唔好成日信埋啲網上買（超平）海鮮啦 ！
[點解香港人D錢可以容易呃成咁﹗]
老實講，太易呃，真係唔呃你地都對唔住自己。唔止我，仲有我一批同鄉，日日淨係上網都呃到幾萬，一個月換返最少都有十萬人民幣。咁好賺仲邊樹有去打工丫﹗
偷呃拐騙，最簡單最賺錢最細風險就係騙，由其實係做網上騙案，永無話搵唔到食。其他微信股騙、點數黨、貨到付款，又咩中聯辦、順豐電騙，果D聰明嘅都唔會做，因為羊祜少又太多同行競爭，往往釣到一條水魚最少花一日時間。我就懶慣嘅。是是旦旦係網上搵下今期有咩熱門有咩受歡迎產品，成件照抄過嚟，攞個臉書鬼帳戶開個網購平台(我地大陸大把鬼帳戶，度度都有得賣，幾十蚊成百個戶口)，是是旦旦改個名，求其搵張相做頭像同背景就得，你地香港人根本就唔會理唔會睇，淨係識得睇住件貨有幾抵就乜都唔會理。我地只係係咁易係臉書落幾百蚊廣告(其實即係釣緊魚啦)，就自動有人嚟問幾錢，有一個落搭，個廣告費都已經回咗本啦﹗
其實我地做呢行，都要識得捉你地心理嘅。第一，產品一定要夠熱度或者夠一定普遍，例如呢排人人都話食日本水產，我地咪抄啲日本生蠔、海膽、龍蝦尾做下魚蝕，又興食日本精緻蛋糕，咪又抄一堆相返嚟設局啦，仲有D媽媽最鍾意嘅嬰兒產品，尿片棉花奶樽等等呢D一定受歡迎，一窩蜂咁走嚟問價。我識得有D行家只係賣下樽裝茶、罐裝咖啡，一樣大把水魚上當。最緊要我地識得定價，唔理D貨係其他地方賣幾錢都好，我地都要設佢三重，第一重一定係300蚊以內，買得多平得多，最容易令你地上當嘅係第三重$498-$698就有三份或五份，咁你地先覺得值，先容易科水又會覺得物有所值，而最緊要係，呢幾百蚊，你地覺得蝕得過，即使無咗都唔會唔甘心，你地以為價值細，但對我地嚟講，COPY幾句字就有幾百蚊賺，每日$5000不是夢。
好奇怪，你地就真係淨係睇個產品有幾鍾意，價錢有幾平，又唔會點用心去睇下個專頁有幾假架噃。喂，有時我自己整完都覺得假到有D對你地唔住，無電話無地址無人讚好無人有評價，你地都好似唔CARE咁，咁就唯有保持咁嘅質素啦﹗偶然有啲畀我地呃完錢嘅人返嚟專頁留言話詐騙，其實我地只要BLOCK咗佢佢就無聲出，唔會影響到我地繼續招搖撞騙。不過有D醒目仔識得只係係個帖子裡面派嬲唔留言，我地就比較少處理，原因係我地係大陸要開到臉書比較麻煩，一個VPN只開到一個，要逐個捉啲嬲嬲出嚟BLOCK係好浪費時間(唔代表我地唔會做，只係懶)，反正你地都唔會理個帖幾多嬲嬲都會繼續買，我地又真係唔太理呀﹗
不過，我地最憎果D暗地裡望住我地貨帖嘅人，佢逐個逐個留言去PM佢地提醒佢地唔好買，呢個就真係會影響我地個詐騙營業額啦﹗呢啲通常我地都會用其他假帳戶扮買家留言，引出個暗帳戶PM個假帳戶，從而BLOCK鬼咗佢。不過你知啦，我地買返嚟啲第三世界國家假帳戶，個個都係一串鬼名，一定都知係鬼，呢個係我地不著，會諗諗佢。
另一方面，你地有興趣買件「貨」，我地又點會真係有貨畀你地丫，總之引到你地PM，用轉數快、PAYME、微信支付，或者7-11入數畀我地，就係我地嬴，你地就慢慢等件貨，你嚟我地我地都只會拖住你，拖到你自己覺得係畀人呃時先BLOCK鬼咗你，等你少D機會係我地個詐騙帖子搞搞震嘛。你地以為轉數快安全，其實我地都有好多太空ACC，你一轉完我地就轉走，我地又唔係香港，你地真係無我地符架﹗
唔想再畀我地呃？清醒下啦香港人﹗哈哈哈
來源分享：香港街市魚類海鮮研究社
