#超夢幻打卡火鍋 #仲要好好食
冬天就係要食火鍋，難得賣甩Bat Bat 兩公婆去撐枱腳⋯⋯ 結果都係一齊走去滾😂，因為好想去酒鍋！見到朋友食佢哋新出嘅「#仙氣奇緣鍋」🌬真係好正好夢幻呀~
首先，個鍋上枱大家要準備定拍片📸！因為你好快就會見到仙氣瀰漫，畫面非常美呢🥰。5格火鍋每格都好足料，位於中心嘅係「椰子湯底炸彈」，而包圍嘅四大招牌湯底則包括「四川麻辣」、「荽茜皮蛋」、「冬陰公」、「蕃茄波士頓龍蝦」，全部都係我嘅至愛。不過今次最正都係中間嘅椰子湯底炸彈，廚師將佢造成晶瑩剔透嘅椰子啫喱，湯底煮滾後將原個啫喱掉入去大火煮溶，鮮甜度爆燈😋😋😋！記住飲吓個湯底，呢種鮮甜味包你一試難忘。
四大招牌湯底用料都好豐富，又有🦞波士頓龍蝦食，超正啊！我哋兩個人食唔到太多嘢，所以真係要精挑細選㗎，聖誕特備美食，揀咗聖誕老人丸同聖誕花造型餃淥吓，一人食一個聖誕老人🎅🏻，好殘忍呀🤣（其實係可愛嘅墨魚丸，都幾彈牙幾好食）。
另外梗係唔少得呢度好出名嘅自家制脆炸三文魚皮，非常鬆脆，啖啖都有好香好濃嘅咸蛋黃。
既然其中一格係四川麻辣湯底，必點蜂巢豆腐，勁索味！仲有掛架頂級安格斯牛小排都一如以往非常高質，肉質軟嫩牛味濃郁。而今晚第一次食嘅肥媽墨汁腸、三色鮮制生麵我都好推介！
除咗仙氣奇緣鍋，其實仲有呢度嘅胡椒豬肚福袋湯鍋我都好想試，不過原來想食胡椒豬肚要一日前預訂，所以我惟有等下次。
#凱林家小貼士💛
酒鍋係有外賣㗎‼️
外賣直送嘅仙氣奇緣鍋節日套餐每位$398元起咋，其他套餐仲低至每位$298。
預訂網站：www.tdpdelivery.com
* 12月31日前透過網站單點火鍋湯底同配料，仲可以有全單8折優惠㖭。
The Drunken Pot 酒鍋
#thedrunkenpothk #thedrunkenpot #酒鍋
#冬日火鍋 #酒糟雞鍋 #麻辣酒糟雞鍋
#胡椒豬肚福袋湯鍋 #仙氣奇緣
