（長文）饑饉完，後感。
三十個鐘後仍沒有肚餓感，無想大魚大肉的衝動。媽媽做了自家餃子，清清地好滿足。但好攰，瞓足十二個鐘。以後饑饉都應該週五、六舉行，週日用來休息，否則完成饑饉30之後要舉行射波30。
停食而無餓感來說，心態係重點。所以，我哋形容為新常態，可能將來返返去正常嘅時候，同今年形式差不多都冇乜大問題，因為心態最緊要，你入咗營偷食我都冇辦法，你喺屋企度自行饑饉30其實完全冇問題。
基民歌地可以唔係饑饉30都搞，因為香港真係好多自彈自唱威力勁過佢哋唱mmo一百倍嘅歌手，現場聽到喊，甚至唱到喊(恆仔 @tonick) 😂。
因為以為自己有多次露營經驗，所以看輕了。每次camping 都覺得內子帶過多東西。今次覺得大會有安排睡袋ok啦，自己冇再帶額外被，才發現原來沒糧食一整天，一個人在營內深夜會凍，同埋原來會掛念家人😌。太耐無一個人工作了，還是會寂寞。
作為2021一個kick off，緊接下來艾粒又開動工作模式，挑戰一項很久沒做的工作，多謝嘉姐提一提，由饑饉之星過渡到艾粒之星，希望我們身在任何媒體你都會繼續支持，我們也會支持身在世界任何角落的粒粒粉💛。
奇妙事不斷有。
.
.
.
吖，仲有，唔好再同我鬥大個頭嘞，我只係面細但係頭大，小六已經61cm頭圍。鬥頭大由小學到大學從來冇輸過。小時候屋企人有問醫生有無問題，以為我係大頭BB之類。
醫生話完全冇問題，前額發達只係代表小朋友聰明，完。
饑饉之星 在 2021饑饉之星同你講：疫情下的「饑饉30」 - YouTube 的推薦與評價
疫症持續，但「饑饉30」不會停！今年的「饑饉30」線上版，請來饑饉之星關智斌、姜濤和ILUB艾粒代表大家在香港郊野展開「饑饉之旅」，參與30小時飢餓 ... ... <看更多>