[今日寫呢啲]今日寫得短。
澳門股單嘢,其實前晚(星期二)已知,唔係我有內幕,係新聞報晒美股都跌晒。但我都冇特別寫,一來冇買,二木冇推,三來你知咗都走唔甩。
==============
已經2000人訂!多謝大家!Two thousand people can't be wrong!(扯,幾百萬人冇訂添!).下一個目標當然係攞你命3000!
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100. 畀年費仲有85折,20/40年費VIP 送本人著作一本。
之後點?文入面講,但照計呢,非美國嗰三間(銀河27,新濠200同澳博880)影響細啲。不過又提返你,之前搞教育股搞科技股,都係本土公司。至於撈唔撈底之類,就Patreon講
肯定嘅係,雖然中資科技股都跌,但港股啲下跌比例唔算誇張,恒指都仲十幾隻成份股有得升。只要你夠分散,照計唔會十分傷。當然有啲人硬係鍾意一注all in ,就貴客自理了。
正如另一方面,美股彈返啦,你唔係濟買港股嘅,今年點會輸錢?我個垃圾美股倉大升2%添,仲要十隻有九隻升(真係十隻!),可能又預示風險胃納返嚟
理文化工嘅,冇乜好講啦,邊位有買仲渣住嘅話我知。叻仔。我係冇買過嘅
另外,微軟都不用賣關子,加派息(碎料),同埋宣佈大規模回購。當然股價係接近歷史高位的,「咁你去買恒大咯,抵買」
最後,都唔賣關子,開埋名,睇緊隻Sportradar.睇咋下,冇叫你買,仲要研究下,雖然幾有趣,但李佳芯都幾有趣,Stephy都幾有趣。都係要繼續鑽探研究 鑽探研究。
Sportradar,新股嚟的,上市兩日,第一日大跌,昨晚升返啲,至少係啲一上市升幾倍嘅嘢。體育(大)數據,Michael Jordan同 Mark Cuban有份投資(佢地使唔使識大數據?)。留意有間同業上市,表現都麻麻。聽落幾過癮,客人係乜?隱憂係乜?Patreon講 .
每日一圖,兩個都講通脹。第一個畀你見到,同返歷史比(呢十年八年啦,唔係咩石油危機年代),你見而家啲通脹明明唔明。但你又好似聽新聞話好高。關鍵係你點量度。你睇核心通脹,按月計,就完全唔高的。咁預示乜?文入面講
第二圖,畀你見到低學歷嘅人,對通脹預期比高學歷嘅高一截。係咪佢地唔識嘢?又未必。係咪佢地特別悲觀?都未必。呢個分歧係近幾個月先有的,之前幾年並唔係咁。點解呢排會有呢個分別?文入面講
Good read 兩篇都講學術研究,實驗設計。
第一篇,講空閒時間同快樂嘅關係。點度快樂?當然係自評。你可以話自己住索馬里都好開心的。正如之前都貼過嘅文,講人工同快樂,當然越高人工越快樂,但只係up to a point,去到某個水平,再高人工都唔會帶嚟幾多開心(實際上個數字係五六萬蚊港紙,我自己都發現係差不多,我問過身邊嘅朋友都係,固然都係越多越好,但你由一兩皮嘢上到五六皮嘢時係極開心的,打後都開心,但冇咁誇張)。點解會咁?文入面講
咁空間時間都係,你日日忙到屎都唔得閒屙,當然唔會開心(所以記得返公司屙,我諗係白領工作嘅唯一福利,你唔屙而你同事屙,即係佢加咗人工)。但又係up to a point.呢個仲極端,見到太得閒嘅人呢(好似我而家咁),原來就反而冇啲 中等得閒嘅人咁快樂。
第二篇,黑人歧視。講呢啲好敏感,唔係我唔願意講,而係你見好多人都上腦,根本大家都唔係拗緊同一樣嘢。咁做學術研究,梗係搵啲可以量度嘅嘢,最簡單係人工。呢個課題都研究咗好耐,話「歧視」嘅原因有三種,第一係品味上(人就係唔鍾意啲平時少見嘅非我族類),或者係統計上(例如黑人犯罪率高,或者某國人就係X,咁固然唔係所有XX人都係X,但,在你冇更多嘅資料下,「歧視」係「理性」的。例如女仔坐順風車搵返女人,不代表所有男人都係色狼,亦唔代表女人唔會係連環殺手,但你懂的),甚至係潛意識上。
以前做過嘅研究,咪睇黑人球員嘅人工。但只係話黑人球員人工低啲,不代表「歧視」,可能黑人球員屎波啲呢?所以實驗方法係睇同一個人工水平下,見到少黑人球員嘅球會,表現係不及多黑人嘅球會,咁咪見到歧視。
亦因為咁,似乎因為市場力量,人工上歧視黑人球員,已經少咗好多—因為你搵自己笨,會唔夠競爭力。呢個亦係經濟右翼一路講嘅嘢。
今次呢個研究,都見到意甲(點解揀意甲?你懂的)在人工上冇特別歧視黑人球員。但新聞紙評分就有啦。
但,我見佢個研究,似乎都係就咁講黑人球員低啲分。咁呢個per se不能證明歧視喎,可能佢地真係差啲呢?比較好嘅做法,應該去比較啲客觀啲嘅數據評分網站(大把),同埋新聞紙嘅評分。如果啲黑人球員明明數據評分網站都唔低分,但新聞紙比得低,咪證明佢地有呢個歧視現象。
係喎,成篇文我都講埋咁滯,但想睇原文嘅,Patreon吧
==============
已經2000人訂!多謝大家!Two thousand people can't be wrong!(扯,幾百萬人冇訂添!).下一個目標當然係攞你命3000!
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100. 畀年費仲有85折,20/40年費VIP 送本人著作一本。
麻麻號外帶 在 Facebook 的最佳解答
[今日寫啲乜]繼續賣個廣告先,有個講座。星期六7月31日 5點至7點,尖沙咀,HomeBlogger尖沙嘴Office,講下半年投資部署,跌定未,你啲MPF點算。唔得閒嚟可以事後重溫,不過收費一樣。
詳情呢度:https://bityl.co/84af
報名呢度:https://bityl.co/84ai
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
今日就勁咯,你見業績都一大抽,我都冇可能睇得晒,只係略睇。但,絶大多數都係勝預期嘅。咁固然,歷史上都係勝預期嘅多過遜預期,公司一定會期望管理,分析員又會識做。但,今次業績勝預期嘅標普成份股,近90%,應該係N年新高。文入面有快講。
你見我望呢一堆,Apple Google Microsoft Facebook Paypal Visa Shopify Spotify 麥當勞 星巴克,差不多全部都勝預期,有啲仲要係高預期好多。頂多你可以話部份可能對下半年審慎啲(Apple),或者用家數字麻麻(Facebook Spotify).
不過股價呢?績後升嘅好似都似得兩三間。點解會咁?但唯獨係PayPal特別令人擔心,文入面亦有講點解。
至於大市喎,你睇到篇文時差不多開市啦。但我打嗰時就見到啲中概股反彈,夜期又彈,ADR又彈。咁當然唔包開市都升,高開都可以倒跌。但即係,就同咩「美國禁基金買中港股票」(明明就係北水沽得最勁),「冇人再敢買中資股」爭好遠好遠啦。我知係Bloomberg都有報,但你睇真啲內容係乜?
文入面教埋你,點樣分辨資訊真假,仲教你帶眼識人。真的,你身邊總有幾個咁嘅人:小學時佢堅持去總統山出昇拎鎖匙就可以去非洲出一陽指七星大波動嘅人,大個啲佢堅持同豪鬼打和10 round 就有Sheng Long.再大個啲就係每次打風佢都有碼頭工人消息。總之由中南海到Deep State到東京奧運委員會,佢都有情報,但硬係次次都最後關頭有force majeure 阻住救世主降臨。遠離呢啲人。我就快踩過界撈埋media literacy 了
然後應節,講奧運。好簡單嘅問題:咩因素令到國家拎得多獎牌?你即刻答:多人。不盡然。中國一路都咁多人,但都係廿年先三甲。況且,你睇印尼印度孟加拉之類,都係好少牌,但近幾屆開始多。所以你又估到另一原因:錢。當然仲有其他例如文化(萬能key),多唔多人體育,場館等等。不過,最重要嘅兩個原因,文入面有講。
第二圖,見到標普指數都係由大股帶升,雖然一路都係,但而家嘅脫節程度去到新低咁滯。上次有咁低係幾時?正係2000年爆煲之時。咁係咪訓身沽空美股?又唔係喎。數據就人人都係嗰啲,但點去演繹,點去判斷邊啲嘢會再發生邊啲唔會,先係功力嘛。文入面有講
Good Read嘅又係兩篇。首先睇返FiveThirtyEight嘅估獎牌數目,係喎總有人話「唔係乜都可以量化」(獎牌榜唔係量化係乜?),「有好多變數」(例如埃塞俄比亞會拎最多牌咁?)。但,不代表不能預測,人地成team人有資源有經験有往績,總好過啲反智網友一句「挑,邊有得量化」。特別留意嘅係:幾個歐洲大國都係失準的(除咗俄羅斯)。「車人地啲強項在最尾嘛戇鳩仔」「係喎我唔知 Nate Silver唔知得你先知呀可?」,人地每一日,每個項去估的。
第二篇,由人有三急開始講起。在外國街上,人有心急點算?東亞就簡單,商場地鐵站甚至便利店。但在美國呢?我冇去過美國,但聽聞好多人都係去Starbucks。雖然都會令店方一定困擾,但又好難做到唔畀非顧客用(之前試過有次搞到好大件事)。作者由呢度講起,美國好多應該係政府做嘅嘢,變咗企業做。聽落好似幾好丫可?但有冇諗過代價係乜?文入面講有咩問題
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
麻麻號外帶 在 Facebook 的最佳貼文
[今日寫呢啲]每次呢個週末主題都花我大量時間,平時寫兩三粒鐘,呢啲多數都搞五六粒鐘(定你以為我鳩寫半個鐘?點對得人住讀者).不過聽聞幾受歡迎,所以繼續
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
今次就寫Big Tech業績,5間都係今個星期出。時間表呀,分析員估收入升幾多呀,盈利升幾多呀,仲有以前所有嘅數據,我都全部整合晒,有埋個Excel你可以自己玩。但更重要,當然係每一間嘅看點。
有冇用?梗係有用,上星期我出嘅係NetFlix Twitter Snap,雖然冇一早叫你買Snap(但有讀者買咗Twitter),但至少一早有晒啲數,唔使出完業績甚至升完先再去睇。你慢咗幾十拍啦。講就個個都寸土步爭0.1%都要排隊唔肯市價掃,但功課又唔做。咁你不如買ETF算啦(其實是好東西)
況且,呢三隻業績之後,都炒起埋堆迫踼.FB Google 微軟都新高了.咁天地良心,年頭係咁推啦,但有啲人仲嫌升得慢,咁二三月高追發夢股嗰啲咪香晒。喂我唔係計最勁嗰隻,我當五隻買齊,今年都升31%啦,跑贏晒指數,而聽聞有啲人冇錢賺仲要輸錢。我當你最黑仔,買中最差嗰隻,都有15%,唔算太差啦
留意返,入面我都有講啲估值。咁貴唔貴呢啲幾時都唔係完全客觀,否則就唔使有交易所,隻嘢值30蚊,冇人會呢個價錢以外買賣啦。但,你睇下迫踢啲增長,五間加埋收入緊升30%,你估好多公司有?每股盈利嘛,都升19-90%。Patreon入面詳細講。
又,留意早早炒起晒,市場好有效率,之前Twitter Snap勁,啲友狂掃FB Google 啦,唔通等出業績先買咩。而迫踢往往係最遲出業績嘅公司,所以見到之前兩三次,都係業績好,但出完後跌。咁點處理?文入面有講
然後我有逐間講,街估乜數,有乜看點,呢度只會大約講
蘋果嘅,今年股價五隻中最差。一直都面對嘅問題就係賣硬件有先天限制,要買嘅都買得九九十十,又唔會年年換機,亦冇可能年年加價三成。咁當然係睇服務收入,但偏偏上次業績呢部份麻麻地,反而仲係靠產品帶動。留意仲係仲係最大市值公司,但分分鐘8月就失去呢個寶座,我話嘅,好似冇乜見華文媒體有任何人講過。文入面細講業績有乜看點
邊個會搶去蘋果寶座?正係微軟,第二大,市值爭15%,好彩嘅幾日可以過頭。今年股價已經跑贏蘋果一截,升33%,邊個話大公司冇得升?另外你可以留意下,微軟收入只係蘋果六成(如果蘋果旺季時更加只得四成),但市值有佢八成,你可以諗下點解。實情張圖已話咗你知,但文入面會細講。
迫踢入面,今年升得最多就係Google,54%.1.8億市值,照計好快會過埋亞馬遜(甚至曾經過咗),8月可以挑戰2萬億,成為第三間。今次業績嘅增長好勁,固然因為舊年低基數(廣告受打擊),但撇除呢樣都仲係勁,Patreon入面教你睇。你見我有講,看點係YouTube同埋雲計算。YouTube完全冇你想像中咁大,貢獻不多,仲係蝕錢。雲計算都係咁情況。但,今次業績係看點。睇乜?文入面講
FB嘛,我講得最多,因為夠力排眾議(其實都唔算眾,只係香港啲友比較奇怪)。今年升夠40%咁滯,明明個個又話老化又話冇人用又乜,結果你可以睇下係咪冇人用?睇下廣告收入升幾多?個業績必然達標,爭在beat幾多,當然啦,股價上星期已經炒起啦。
但留意,同Google 唔同,Google舊年第二季收入係低基數,固然係因為疫情影響廣告收入。但同樣係食廣告嘅公司,Facebook舊年第二季就冇乜受影響的,點解?文入面講。仲會講埋公司點應付不同挑戰
最後,亞馬遜,實情係我最唔睇好嘅,今年股價亦係包尾,應該好快畀Google過頭,雖然挑戰2萬億仲有機會。公司舊年係迫踢中最受惠於疫情嘅一隻(網購嘛),但今年就放返慢了。同埋,講緊係一季收入1000億美金嘅公司,唔通仲年年生意幾倍咁升咩
亞馬遜收入係迫踢之中最高,但純利反而係迫踢之中最低,咁你唔使計數都知,個利錢係遠低於其他四間。量化埋比你,其他幾間講緊20-35%,亞馬遜係單位數。點解?Patreon入面有講。你以為做網賺好好賺?都係靠AWS,但仲有乜?都係文入面講。
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
(如果你好細心,留意到我特別寫迫踢,FB,微軟,蘋果。因為慳字數。點解?因為instagram)