【Be 編輯有話兒：知己知彼】
現在網上交友越來越流行，筆者身邊也有不少在交友網站結識而修成正果的友人，所以一直對網上交友抱有開放態度，畢竟只是一個認識新朋友的途徑，害怕被騙財騙色的話，日常生活也有機會被騙，最緊要是「帶眼識人」。
朋友堆中有位 Alan，三十出頭，專業人士，可說是普通中產，相貌正常身型略胖，但性格有點怕羞，不會主動結識異性，所以只拍過一次拖。我們一直鼓勵他嘗試網上交友擴闊生活圈子，當是練習跟女生溝通也不錯啊！
數月過後，聚會焦點就是他的網上交友經歷，「呢幾個月，傾得埋嘅女仔我諗五個左右啦，約過三個出嚟嘅......」但他還是單身，就引起大家的興趣了！「第一個約出嚟嘅，初次見面食飯男仔埋單都好正常，但通常女仔可能都扮下肯俾錢問要唔要 share 咁啦，佢就完全由得我俾錢，都唔緊要我都覺得幾啱傾，仲諗緊可以約下次。但第二日佢無啦啦話想食某間外賣，暗示叫我買去佢 office 俾佢OT食，但我來回都要成兩個鐘買個外賣俾佢，佢又唔係叫我一齊食，我覺得佢當我老奉好似收兵咁......」未拍拖就使到咁盡，可能女生覺得是「考驗」？但男人最怕被當「兵仔」呢！
「第二個網上傾ok 嘅，但出到嚟好怕羞？簡直係句點王，問一句答一句，成餐飯要不停諗嘢同佢傾，太辛苦！」都啱嘅，做伴侶最緊要自然舒服，最簡單要傾到偈呢！「最後一個，其實我都一半半......佢幾靚嘅，係喺街啲男人會望果種女仔，但，真係靚囉！」吓？靚又唔得？「我意思係，除咗靚，佢都幾無內涵......佢最大嘅興趣就係化妝扮靚，但唔係做運動果種，係節食、護膚扮靚、做facial 做SPA，唔鍾意戶外活動、唔睇書、社會新聞唔留意，真係活喺自己嘅世界咁......」雖然好多男人口講話想搵個「單純無機心」嘅女仔，但如果單純無知到只懂得扮靚玩樂，也很難是男人願意長期交往的對象吧！以上三個例子也值得各位女生借鏡，了解更多男生的想法，知己知彼！
#BE_HKinsight #Be編輯有話兒
__
💕Be都開佐MeWe喇：https://mewe.com/p/beautyexchange
💕立即Follow 我哋IG：instagram.com/be_hk/
💕Be都開佐MeWe喇：https://mewe.com/p/beautyexchange
💕訂閱YouTube Channel：youtube.com/beautyexchange
💕搶先睇Be資訊可以喺網頁版cover photo下方，㩒『Following』按鈕之後㩒『See First』
騙色 意思 在 揭秘五旬老漢的真實面目！騙財騙色原來是其伎倆 ... - YouTube 的推薦與評價
... 了電話他表示自己來到了上海還有壹件事情需要藍女士幫忙 意思 就是說就是 ... 騙財 騙色 原來是其伎倆#真實事件#真實#事件#社會#發現#夫妻#吵架#兄弟# ... ... <看更多>