我的運動推廣業務,
這一年來,差不多是完全無得做。
學校停課,課外活動,
足球班延期,場地關閉。
所有大型中型小型活動,突然取消的有,
無限延期的有,胎死腹中的有大量。
但無得做我哋又繼續做喎,
我的sports marketing同事,
仍跟client密密斟,
有甚麼可以做的,盡做。
其實好感動,
愛運動的人個心點都係掛住球場,
我個主要客戶IAHK香港國際米蘭青訓學院,
全公司上下,
呢一年仍然不斷努力搞好足球學校,
總之有得開班就開班,
就算只得幾個小朋友來上堂都教,
有無得做都盡做,
體現最崇高體育精神。
最近場地重開,我哋又積極搞活動,
啱啱上星期六,50個家庭,
大人細路,球場放電,
仲要喺印度遊樂會(算係IAHK港島區校址),
遙望香港大球場,
聽返大人小朋友喺球場上嘅笑聲。
感覺即刻返晒來。
但而家活動要戴口罩,
我就預備咗啲幼童,小童,
爸爸媽媽口罩俾大家,
執口罩時,見到五顏六色,
望落都幾開心吖。
廣告時間:
我哋Maxi House 同IAHK香港國際米蘭青訓學院,
主辦各式足球主題活動,
如果你需要籌備戶外event,
要靚場地又要活動統籌及專業教練,
你要聯絡的就是我們。
IAHK +852 97026622
Maxi House +852 90111661
https://www.facebook.com/614157582254637/posts/1300230246980697/?d=n
同時也有2部Youtube影片,追蹤數超過6,310的網紅Fai Li,也在其Youtube影片中提到,足總主席貝鈞奇 趙俊傑 出席香港國際米蘭青訓活動訪問: - 足總主席貝鈞奇: - 交代富力主場情況 趙俊傑: - 交代最新近況 - 流浪沒有續約? - 會否加盟其他球隊? - 國米青訓學院有固定訓練場地,有什麼好處? - 與香港飛馬合作 《香港飛馬和香港國際米蘭青訓學院 伙伴球會結盟》 今日中...
香港國際米蘭青訓學院 在 梁芷珊Canny Leung Facebook 的精選貼文
開會要有:
咖啡,計數機,建議書,notebook。
仲要帶個心,帶腦,
要俾啲堅持,俾啲掙扎!
#IAHK #香港國際米蘭青訓學院
#InterAcademyHK #Inter
香港國際米蘭青訓學院 在 梁芷珊Canny Leung Facebook 的最佳解答
有網友同我講,想我講多啲關於做生意嘅嘢,尤其係Marketing,今日我有一個新鮮滾熱辣Marketing 個案分享。
一年幾前,我的前南華球員趙俊傑搵我,佢話小學同學 Louis 由一個國米死忠,到而家大個仔要喺香港搞國米青訓學院,想搵我傾傾marketing。
我爭啲想同阿傑講:「你同 Louis 係friend 嘅,不如勸佢唔好搞啦。」
香港原有4間國際品牌青訓學院:車路士、阿仙奴、利物浦,加埋馬會以曼聯品牌搞嘅青訓計劃,如果國際米蘭青訓都來香港登陸,就會係第5間。
我見到Louis 嘅時候,同佢講左兩樣嘢:
第一,一個新品牌,需要BD (Business Development) 多過需要 Marketing,因為如果新品牌搵唔到一個最具優勢嘅定位,同異於對手的營運模式,好快你就會覺得市場推廣係嘥錢嘥時間,到時發展得一年半載,如果你要cut cost ,第一個一定斬Marketing ,尤其是係outsource 嘅 Marketing Retainer,即係我。
所以,我同Louis講:我可以幫你做,但你用同一個 budget,我會同你做埋 BD Consultant,同Marketing 工作雙管齊下。
我記得當時佢面都青埋,問我咁要幾多錢,我話「係你請一個好少少嘅 Marketing Manager 嘅市價,我幫你 form 一條小 team 去做,呢條 team,連我在內,3個人。」
「3個人夠㗎嗱?」
夠㗎喇,喺我多年嘅工作經驗經驗裡面,我發覺小隊係最有效率的,一個係腦,一個係手,一個係腳,基本上已經可以完成九成嘅策劃,唔夠人先請外援。
第二,喺香港搞青訓學院要突圍而出,非常容易,只要你有個固定嘅校址就贏晒。
香港嘅足球青訓,從來都係流離失所式上堂,學院要去炒場俾學生上堂,次次唔同時間唔同地點,用公眾設施又未必適合小朋友,咁叫家長點放心呢?
跟住我見到 Louis O 嘴,我知佢諗咩,喺香港,固定足球學院校址好難搵,如果易搵,其他學院都一早搵左啦,但事實係,依家仍然係個個要炒場。
我同意,呢個真係好難。因為喺香港,就算你有錢,都唔可以起一個私人足球場自用,呢個係香港土地用途規限,所有場地都係政府嘅,又或者係私人會所嘅,有啲學校都有私人球場嘅,但為保障學生安全,好多都唔會開放俾外界使用。
但係,唔艱難又點得世間財?做唔到有獨特之處又點會站得著腳呢?我話:「你俾我諗諗,無嘢係唔可能嘅,一定穿得到。咁 Louis 你可唔可以即刻同我公司簽兩年約先呀?」
就係咁,國米青訓學院就成為我Maxi House - Sports 嘅第一個客。
呢一年內,我哋除咗搞港九新界恆常班,仲組咗精英隊,亦入咗好多保良局嘅幼稚園同小學做訓練,成立咗一啲衛星學校隊(即係由國米香港去幫學校成立同訓練校隊),搞過好多次社區活動,暑假搞咗Summer Camp,明年一月去意大利嘅Training Camp 同 Internship 亦都已經成團(尚餘少量名額,仲可以報名),將會起行!
一年之後,我搞掂咗兩個 ‘Mission (Almost) Impossible’:(1)國米U13精英隊參加足總香港青年聯賽,同埋,(2)成功爭取到固定校址,喺大球場對面嘅印度遊樂會。
好彩搞掂咋,所以Maxi House沒有被炒,未來仲會幫手策劃同推廣新嘅海外分校。
多謝香港國米青訓學院,多謝Louis,多謝國米,多謝你哋相信我 - 其實真係淨係得你哋相信我咋,所以我到而家都只係得國米一個 Retainer客戶!
今朝喺小國米U13對小車路士U14嘅event度,來自意大利嘅國米資深青訓技術總教練Luigi Mainolfi 同我講,香港國米係咁多國米海外青訓學院之中,其中搞得最成功嘅幾間之一;雖然香港有先天性問題,硬件方面好難配合,但係其他各方面都搞得好好,接近係一歲新校嘅完美。。。嘩,我好開心呀!原來,我真係識識哋搞足球㗎!
現在我仍努力尋找,九龍區新界區固定校址!如有任何與香港國米青訓學院嘅合作建議,請找 Maxi House:
info@themaxihouse.com
whatsapp: 9885 4288
小國米 vs 小車路士
香港國際米蘭青訓學院 Inter Academy Hong Kong
#iahk #interacademyhk #maxihouse
香港國際米蘭青訓學院 在 Fai Li Youtube 的最佳解答
足總主席貝鈞奇 趙俊傑 出席香港國際米蘭青訓活動訪問:
- 足總主席貝鈞奇:
- 交代富力主場情況
趙俊傑:
- 交代最新近況
- 流浪沒有續約?
- 會否加盟其他球隊?
- 國米青訓學院有固定訓練場地,有什麼好處?
- 與香港飛馬合作
《香港飛馬和香港國際米蘭青訓學院 伙伴球會結盟》
今日中午,香港飛馬和香港國際米蘭青訓學院,宣佈結盟成為伙伴球會,除作緊密交流青少年訓練技術外,香港國際米蘭青訓學院將負責訓練香港飛馬 U13 青年隊,參加 2019/20 香港足總舉辦的聯賽,合力培育年青球員,增加其訓練量及盡力安排比賽及磨鍊機會。足總主席貝鈞奇及Maxi House 行政總裁梁芷珊亦有出席見證簽約儀式進行。
香港國際米蘭青訓學院於結盟儀式上,亦同時宣佈以香港印度遊樂會作為學院固定校舍,並已簽約二年。
香港國際米蘭青訓學院行政總裁 廖展立先生Louis表示,香港國際米蘭青訓學院剛剛完成四日三日北潭涌渡假營8-12 歲Inter camp,家長反應良好,將於稍後時間繼續舉辦類似活動。Louis 稱: 很高興今次可以和印度遊樂會合作,以該會址作長期校舍,並感謝Maxi House 行政總裁 梁芷珊小姐幫忙促成該合作計劃,Louis補充,有固定訓練場地對於國米青訓學院訓練質素及家長信心予以正面幫助,學院由開業至今,一直面對球場問題,現在有固定場地,對教練及學員的準備也比較穩定,而且更可容易舉行不同年齡層及組別賽事。至於與香港飛馬夥伴球會結盟希望是長遠及有計劃的,U13 衹是第一步,希望稍後可以發展其他組別的青訓合作。
![post-title](https://i.ytimg.com/vi/Wuo-PbgcQfo/hqdefault.jpg)
香港國際米蘭青訓學院 在 FanPiece Football Youtube 的精選貼文
【球迷世界球星台 - 辛尼迪專訪】
早前辛尼迪嚟香港出席香港國際米蘭青訓學院開幕典禮,佢亦抽時間分享佢對球會嘅感覺、佢現時嘅工作,以及對今季意甲嘅睇法。
#FanPiece
~~~~~~~~~~~~~~~~~~~~
球迷世界 Youtube Channel:https://goo.gl/1QIOPK
下載 FanPiece APP:
- iOS 版: https://goo.gl/K0xTdk
- Android 版: https://goo.gl/6a2cou
![post-title](https://i.ytimg.com/vi/rIKgnxBzlrA/hqdefault.jpg)