分享自妹子
==========
係關於救護員嘅
話說之前有排好大雨，好多地方都有水浸問題。作為普通市民當然可以搵個地方避吓唔出街（雖然工要照番），但身為救護員真係10號風球都可能要上飛鵝山。
喺橫風橫雨之時，又接到轉頭暈身㷫call. 去到真係經典囉，有位女士開門，之後話:「其實我無事㗎，不過我哋呢度水浸呀，我想call你哋嚟送我個女出大會堂演奏咋!」
一聽到真係火都黎，口裡梗係要解釋佢知唔得咁，救護車唔係咁用。
其中一位師兄無咁好氣寸佢講咗句:「其實浸到咁，不如你call直升機接你個女去演奏啦！」
點知位女士好認真咁misunderstood咗:「係喎!咁飛行服務隊電話幾多?」
…當堂想暈低，擾攘一輪，唔知女士係唔係知無行嬲嬲哋，忽然指住身後一直坐得好好地嘅老公話:「我老公暈呀，去醫院。」
之後再轉身同老公講:「我地一陣去到醫院再搭的士去啫!」
