多少比例的現持有的現金，其他拎去投資？
而每月所儲嘅$15000又應該分別分配幾多比例儲現金同投資？ 另外，如果投資嗰筆資金，其實放喺月供股票嘅比例最好幾多好？
謝謝你，龔成老師。
龔成老師：
你應該持有較多現金。
因為你目標買樓的年期，在2年之內，而我地投資，一定要長線先有效果。優質股當然會長期向上，但中短期都會有不確定性，如果你買樓時大市剛剛好差，你要賣股票去買樓，就有機會出現損失。
因此，建議你過半持有現金，部分可投資一些收息股，以及平穩增長股。
每月現金方面，你可以考慮做月供股票，每月$7000已足夠。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15076：
龔老師,最近看到你的發文,知道現在等個市跌到24000(便宜區)後會入貨,想問下如果真的跌到24000左右~我手上的那隻股票比較值得入貨呢?
持有港鐵00066,比亞迪1211,中銀香港2388及盈富2800...平時每月都有做開月供盈富及比亞迪
龔成老師：
24000是平宜區，不過，現時大市處合理區，你都唔好完全無貨，要以分注投資，同時留現金的模式進行，只是24000是掃貨區，動用現金。
你月供的部分，可以保持，原有持股無問題，可持有。
你要睇翻這刻的持貨與現金比例，去衡量這刻點配置。
若到了24000，就可以加大力度，你可以睇翻到時那一隻股跌得最勁，投資值博率最高，這個要到時先知。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15077：
1177點樣比石藥優勝？
龔成老師：
這兩股都是有質素，有潛力的股票，兩隻優質度好相近。
當我地比較時，會考慮佢地的業務獨特性，長遠發展空間，同時會利用財務數據作比較，例如生意與盈利的增長，這已經能初步分析到近年企業的增長力。
另外，亦會分析股本回報率，可以計算5年的平均數，這可以令我地了解企業的賺錢能力，你可以見到這兩間企業，都是處高水平，比其他企業、其他行業明顯地高。
而在兩隻中，你會見到中生製藥（1177）會略高，所以賺錢能力較強，不過從整體上，這兩企業優質度相近，都有投資價值。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15078：
你好，龔成老師，
本人37歲，投資計劃比別人慢，一年前才月供恆地及金沙，各$2000，現有意投資以下股票，可否提供意見，好讓本人作進一步投資，謝謝。
152 深圳國際
2138 香港醫思醫療集團
1665 檳傑科達
1157 中聯重科
3319 雅生活服務
1238 寶龍地產
1513 麗珠藥業
1727 河北建設
1098 路勁
1600天燃倫氣潛力
3380 龍光地產
龔成老師：
上述的股票，有好有壞，我講3隻較有投資值博率的。
首先是比較穩健的，有深圳國際（0152）及天倫燃氣（1600），都是能平穩增長，有投資價值，現價合理的股票。基本上現價已可投資，分注，長線就得。
另外，有較大發展潛力的，有雅生活服務（3319），這股的前景正面，只是現價有少少貴，你可以考慮回少少開始小注。然後等較大回落先正式入。
至於你月供恆基（0012）、金沙（1928），當然可以長線月供。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15079：
老師你好 一直有留意你教人投資 但我人在悉尼生活 未能去上你的堂 但好想你可以指點迷津
我今年30歲 老公26歲 在澳洲剛拿到永久居民身分 現在現金儲蓄大概有12萬港幣（2萬多澳元）
每月供樓供車開支大概$4000澳元 兩人入息大概$8000澳元 但不穩定 每月兩人淨儲款共$3200澳元 現在想存款3年內在澳洲買樓（首期大概15萬澳元）
但感覺只靠每月現金儲款好慢 想穩陣投資增加儲款 請問應買邊隻股票？
恒基地產？港鐵？
老師還有其他建議？
龔成老師：
3年時期，都可以投資平穩增值類的股票，作為滾大財富的工具。
你可以部分資金作月供，同時部分留現金等機會。如果不想進行月供，就自行分注投資（同時留有現金）。
盈富（2800）、恆基（0012）、港鐵（0066）是核心的部分。
餘下再考慮銀娛（0027）、粵海（0270）、領展（0823）、港交所（0388）、中生製藥（1177），總之，現時大市處合理區，你要分注投資，同時留現金。
留現金部分，是重要的等機會入，這將好影響你往後財富的成敗，要小心掌握，耐心等機會。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15080：
我和先生今年38歲，結婚6年，沒有亦不算有小朋友，家庭月入$11萬。
每月開支
-每月給四大長老家用$26000
-每月合共儲起$30000入聯名戶口，以支付每月供摟$10000 （2012年尾購入$250萬40年樓齡居屋430呎，供18年，現值$550萬，按揭還有$160萬左右），扣減供樓後的錢會用作其他生活開支（水電煤上網食物等），剩餘的就當儲蓄（大約$10000）
-每月二人洗費$25000
持有現金
- 港幣$120萬
- 美金$5萬，做3個定期，1.5% 利息
MPF
- 太太$75萬（之前買中國股票+恆指股票，2018年年尾，全部轉做保守基金）
- 先生$20萬
現時沒有任何投資產品。
補充：每月收入扣除以上開支，還有$29000 剩下，應該怎樣安排資產增值？將一半用作月供股票？風險應該怎樣定？以我們年紀，20% 高風險，50%中風險，30% 低風險？另一半用作現金儲備，做港幣定期？換美金定期？感謝解答
問題：
1） 我哋完全沒有任何投資知識，
不知道應該怎樣開始？
2）應該怎樣利用現有資金投資？
股票？定期存款？
3）MPF 應該繼續買入高風險（中國/亞洲/恆指股票），還是以現時市況買入保守基金？
4）是否應該加按層樓套現出來投資？
例如：月供股票？
5）如果以月供股票，應該怎樣選擇股票？
每月供多少？可否給建議？
6）希望50歲前可以財務自由，退休後家庭每月有$4萬洗費，應該要儲多少退休金？
謝謝
龔成老師：
1）你最好睇《80後百萬富翁》《股票勝經》，掌握一些基礎的理財、投資知識先。
而利用月供股票、月供基金這些方法，是好適合一些初階投資者去累積財富。
2）以你地的情況，其實可以做得更好，你要好好運用手上的資源。我地進行理財，不是炒賣，而是一個財富的配置過程，在你可承受風險的情況下，建立合適的組合。
你現時現金已好多，建議將部分資金，投資股票，以及ETF，我相信你地最初投資，ETF是最好的，例如盈富（2800）、領航標普五百（3140），可以作為核心，再加上其他股票。
3）強積金的策略好簡單，只要按你的年齡及風險度配置就得，以你地現時的情況，可以中高風險。
4）原理是可以的，但你要明白風險度高左，因此只適合較能承受風險的人士。另外，只建議有一定投資知識的人進行，因此，你可以利用一年時間，去學投資及取經驗，下年先考慮加按投資。
5）你可以考慮總數月供$18000，盈富、領航標普五百佔一半。
另外幾隻：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）等，你可以了解下這些股票，然後從中選股。
6）如果每月要有$4萬現金流，即是一年$48萬。
假設到時投資6%收息股，你到時需要的資金為$800萬，我相信你地無問題的，只要在這段時間保持儲蓄投資就得。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。
另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。
