香港街道,沒有永遠,還有永吉。
《就係香港》編輯部上月由永和街搬到永吉街,雖然只是一街之別,卻深感到兩條街發展命運和生態的迥異。香港市中心街道一直以來都存在不同的面貌和特色,但都市重建時卻往往忽略了街道和生活的連結,令街道只變成通道,失去了從前的社區氣息。
談到香港早期的歷史時,經常會提到以中環及半山為中心的維多利亞城,但在四環九約當中,上環這片早期華人聚居的地帶也扮演著重要角色。其中夾在電車路和皇后大道中的興隆街、同文街、機利文街、還有永安、永和、永吉、永勝多條以永字命名南北走向的橫街,單單從名字本身便充滿著昔日華人社會的痕迹,在未填海前因為毗鄰海旁貨運碼頭,成為華人商貿尤其是南北行的集散地,而今日中環著名老店陸羽茶室在1933年開業時,也選址永吉街,直至1976年樓宇重建才搬到現在的士丹利街。
到了九十年代中期,因為都市發展和重建,這一帶也變了模樣,尤其是在1997至1998年間落成的新紀元廣場、中遠大廈和中環中心三大項目,更徹底改變了區內街道的原生態,從前別稱為鴨蛋街的永勝街(批發鴨蛋、雞蛋、皮蛋和鹹蛋等)和花布街的永安街都被遷拆,前者變成新紀元和中遠廣場間的公共花園,後者的布店大部分遷入了西港城,而昔日商貿繁盛的永和街熱鬧也不復再(近年只有零星的快餐店和茶餐廳,最為人知的是遊客熱衷的珍妮曲奇手信),而永吉街算是當中保留昔日街道原生態較完整的一條。
當中環的利源東西街被稱為「中區女人街」,永吉街在店舖選擇可以說更混雜多元,撇除了一列露天的傳統街檔不計,即使是店舖仍然可以找到獨一無二的選擇,有人會為了保留著舊式雲呑麵店格局和味道的麥奀(忠記),或者由街檔擴充至店舖的檸檬王而特意前來光顧,但其實街上的波斯富唱片公司及專賣文房四寶的文聯莊也是尋寶勝地,波斯富唱片主打古典樂,仍是不少發燒友心目中選擇最齊全的少數唱片店,同事在八十年代曾在這裡買到Keith Jarrett的經典黑膠Koln Concert,近期則找到罕見的匈牙利鋼琴家 Annie Fischer的CD全集; 而1955年便開業的文聯莊則是熱愛中國書畫的人必定知悉的文房四寶專門店,當年曾經替不少書畫大師如趙少昂、楊善深、關山月、黎雄才等裱畫,因而保留了不少大師的墨寶。店中除了各式各樣的中式宣紙,毛筆墨硯和各種碑帖和美術畫冊外,還可以找到各類台灣、日本和韓國的手工紙,儼如一個琳瑯滿目的小型博物館一樣。
多年來永吉街的生態也在不斷轉變中。1980年開張的誠利商業中心,看起來跟一般舊式小商場無異,但內裡仍保留著這一帶昔日為玉器及人造首飾批發市場的痕迹,當中包括曾在尖沙咀栢麗大道也有分店的林贊記,最先在機利文新街做街檔起家,後來搬到永吉街地鋪,並發展為本地最知名的人造首飾出入口商。到了八、九十年代中期,隨著九七前的收藏熱,這裡又吸引了一些郵票和硬幣收藏家......近年除了不同的食肆遷入,街上還有文青衣飾店、懷舊美食店,以至日常雜貨店。即使昔日的繁盛不在,但由街頭一路伸延至街尾的排檔,仍然生氣盎然,也是區內仍可回溯中區昔日商店街道氣息的地方。
#永吉街 #上環 #香港街道
麥奀記外賣 在 君子馬蘭頭 - Ivan Li 李聲揚 Facebook 的精選貼文
[完了吧,如無意外]《我的筍盤男友》- 兼講葉念琛
1. 好,其實一路都想寫葉念琛,卒之有機會。今次細半講套戲,大半講葉念琛。可能更好,因為如果齋講葉念琛,可能就變咗流水帳由第一套講起,又長又悶。
2. 首先講結論,四大賀歲港片,黃子華葉念琛王晶黃百鳴,四套我都會睇。但寫呢篇文之時,只係睇咗黃子華葉念琛。但幾乎可以肯定,葉念琛呢套《我的筍盤男友》,係四套最正常嘅。留意我甚至唔講最好,我好難話你知呢套戲叫做好戲,甚至以葉念琛嘅戲本身都唔係(近年嘅全部唔係)。但只係鬥低,其他幾套更不堪。黃子華我寫咗 (http://bit.ly/3aRCMWC) ,王晶黃百鳴,怕且都唔使點講。但當然睇完先算。王晶黃百鳴即使畀人打入地獄後,其實都仲偶有OK的佳作。
3. 講返葉大導,我在好多地盤嘅個人介紹都提過鍾意佢。好多人都不能置信。雖然我唔係咩咁巴閉,但佢地都不能接受原來我係鍾意「MK活地亞倫」。我得承認,呢個半恥笑嘅花名,改得極好,唔知邊個發明。
4. 亦都有人懷疑我係扮鍾意葉大導,或者特登鍾意葉大導。好似own咗呢壇嘢咁,提起葉念琛就諗起我(佢未去到咁霉),又或者扮與眾不同。甚至係有啲自虐傾向,例如好多明知好爛嘅港片我都入去睇。當然唔只係為咗支持港片咁偉大,亦純粹係為放空。所以你明點解TVB劇咁受歡迎,因為好多人只係想放空
5.但我鍾意葉念琛,絶對係真心嘅。你問同我睇過葉念琛嘅女(都好多條,喂,佢拍咗好多戲,十幾年喎),應該feel 到,我係真心投入,甚至真心被感動嘅。
6. 喂大佬,我第一套睇嘅係2006年嘅《獨家試愛》,仲記得係在美孚影都戲院(但我明明唔係住美孚,又唔係嗰度返工,嗰時就係咁無聊)。唔可以話驚為天人,但真係深受打動。呢啲係就係拍畀我睇嘅!
7.《獨家試愛》係葉念琛嘅第二套戲。而之後咁多套,我全撚部都睇晒。咁我梗係講入場睇啦!幾時都係入場睇先計。《人約離婚後》我睇咗三次!(好八掛嘅應該發現,當時係我結婚前冇耐),《紀念日》我睇咗兩次。
8. 就連我在香港01嘅第一篇文,都係寫Stephy.篇文寫得唔好,費事貼(但要搵仲搵到)。重點係,我同01傾咗一排,但仲未嘔到文,就係到Stephy同万刀甲分手,先觸發到我覺得一定要寫啲嘢。某程度上係因為香港01我先真係變成一個「寫文」嘅人,亦都因為咁我先有個Facebook Page。而與其話我鍾意Stephy,不如話我係鍾意葉念琛鏡頭下呢個港女.
9. 所以你話影響大唔大?
10. 坊間對葉念琛好多批評好多恥笑,你一定聽過,我亦唔使一一駁斥或乜。我甚至覺得,我同葉大導合照時,佢都有啲懷疑我係想去抽水笑佢。(BTW,呢張相好經典,係我睇《獨家試愛》時捕獲佢影。你話,喂,又話在影都睇?呢張相點都唔係影都,況且2006年埃汾邊有咁老?答案係:張相係《獨家試愛》重映(!)嗰時影的,亦因為咁葉大導有出現)
11. 我只講兩樣嘢。第一,你話葉念琛啲戲凈係情情塔塔,係丫,「活地亞倫都係」。但情情塔塔咪就係嗰時嘅我生活嘅大部份。留意葉念琛拍嘅,一般唔係校園故事,又唔係豪門恩怨,就係普通職場男女嘅故事,你同(當年嘅)我。你話呵欠嘅,唔知有乜好睇嘅,我只能好武斷咁話:你根本唔識愛情。或者話:你愛情經驗唔夠。
12.同樣地,又話葉念琛啲戲全部都係偷食三角變—我想講,現實都係咁上下。你嘅現實唔係?恭喜你。咁你好幸福。但我嘅現實係。唔講太多自己嘢(唔係介意,係唔想失焦),但應該好多人知,當年我囡囡就係sort of (不知情嘅)小三,我背住當時正印女友偷食,後來仲有啲轉折,但最後我都係同囡囡結埋婚。呢個小三炮友(唔通一男一女去釣魚?)變埋正室嫁埋嘅故事,好多人都覺得好勵志,勵志過華潤勵致。你可以話因為我係啲咁嘅賤人所以我睇葉念琛,亦可以話因為我睇葉念琛所以我係咁嘅賤人(但明顯係前者居多)。但又係嗰句,唔好咁虛偽啦,你冇做過人第三者?冇搶過人男女朋友?你自己冇,朋友都有啦。我當都係冇,都總有其他人想嚟搞你或你另一半掛。根本現實就係咁,葉大導話齋,情場如戰場 要愛就要搶。你冇畀女人摑過,冇畀人狠狠咁恨過,可能代愛你根本冇真正戀愛過。正如冇跌親過即係你踩得唔夠快,冇飲過海水泳池水即係游得唔夠深(?)
13. 第二,我對葉大導嘅欽敬,正係在於佢啲戲咁多年都可以玩同一樣嘢(其實近年已經唔係):男男女女,偷食,三角戀。One trick pony.喂,你估易?洛賓的軌蹟咁,係呀,一樓都係呢招架啦,入波呀,吹咩?
14. 李小龍除咗講be water 外,仲有講過,練一萬招嘅人佢唔驚,但佢驚一招練一萬次嘅人(所以唔好睇咁多四仔,專心練好啲傳教士啦)。葉念琛就係呢個一招玩一萬次嘅人。
15. 悶?睇你點睇。正如我一樣(!),其實咩安雅會談呀 (http://bit.ly/2TVopKJ) ,失身記呀(http://bit.ly/2R6wzwZ),我在個人FB都講過好多次,現實生活更講過無數次。但我啲識咗廿幾三十年嘅朋友都係百聽不厭,因為好似次次都有新嘢—唔係我前言不對後語。而係可能手法唔同,舖排唔同,或者講返一啲我當時嘅諗法,或者一啲冇提嘅細節。
16. 同活地亞倫一樣(所以叫佢MK活地亞倫真係好正),葉念琛可能冇正版活地亞倫嘅智慧,但佢地有樣嘢好似,就係咁多年都係嗰啲主題!一招練一萬次。念念不忘,必有迴響。總好過啲學藝不精嘅人,行都未行好就學走。兩位活地亞倫都係,你擺明知佢會點,擺明係咁genre ,點丫?
17. 葉大導同正版仲有一個共通點,亦係我佩服佢嘅一點,覺得出面低估佢嘅原因:佢地,都係可以只係賣自己個名嘅編導!(另一個應該係彭浩翔)
18. 外國其實唔少見,但香港相對地幾少見。有邊個導編真係可以長期賣自己名?可能係杜琪峰,可能係王家衞嗰啲級數。但佢地都唔係拍死一個類型啦,係咪?
19. 更加堅嘅係,喂,杜琪峰唔多唔少都要靠劉青雲古天樂任達華,王家衞都係要靠梁朝偉。
20. 葉念琛呢?佢真係咩演員都唔使用!唔使特技,唔靠色情,唔使靠賣香港情懷(事實佢啲戲就最本土),甚至唔使點宣傳。難聽啲講你畀堆垃圾佢佢到交到嘢畀你。有金童玉女Stephy万刀甲固然好。但係咪冇咗佢地葉念琛就冇戲拍?唔係咯大佬。佢先係套戲嘅主角,男女主角呢啲只係過客。呢點好重要。佢係一個有好強勁個人風格,可以只賣自己招牌嘅導演。嘿。
21. 唔好恥笑或鬧,仲有一樣嘢。我地講緊商業片,係咪?我地唔係討論緊杜魯福小津安二郎下話?商業片最緊要係乜?賺錢。唔使套套大賺,甚至唔使套套賺,但最好封蝕本門,最好老細唔使輸到仆街。功夫嘅嘢,有票房咪叻仔,冇票房咪返去自己打文青飛機。
22. 葉念琛正係因為賣自己招牌(而我相信佢唔係拎好多錢),所以佢啲戲,全部都唔會高成本,我有理由相信多數都賺錢,至少唔會蝕。所以佢可以開戲長開長有。記唔記得舊文講過?只要不死,就是活著。你冇戲開,你有乜理想都係把撚。
23. 互為因果,葉念琛嘅戲,求其搵啲後生新人去拍就得,新人供應源源不絶,一定唔會貴,紅咗扭計嘅,貴嘅,咪換第個。再加埋班佢長期合作嘅綠葉班底(阿Bob,麥玲玲之類,唔係佢地做乜會上無線唱《好好戀愛》?)(http://bit.ly/2RK03AY) 。佢啲戲又唔使靚景,又唔使特技,仲可以搵贊助搞植入,封晒蝕本門,老細點會唔開心?
24. 仲有樣嘢,你班友成日強調港味嘛。葉念琛嘅戲正係好有港味(當然都用過台灣演員)。因為佢唔使點理大陸票房(雖然係有上的)。點解可以唔多理大陸票房?咪又係成本低,只做香港都夠。
25. 更加唔好講,因為葉念琛,製造咗幾多就業機會畀啲奀星。難聽講句,出面搵老細嫁才俊都靠呢啲叫高啲價。功德無量呀
________________________________________
26. 今次呢套《我的筍盤男友》,講真,冇乜好講。我話好好睇係講大話,你要講情節不合理係大把(但好似冇三角戀噃)。但我想講,至少係完完整整嘅一套戲。要求好低?你可以睇下其他幾套賀歲片。
27. 窮家女孩戀上富家子,屋企人反對,嘩,呢啲情節真係拍咗一百幾廿年。但至少在葉念琛手上都仲係正正常常(唔好咁高要求)。好彩冇出現吳家麗開張支票叫條女開個價嘅老撚土情節。「但食麵包(定鬆餅?)嗰下真係笑咗」。
28. 演員啲表現都算係恰如其份,綠葉配角嘅繼續綠葉配角,陳家樂個look就擺明係劉鳴煒個look,講嘢都差不多,有啲說服力的。
29. 然後到女主角,嗯,真係之前我都唔識,李靖筠Gladys。拿我是個膚淺嘅人,但我第一眼嘅感覺係:喂大佬,咁醜嘅女,還我Stephy呀。或者蔣家旻蘇麗珊都好丫。
30. OK,我知,唔好睇樣咁膚淺,身材都好重要。「但都好似冇」。OK,我明白,想睇女落夜總會嘛。人地係artist(e),唔係賣樣。聽聞好似其實主力係唱歌,咁當然OK,況且而家好似鍾意呢啲文青女神系(咩係文青女神?冇胸咪文青女神)。同埋,聽聞,其實最後跑出反而可能係呢啲女仔,就係夠型格,唔會睇咗都唔記得。
31. 但我是死士,我寧願相信,葉念琛都一早知佢唔靚(你睇佢咁多年拍過幾多女明星?倪晨曦連詩雅周秀娜鍾嘉欣喎),但正係睇中佢呢點,搵佢演呢個窮家平凡女孩。就係搵個唔靚嘅。雖然現實上Stephy周秀娜都係窮家女孩(窮家女唔可以靚同大胸?姿色改變命運嘛)。
32. 仲有樣嘢,budget.都要講,葉念琛啲戲,卡士係越嚟越弱嘅。嗰時Stephy 万刀甲未算一線明星,但好多人都識,之後仲有佘詩曼周秀娜之類。但到近年就變咗蔣家旻蘇麗珊甚至今次呢位。
33. 但,市道唔好嘛,加上而家葉大導啲戲都冇當年咁收得(互為因果)。自然樣樣慳。你咪理,我覺得一個成功嘅工匠(你唔係當葉念琛係藝術家呀?)理應如此,我都係咁(?!)。老細畀三皮嘢筆直,我咪同你請三皮嘢之中比較好又啱用嘅人。你畀兩皮嘢,我咪同你搵兩皮嘢之中冇咁甩皮甩骨嘅。你畀一皮嘢,我咪搵件甩皮甩骨但至少唔係炸咗你間公司嘅友咯。睇送食飯嘛
34. 除咗影員,仲有好多位睇到筆直係有限的。劇組似乎搵唔到豪宅(但,喂,英皇喎),安排呀幾十億富豪才俊都只係serviced apartment,又算數。但大佬,名流女士佢老母搞生日會,在六公館搞?Seriously?另外,啲佈景版嘅女,亦未免太MK太大陸太O靚模,唔係咩上流party見到嘅女咯。
35. 但,正係限米煮限飯嘛,都係嗰句,不死就是活著,冇戲開我話知你天才橫溢。點先長玩長有?就係唔好蝕錢。蝕都唔好蝕到仆街。你估導演咁易做?咁易做你做咗啦。
36. BTW,當年我在01有篇文,講賀歲片咁多年嘅轉變,然後反映返社會。嗰篇文都幾多人睇,雖則有啲長。可以畀你回下帶 (http://bit.ly/2RMqplL)
麥奀記外賣 在 #麥奀雲吞麵世家 - Explore | Facebook 的推薦與評價
由60年代起經營至今嘅#麥奀雲吞麵世家 多年keep得住水準! ... 順帶一提, 麥奀記冇提供外送服務, 想食嘅就要親身堂食, 或者自行到店外賣喇, 「與小店堂食見」啦! ... <看更多>
麥奀記外賣 在 麥奀麥文記邊間好食啲?一次過同大家試曬二間細蓉雲吞麵大 ... 的推薦與評價
hongkongwalker #消費卷#消費券#香港#香港美食#社交距離#放寬#第五波疫情#兩餸飯#三餸飯雲吞麵大決戰(下集)https://youtu.be/PHn71o5Lak8. ... <看更多>