被耽誤嘅生態攝影師，要出動喇！
今次係秀茂坪同慈雲山！秀茂坪商場同慈雲山中心有個蝴蝶園，因為近飛鵝山同獅子山，附近唔少公園同近郊地方都仲有好多動物睇架（註：唔好再問喇，昆蟲，係動物），日頭有蝴蝶、蜜蜂、蜻蜓、豆娘，夜晚仲會見到青蛙、竹節蟲、蜘蛛嗰啲。我最鍾意嘅，係疑似係藍點紫斑蝶幼蟲嗰條 #黃色毛蟲，好肥、好好肉、好得意呀 🤤
知你懶，直接話你知喺邊度有得睇：
1. 慈愛苑上慈沙古道入口一帶
2. 蒲崗村道公園
3. 秀茂坪南邨公園
4. 秀茂坪道/曉光街休憩處
而個 #蝴蝶園 就喺商場嘅露天位置，嗰度嘅植物種類，係根據蝴蝶生長週期嘅唔同需要而特別挑選，可以為一啲蝴蝶提供花蜜來源、繁殖空間，同埋幼蟲嘅生長環境。蝴蝶係好揀擇嘅，每個品種只係會吸某幾種花蜜、幼蟲亦只會食某幾種葉，所以為咗盡量滿足多啲品種嘅需要，蝴蝶園嘅植物品種本身都唔少，淨係 J 花都可以慢慢 J。一早上去睇，會多啲機會見到蝴蝶架，去啦比卡超，快啲同我搵日去睇睇！
好啦，我知我同生態攝影師仲有一大段距離，但係欣賞身邊嘅動物啫，人人都可以架，出去睇，就得架喇 😌 你都喺香港困到悶啦，唔做被耽誤嘅生態攝影師，都可以做前途無限嘅生態觀賞師。
📸 https://instagram.com/chrisleungtravels
#秀茂坪商場
#慈雲山中心
#香港咁多好地方
#唔係唔去下嘛
#係蝴蝶啊
香港蜘蛛種類 在 香港蜘蛛圖鑑2022-在Facebook/IG/Youtube上的焦點新聞和 ... 的推薦與評價
蜘蛛 很少會咬人，但黑寡婦和隱居褐蛛則較為危險。多數蜘蛛叮咬對人影響輕微， ... 食物和庇護而進入室內的蜘蛛。了解更多有關香港常見蜘蛛種類的生命週期和生活習性。 ... <看更多>