【誠實食後感】珍珍大蝦冬蔭功味/麻辣火鍋味薯片
#非自購 #真感受 #打開珍珍即時開心 #珍珍薯片 #麻辣火鍋味薯片 #大蝦冬蔭功味薯片
珍珍究竟有幾想挑戰我嘅辣度呢？
點解佢哋搵親我寫嘅都係啲辣嘅薯片嘅😖
今次出嘅係大蝦冬蔭功味同麻辣火鍋味薯片，
🦐大蝦冬蔭功味嗰包聞落酸may may咁，
入口酸味同辣味好突出，
陣冬蔭功味似得嚟仲好自然，
同薯片出奇哋夾，
食落勁有泰式風味🇹🇭
佢個辣算係小辣，而且係越食越辣，
喺喉嚨嗰種辣嘅感覺會越食越明顯，
以我食辣BB班嘅程度食，
啪幾塊都要may啖水嚟解下辣，
不過我真心覺得呢隻味幾過癮，
越食越想食，辣啲都抵！
🥘麻辣火鍋味嗰包就無咁辣，
香料味重，
聞落有啲似香料大雜燴嘅感覺，
食頭嗰塊覺得佢味道好單薄，
辣味唔明顯，
食完先有少少花椒味，
食多幾塊先知佢玩乜，
原來佢係行越食越香嘅路線，
越食嗰陣麻花椒味就越明顯，
強調嘅係花椒嘅麻唔係辣椒嘅辣，
不過又唔係麻到有蟻爬嗰隻，
而係隱隱約約咁麻出嚟，
各位食辣BB班都應該頂得順。
幾個月無去過旅行，
畀條脷去下都好，
唔知你哋會揀🦐大蝦冬蔭功味定🥘麻辣火鍋味呢？
零售點：百佳超級市場、FUSION、TASTE獨家發售
sponsored by Jack’n Jill 珍珍
