【龔成問答信箱】(Q21481-Q21500)
Q21481:
你好! 老師。我今年28歲,疫情問題,搞到我現收入對比之前少左差唔多4-5成人工,現時收入得17000。
而我對於金融知識可以話係0,之前一直都無去接觸投資或者相關知識!
近一兩年我更加體會到合適投資理財既重要性,最近機緣巧合之下我接觸你個page ,所以我忍唔到想問一些有關好新手既問題。
我想問︰
1. 投資是否要有一定既本金,才可以開始。我有朋友一直都叫我合理投資,佢話就算你得幾千蚊都可以!唔一定要幾萬/幾十萬。
而我就覺得本金覺得要有返一定既數目,例如兩三萬不等。
2. 另一個問題係,我身邊有部分朋友佢地投資股票,大部分都係短線投資(我唔知佢地對該股票本身公司既了解程度深淺)
係宜類事上樣,佢地算係投資定算係投機!?
3. 最後我想問一下,28歲先開始慢慢學(本身興趣不大)會唔會係好遲
可能真係問左幾個好愚蠢既問題,但我覺得如果開始要學,更加應該要解決我眼前既疑惑先。
龔成老師︰
「發問」,係學習必經階段,唔好覺得愚蠢,而停步。因為,無人一出世就乜都識,好多野,都係後期努力學習得來。
所以,你想做投資,就要努力去吸收知識。睇財經新聞、睇企業年報、投資書籍、上相關課程,都會對你有幫助。
1) 我地開始投資,唔一定要有一筆較大的起動資金。只要你每月有一定儲蓄能力,就可以利用這筆閒錢,以月供股票形式,去進行投資增值。
以你28歲,可以選擇一些「平穩增值股」+「潛力股」作投資目標。
以現時大市合理區狀況,你可以考慮用部份儲蓄,進行月供股票。你可以每月先用一半儲蓄,另一半就先儲起架策略。
由於你投資知識不高,因此可較集中在平穩增長類股,至於潛力股,只宜小小注。此期間,你最好是努力提高投資知識,才慢慢增加翻潛力股比例。
餘下現金就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
2) 我地買入一隻股票,就等同買入一間企業,一定要知道佢質素、行業前景、財務狀況等,才去考慮否投資。
當我地確認係值優質股後,我地會用平貴定入貨策略,並長線持有。而唔係做短炒,去賺差價。
因為短線股價會受市場氣氛、資金流向等,與企業質素不相關的事情影響。這些因素,我地係不能估計。
但長線,企業價值會係股票上展現出來。因此,優質股你買入後,長線持有,讓其自然增值,永遠都係最有效的財富增值方法。
而你朋友,不論佢地對企業了解多寡,短線操作,必然受很多不能預計的因素影響。因此一定賭博成份,故算係投機。
3) 你28歲,唔算遲,依然有好充裕時間做財富增值。你除了盡力儲蓄、投資、學投資知識外。也要把握你年青優勢,盡力儲錢,做好財富增值部份。
------------------------------------------------
Q21482:
老師,今日隻ASM 近期上升,雖然得一手,我在50值博倍升股中挑選的,1177都有三手,好有滿足感!
但係佢地升咁多,我点加碼再入再長線持有呢?好矛盾
二月開始學習股票,終於睇到威力,都滿足又請教!
等番跌落合理價,又可能冇我入咁低,個值博率咪又低左囉?
龔成老師:
太好了!
ASM PACIFIC(0522)有質素的,這瘓《50股》其中一隻,優質度4分,可見值得長線持有。至於中生(1177),同樣可以長線。
如果你本身有貨,就唔好太急去買入,ASM PACIFIC約在合理區頂,中生就略貴,你都一以耐心少少,等佢地回翻D先加注。
有時就算未到你之前的買入價,只要合理,而你又資金足,買入後仍有現金剩,都可以考慮的。
------------------------------------------------
Q21483:
拜讀完財務自由行後, 有些關於物業投資的問題,想請教下, 先講下本人的資料先:
-女性, 單身, 40歲
-無買過物業, 現住我媽名下之自置公屋, 已供完, 未補地價, 無住屋問題
-現在財務狀況:
*人工$29000, 收入穩定
*基金USD30000 , 月供HKD2000 *股票$450000, 分佈如下:
2 - 15%,
3 - 6.5%,
11 - 14%,
66 - 10%,
590 - 5%,
737 - 0.3%,
823 - 3%, 939 - 4%, 1177 - 6%, 1398 - 1.4%, 1448 - 1.9%,
2382 - 1.6%,
2638 - 0.9%,
2800 - 23%, 2823 - 0.5%, 2828 - 4.9%,
3067 - 1.5%, 9988 - 1.4%
並現在月供
66 - $1000,
823 - $1500,
2382 - $1000,
2800 - $1500, 9988 - $1000
*現金$200000,
*公積金$1600000,
想問:
1. 睇完財務自由行時才發現物業都好重要, 但以我的年齡才買樓會否太遲? 我驚銀行不會做太長年期按揭?
2. 如買樓可以, 要如何儲首期? 因買後打算放租, 要預較多首期, 再要儲幾年錢, 驚按揭難做
3. 還是不買樓了, 買股票儲資產算了
買樓這問題, 我想了幾個星期, 問不同人有不同意見, 都不知怎決定好, 所以都好想聽聽龔老師意見, 謝謝你的回覆!
其實我驚年紀大,現在才供樓負擔太重,另外股票打算長線投資,但如因買樓要賣出,又唔知好唔好
龔成老師:
你現時的股票組合,基本上都無問題,大多是優質股,同時算是一個平衡狀態,而部分持有較多比例的,就不要再加注,你預一隻股票去到15%是上限。
1)在我地財富配置中,應該長遠建立「股樓平衡」的組合,不過,你現時無住屋方面的逼切需要,因此,你在這方面變成了不是「必然」。
但長遠,建立股樓平衡都是方向,但要留意,雖然這是方向,但我地買樓有一個好重要的原則,就是「供得起」,要確保在這方面無問題。
如果太勉強,就未必是好事。
以你的情況,暫時不用急於買樓,因為當你買樓後,財富會太偏重在物業,同時你在供款方面,都會有一定的數目用於供樓。
因為你這刻的財富與收入,並不算好高,因此在置業後,會用了一定的資金同時供樓可能會有吃力,就算收租現時亦未能對消供款,每月都要有支出。
2)儲首期以儲蓄及投資股票滾存,然後到接近買樓時,就要賣出股票去套取現金準備買樓。
3)你可以視買樓為一個方向,但不用一定要完成,同時不用好急去進行。可以等你財富有更大累積後,例如定一個3年的儲蓄投資計劃(試試在3年內,盡全力去儲蓄、投資),睇下到時的財富與收入情況,再作決定。
------------------------------------------------
Q21484:
老師 想請教一下 組合入面想減少一啲質素無咁好既股票套現 可唔可以俾啲意見減邊隻好
405 66 788 1558 823 2342 8083 2806 1980 336 2208 6618 6993 1810
大部份都蝕緊 未返到家鄉 除左823 66 1980 1810 8083有賺
龔成老師:
上述持股的隻數,的確有少少多,管理會較難(但又不是好多)。
而我地決定一隻股票去或留,不是睇賺蝕,最重要睇質素。而我見組合內的股票,其實又不是差,因此問題的確大。
京信通信(2342)、中國有贊(8083)、天鴿互動(1980)、華寶國際(0336),並不是無質素,只是風險較高,又或業務較為波動,可考慮減持部分。
至於其他,無問題,可以長線。
------------------------------------------------
Q21485:
522 ASM 之前公怖第一季純利急升,對估值有沒有提升,現在加注是否合適?謝謝
至於700,1177,9988,等等我直等老師說到合理位置才入,所以700,9988,未有加注,1177就越等越貴,不知如何是好。謝謝你
龔成老師:
ASM PACIFIC(0522)有質素。
佢係半導體和發光二極管行業的集成和封裝設備供應商,為跨國芯片製造商,為獨立集成電路(IC)裝配工廠和消費電子產品製造提供半導管裝配設備及材料。
過往的生意與盈利都有增長,不過盈利有點波動,這都會令股價略有波動。
佢業績正面的,會對估值有少少提升,但我在分析時,會以更長期的角度分析,不能只睇短期業績。因此,雖然現時睇佢業績正面,但都不能太過調高企業價值。
而佢長遠有一定的發展,可長線投資。現價合理區頂位,如分注小注或月供,仍可以。
如果本身不太多貨,都可加小小,加如果已有一定的貨就唔好加。
至於另外三隻,你可以月供的,如資金不多,就停一停,不要急於買入。
------------------------------------------------
Q21486:
你好,我想問下,如果月供股票會否產生很多碎股日後出售比較困難?
龔成老師:
的確會有碎股,但其實不用太擔心。
第一,碎股都可以賣到的,一些大型股,只要價位低少少就賣到。
第二,當你好長期去供的時候,碎股佔比其實好少。
第三,有些銀行提供「你在該銀行月供股票,該銀行比你用正股價賣出」,佢地會提供這服務。
------------------------------------------------
Q21487:
龔成老師你好,我最近開始由讀醫書,放假開始研究投資。想透過投資,為屋企人帶來更穩定嘅退休生活。
但我係投資新手,想問應該如何入手,因為平時鑽研醫書用上好多時間。
我是一位醫學院畢業生,投入職場數年,最近因為打算為屋企人帶來更穩定嘅退休生活,並有出國進修嘅目標,
開始在工餘時間,由鑽研醫書,抽撥時間開始研究投資,因而關注了你的專頁。
我是投資新手,所以把握時間,清楚自己嘅投資能力同方向
龔成老師︰
你讀醫,相信會投資一定的時間去得到專業資格,而這個事業的回報,比一般的其他職業為高,因此,你要好好發展這事業。
因為這個事業可以為你帶來理想的初期本金,之後再配合投資,可以為你帶來長遠理想的財富。
怍為一個位投資新手,你建議你先要做三樣野。
第一,增加知識,你要學理財及投資的知識,記住,投資並不是坊間的炒炒賣賣,你要從書本或課堂上認真學習。
你可以先睇我本《股票勝經》,適合初階投資者的。
第二,了解銀行及證券行,去開一個證券戶口,並準備做月供股票。
其實兩者都可以,銀行就較方便,但手續費就較貴,證券行收費就較平,香港的監管不差的,風險不大。你可以先了解下不同的收費。
第三,將每月的部分資金,去做月供股票,供盈富(2800)。對初階投資者來說,月供股票是一個很好的累積財富方法,因為可避免你一次過在高位買入的風險。
原理如同儲錢,不過就不是儲現金,而是儲股票。計劃要長期進行。
另外,盈富是一個包含55間優質企業的組合,適合絕大部分人投資,風險不高,長期儲貨可助你財富平穩增值,記住要長線持有。
當你在做上述三件事的同時,開始學下股票,了解下那些股票適合你自己。
上述只同你簡單供盈富,當你過幾個月,有知識及少少經驗後,就可以利用你手上的資金,其中一部分,去投資股票。
------------------------------------------------
Q21488:
唉!成哥!好惨!朋友介紹我買輪。買左華虹12479..0.26買,就死得。係米冇可能升返0.26
其實我第一次睇你fd,我已經覺得你好好,好細心幫d網民分析。如果之前我大胆d問下你的介绍同分析,我一定吾係咁結果
龔成老師︰
我20年前,都是短炒者,技術分析者,用左幾年,輸足幾年,之後長線投資,就開始不斷賺錢。
其實我當時,用左幾年時間去學分析技術,我當時不斷睇書、上堂學短炒,但最後都是輸,可能是我能力不足吧。
但我之後做銀行同證券行,見大部分輸錢的客,都是偏向短炒的。
當然,你問我有無人贏錢,是有的。但就我觀察,長線投資贏錢的人,比短炒的較多。
另外,如果你分析全球真正賺錢的投資者、經金經理,佢地都無人短炒,都是長線投資的,巴菲特都是反對短炒的,佢都唔用技術分析。
因此,我相信長線投資,是真正助我地贏錢的方法。
所以,我不停會叫讀者,唔好短炒,唔好用衍生工具,就係這個原因,這都是經驗之談。
以你現時情況,建議唔好再用衍生工具。因為短期股價,主要係受市場氣氛、資金流向等,與企業本質不相關的因素所影響,好難估。
但長線,只要係優質股,企業價值一定會係股價上慢慢反映出來。因此,若你睇好個別企業,你係應該買正股,而唔係短炒工具,並長線持有。
華虹半導體(1347)有質素,發展不差。
佢主要從事半導體產品的生產及貿易,開發及提供晶圓工藝技術組合,包括嵌入式非易失性存儲器及功率器件,以及RFCMOS(射頻互補式金屬氧化物半導體)、模擬及混合訊號、CMOS圖像傳感器、電源管理及MEMS(微機電系統)等多種其他技術。
佢客戶主要為集成器件製造商與系統及無廠半導體公司。中國因為想發展這方面的技術,政策在長遠會對這公司有利,增長正面。
但你現時投資12479這些衍生工具,投資策略與正股好唔同,這些衍生工具當你見到唔對路,就要立刻賣出,無得守,因為佢時間值會不斷減少,你持有愈耐,就愈貶值,你只能等多短時間,現時距離到期有2、3個月,你最好在1個月內,無論升跌多少,都要賣出,否則之後時間值跌得好快。
------------------------------------------------
Q21489:
龔成老師, 同朋友一齊做生意,但係佢叫左自己屋企人黎反工,我就開始有種唔知點既感覺,又唔知點叫佢做野,我應該點處理。
龔成老師:
第一,你要同佢溝通,做生意要多溝通,要大家知道各自的想法,比佢知你想點,同時你都要了解佢想點,要找一個大家都平衡到的方法。
第二,要定規則,要盡早定立營運模式,要向企業化去行不能一個人話事。
當企業化,就大家要守規則,事情就會較易處理。
------------------------------------------------
Q21490:
老師你好,考慮左好耐,始終都係心思思想向你請教一下。
因此近年係FB睇到老師分享資料好有用,而且你強調買股票應該採用價值投資法,而唔好只係為短炒波覆,呢一點真係好警醒我。
回顧過去買賣股票,因為只顧短線波覆,其實鑊利唔多,可以只係打和。
所以而家開始,我都希望自己可以跟從老師既方法去投資,請老師指教一下。
我今年32歲,月入3萬。存款100萬,月息可收約2%,股票約30萬(2388,2628,9988,3069)
以前買股票,短炒為主,波覆收入會儲一半,花一半。未來1-2年希望買樓,請問老師覺得我應該從現金再投資幾多去股票市場會比較好?
同埋想問一下3888,909呢類是否可以低吸儲貨?
謝謝
龔成老師︰
記住,我地投資股票,係希望長線持有一些優質企業,透過佢自然增長,達至財富增值目的。
而唔係做短炒,去賺差價,這個方法係好錯。
32歲計,你應先做好增值部份。但由於你1-2年內要置業,資金係有一個明確的使用目的。
而且時間太短,如果用來投資較有潛力股票,會有一定波動性,影響最終回報。
以你情況,資金最多可以投資一半在收息股,另一半則以現金或定期持有。再保守D,你可以只持有現金或定期都可以。
收息股︰港燈(2638)、香港電訊(6823)、工行(1398)、恆生(0011)、置富(0778)、陽光(0435)、深高速(0548)。收息基金(3110),都可以。
現有持股,華夏恒生生科(3069)和阿里巴巴(9988)波動性會較大。中國人壽(2628)質素只是中等。
如果置業時都需要贖回現有持股,我建議你減持部份﹐將佢換成收息股,定期或現金持有,會較好。
到你買樓後,新資金才投入較有增長力股票,幫你作財富增值。
金山軟件(3888)主要從事遊戲研發及提供網絡遊戲、手機遊戲及休閒遊戲服務;提供雲存儲及雲計算服務;設計、研發及銷售推廣辦公軟件產品及服務。
業務有質素,長遠發展力不差,不過擔心股價較為大上大落,現價合理區頂位,這股前景正面的。
明源雲(0909)有潛力。
佢主要係中國房地產開發商及房地產鏈參與者,提供企業級ERP解決方案及SaaS產品。
睇翻佢之前的資料,佢係中國房地產開發商的第一大軟件解決方案供應商,市佔率有約2成。係呢個市場裡面,按收入計,亦為ERP解決方案及SaaS產品的最大提供商。
其實,佢的角色可以話中國房地產行業的數字化轉型,為房地產開發商及其他參與者,開發了一套行業垂直的ERP解決方案及SaaS產品,以助其管理廣泛的業務運營。
包括銷售及營銷、採購、成本管理、項目管理、預算以及房地產資產管理,佢的SaaS產品包括雲客、雲鏈、雲採購及雲空間。
業務雖然有增長力,但股價都唔平,如果初步分析,處貴水平,值博率未算強,始終市場現時對這類股有好大期望。
但由於3888和909都係波動性高架股票,暫時不適宜你用來投資,等你置業完成才再考慮。
------------------------------------------------
Q21491:
龔成老師你好,本人36歲,單身,正職加freelance收入大約每月兩萬元。最近一年才認真開始儲錢。
現在儲了10萬元港幣,另有多年前買入的5萬元人民幣。有意分注買入股票作長線投資。很想請教您的意見!
現在我可以keep住每月儲一萬元。我打算平均一個月用大約$5000 分注買入股票。餘下的$5000儲起,等在大市回落時用來買平貨。
我初步的想法是:
1. 每月買一手安碩恆生科技(03067)
2. 大約每隔兩三個月買一手雅生活(03319)或者中國生物製藥(01177),你建議買哪一隻較佳?
請問我這樣方案可行嗎?定係有其他更加好的組合更適合我?
另外你會否建議初學投資的人先集中只買港股?其實我亦有意投資美股ETF,原因是我見它長缐的回報不錯,有不同成份股亦可分散風險。
只是現在我資金不多所以暫時不打算買。
我有信心半年後我的freelance收入會有所增加,到時可有多些資金投資,打算之後每月keep住用分注買入VOO,長期月供。這樣可以嗎?
感謝龔sir寶貴時間回答。
龔成老師︰
我地投資會運用「先增值,後現金流」作方法,初期應投資較多增值類資產,較後期則應投資較多保守類項目。所以係分配投資項目時,會因應番你的人生階段。
你現時36歲,應以增長力為主。現時你先用$5000分注,另外$5000儲起等大跌市機會,這策略係可以。
安碩恆生科技(3067)、雅生活(3319)和中國生物製藥(1177)都係有質素,和較有潛力股票。3319和1177相比,潛力度1177會高少少。
而現有人民幣,如果無特別用途,可以換回港幣,連同10萬元作投資之用。
但我地投資增值,唔係只係講求增長力和優質程度。同時間,我地都要考慮成個資產配置。唔可以太集中係個別資產、行業或者股票。
你所提到的股票,都係潛力股類別。佢雖然有增長潛力,同時風險都較高,不宜持有過多。
你每月分注,暫時集中係潛力股係可以,但現有資金,必需較集中在平穏增長股部份,去平衡個風險。
長線計,你要留意平穏增長股和潛力股比重,以你年紀,最多只可以50:50。而你只係初學者,要再打折扣,大約佔3成好了。
另外,50:50這個比重不是永遠。到你年紀日長,你要慢慢下調潛力股佔比,去平衡個風險。
平穏增長股:金沙(1928)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)、長建(1038)
至於初學者,無話一定要港股先,定美股先。個重點係你較了解邊個市場,和當中股票。
美股都有質素,若你對美股有一定認識,將來都可以將VOO加入月供組合之中。
------------------------------------------------
Q21492:
老師,20歲 Year2,我好希望大學畢業之前儲到半個百萬即係500,000!
龔成老師:
這是一個高目標,不過,不是不可能。
最基本你要你要做好理財,盡力儲蓄,之後就要睇下你點樣滾大財富。
主要方法有兩個,第一,投資,較集中投資增長力較高的股票,當然會有風險,但同時要求你有一定的投資實力,但只要付出,我相信$50萬目標不是不可能的。
第二,做生意,你現時大學生,應該能找到時間做生意,同時可以找一一個年輕人的市場,這是你的優勢,只要做得好,你可以有理想回報。
加油!我等你完成目標的好消息!
------------------------------------------------
Q21493:
似乎Alibaba 近况普通,想把它換了腾訊
1357聽講它買了很多Bitcoin, 我又無膽買Bitcoin, 所以考慮它,你覺得如何?
龔成老師:
我地分析企業時,最重要是睇翻企業的長遠發展,唔好單比這一刻的情況影響,要睇長遠。
阿里(9988)有質素,有增長力,之前貴,現價去翻合理區。其實仍不差的,佢同騰訊(0700)的質素,接近。
阿里係業務層面,擁有相當的優勢,不少業務處於壟斷狀態,同時增長理想。加上正不斷發展延伸業務,這都會成為企業增長的潛力,預期增長會持續,這是阿里最大的賣點。
以企業的長期發展計,這股的確優質,但股價都有一定的波動,現價算是合理翻D,但都不是大手時候。
始終將面對內地監管可能收緊,因此風險度增加左,不過,我相信佢的整體優質度仍在,內地不是不想佢賺錢,只是想規管佢。佢已建立好完善的業務,因此本身是無得輸,只是賺多賺少問題,現時監管多左,點都會影響賺錢能力。
對於這類優質、有發展,但現價未算特別平的股票,小注分注投資,或月供,是較好的方法,算是平衡了風險與增長的考慮。這股可以長線投資的。預佢現價約合理區中上部。
至於美圖公司(1357),佢的確有投資比特幣,你當間接投資,都可以的,但你預佢上落較大。這股業務都算正面,佢過左最差時期,現時正向好。
佢主要從事提供在線廣告及其他互聯網增值服務;以及開發、製造及銷售智能硬件產品。
見佢財務數據改善,這企業仍有發展力,有長線投資價值。不過業務變化始終大,不建議大注投資。
------------------------------------------------
Q21494:
你好,老師,有些問題想請教你:
本人30歲已婚,家庭月入約18萬,平均儲蓄每月13萬,現持有一幢樓齡約34年的物業,市值800萬,現欠按揭350萬。
目標想購置一個三房港島單位作永久居住使用, 現有物業則用作放租用途。
本人和太太現金約有420萬,由於理想單位大約需要1800-2000萬,首期不足,故此有兩個方案,還望老師指教:
1)儲蓄多3-4年和平穩投資,儲夠首期以買到心儀3房單位
2)投資一個兩房新樓,如康城/啟德/黃竹坑等,待物業升值後再發售並換上心儀單位
請問上述方案更好?定還是有其他可能?
謝謝
龔成老師:
其實兩個方案都可以,但從這刻的投資項目值博率考歲,方案(1)較好。
當我地考慮你長遠的置業計劃時,會考慮怎樣最有效達到,怎樣將現時的財富,最有機會及最快,能完成你的目標。現時股市的平貴度,相比起香港樓市為平,因此在增長力方面會較好。
再加上股票的流動性較強,以及買賣的成本比你物業買賣成本為低,因此,(1)對你來說是較好的。
另外,當你進行(1)的方法,其實不一定硬性規定要3-4年,如果你持有股票升值較快,同時樓市出現下跌,這已經可以買。
相反,如果資金未足,就可以遲少少先買,可彈性處理。
------------------------------------------------
Q21495:
呀Sir~我想加番多d潛力股落個組合到(暫時我只有盈富同六福)
想問問中生製藥1177,是否$8以下都可以入?
另外,福壽園1448係咪around $7.5以下都可以入呢?
我想暫時各入1-2手
另外,小米都想買一手,依家可否都入一手呢?
龔成老師:
這3隻都可以,你可以在適當位置加入。
褔壽園(1448)$7以下合理區頂,如果$7以上你小小注好了。
中生(1177)$8以下合理區頂。
小米(1810)$24以下合理區頂,如果在這價以上,你小小注,或月供好了。你可以買入一手,等跌再加。
另外,你可考慮安碩恒生科技(3067)。
這基金追蹤恆生科技指數之表現,而恆生科技指數,都是一些有質素的潛力股,例如阿里(9988)、騰訊(0700)、小米(1810)、美團(3690)等的新經濟類公司,長遠有潛力。所以有長線持有價值。由於基金有30隻股票,比起單一股票,風險能減低。
不過,現價都唔平,大約在合理區頂至略貴,因此,這刻不能大注投資。最好的策略,就是月供,或自行分注小注慢慢收貨(例如每月買一次、或2個月買可次),總之慢慢入,不能用盡現金,原理如同不斷儲貨,這樣就能平均買入價,減少風險。然後就長線持有。
------------------------------------------------
Q21496:
阿Sir 之前睇咗你嗰條片關於25歲再讀四年full time course, 好有少少問題想請教你。
我18年大學畢業主修英語研究。 畢咗業兩年半我都係做luxury零售業,因為我知道未來嘅路我唔係想做零售 我三月中辭咗職。
我計劃左打算今年8月考試CFA所以而家嘅時間溫習多。 而家暫時都係冇做嘢,有時會做兼職, 之前儲嘅錢都有做少少投資。
對於呢個轉變呢一刻我有少少迷惘 但係因為我選擇咗咁樣去做,所以都要硬着頭皮繼續去。
所以你對於例如考 CFA 或者FRM認為係點?
我之後都想會喺金融或者銀行個方面發展
我以前中學係讀商科 同埋都有考LCCI。因為而家疫症嘅關係我短期內都應該唔會搵到工 屋企人都為我有啲擔心。
龔成老師︰
我地考慮重點,應集中係你長線發展。
首先,你要了解CFA和FRM對你將來工作,會唔會有實際幫助。
如果有,你就努力去做。心態上,只要唔好為左有張沙紙,人有我有而去做。而係從實際作用出發,去考慮這件事。
另外,現時除左讀書和兼職外。你都可以睇下,有無一些工作,係可以吸收相關經驗。
可以幫助你將來,進入你心儀的工作,都值得去試一試。
短期可能因為讀書、學習,令收入偏少(當然,收入減少不致嚴重影響家人。)。但長遠係有利的話,你就應向這方向進行。
------------------------------------------------
Q21497:
你好龔成先生, 我想請問點樣可以增重增肌,同時又可以兼顧儲錢呢方面。
因為健身需要大量食物補充,是否只能降低少許儲蓄平衡。
龔成老師︰
如果增重增肌是你工作所需,而又對你工作有利。你係可以調整一下儲蓄部份。
但若果係個人興趣,你就要找出儲蓄增值和生活興趣中,取得一個平衡點。
若你放棄今天興趣的消費,去加大儲蓄,自然財富增值會較快。當財富累積較多,將來你就有更多資金實現你夢想和興趣。
當然,這個平衡點無一個絕對答案,你可以自己衡量。
------------------------------------------------
Q21498:
龔sir, 我持有以下股票,有乜評價,應否繼續持有?
3968
2319
3993
2628
5
941
861
1515
338
6869
588
1666
3613
3382
1
1113
龔成老師︰
首先,你持有組合好雜亂,而且太多隻。長線計,你要集中翻係8-10隻左右,會較易管理。
你組合配置上,算係一個偏保守的平穏增長型組合。若你係較中年,這個組合係可以。
整體而言,你持股質素都無大問題,但要留意翻以下幾隻。
洛陽鉬業(3993)、天津港發展(3382)質素上唔算最高,加上波動大,不宜大注。
中國人壽(2628)、質素只係中等,同樣不宜持有過多。
北京北辰實業股份(0588),本質不算差,但賺錢能力又不算好高,同埋企業規模較細,都是較負面的因素。如果你持有的股票不算多,可以繼續持有。
若持有較多,建議沽出部份,平衡個風險。
同仁堂科技(1666)有質素的,不過增長力比過往略減。唔值得投資太大注,小注等佢回勇係可以。
------------------------------------------------
Q21499:
龔sir想請教下你。
本人25歲,每月可儲蓄14000,其中月供股票8000,餘下6000等大跌市先用。
現有7萬現金,40萬股票組合如下︰
0257 光大環境 12.5%
1177 中國生物製藥 12.5%
1833 平安好醫生 5%
2800 盈富基金 20%
3067 安碩恒生科技 25%
3091 A日興電遊 25%
月供股票都係用這比例供,想問5年後累積200萬資產可能性大唔大。
同埋問如果資助配置係,每年做一次rebalancing 好定係用升一倍放一半好d?
謝謝
龔成老師︰
你現時持股都有質素,月供資金分配都可以,都係適合你年紀。
安碩恒生科技(3067)及A日興電遊(3091)有少少都是同類,因為有不少都是科技類別,因此,你持有的比例其實已開始多,你要留意翻(這刻問題未算大,加上你年輕,可承受風險),只是長遠要留意比例不能過多。
但留意光大環境(0257)業務本質不差的,不過負債不斷增加,令風險度提高左。
其實有長期投資價值計,只是太宜大注。現貨可持有,但唔好再加注。
我假設投資回報有10%(連股息再投資),你每月投資$14000 + 47萬(現金和持股),5年後大約會增值至170萬。
故你要再加大少少投入,每月大約去到月供$16000-17000,才有較大機會達至你的財務目標。
至於幾時重整組合比重,其實你1年左右做一次就可以。當你發現個別行業,或者潛力股比重開始過高,你就要作出調整。
調整唔一定係沽出現有股票,可以透過新資金的配置,去令組合平衡翻。同時睇下有無持股質素轉差,就要沽出部份,甚至全部持貨。
至於"升一倍、沽一半"這策略,但比人些不懂定平貴,或者好保守架投資者。讓他們先收回成本,所以唔係一定要做。
因為只要持股係優質,長線持有永遠都係最好。
------------------------------------------------
Q21500:
龔成老師你好 我想請問係没有會計基礎下 有無書藉可以推薦 讓我可以睇明白年報? 還是必須要去上會計課程?
我是澳門人 一直沒機會上你的課程 過去一年睇左各種各樣嘅書藉 但一睇公司年報就頭痛 基礎知識太差 希望老師可以指點一下
(其待有日你可以到澳門開班)
龔成老師:
你可以睇《年報勝經》,這是是寫比一些無乜會計知識,而又想學睇年報分析的人,相信是適合你的。
你睇完這書後,再試下睇企業年報,自行分析。
如果日後有需要,就再講會計課程。
另外,如果你想學股票基本知識,可以睇《股票勝經》。
其實我之前都有開過澳門班的,不過現時疫情,所以暫時停左,之後會再開翻的。
你或者可以預早留位,只要whatsapp 852-55457212我同事講,打「留位澳門班」就得。我地有具體資料就會 whatsapp你。
因為現時已有好多澳門人留左位。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有7部Youtube影片,追蹤數超過13萬的網紅暗網仔出街,也在其Youtube影片中提到,Instagram: https://www.instagram.com/dw_kid12/ Facebook: https://www.facebook.com/deepwebkid/?modal=admin_todo_tour 訂閱: https://www.youtube.com/chan...
香港 近况 在 沖繩 Oki-Family Facebook 的最佳解答
【大阪咖啡老店】珈琲的人情味
今年五月, 爸爸媽媽因為工作去了京都大阪幾天,見證了無人的清水寺。每到一個城市,爸爸最興奮的不是電器,玩具(成人)店,而是每天早上找尋一家美味的咖啡店,期待着一片吐司,一杯咖啡,一個簡單的日式早餐。
我們購買日本咖啡豆已經超過10年。但大部份小店也不會郵寄至海外,在香港的時候,只能郵寄到日本朋友家中,再轉寄過來香港。搬來沖繩後仍然繼續從同一家購買,直至到他們的質量明顯下降,便再次踏上尋找咖啡豆的路。
在北海道找到了一間炭味濃郁的咖啡店。滿以為完美,可是味道覺得不夠濃厚,加上價錢太貴,便再尋找。
今年在大阪的金融區無意中發現一間老店,昭和的洋式小店。疫情期間也座無虛席。能一直滿足金融區老饕的口味,一定有特別地方。
店,很小,只有三位員工。咖啡豆焙煎機已經佔去不少位置。
沖咖啡是一個老伯伯,傳菜下單的是一位老婆婆,還有一位中年男子。
第一次去,等了很久才上咖啡,婆婆 cool cool 的。喝下,是我們最喜歡的味道類型!
連續幾天,我們的早餐也在這裏渡過。店內的婆婆,仍cool cool 的。
去機場回沖繩前,我們想購買一些咖啡豆,但他們現貨不夠。問他們能否郵寄至沖繩。突然之間,隔膜完全消失!婆婆突然間變成一位熱情的少女,非常雀躍有人欣賞他們的出品!
可以郵寄,但他們只接受電話下單!
回到沖繩後第一次打電話給他們,下單,付費,寄出。沒有網站,甚至連Line, 電郵也沒有。需要使用最傳統的方法,電話。感覺麻煩...
訂購之時正值日本水災, 沖繩颱風天,電話中他們已經提醒有機會延遲送遞。最後仍是第二天便收到咖啡豆(超快!)。包裹內除了咖啡豆,還附上一封兩頁紙的手寫信。
“感謝我們下單,正值大雨天,叫我們要小心。也感謝我們遠道而來....”
現在每兩星期,我們便下單一次。每次也會收到一封信。寒暄近况。有一次沒有信,我們好些失落。
突然之間明白,用電話下單不是麻煩,是在這時代的暖流。聽到對方的聲音,知道對方還安好。一封簡單的親筆信。萍水相逢的買賣,卻感覺成為了朋友。
從顧客的服飾,觀察他們也有一定年資和收入。就是這家店的人情味道,牢牢地把這些老主顧留下。
咖啡店好像已經傳給了上次見的中年人,安慰的是寫信的傳統亦有繼續下去(字跡不同了)。咖啡豆質素也顯著上升。購買了十多年日本咖啡,質素顯著上升而價錢沒有改變,第一次遇見!
對,中年人是老夫婦的兒子。
從第二次購買咖啡,已經變成先出貨後付款。有一次太過忙,一個星期後才付款,他們也沒有追問(非常不好意思!)。
只是,下次去大阪,也不知是何時了~
伸延閱讀: 2019聖誕節北海道小樽:兩間我們在北海道吃了10年的餐廳: http://www.oki-family.com/2019北海道小樽吃了10年的餐廳/
リヴォリ Rivoli
〒541-0046 大阪府大阪市中央区平野町1丁目8−5
Tel: +81662224877 / Mapcode: 1 376 126*74
#リヴォリ,
#大阪老咖啡店,
#沖繩Okifamily,
#沖繩,
#香港人在沖繩,
#移居日本,
#沖繩生活,
#移民日本,
香港 近况 在 Pang Chi Ming Facebook 的最讚貼文
突然諗起,將武漢肺炎帶來香港的這對大陸夫婦,及其女兒,近况如何呢?
好奇怪,當日,只講佢哋入院,事後康服未呢?
何解會無聲無息的呢?
香港 近况 在 暗網仔出街 Youtube 的最佳貼文
Instagram: https://www.instagram.com/dw_kid12/
Facebook: https://www.facebook.com/deepwebkid/?modal=admin_todo_tour
訂閱: https://www.youtube.com/channel/UCKC6E5s6CMT5sVBInKBbPDQ?sub_confirmation=1
Spotify: https://open.spotify.com/album/2LjUOH9T9j21GiX8jzytu6
異度空間恐怖APP: https://www.youtube.com/watch?v=6PiyPZ3d_Fw&t=12s
首支單曲: https://www.youtube.com/watch?v=UASHWB6Ai9Y
鬼故事: https://www.youtube.com/watch?v=-CfqxuCHq3Y&t=3s
我的成長故事: https://www.youtube.com/watch?v=Kdhtp6A6YJE
我講 '香港' 10,000次: https://www.youtube.com/watch?v=-G4uDe3QUfs
我受夠了, 我的精神困擾: https://www.youtube.com/watch?v=aQ6uxaQhiS4&t=7s
24小時內學印度話: https://www.youtube.com/watch?v=g3EmtyVK1BQ&t=55s
影評11集黃秋生大師班觀後感想
影評11集黃秋生大師班觀後感想
【黃秋生大師班】11集觀後感想影評
喱騷【黃秋生大師班】觀後感想影評
分析【黃秋生大師班】喱騷觀後感想影評
分析喱騷【黃秋生大師班】
看完【黃秋生大師班】明白什麼是演技
喱騷【黃秋生大師班】是在做什麼啊?!
喱騷【黃秋生大師班】到底在拍什麼?
最近我在看杜汶澤喱騷 youtube 的預告片. 集中推薦的節目是 ‘黃秋生大師班’ 其實我對這個節目非常有興趣,但是如果要收看這個節目,你需要先成為 ‘喱騷’ 網站的會員,因此,我加入會員一個月了。check it out !!
節目中黃秋生是6位新晉演員的戲劇老師。 咁呢一班演員佢地嘅經驗都不同啦,有啲就做過電影,有啲就做過舞台劇,/每個演員的表演經驗和表演媒介都各不相同,無論是電影還是舞台。
就像標準的真人秀一樣,每個角色都有一個定位。
當然有黃秋生飾演一個粗口橫飛的老師,好直接的,他經常挖苦自己的學生,他跟監制田蕊妮的之間的互動,真心係整個節目的最好看的部份。
其他角色還有:
女藝人莊韻澄,她每一次出現大家都會有一些性暗示的笑話或者會提及她的胸部。
飾演男神的王宗堯, 每一次都有關於政治的戲劇性話題出來。
看完十一集當中我最喜歡看的角色,設定,是莫俊名。 就是一個"弱者",整個故事,可以說是裏面六個人當中演戲比較差的一位,就慢慢看着他做一些尷尬的表演,然後被人批評。再被迫做更尷尬的表演,例如跳舞,再被人批評,可以見到他是淚灑當場,哭了無數次、崩潰了無數次。
我不確定這是不是節目效果,還是真人都是這樣,但其實呢,在我2018年的時候,有一段時間是住在香港,參加表演課。 這是一個為藝術家和模特製作的課程
I’m not 100% sure if this is 節目效果but in 2018 there was a time I lived in Hong Kong where I attended an acting class. it was a class made for artists and models
那是在我被YouTube稱為“暗網仔”之前,那裡的每個人都只是個小孩子。
it was before I was known in YouTube as 暗網仔 so to everyone there I was just some kid.
練習不僅與黃秋生大師班的練習非常相似,而且我的角色與莫春明的練習非常相似。
Not only were the excercises very similar to the ones shown in 黃秋生大師班, but my character was so similar to the one of mok chun ming.
在節目中,他的個性不敢表現出自己的真實自我,但對我而言,這是在所有“成名”人物面前並且必須採取行動。 以及缺乏經驗,因為那裡的其他所有人都已經學習過課程。
In the show his personality is afraid to show his true self, but for me it was being in front of all those ‘famous’ people and having to act. And inexperience as well since everyone else there has already taken a course.
我記得,即使我在一個場景中走路也很糟糕,以至於我的老師讓我在教室裡轉圈,讓所有人觀看,因為我什至都不知道如何走進一個場景。 每個人都必須判斷我的行走。
I remember even my walking in a scene was so bad that my teacher made me walk in circles around the classroom and have everyone watch because I didn’t even know how to walk into a scene. And everyone had to judge my walking.
真的很尷尬。
It was embarrassing.
而且黃秋生大師班的每個情節流程都類似於表演班。
6個學生中的每一個都做一個同一個表演,然後老師嘲笑/批評/幫助他們。
And 黃秋生大師班’s each episodes流程is similar to a acting class.
Each of the 6 students do the 同一個performance then the teacher mocks/critiques/helps them.
我覺得這個表演是一個非常聰明的主意,因為來自參加過很多表演課的人,很多時候錄製在視頻上的實際表演並不像課堂練習中最原始,最真實的表演那樣令人興奮。
I feel this show is a very smart idea because coming from someone who has taken quite a few acting classes, many times actual performances recorded on video is not as 精彩as the raw, 最真performances done in 課堂練習.
因此,要把這些“嘿中嘿”放到一個節目中,就可以看到大多數其他節目所沒有的人性化。 因為在電視節目和電影中,不良行為不會受到批評,而在表演課中,您的想法或精力的變化會立即被接受。 因此,在每個級別上都是有關“ hey中hey”的真人節目。
So to take these ‘hey 中hey’ and make it into a show shows a 人性化that most other shows don’t have. Because in tv shows and movies bad acting will not be criticized but in acting class, a change of your thought or energy(氣場) is picked up on immediately. So on every level this is 有關 ‘hey中hey’ 的真人show.
目前只有11集,但還沒有結束,但我希望以後大家都能看到進步。
It’s only 11 episodes right now and not the end yet I look forward to seeing everyone’s improvement afterwards....
![post-title](https://i.ytimg.com/vi/kTECgYu2yYY/hqdefault.jpg)
香港 近况 在 Keikei Chang Youtube 的最佳貼文
上个星期,乔乔高烧爆发至40.6℃!!! 半夜飞奔去了医院急诊室!!?
当时好多人都来询问我们近况,所以就决定拍下了这只影片,让大家知道她到底怎么了~ 孩子发烧,真的是不可以掉以轻心~ 家长们,留意下!❤️
? 记得SUBSCRIBE(订阅)&打开小铃铛就可以第一时间收到新影片消息啦?
快來訂閱我的Youtube► http://www.youtube.com/c/KeikeiChang
更多日常分享在Instagram► https://www.instagram.com/keikei_chang/?hl=en
? ? ? ? ? ? ? ? ? ? ? ? ? ? ? ? ? ? ?
必收藏!!!Watsons平价好物 | 屈臣氏什么值得买?Watson Haul (Malaysia)
?https://www.youtube.com/watch?v=h0j-dN75OyI
【超实用辅食工具&餐具大合集】新手爸妈必看!餐椅 | 辅食碗 | 叉勺 | 围兜 | 吸管杯 | 刀具 | 锅具 | 辅食剪 | 粘板 |各种模具Baby-Toddler Weaning Tools
? https://youtu.be/YVQzFHPMHlQ
家居必备宝宝物品 | 新手爸妈必看【宝宝护理】红屁股 | 乳液 | 耳温枪 | 防胀气 | 鼻子口腔护理 | 蚊虫 | 洗衣液 | 沐浴露 Baby Essential Must Haves
? https://youtu.be/zInqE0H5UjE
乔乔の周岁生日? 妈妈亲自包办从布置到....!! DIY Baby 1st Birthday Party【乔乔生日系列】
? https://www.youtube.com/watch?v=3L3ZhsPPwD0
全职妈妈の【带娃日常】Mom's Daily Routine VLOG#1?❤️
?https://youtu.be/k22wFoC6z9I
香港人挑战马来语&大马腔华语? 爆笑到飙泪!!? ft 香港人在槟城Jason 【下集: 你问我答】
? https://youtu.be/9RLZh5POneQ
海底捞麻辣香锅 l 超便宜又简单 l HaiDiLao Spicy Recipe
? https://www.youtube.com/watch?v=tHqJ2bJeyP0&t=74s
让奶水滚滚来の产后哺乳秘诀?如何增加奶量 | 平胸也能日产40oz(1190ml)【新手妈妈必看】Tips To Increase Breast Milk Supply
?https://youtu.be/GblQ7VWJU-E
没打无痛分娩&止痛针的生产经历! 我如何熬过的 | 生产全记录 | Giving Birth Without Epidural/Pethidine
? https://www.youtube.com/watch?v=NPKncukv1MU
[Song]
Cinematic Piano [Cinematic Music] by MOKKA / Soul
https://www.youtube.com/watch?v=AwcnUFQi2mI
Daily (Prod. by Lukrembo)
![post-title](https://i.ytimg.com/vi/A1dsL45nYcQ/hqdefault.jpg)
香港 近况 在 memehongkong Youtube 的最佳解答
我開左Twitter和IG啦!想睇多d可以關注:Twitter: @hkStephenSYY / IG: hkStephenSYY
加入我們的patreon:https://www.patreon.com/mrshiu
你爆料我來講email: connectiontaiwan@gmail.com
謎米新聞:news.memehk.com
謎米香港: www.memehk.com
Facebook:www.facebook.com/memehkdotcom
![post-title](https://i.ytimg.com/vi/lMk6Tj0iMMM/hqdefault.jpg)