《讀者請教》
唔識點同奶奶相處(長文)
其實奶奶唔係一個難相處既人，由拍拖開始，奶奶成日都話會當我係女，每次上去食飯我都唔需要洗碗同執枱。
老公係奶奶既寶貝仔，鍚到燶。結婚前我應承會返去同兩老住，當時想法係想草下彈藥再買樓。奶奶一直都唔想我老公搬走，想一直一齊住，所以佢聽到我肯同住就超開心。之後準備緊結婚既時候突然知道有左BB，咁我就同老公商量不如買樓，因為有左小朋友，我考慮既野就多左，想比好D既環境BB，之後如無意外買左樓，奶奶就問老公搬左之後每個星期會唔會返去4日食晚飯，我當下呆左，如果返去食4日，即係無左好多自己既家庭時間，咁我當然say no啦。
我間中會上奶奶屋企，食飯個陣我都會好安靜，佢地傾計我都會笑下。叫人基本招呼都會有，聲線比較平淡。唔多同奶奶獨處，不過有幾次都會坐低傾幾句，因為我本身唔係好識同人傾計，尤其係長輩，每次傾完都會抖大氣同出曬汗。
我唔鍾意同人有正面衝突，所以見到奶奶有D生活習慣唔okay，我都會叫老公幫手提醒下，點知就出事啦。因為一個好普通既提醒，奶奶突然就情緒爆發，話一直都好不滿我。
1. 佢覺得我當初應承同佢一齊住，但最後反口係呃佢，唔守承諾。(唔知係咪佢唔想寶貝仔離開佢)
2. 佢一直都覺得我嫁左入去就要融入佢屋企，平日得閒都傾下計講下笑。但我上去食左好多次飯都好靜，只係食完飯抖下就入房，覺得我融入唔到佢屋企。
3. 平時佢都會提醒我要食飯飲水，我會好平淡咁回覆「得啦得啦」，「知啦知啦」，「okay okay」，佢同佢屋企人就會覺得我無禮貌，應該要回覆「知道啦奶奶，多謝你既提醒，我會飲水」。自問由細到大都唔會講呢種說話，要突然之間咁扮野講真係好難。
4. 有應承過得閒一齊飲茶，但因為我懷孕期間好唔舒服，比較少上去奶奶屋企，主要喺娘家休息，佢就話我呃佢。
同老公傾過，佢話奶奶好易氹，平時入門口個陣高音講「奶奶，我返黎啦」就okay，或者得閒攬下佢。不過我自己喺原生家庭既成長一直都唔會咁樣做，所以咁扮野對我黎講好困難。
當知道奶奶有咁多不滿既時候，唔知道點同佢甚至屋企人相處。去到奶奶屋企就要做戲，但我覺得咁係強迫緊我做佢心目中既新抱，唔係我本人。而家情緒好低落，無助。
我應該點做好？謝謝。
＃我的極品四大長老
飲茶氹仔 在 澳門有乜好食？交流下| 氹仔邊間酒樓飲茶好食 - Facebook 的推薦與評價
氹仔 邊間酒樓飲茶好食. ... 澳門邊度有放題燒肉店（最好氹仔. 澳門邊度有放題燒肉店（最好氹仔. All reactions: 14. 9 comments. Like. Comment. 9 comments. ... <看更多>