[空中暢遊]看見令你想要 像支歡樂波板糖(其實關唔關事?)
TLDR :重新發現旅遊樂趣?假嘅。坐飛機係個過程啫,而冇乜人特別enjoy個過程,除咗四大金剛:制服癖,飛機膠,港媽,同埋港孩
但衰嘢我講先:有乜事保險公司包唔包?
1. 絶非廣告,不過388蚊,應該幾具吸引力。但最多咩人去?梗係「航空愛好者」(aka 飛機膠),「航空服飾愛好者」(aka制服癖),仲有港媽,同埋港孩
2. 介紹返,唔少地方都推過呢個「假出行」,之前台灣玩過,我都有寫(https://fbook.cc/3GoG)。固然被環保人士批評—平時都flight shaming嘅,呢啲白鴿轉更加係全無必要。但反正呀環保少女拎唔到和平獎,下屆請早。本人就唔咁政治正確了,畢竟都係嗰句,「生仔就最多碳排放」,真的。
3. 講返,本人真係不了,真係懶,要我走入去機場?不了。除咗睇空姐外(唔通睇空少?當然我不恐同,但我唔係嘛),我並不特別enjoy 坐飛機,即係我唔介意隨意門直送去東京的(小夫,我要進來了)。
4. 但有咩人enjoy坐飛機?咪就係飛機膠,仲有港孩,連帶港媽,咁咯。你想像到,到時成架機都係呢啲人,保證有人在後面踢你,保證有港孩大吵大鬧「同真坐飛機一樣」—仲有飛機膠周圍影相,送的。可惜冇飛機餐(應該亦唔可以自己拎嘢去食)。
5. 另外,介紹返,係要畀返90蚊機場建設費同50蚊保安費。不過對飛機膠同嚟講,幾舊水有得玩,抵啦。淨係影個波丁趴時都值回票價。仲有係香港嘅國技—「影登機閘口」
6. 不過我唯獨有一個問題係,「touch wood 有乜事,保險公司賠唔賠?」。公司話「Chubb旅遊保險並不適用於#UOFlycation航班」,而我同事話「應該UO自己搞個只for 呢班機嘅保險嘛,賺多筆」。
7. 但,總有啲人係買咗全年嘛,點計?雖然咁問好似好妄想症好掃興,但掉轉,平時你去旅行都買旅遊保險架啦!點解今次又唔諗呢個問題?不負責任分析話你知,飛機最高危,係起飛同降落嘛,你上面飛一個鐘定五個鐘分別反而唔係大。
8. 又,其實有Q&A(https://bityl.co/3ruq),但幫你答埋:
9. Duty Free?冇呀,冇得買Duty Free,唔使買煙仔或威士忌了
10. 護照?要喎,要帶護照呀!唔好拎張老身就上機呀!「我就試過就咁拎張身份證去機場登機」「下?咁都得?」「得,唔畀你上機之嘛」(其實當時去台灣去得太多)
11. 行李?好似可以hand carry 行李呀!一於拎個喼上去啦!記住放樓上,撞撚開人地啲薯條三兄弟呀!聽聞而家啲小朋友,大學O Camp都拖個喼呀。但就唔好拎個大喼去寄倉
12. 網上check in,係冇嘅。
13. 飛機餐?咪講咗,冇呀。不過自己帶好似冇寫唔得?不如拎隻燒鵝上去食(機場間鏞記執咗未?)
14. 有冇長腳位?古語有云,長腳位呢啲,窮人嘅First Class,即係有啲窮撚都要高人一等呀咁。不過,唔知呢班有冇。但留意返,中間位係唔坐人嘅。
15. 可唔可以用miles?居然係可以的!5000里。咁就啱,好多人可能積埋啲里數今年到期都未飛過!(我就2月飛咗次越南,爽,到2月尾嗰次東京已經GG)
16. 「有冇得買來回飛」(呢程Default係叫單程的!循環線)
17. 大家仲有咩古靈精怪問題諗到?去到呢啲位我肯定啲網民就好有創意。
18. 但又,話咩幫到收入嗰啲,就算鳩數啦。你自己計到,坐飛一班機可以有幾多$,仲要扣埋啲油費…….當賣廣告好啦。
----------------------------------------------
Ivan Patreon 狼耳街華人,一星期至少三篇港美市場評點,其他免費好文推介,每日一圖,仲有FB Page post summary.一個月一舊水唔使,開張兩個月已 600人訂,仲有兩篇免費試睇:https://bit.ly/31QmYj7
-----------------------------------------------------------
[收費短片第十擊]人民幣升值受惠股,美股二線科技股揭秘
課程資訊:https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號:CC010
觀看期限:首次播放後一星期及限每影片4次
客服whatsapp: 63832145
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...
香港 航空 duty free 在 MeetHK.com 旅遊情報網 Facebook 的最佳貼文
感謝醫護付出!卡塔爾航空送出10萬張免費機票!😇😇
世界各地嘅醫護人員辛苦啦!😭為答謝各地醫護卡塔爾航空向全球醫護工作者送出10萬張免費機票!So Sweet!❤️每位醫護最多可以換2張(自己加一位旅伴)經濟艙來回機票,去任何一個卡塔爾航空航線內嘅航點,只要俾稅就OK!仲有多哈機場內嘅卡塔爾免稅店(Qatar Duty Free)65折優惠券~而且張機票可以免費更改地點、日期,如果係Privilege Club會員,可以照儲里數!真心好有誠意呀!👍🏼👍🏼
只要上返卡塔爾航空官網 https://www.qatarairways.com/zh-hk/offers/thank-you-medics.html 登記,撳submit之後就會提供返優惠碼,再用優惠碼預訂機票就可以啦!提提大家,卡塔爾航空嘅優惠碼係search個陣就要入埋!同埋上機必需出示返相關證明文件。每個地區嘅quota都唔同,今次活動係感謝醫護嘅付出,大家唔好白撞,浪費quota呀!
今日雖然滿額😞,不過佢日日都會更新quota,大家可以等到聽日再登記!留意返,時間係以Doha time (GMT+3)計,多哈比香港時間慢5小時,所以佢哋00:00即係香港時間05:00啦!🤔
申請限量優惠碼日期:即日至2020年5月18日 (每日更新quota,先到先得)
機票預訂日期:即日至2020年11月28日
旅行日期:2020年5月26日至12月10日
香港 航空 duty free 在 美豬媽與布甸仔の日常 Facebook 的最讚貼文
【榮媽帶著BB去旅行】
今日繼續為BB旅行作準備,真係要動手執行李喇!Hand carry都要好好規劃一下~其實去日本咁短途,本身都無咩特別野要pack,好似平日出街咁都ok!最緊要係帶備戰車同埋水!
-
⚠️到底架BB車係寄倉定hand carry?⚠️
視乎BB車大小, 例如yoyo當然可以拎埋上機
我用好大架既P3😐所以必然要寄倉!去到check in counter 同地勤小姐大聲講:我要寄倉!咁佢就會幫你掛個牌,你可以拎住架BB車入禁區, 斯斯然咁行Duty Free😎😎去到登機閘口就交低架車畀啲空少!😚😚😚 落機就可以喺行李輸送帶到拎返啦✌
-
⚠️BB車計唔計落行李架?⚠️
大部分航空公司嘅嬰兒票都有10kg嘅托運行李限額,仲可以買多D野🤪連HK express都可以免費寄嬰兒車,所以唔使擔心呀💆♀️
-
⚠️BB飛機上點食奶?⚠️
人奶B就好簡單,隨時都得😎
泵媽就麻煩d,首先係需要儲存雪奶係冰袋到,需要時向空姐要求一杯熱水坐奶。
奶粉B最麻煩係要帶水,媽媽們成日都問:點帶水過關呀?!其實只要你帶住BB,過關時只要指下個B,好有禮貌咁向個關員示意一下,就無問題喇!😎我同我老公每人都帶左一樽細水,同埋一個熱水壺!回程既時候仲帶埋旅行熱水煲煲水添呀!
.
.
.
#帶著BB去旅行 #帶著寶寶去旅行 #寶寶遊世界 #travelwithbaby #babytraveler #babytravel #Baby #BB #BabyHK #HKBaby #HKBB #香港BB #cute #cutebaby #love #babylove #hkmom #hkigers #香港媽媽 #mommy #mum #momlife #momstyle #mummy #HappyWife #HappyMom