《不是廣告 之 駕駛篇》
呢個專欄比較少寫一啲產品或者服務嘅優劣，今後會分享多啲個人經驗。
後生仔可能唔知，以前揸車搵路係要用一本好似電話簿咁厚嘅地圖（年輕人可能連電話簿都未見過），如果喺歐洲穿州過省係要準備幾本電話簿。
記得啱啱有汽車GPS，喺法蘭克福機場租車，Avis教完所有儀器操作，話保險唔包括意大利，如果要開過去意大利就要加保險費，去英國法國瑞士都冇問題。
可能意大利唔單止扒手多、偷車亦多，同陶傑尋日響專欄讚到天上有地下無嘅意大利有出入（一笑）。
講返香港，自從有咗手機導航，每次用google map都㷫過辣雞，成日重複講「向南行」、「向北行」... 我淨係識夜觀天象，日頭點知東南西北？
而且好多時轉邊個灣行邊條路都冇預先講清楚...
有朋友話「高德地圖」好犀利準確（藍色紙飛機logo），但係驚所有行蹤俾大陸掌握....其實揸住部tesla一舉一動都畀人記錄曬，連雙手有冇放響軚盤tesla都知。
以下係自己近排用咗高德地圖嘅親身經歷，首先佢會話畀你前面見有幾多個紅綠燈位，譬如第一個燈位直行第二個左轉，又或者有三條行車線你應該行邊一條，幾時準備轉彎幾時出入迴旋處都提早講到好清楚....唯一美中不足就係普通話導航，唔知可唔可以轉為廣東話？
（絕對冇廣告費收，如果高德肯畀，我都唔拘）
李懂媽
高德地圖廣東話 在 泊邊好Parkbin.hk 的推薦與評價
港車北上做足準備 。今集除咗會講吓租車 、珠海點入停車場🅿️之外，仲會介紹一件港車北上必用神器比你 。就係內置廣東話高德地圖🧭️既HUD抬頭顯示器 。 ... <看更多>