#請不要把別人的工作看得太簡單
港台記者陳妙玲在內地採訪時，與內地公安鬥智鬥力的採訪經歷
「採訪手記」：與公安擦肩而過
經常聽到有人講：你駐京一日做一單，我地係香港一日做七單，辛苦你好多。我好想講，有好多訪問在香港做是零風險，但在大陸做就變成有風險，有機會俾人打或俾人拉，做內地基督教會這隻故仔，就是其中看似普通但原來有風險的例子。
採訪當日，教會長老家樓下和小區門口，有十幾個公安同便衣守住，好彩的士司機唔識路，無停正係門口，否則可能一落車就俾人帶走。
試下搵其他路上樓，扮買餸、扮搵路，扮企在地產門口睇樓做掩飾，在附近逛了很久，發現所有的路都守晒人，但唔甘心就咁走，本著「我唔信你班公安唔食飯」的心態，冒雨等左四個鐘，終於等到佢地收隊，長老樓下得返兩個公安，趁有個阿叔同個仔似想行入小區，搏一鋪扮無嘢一齊行經過哨站，公安望左我地一眼後繼續吹水，之後一枝箭跑上樓。
徐長老開門時還說，以為我俾人拉左，佢俾左呢張相我睇，原來我地聯絡時被公安監聽到，公安一早搵人坐係屋度等我，五分鐘前才收隊走，我早少少來的話，應該一入屋就俾人帶走，有點運氣才做得成這個訪問，其實係一個普通訪問，不知為什麼要那麼多人「招呼」我記者妹一個？都係師傅嗰句：「駐京無俾公安拉過要反省下你做過什麼？」如何做到正經嘢而不俾公安拉，也是一種生存之道，請不要把別人的工作看得太簡單。
《採訪手記》二：https://www.facebook.com/HKJA.official/posts/10154872690160309:0
#鬥執生與毅力的內地採訪
#香港電台
#陳妙玲
鬥執生與毅力的內地採訪 在 香港記者協會Hong Kong Journalists Association - 港台記者陳妙玲在 ... 的推薦與評價
港台記者陳妙玲在內地採訪時，與內地公安鬥智鬥力的採訪經歷「採訪手記」：與公安擦肩而過經常聽到有人講：你駐京一日做一單，我地係香港一日做七單，辛苦你好多。 ... <看更多>