(續上個post)
凌晨三點拍完劇,我知我好攰,但係頭腦係非常之清醒。
閉路電視個男人仍然企喺電梯裏面個角落,但係架𨋢一個人都無。
呢一刻個大堂一個人都冇,我腦裏面出現晒<見鬼>
我嗰刻好需要有人同我一齊睇到呢個畫面,不能只有我看到。我尖叫着衝去叫醒個夜更看更:「Ahhhhhhhh叔!!! 個閉路電視有個男人一直企喺架𨋢裏面,但係部𨋢一個人都冇....!!!」
阿叔睡眼惺忪睇睇佢枱頭個閉路電視,然後慢條斯理同我講:「係呀...今日呢一格嘅閉路電視壞咗,個畫面停留咗喺呢度。聽日叫咗人嚟整㗎喇,唔使驚...」
再睇清楚個畫面,係喎,原來有少少嗰啲 hang機線條喺裏面。跟住,我先至安心踏入電梯𥚃面返上樓。
求證,真係好緊要。如果我唔係問咗看更,就算俾我大住個膽搭𨋢返屋企,我呢一世都會相信架𨋢有鬼,呢一世都會住得唔安樂。我本人絕對相信呢個世界有鬼神亦親身經歷過一啲解釋唔到嘅事件,不過呢單絕對係一個誤會。
我話係我嘅親身深宵經歷,冇話過一定係深宵靈異經歷。你求證咗未先?😏😎
#黃建東的親身深宵經歷# #二#
#七月十四# #電梯驚魂#
黃建東的親身深宵經歷 在 黃建東 Derek Wong Facebook 的最讚貼文
明晚終於到盂蘭節。最近睇到好多疑似靈異故事分享,其實自己之前經歷過一件事一直未同人講過,發生在半夜。先旨聲明,這不是一個”我聽朋友講”的故事,而是黃建東自己的親身經歷。
有一晚拍完唔記得邊套劇大約半夜三點幾返到屋企樓下,好攰咁開門入去。話說屋苑大堂有個電梯閉路電視的四格畫面。可能睇慣電視嘅關係,等𨋢時點都要望下個mon睇吓邊部𨋢有幾多人搭緊。而屋苑喺深夜時分為咗慳電只維持一部可直達每層樓的電梯開着,其他𨋢都關了。那時候那部唯一開着的電梯正在落緊地面,我望一望閉路電視,有個男人站在角落𥚃搭緊𨋢。落到地面𨋢門打開,我行開一邊等佢出嚟然後入去.....冇。人。行。出。嚟。我嗰刻呆咗,再望返閉路電視畫面,那個男人仍然企喺角落裏。再望望面前架空𨋢:Fxxk!!!!!!!!!!!!! 🤯😱😖
那一刻我全身的毛管豎起,成個人醒晒,即刻尖叫着跑去叫醒瞓緊覺嘅看更:「救命呀阿叔!......
(明晚續)
#黃建東的親身深宵經歷# #一#
#七月十四# #電梯驚魂#
黃建東的親身深宵經歷 在 bayes/mil.py at master - GitHub 的推薦與評價
... '34': 4, '牵头': 2, '深深感到': 1, '百亿': 8, '批量生产': 2, '专科生': 1, ... 都督': 1, '大漠': 3, '亲身经历': 1, '雷动': 1, '顾虑': 3, '完全符合': 1, ... ... <看更多>