「石垣旅行~day2: 麵屋八重山style、Dolphin Fatasy親親海豚、公設市場買手信、食著名雞蛋布丁、石田屋品嚐石垣牛」
有件搞笑事都想分享下,話說第一晚都瞓得麻麻,成日聽到貝貝瞓瞓下叫,自己都醒咗幾次去bb床氹返佢瞓,點知跟住瞓瞓下又聽到貝貝大叫:「媽咪」我本來都想扮聽唔到,點知一擘大眼見佢企咗喺度捉住個圍欄望實我,好似👻,我一見到佢表情就心知不妙,洗唔洗專登5點幾起身,喺度運功poo poo呀?😑😑😑我勁眼瞓地又要等佢痾完幫佢執屎🤡 好彩佢飲咗支奶後又秒睡。爸爸仲勁,可以瞓到完全唔知我地醒過!
麵屋八重山style
黎到石垣嘅第二日,我地瞓晏咗,大概11點幾出門口去到公設市場入面嘅「麵屋八重山style」食八重山拉麵,去到門口見到寫住謝絕小朋友入內😱,貝爸話照入去問下,店主有同我地示意no kid,但原來只要我地叫3碗人頭拉麵都可以俾我地入去,去到餐廳其實開門無幾耐,但都咁啱坐滿晒,等咗15分鐘位,然後我地同貝貝就各自點一個麵,雖然寫到唔想小朋友入內,但店主又有勁多貼心舉動,包括:俾咗個坐墊佢墊高啲坐;問我地要唔要將貝貝果碗改做small size,會退返100yen俾我地;跟住又主動提供晒嬰兒餐具;仲有一甖橡筋話我知可以幫小朋友紮頭髮;洗手盤又有張梯級櫈俾小朋友洗手;貝貝碗麵專登煮淋啲,又問我地落唔落蔥;臨走仲送咗包樂天熊仔餅俾貝貝。呢啲咁貼心舉動真係得日本先有🥰 講返碗麵先,我同貝貝都係食鹽味蕎麥麵,但麵條個樣同普通拉麵差不多,不過彈牙啲,拉麵黎講我一向鐘意食湯底清多過豬骨湯拉麵,所以我覺得呢間好食,湯底清甜!唔會越食越漏!啲肉都好淋好食!貝貝都差不多食晒全碗small size😂 貝爸最後食咗一碗鹽味加一碗名古屋拉麵😂 都話好食!
Dolphin Fatasy親親海豚🐬
食完都就出發去親親海豚!係我黎石垣最期待嘅行程!🤩因為貝貝睇「巧虎」學識咗海豚~跳!所以佢成日都好鐘意海豚咁!其實沖繩都有得睇,但果時佢仲細個,覺得佢睇完都唔識,既然佢大個咗咁多又認得海豚,今次就一於帶佢黎睇啦!
我地join咗石垣旅行社嘅行程,因為要識聽日文先可以參加dolphin fantasy嘅活動(因為要識聽指令,語言不通會有障礙同危險喔),如果唔識就只可以跟旅行社join,導遊係講廣東話,二人成團,未滿4歲免費!如果只係參加親親海豚活動,0歲以上就可以參加,上網俾錢book就得,超方便!最重要係如果撞正落雨都可以玩,著雨褸就可以參加!我地當日去係超大風🤦🏼♀️雖然天氣都好,但係吹到我地個頭好似癲婆咁,影啲相都唔靚😞
講返個團先,先揸車去集合地方(好似一個荒島咁😂但其實好近,公設市場揸過去都係十分鐘內,reception係一個貨櫃,見到寫住dolphin fantasy ),導遊會接我地入去搭一架van仔,好好彩呢日我地包團,得我地一家三口!出發前,導遊會俾個近身包我地裝貴重物品自己跟身,咁自己唔好再袋其他野去,同埋建議我地穿拖鞋,行裝有咁少得咁少。
坐5分鐘左右就到達目的地,現場就係幾個魚排咁好簡陋,坐低先係講解下周邊環境同注意事項,仲有提醒我地要除耳環,首飾,因為驚唔小心跌咗落海,海豚會唔小心食咗。跟住自由活動一陣,可以周圍睇下(但其實無野睇)影相同埋做好準備。
之後就坐返低導師會介紹下海豚嘅品種,特性,問下問題,好輕鬆嘅,例如原來石垣嘅海豚會比香港海洋公園嘅海豚較深色,因為石垣長期都好猛太陽,佢地都會曬黑架😹😹了解完一輪再穿上救生衣就出發親親海豚🐬啦,貝貝整個就係維持住超興奮嘅狀態~
之後個導遊話:「帶你睇海豚」就咁貝貝就拖住咗叔叔走😂😂完全忘記咗我地...
落去個棚之前先要踩盤消毒水同噴噴手,跟住就可以坐低接近海豚,老實講,第一次0距離望住海豚就喺正我前面游,我都有少少驚🤭,我feel到貝貝好似有少少驚,但佢內心係興奮,我問佢果啲係咩黎?佢都好high咁識答我:「嘩~海豚🐬!跳!」跟住導師就會開始指示海豚做動作,例如點頭、擺尾、游水轉圈、拋圈圈、唱歌,餵魚俾海豚食...無幾耐就叫海豚俾我地摸摸,勁得意!海豚會擺好pose等我地黎摸,個身體摸起上黎好似滑嘟嘟嘅茄子🍆,之後又會摸下魚鰭握手咁,貝貝一見到佢游到咁近就捉實我😂,佢開初唔敢掂,係見到爸爸媽媽摸咗幾次,加上我地全部人一齊鼓勵佢,最終我話我地一齊摸啦,跟住就敢主動伸手掂🤩,好興奮,望住佢肯踏出呢一步,我都好安慰!之後一直都肯繼續摸,越摸越開心,係咁捉住條鰭🤪但去到話要俾海豚kiss⚠️佢就開始崩潰,佢係見到海豚錫我同爸爸先,最尾先到佢,但佢見到就已經呆咗😂(記唔記得我之前話過,佢平時都好怕我地濕吻佢🤣)跟住爸爸就抱佢出啲,等海豚游上黎,佢見到海豚個嘴越隊越埋😂佢超崩潰,應該覺得錫落去會好濕所以好驚,錫完之後,爸爸:「dolphin係咪kiss你呀?」其實貝貝第一次被錫完後,回神過後有怕醜咁答:「係呀!😳」跟住再話錫第二次,佢先話唔好,但我地又捉住佢,佢先再崩潰啲,佢唔想再被錫😆但都係被海豚強吻咗!其實貝係無喊架,佢咁嘅樣我純粹覺得係嫌佢濕笠笠🤣佢喊都無眼淚...跟住無幾耐又肯繼續同海豚玩,係咁摸佢!反而去到睇海豚跳水轉圈,每跳一次,貝貝真係成個人抽搐咗一下,又的確好近距離好震撼。total玩咗一個鐘就走嗱,真係一個好難忘好開心嘅體驗~下次等4歲後,就可以參加埋落水同海豚暢泳!🤩
石垣公設市場
同海豚玩完,貝貝應該已經好攰,我地就計劃去行公設市場買手信。事前我search咗邊啲係必買!
泡盛啫喱(無咩特別,唔係話好出色,試咗兩杯,最後都決定唔買)
雞蛋布丁(我覺得最rich果隻味好好食,但老公話paul lafayet好食啲,機場仲有專櫃可以有冰袋雪3個鐘返到香港,但最後我地都無買)
菠蘿蛋糕(貝貝食咗一件之後,覺得好好味,買多咗幾件預佢呢幾日小食,但返到香港先試其中一件好似鳳梨酥嘅物體,原來好好食,但我地買得一件🤣)
石垣和牛仙貝(見到呢個樣係最吸引,我以為好似旺旺咁,但完全係蝦片口感,有牛肉味,都ok好食嘅!)
邊銀食堂辣椒油(周圍都賣呢支辣椒油,好出名,睇介紹話買激辛都唔會好辣,照跟!我唔識形容,幾香嘅)
石田屋食石垣牛
石田屋booking事先要上個網頁(My Concierge Japan)登記,如果完成booking,佢會通知你同埋俾餐廳最低消費先可以完成booking,我地3人,我俾咗$12650yen。
石田屋有兩邊,一邊係鐵板燒,一邊係炭燒,因為我擔心鐵板燒唔知夠唔夠我地2大1小食,最後我都係揀咗炭燒~但如果無帶小朋友,我都想食鐵板燒🤪同埋佢地唔提供bb櫈,但會有cushion可以俾你墊高黎坐,或者可以選擇坐塌塌米。價錢黎講,好似比美崎牛平啲,但環境同服務質素呢度好得多。不過味道黎講,佢入口係仲溶過美崎牛,但係無乜肉香味!🙁啲汁都麻麻地,的確,有少少失望。連貝貝都食少咗🤭走咗之後,去咗買佢至愛嘅banana,成條蕉又食得晒😹
下篇會介紹第三日行程,Vanilla Deli食超juicy和牛漢堡、竹富島觀光:坐水牛車、踩單車、西棧橋,kondoi beach、fusaki beach 睇消失的日落、超好氣氛嘅居酒屋「一魚一會」,coco咖喱宵夜
P.S. 親親海豚啲video遲啲會再post😝等我出晒四集旅程再剪片先~
1Y10M10D
——————————————
重溫:
「石垣旅行~飛機篇」~https://www.facebook.com/permalink.php?story_fbid=557784531648890&id=155831361844211&__tn__=-R
「石垣旅行~day1:美崎牛燒肉、入住art hotel、birthday、舟藏之里居酒屋,驚安Donki行街」~https://www.facebook.com/permalink.php?story_fbid=558567868237223&id=155831361844211&__tn__=-R
「石垣旅行~day2: 麵屋八重山style、Dolphin Fatasy親親海豚、公設市場買手信、食著名雞蛋布丁、石田屋品嚐石垣牛」~https://www.facebook.com/permalink.php?story_fbid=560364568057553&id=155831361844211&__tn__=-R
「石垣旅行~day3: Vanilla Deli食超juicy和牛漢堡、竹富島觀光:坐水牛車、踩單車、西棧橋,kondoi beach、fusaki beach 睇消失的日落、超好氣氛嘅居酒屋「一魚一會」,coco咖喱宵夜」~ https://www.facebook.com/permalink.php?story_fbid=561161031311240&id=155831361844211&__tn__=-R
「石垣之旅~day 4: fusaki beach、雞白湯拉麵、刺激到爆炸的小朋友天地BANNA PARK,encore 美崎牛燒肉」~https://www.facebook.com/permalink.php?story_fbid=562118027882207&id=155831361844211&__tn__=-R
FB: 貝貝Alice-小寶貝夢遊日記
IG:bowl_lam
記得讚好我地 Page 之餘,仲要 Set 做搶先看呀~
#貝貝Alice #90後媽媽 #香港媽媽 #新手媽媽 #新手爸爸 #育兒日記 #育兒生活
鳳梨叔叔嬰兒 在 Doris's fashion diary Facebook 的最讚貼文
回家了,然後鳳梨就哭了
哈哈哈哈哈哈
掰掰舒適的月子中心
掰掰萬能的嬰兒室
(如果我有生第二胎的話再相見了)
才回到家半天就已累攤🤧
謝謝這段時間來月子中心探望鳳梨小姐的親朋好友叔叔阿姨哥哥姐姐們
鳳梨有好多禮物~媽媽我心存感激🙇🏻♀️🙇🏻♀️
謝謝,謝謝⋯⋯⋯
鳳梨叔叔嬰兒 在 Nikki 小閃 Facebook 的最讚貼文
好像是第一次在FB上曬超音波照,應該也是最後一次,不得不說,從第一次產檢,一直到現在不知道第幾次了,每次看超音波還是覺得好療癒,這是只有爸爸媽媽自己才懂得一個療癒,看著看著會笑的那種,其他人應該覺得,屙!笑什麼,黑一團啊!
-
自從32週寶寶開始頭朝下,然後歐莉胖成一堆擠成一片以後,禾馨劉德華就再也沒有給我印出來的超音波照片了,因為說真的也拍不到什麼😶然後35週的時候,因為比較緊張一點,所以也同時去容總找認識的婦產科叔叔在看一下歐莉,所以又開始有了超音波照片!發現大醫院的超音波照片稍微比較糊一點,但是超音波師都好年輕,感覺是剛畢業不久的小女生,所以一起看寶寶超音波的時候,也好像很樂在其中,沒有公式化的感覺,然後一直說他的手在頭上,另一隻手更高,腳伸長長,肚子胖胖,但是被擠扁了,之類的。。。有點可愛!而且超音波師還硬是拍了一張看得到歐莉側臉的照片(就是下面這張,大家看得出來嗎?在8的下面,是鼻子和嘴巴:P 哎!反正媽媽看得出來就好啦!不想勉強大家,哈哈)
-
我算是個愛吃什麼就吃什麼的孕婦,說不能吃的一些生食、海鮮我是真的很節制,但是其他東西想吃什麼就吃什麼沒有在克制,本來就沒有很愛澱粉(米飯之類的)所以沒有多吃,覺得這是控制體重的好方法,不過其他的因為也沒有特別餓,所以沒有特別吃太多胖太多,目前37週快38週胖10公斤,覺得也是在我想要的體重空間中,大家說37週以後,差不多體重固定了,是真的嗎?哎喲,反正現在很滿意,不苛求自己了,哈哈!不過因為沒有特別著重吃什麼只養胖寶寶不養媽媽,所以歐莉一直都正常偏小,不過經過了兩個星期努力真的在注意飲食,早餐先喝酪梨豆漿,然後正常吃,早餐第二餐喝大包的雞精,中午隨便吃,下午喝蘋果鳳梨汁,晚餐都幾乎吃牛排(或是唰唰鍋兩盤肉),宵夜再喝一包大包的雞精~兩個星期歐莉大了400多克!醫生們一看到寶寶都快2700g了,就完全大放心啊!開始祝我順產,補寶寶成功~
-
是說,FB這,完全變成一個媽媽經天堂!屙!放心,我以後不會曬太多嬰兒(吧?!也是有點質疑自己)。。。
-
#超音波照片大家都看得懂嗎?
#真拍謝這裡完全媽媽經天堂
#但是一早看到歐莉超音波照片還是好療癒好想愛現!
#請原諒我~