【13至15歲長高黃金檔 #3個生活習慣助增高】
全文：http://bit.ly/2X6Y4ZQ
「我沒有六呎高，我卻會待你好……」#身高 呢家嘢，成年後無得改，係好多人一生嘅遺憾。所以愛子女嘅爸媽，唔想子女錯過年少時長高嘅機會，成年後因身高而自卑，就要留意以下長高要點。
#中醫 長高要訣
男生喺15歳之前，女生13歲之前，係長高嘅黃金檔。身高除咗由先天基因所定，後天都有一定影響。中醫認為，要長高先要夠營養，要吸收營養，先要 #腸胃 好。另外，長骨必要血養，血將養分送到全身各部分包括骨骼，骨頭營養好，便可以好好生長。所以當有少年就增高而向中醫求醫，中醫開嘅藥會以 #調理腸胃、#補筋骨、促進 #血液循環 為主。
#早瞓 助生長激素分泌
藥物以外，其實改變日常生活裡小習慣，都有助骨骼生長，幫助增高。第一，每晚10時至凌晨2時是生長激素分泌最旺盛時間，而熟睡時，身體處於休息狀況，生長激素分泌更多。所以正值成長期嘅少年早啲瞓有助長高。每晚10點前瞓最好，就算必要夜瞓，都唔好超過10點半。
跳躍 #運動 增高
第二，做運動對身體好，更可以長高，尤其係跳躍動作。每日跳幾百下，無論 #跳繩 或 #原地跳，總之跳下都好。
飲食攝 #鈣 和 #蛋白質
第三，飲食攝取營養助長骨。正值發育期嘅少年飲食方面建議多攝取蛋白質，牛奶、豆漿、雞蛋、乳酪等都富含蛋白質。另外，足夠鈣質都好重要，因為鈣質有助鞏固骨骼。牛奶、奶類製品、深色綠葉蔬菜、連骨魚類等都富含鈣質。
| 讓生活多一點Like |
website: www.likemagazine.com.hk
FB / IG: Like Magazine HK
