【全民媒體】航運界堅出事，香港無問題？（中環客）
近排有單大新聞，表面同香港無關，實際同香港有關，但無乜人講，就係韓國最大嘅船務公司韓進船務破產，由於無人知間公司破產後，入碼頭補給、停泊、上落貨啲費用邊個找數，成堆船依家喺公海唔知點算好。
韓進啲船員喺公海度半天吊，表面上唔關香港人事，但中環人睇，韓進嘅困境，遲早喺香港為基地啲船務公司度發生，韓進破產只係惡夢嘅開始。
喺韓進搞到要執笠之前，其實反映航運業情況嘅波羅的海乾貨指數，一直低迷，因為西方嘅量化寬鬆，並無刺激啲人消費，啲錢變晒啲炒家亂炒一通嘅子彈。所以美國等地根本無人買嘢，咁又點會有船運需求。
新加坡政府由於要睇住自己嘅退休金，退休金嘅回報出事就個政府會出事，所以新加坡政府往往早人兩三步聞到有𤓓味。喺今年五月，新加坡淡馬錫控股見勢色唔對，將手上嘅海皇輪船同美國總統郵輪賣晒俾黎巴嫩裔法國佬開嘅達飛輪船，依家證明新加坡佬走得快好世界，賣咗海皇輪船就唔駛蝕落去兼有現金揸手，你睇韓進集團就知有幾大鑊。
所以韓進話執笠之後，東方海外股價反升，話因為東方海外可以乘機加價兼營運轉好，中環客只係覺得班莊家簡直喪事當喜事辦，乘機將啲貨質俾啲唔熟行情嘅散戶食。當歐洲同美國都無消費意欲果陣，船費真係加得起？我好懷疑囉。仲要東方海外喺2015年訂咗批大船，中環客真係想知東方海外係唔係堅頂得住。東方海外嘅噸位規模只係細韓進少少咁大把。話雖秋天快到，都唔駛喺中環整咁多大閘蟹俾大家嘆架。
但東方海外大鑊都唔係最大鑊，韓進之所以死，因為西方唔向中國買嘢，好多貨都唔經韓國集運到美國，所以韓進至收入大減下要執笠。香港啲航運股咁依靠中國，香港仲有唔少人靠港口搵飯食，香港真係會無事？我中環客木宰羊囉。
中環客
韓國集運 香港 在 英國生活資訊! 香港網購集運到英國(有字幕) | 運費抵過用香港郵政 的推薦與評價
英國生活資訊! 香港 網購 集運 到英國(有字幕) | 運費抵過用 香港 郵政| 香港 、日本、 韓國 、台灣網購到英國| 人在英國用消費券| Buyandship ... ... <看更多>