《驅魔麵館》與《Sweet Home》喜歡邊部？
～ 《驅魔麵館》剛剛播完，雖然13集出現了換編劇和爭議劇情被批評，收視亦有下跌，仍無損結局收視，第十六集還創了收視新高10.999%，韓國的直播收視第二天就有，唔駛等一個星期。改編自網絡漫畫《驚奇的傳聞》的《驅魔麵館》，除了主角年齡不太少年外，最年輕的蘇炆18歲，哈娜應該廿多歲，共他兩成員更是大叔大嬸輩，整個架構都是少年漫畫設定，典型日本勝利黃金橋，友情、團結、訓練、成長和勝利。每個主角有唔同能力，惡鬼有等級，仲會變成完全體(龍珠！)，主角被迫到絕境時，為了救夥伴突然能力大增，也是常見情節。
～整個故事十分少年漫畫，做到適合各階層看，因為加入了傳統韓劇煽情元素，又俗稱「灑狗血」，唔少香港觀眾和評論人，都嫌韓劇過度煽情，只是控制適宜，仍然收到刺激觀眾情緒，增強追看性效果。劇中煽情元素，相當典型，黑白分明，校園欺凌、官商警黑勾結，奸角面目猙獰，總統候選人成日都係最後大佬，這些元素刺激大家希望見到惡人有惡報，好人方面男主角喪失父母兼殘廢，女主角懷疑毒死全家，刑警大叔的遺憾愛情，秋女士的母子關係，全部都是惹人同情的設定，吸引大家期待他們否極泰來。
～ 對比另一部同期大熱韓劇《Sweet Home》，題材上，一個驅魔，一個打怪物，都是主流歡迎題材，《Sweet Home》在龐大製作費支持下，在演員知名度、電腦特技、場面設定方面，都勝過《驅魔麵館》，《驅》是邊拍邊播模式，出現了唔夠時間做特技情況，引致結局時，有些效果明顯做得唔夠好，而且靠打拳頭交伏鬼，始終有點太簡化，所以在視覺效果方面，《Sweet Home》是高幾班的。不過去到劇情交代，感清描寫方面，演員較少，關係簡單的《驅魔麵館》又有優勢，《Sweet Home》始終太多人物，群戲很多，很難仔細交代感情位，《驅》劇中，父母死於眼前，舊愛重逢變陰陽永隔，背負著害死家人的鬱結，都有更多篇幅去交代主角的心路歷程。不過，十三集唔合理地整死重要奸角，去製造最後大佬出現，相當牽強，另外十二集，用樽裝水偷龍轉鳳換走銀紙，是另一敗筆，好似為了植入廣告，夾硬來一樣，觀眾又被當成白痴了！
～ 另一個使《驅魔麵館》大熱的因素，應該是女主角金世正，青春貌美，演戲和動作俱佳，目前人氣爆升呢！若她和《今夏之際的有栖》中的水雞合作，來過韓日打女劇，舉腳支持！第二季據說九月開拍，明年初有得睇，服裝會改為著黑西裝，型很多！
#Netflix #驅魔麵館 #SweetHome #驅魔決戰打怪獸 #趙炳圭 #金世正 #劉俊相 #廉惠蘭
