【致謝？你同我講笑呀】
今日立法會大會辯論施政報告致謝議案，第一節關於海運及空運政策，我當然幫梁振英政府算一算帳：
1. 施政報告對於海運及空運都著墨極少，而係三跑同新空管上面梁振英政府5年來不但一直縱容民航處同機管局恣意妄為，更包庇失責。
2. 因應國際民航組織新要求，政府將成立獨立監察組織調查香港航空事故，避免自己人查自己人。其實香港航海事故約有一日兩宗，南丫海難更突顯海事署監察不力，更需要有一個監察組織督促海事處。
3. 三跑工程預計耗資1,415億元，為繞過立法會撥款，政府放任機管局自行舉債近半工程費，此舉有機會令信貸評級「AAA」級跌入「垃圾」級別。
4. 空域問題，運房局張炳良拖足兩年仍未公佈，想靠「米已成炊」迫中央開放深圳空域俾香港？定1,415億整條無用嘅三跑都無所謂？
5. 新空管系統螢幕上嘅航班資料消失、航班標示會消失、鬼機觸發防撞預警。新年期間更加離譜，航班飛行間距不足，但竟然無觸發防撞預警。應該響嘅唔響，唔應響嘅就響，離譜程度連建制派都驚。
6. 帳委會已批評前民航處處長羅崇文興建民航處新總部大樓「大花筒」，但政府主動放生，話退休無得追究，明目張膽包庇。
唔通咁樣嘅施政，都值得致謝？
#唯一值得致謝 #係梁特首唔連任 #恭喜香港人
