關於 香港 最 古老 戲院 ，我們在網路上蒐集到這些相關的討論、資訊與評價

那次 #皇都 ，說我們有商業元素，所以一直沒決定到我們申請採訪飛拱。其實誰都知道，這種書能賣多少錢？不是為興趣，大概無法去做。

今天，跟屋主 #張敬軒 在聊， 他說他很簡單，沒有什麼商業不商業。只要把故事流傳到後代的人，那麼這件事便值得做。

回家我把專欄稿件完成，那是介紹歐洲最古老的藥局，我去塔林因為那裡保留了中世紀古城，一磚一瓦幾百年歷史，邊走邊想起看過的歷史種種。年多沒有出去採訪，今天像是去了那歐洲百年大宅。

再說，我今天是義工，幫忙著籌備這本書，你可能說我戀殖之類，但我只想把那舊時香港紀錄下來，光輝與黑暗，毫不修飾的記下來。

今天發現千絲萬縷，因為皇都，總編追到 #Odell ，我在那邊長大。我爸年輕時從廣州跑了來港，後來在港大工作，原來他退休前經常來 #Alberose 和 福利別墅那裡做冷氣維修。總編也是港大畢業生，只有我是次等大學中文系畢業生。

無論如何，感激張生今天抽空來跟我們梳理好大宅歷史，也把他修復這房子的過程分享。他可以不出現，也不需要答應我們的採訪請求，保育不是空談，而是行動。

我家的古物可以收起來，跟這裡相比小巫見大巫。但我總是愛在雜貨攤裡找故事，特別喜歡那些古老明信片。

#alberose #hku #香港保衛戰 #歐德禮 #香港老美 @hinscheung #保育 #香港 #古董 #古物 #皇都戲院

【當你成功杯葛到戲院，結局又係咪咁簡單？】

如果大家仲記得，我喺戲院開返冇耐分享過，好多人話因為戲院跪低，同政府一齊「安心」所以要杯葛，甚至因為見我入返戲院，覺得我唔同香港人同步、大家唔齊心杯葛，激發起Unlike潮，更有人話要杯葛到戲院跪低執笠云云... 當日我都話，戲院都要交租，識得行內人都知道，零收入不斷喺大商場交租，食政府果少少補貼，頂到幾耐？大家矛頭應該係指向政府而唔係blame the victim，仲有人話我擺明幫政府講好說話，佢就決心唔會再入戲院喇，講到言之鑿鑿好似自己簽埋合約咁。

然後，真係俾你杯葛到執笠喇，又一齊出嚟傷春悲秋懷緬過去；當日話戲院已成歷史，仲堅持入戲院係你古老石山，依家又話好懷念喺UA沙田排隊嘅日子、點解連同CineTimes告別機會都冇。

一夜之間，出現咗好多文章，係電影行業寫嘅又有、係其他唔關事純粹抽下水嘅媒體又有，好多人指出一個問題就係，UA執笠，唔單止係一個集體回憶冇咗、跌入歷史洪流，更多嘅係連鎖效應，影響埋其他商場嘅生計－－如果大家仲記得，當日《阿凡達》落畫後，ISQUARE商戶影響有幾大，到重映嘅反應又幾興奮，甚至大家都陰謀論咁講，最終大量中資入嚟；戲院或者未必會消失，但就變成咗更徹底大陸化，繼而你真係要用貓眼買飛，再由英X不了、黃X鳴不了，變咗你真真正正全香港戲院都不了。

UA倒下，又有更多相關小道消息，話下一個係百老匯，因為交唔到裝修費又放埋The One，又可能係嘉禾，因為已睇到佢股價唔掂，又傳出售七間戲院經營權，搞到個個都要出嚟澄清冇咁嘅事。無論如何，可能我哋都已經唔會相信有咩係永恆，正如一星期前有人同你講UA會突然全線結業，你都笑人陰謀論啦。

諗返不足兩年前，戲院不斷開完一間又一間，甚至聲稱要打造「區區有戲院」，熱鬧到好似寫下戲院新一頁；為咗吸引觀眾入場，各間戲院引入好多唔同格式，營造完美戲院體驗，同時都引入更多周邊嘢，你可以一路睇戲一路食高級晚餐，又可以包間戲院搞唔同活動。

就係不足兩年前，你以為戲院發展會進入新時代，一套《復仇者聯盟4：終局之戰》一套《阿拉丁》一套《反斗奇兵4》一套《獅子王》一套《蜘蛛俠：決戰千里》，票房節節上升，都唔係你話即場買飛就買到，甚至大家通宵去戲院排隊，曾幾何時，戲院都係我哋生活一部份，點解會極速變成咁樣，繼續杯葛，繼而做唔住？

我哋呢兩年習慣咗無常，經營呢個Page今年到第13年，成日話冇人睇，寫嚟零收入，仲日日俾人鬧。話要執Page執Page，但一直都執唔到，就係放唔低呢個興趣。過去一年就算冇乜得入戲院，都盡量不斷搵各類相關文章同新聞寫，出Post量同正常時間分別唔大，但原來去到一個地步，你開始睇唔到將來，係會恐怖。

以前識落嘅電影公司PR、記者，同你講唔做喇，send封「Goodbye & Thank You」信出嚟，你會一笑置之，再問佢：「點呀又轉去邊間呀？」「Good咩Bye丫，轉頭又第度見返你啦！」近排幾乎個個星期都收到呢類email，大家已經唔再轉去第間公司，甚至，唔再從事娛樂呢一行。雖然話，有啲關係有心keep，唔理轉去邊都會keep到，之但係聽到大家好似逃亡潮咁，都有少少唏噓。

可能大家口響響話要杯葛、要打倒戲院，當有朝一日，真係俾你成功咗，甚至因此「引清兵入關」，一切背後可能都變成萬達院線時，又係咪你想睇到嘅現象？

圖為UA黃埔最後一夜時影，相關文章可看留言連結。

‼️電影網店全新貨品已上架，低至$5起，快啲嚟搶購啦：https://bit.ly/3qLPkpk

【Patreon加強版】尊享優惠、更多深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【MeWe請Follow】mewe.com/p/travelerwithmovie
【IG請follow】www.instagram.com/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【戲院仲應唔應該入？仲有冇佢嘅存在意義？】

老實講，由我鍾意睇戲開始，從來未試過接近80日冇入過戲院。就算我Working holiday喺個荒島上面做嘢，放假我要搭車搭船，再搭車然後再轉車，兼且要特登喺出面租地方住，單程足足需要三四個鐘，先搵到戲院，山長水遠都會出去睇場戲。人哋放假去沙灘玩，我長途跋涉去睇場戲；即使我去到南美最偏遠小鎮、遠走到世界盡頭、沙漠鎮仔中間，有戲院都係會走入去睇場戲，唔好理係咪伏片。咁多年嚟，我就係咁愛戲院嘅人，去緊旅行，我都會走入戲院，當咗佢半個家。

前幾日睇到篇文章，講到你好難對影迷以外嘅人講，到底戲院有幾咁重要。你見我呢年成日寫Netflix或「用自己方法」片，其實我一啲都唔鍾意，只不過無可奈何冇得揀，只好咁樣睇，入得到戲院，當然第一時間去。好多朋友話，你有傳媒優先場呀首映呀，梗係咁講，但其實有冇人請我都會去睇，好似《神奇女俠1984》冇傳媒場，即使明知全球劣評如潮，作為IMAX fans，我真金白銀都會走入去睇，見到IMAX片頭，你仲會有少少久違嘅激動。

喺好多年前，身邊朋友已經覺得你傻傻地，早喺Netflix之前，有小鴨、有楓林，一鍵上網即線上看。既然免費，我做乜要俾錢去戲院睇？當嚟到有Netflix，大家已經正式習慣咗隨時線上看，訓喺床睇又得、搭車睇又得、公司吞pot睇都得，你仲咁堅持入戲院，咪古老石山老撚土囉。

但係，喺戲院一齊笑一齊喊、大銀幕嘅震撼體驗，我諗就算你用到VR整個大戲院現場環境出嚟，都唔會感受到現場實況。明白時代改變，戲院成為歷史名詞係不久將來嘅事，咸魚白菜各有所好，我又唔會迫你接受「戲院」呢樣嘢，我只想喺佢消失前，好好守護好好珍惜，而唔係去到有朝一日「香港最後一間戲院結業」，成式正為歷史名詞果陣，又全民去打卡，瘋狂感慨。

最恐怖嘅係，大家成為咗政權下嘅棋子，內鬥至死方休。正如餐廳開夜市就唔係黃店要杯葛咁，呢幾日勁多人話我一入戲院即刻unlike，更癲嘅係，我推薦任何戲院上映嘅電影，都要unlike。老老實實，年中有唔少人同我講呢啲嘢，唔彈某某戲就unlike、唔讚某某戲就unlike，已經習慣曬，但作為講電影講戲院嘅page，你叫我唔準入戲院，甚至叫我一齊杯葛戲院先至夠齊心，恕我接受唔到。我唔會阻止你咁做，相信我出完呢篇嘢會更急增，之但係因為咁樣自己內鬥，就正中極權想你做嘅嘢。

曾經做過一陣子NGO，學到一樣嘢：最唔應該blame the victim。餐廳又好、戲院又好、美容院又好、機鋪又好，甚至仲未開得返嘅party room都好，每個都係極權下受害者，大家會覺得戲院跪低就要杯葛，但其實「唔嘟」同「填寫資料」之間，都有佢灰色地帶，我諗大家都會明。呢年嚟，不時都有同業界朋友傾，當戲院冇收入都要瘋狂諗計r生意交租，但一重開俾政府擺上枱而大家又瘋狂杯葛。大家都係愛電影之人，你可以繼續Netflix同線上看，咁樣內鬥又有乜謂呢？

如果你唔鍾意睇我寫嘢、唔鍾意我言行、唔同意我觀感而unlike，無任歡迎，但因為我入戲院甚至我介紹新片而unlike、恐嚇，我都唔知講咩好。估到又會有人話我維穩、唔夠黃、染紅咗、收咗上面錢去介紹，講咗咁多年，我都聽到厭，你喜啦。

👉電影網店現貨品低至$10起，快啲嚟搶購啦：https://bit.ly/3qLPkpk

【Patreon加強版】尊享優惠、更多深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【MeWe請Follow】mewe.com/p/travelerwithmovie
【IG請follow】www.instagram.com/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

我們自小就懂唱國歌，卻未必等同懂得甚麼是國歌。

國慶、世界盃、奧運、元旦、君主壽辰等重要日子，國民都會唱起國歌來，有頌歌、史詩、進行曲、現代曲等不同類型，每個國家的國歌也有不同意思。香港恒生大學社會科學系高級講師陳永浩博士說：「相對古老一點的國歌，英國、荷蘭這些古老帝國，國歌意義大多是頌揚皇帝，要長壽、萬國萬代。如果比較近代一點，好像進行曲，說戰爭、獨立，就是紀念獨立事件，希望國民不要忘記。」

果籽 ： https://hk.appledaily.com/realtime/lifestyle/

相關影片:
【港女嫁穆斯林】：瞞家人拍拖4年信埋伊斯蘭教 為巴基斯坦老公學煮咖喱：佢話我Rubbish！(果籽) (https://youtu.be/xT3rvyE00eY)
【逃走他鄉】80後碩士生英國做廚師 開小食檔賣雞蛋仔 「港人做亞洲菜有優勢」（果籽）(https://youtu.be/CKRgIvLl2kw)
【「猛鬼戲院」金茂坪】情侶放火自殺？睇戲有怪聲？金茂坪荒廢30年重建 觀塘友：鬼故源於山泥傾瀉（果籽）(https://youtu.be/nu03OL8jXzM)
【魚肉燒賣比拼】 點心顧問盲試六大叮叮魚肉燒賣 冠軍有魚香味又彈牙 最差一陣麵粉味連咬開都難(飲食男女) (https://youtu.be/QsF59sHD3Wk)
【元朗消夜王者】神級鑊氣炒飯檔重開 日賣70盒 $50/盒即叫即炒 老闆炒到手骹移位：冇理由因為賺多啲而一次過炒 (https://youtu.be/-DjDZdrM1o4)

#果籽 #中國國歌 #國慶 #紀念獨立 #世界盃 #StayHome #WithMe #跟我一樣 #宅在家