已經係下午兩點，但我老婆仍然係一句聲都無出過……
大家唔需要太擔心，唔係尋日我買唔到美少女戰士而被制裁
而係連我都知道 Anson Lo佢成為左CK代言人，但作為佢太太之一既我老婆，竟然依家都仲未出聲
你知啦，追星可以益到男性既機會係好少，之前係得麥記係對我有少少好處，起碼有得食先啦
至於化妝品啊，名牌啊，都係完全唔關我事……
今次竟然係CK，仲要係男裝底褲，我真係心諗我幫你排！！！我終於有底褲換喇！！！！
點知，咦，好似平衡時空咁，無人提過，要求過我去買
依家我有兩個大膽既猜測，佢想比個驚喜我！今晚返到去我想搵底褲都搵唔到！然後佢再親自幫我穿上一條新底褲！！
第二係，佢已經買左一系列性感內衣今晚準備比驚喜我！！
嘩頂，呢兩個諗法，真係好大膽！！我都唔敢直接同佢求証，你知呢，諗下就開心既野，通常都唔係真！
而我諗左啖水，再拎左老婆張相出黎睇，幻想佢真係會講乜
係我腦海出現左一句：
我：我著比你睇好唔好？
佢：你鍾意著乜都無問題，但請你再著返條外褲先
我：（拉底少少條短褲，露出牌子）我似唔似Anson Lo啊？
佢：除左你地英文名上面有一個字母係一樣之外，其他都唔似
我：我唔介意……你望住我既底褲諗起另一個男人
佢：我……點解……要望你條底褲……
我：因為我成身最貴既係條底褲，你唔望佢，唔通望我個樣啊？
佢：你又好似講得有少少道理
我：望住佢，一直望住佢，你諗起咩啊？係唔係你最喜歡既教主呢？你見唔見到呢條底褲一路一路拉低？張開你雙眼，我要痾屎喇！！！（隔住門）以後你每次諗起教主都會記得呢一幕同呢隻味！！！！！
－－－－－
幻想結束……唉，長周末前夕既下午，真係特別醒神，特別天馬行空
唔知我老婆會唔會睇到呢一篇文，如果佢睇到，今晚既電子門鎖會唔會已經改左密碼同指紋呢？不過我唔驚，應該係我返到屋企先，除非……佢提早返去……可能性不大
－－－－－
而我真係作出一個細膽既預測，今日無論我想講乜都好，都會收到三組字
1）收聲
2）死開
3）食屎
食咩都得英文 在 Wall Street English, profile picture - Facebook 的推薦與評價
4句廣東話口頭禪：用英文講都得！】 「食咗飯未呀？」可能係我哋平時經常掛喺口邊嘅口頭禪；有冇諗過點用英文講？ 1. 你好嗎？ 係街度撞到朋友， ... ... <看更多>