#中佬的感慨
有冇聽過農夫首《難得咁人齊》？我呢啲年紀聽真係覺得啲歌詞好到肉 - 直頭到肉到有啲心酸。你有幾耐冇見過你由細玩到大嗰班朋友？以前日日見，打完波去便利店買杯汽水吹水吹到唔願走，而家就大時大節約食飯都好難齊人。冇計，各有各忙，有細路嘅要湊仔，未有細路嘅要開會；姐姐會放假，老婆會黑面；返工攰到死，放工寧願攤喺梳化㩒電話。
不過又諗下噃，由細玩到大嘅朋友，喺一世㗎。
人大咗，你已經冇機會同咁長嘅時間去培養一段咁深刻嘅關係。朋友你可能會有好多，但老友，就永遠只得呢一班，見親都有話題，少見面亦唔會令你哋生疏 - 咁當然，梗係見多好過見少啦。嚟緊咁多節日，正正喺約晒成班老友見面嘅好機會。我哋試下約一日吖？嗰日，女嘅叫老公幫手做住一日湊仔公先，男嘅問定老婆攞Permit；早走唔緊要，我哋早啲開始就你；遲到無所謂，我哋等埋你 - 最緊要嘅，係你到呀。
我哋約一次齊人嘅，好唔好？
近幾年，大時大節都係約埋去我屋企，由阿太下廚，食下屋企飯就最開心。睇番張相，又開始期待成班老友一齊食飯嘅開心時刻；你哋有冇開心嘅 #飯聚時光 想開心些牙？淘大 AMOY而家邀請各位以一張相以及簡單嘅文字，分享同家人、朋友、同事食飯嘅故事。淘大 正係同社會企業好餸 Delicious Express合作，贊助佢哋嘅醬油、調味品同送贈500份餸包支持基層人士；當收集到2000個大家嘅飯聚時光故仔之後，會再贊助多1000份餸包，希望真正展現釀愛嘗溫。
係咪好有意義呢？快啲Click入 http://bit.ly/2OLITiV 參加，一於讓愛被看見 啦！
#淘大 #AMOY #讓愛被看見 #釀愛嘗溫
飯聚時光 在 小聚食光 的推薦與評價
1600 個讚· 3696 個打卡次。我們提供了超值早午餐/義大利麵/燉飯/即享鍋/飲品~~~♡ 從早吃到晚~~ 品項. ... 小聚食光大家在一起相聚吃飯的時光 感謝有你們❤️ ... <看更多>