【地球另一面的「攬炒」博弈】
英國Brexit的英美歐對決，背景何其相似
（國際完美風暴，誰也逃不了）
香港人關心自己嘅「家事」固然要緊，但亦必須要了解國際時局。原因係現代國際政治或者經濟（即係錢呀！）關係，從來都是互相牽連。即係邊一度爆鑊，都會直接或者間接影響另一邊。响無乜政治元素下，大家都感受過亞洲金融風暴，科網爆破同金融海嘯嘅「地球村」威力。但係今天，香港嘅問題捲入中美貿易加國際冷戰，而地球另一邊，响脫歐問題上，英美歐同樣係落重注玩緊攬炒豪賭。大膽啲講，可以話係完美風暴。睇黎都係十月就到deadline，恐怖嘅係背後大Boss都係美帝呢個「外部勢力」，將香港同英國甚至全世界炒埋一堆，邊個都走唔甩。
如果好多人覺得香港今天嘅問題，九月係關鍵十月一號係結局，香港個「養母」廢國嘅脫歐問題，嗰條死線一樣係十月。現時英國Brexit嘅大局，其實已經比美帝玩到同香港問題係好似（攬炒豪賭Art of Deal），分別只係對手唔同（中國 vs EU）。英國人嘅內部撕裂情況同取態，亦同香港人差唔幾（攬炒mode）。歐盟本來理念係「一國幾十制」嘅幻想聯盟，對衡前蘇聯同美國經濟體。不過依家嗰一兩個大佬（法國德國），經常當啲會員係殖民地咁指點。英國佬當然頂唔順就公投脫歐，黎個「光復英國，時代革命」。可惜三年黎堆「親歐愛歐」嘅人士，不停吹噓英國依家咁廢（可能係嘅），無咗歐洲就屎都無得食（亦有機會係事實）。咁啱廢國又係有個女人（Theresa May）上場，EU緊係當自己係阿媽教仔咁用滕條打，無乜膽嘅May姐結果退讓咗個「一錘定音」方案出黎。本來和理非嘅本土派忍無可忍，推咗個May姐落台由英獨之父Boris Johnson頂上。响大台都起唔到嘅情況下，佢話比「宗主國」EU聽如果唔改個deal，就決定焦土攬炒。
籌碼係廢國雖然廢，但係歐洲有40%嘅網絡server嗰英國，亦係歐洲最大世界第五大金融中心，好多公司歐洲總部都响倫敦，每年入口歐洲嘅貨值係400個billion歐羅，”if we burn, you burn with us” ！呢個時候美帝亦都出現，當然係貪圖嗰啲貨值啦，表示支持Boris Johnson，但首先要立投名狀（用香港同強國割蓆，仲要指責），然後擺出英美聯手對抗「左膠淪陷」歐洲嘅態度。另一邊EU嗰兩個大Boss法國同德國咁要面，但係自己嘅經濟又唔多好，點落台呢？美帝比開北約部隊條數點計呢？英美兩個加埋夠玩喇喎，自己點頂俄仔呢？
坦白講，英國Brexit睹到咁大玩攬炒，其實就等如係「七傷拳」。最好緊係英美聯手，迫贏EU變咗二戰前嘅格局。如果同美帝傾到個deal而又No Deal Brexit，自己食三拳EU食四嘢。萬一玩大咗乜都無咁No Deal，就兩邊各自食晒咁多拳，對世界經濟影響有幾大？連埋香港同中美嗰度的話...唔敢諗...
#英國Brexit攬炒
#地球很危險
#誰也逃不了
+++++++++++++++++++++++++++++++++
英國居留簽證懶人包（香港人限定）
http://bit.ly/2YUW9aO
英國移民生活網
重要舊文重溫
www.goodbyehkhellouk.com
+++++++++++++++++++++++++++++++++
頂上對決懶人包 在 統動事件懶人包- YouTuber板 - Dcard 的推薦與評價
我之前也是覺得好像是國動的錯，但剛剛看到了這個懶人包後，讓人我覺得「哇！統神嘴臉也太難看了吧」希望大家都可以看看還國動一個清白- 國動,統神, ... ... <看更多>