🚫嚴禁劇透🚫粗口自行過濾🚫
🚫免批評外表人身攻擊🚫
[1230隔夜超短劇評][ViuTV][男排女將][EP18]
✅ 熱血最強
❎ 熱血掩過不合理
成集睇到好緊張、好熱血,最尾嗰局一分分咁咬住上好鬼正。
頭三節對打翔鷹發生咗好多事,為賽事增加力度,包括咗(1) 神、檸、方丈各自衝破自己嘅阻礙,唔再受到麥樂雞所set嘅心理戰術影響。(2) 魚新兩兄弟喺場上記返細個時兩個人打波嘅樂趣,魚記返自己打波係因為新,然後比賽唔留力打,賽後抱抱,都幾感人。(3) 一直都冇乜作為、冇乜focus嘅Chris1,原來自己密密練都有成績,成為咗贏波嘅其一個關鍵,好勵志(但家瑜冇幫佢練就搞笑咗啲,幫佢練埋佢咪係高手?)。
令我最激動嘅都係King佢拗柴到咁嘅地步都想上場。佢同家瑜講嗰段說話,話自己等咗四年就係為咗要打敗翔鷹,講嗰時唔只係Stephy呀,連我雙眼都紅晒想喊出嚟。 好熱血。
家瑜咁做當然唔係一個好嘅教練會做嘅事,因為明知個球員受傷,就算佢話得,隊友又話會幫佢,都唔應該將隊波嘅成績同埋球員以後嘅運動生涯去搏。劇本其實已經畀咗兩個位去做support,第一個位就係家瑜自己聽到對面隊話「女人教波唔得」就發咗癲話乜都唔理都要贏。之不過家瑜一直都咁冷靜,而呢句說話又唔係第一日聽到,所以呢個support冇乜力,仲搞到家瑜唔太專業。第二個位就係隊員話力圖係一team人,所以會幫King互補。呢個又係令人搲頭,我聽到話一team人時,第一個反應係咁應該大局為重收埋King,我哋贏都代表全部人贏咗,而唔係佢哋所講嘅互補。以我話就應該寫各位隊員都認同隊波係由King而生,今次就算有危機都要繼續畀阿King落場,大家會互補,一齊求求家瑜就最合理。
不過King話想打贏翔鷹段讀白真係太感人太熱血,所以睇時候好容易就過到。但係Bobby喺場邊冇啦啦唱歌,仲要唱咁耐,真係有啲尷尬。如果好似依家咁寫,或者Bobby唱一兩句之後就夠,之後變咗似佢哋心目中繼續唱呢首歌而得到鼓勵,咁好似容易入口啲。明白睇波會唱歌係成日都有,但唱嘅會係連球迷都識嘅歌,或者係球會會歌,一早安排一兩句劇情,升格《神隊友》做會歌就合理好多。到時由Bobby帶起一句,安安做啦啦隊播歌,大家一齊唱,個「同行」效果由Bobby開始,擴展至全部支持者,會好老套,但會好感動。
阿神條眉、阿檸個耳塞,好搞笑。安安錫魚仔好sweet。魚媽叫記者影相,話兩個都係我個仔,好感動。阿檸向球證投訴話個波出界,好型。呢場波真係百感交雜,睇完真係心情波動。
不過姜濤嗰個角色真係好煩厭……另外,如果係魚仔而唔係QK用腳幫King去解圍嘅話,我覺得仲正。King曾經因為魚仔用腳去救波而鬧佢唔認真,而今次係好認真先會用腳去救波,個反差會好正。
黃金sir唔怕free fall唔怕鱷魚潭,但係怕由將軍變王子…睇到好忟呀。
📺 99台 逢周一至五 2130~2230
[演員表] 鄧麗欣 飾 蔣家瑜 / 顧定軒 飾 張競康 King / 陳卓賢 飾 余俊賢 魚仔 / 盧瀚霆 飾 陳逸朗 Bobby / 呂爵安 飾 楊洋(阿神) / 邱傲然 飾 凌鋒(阿檸)/ 柳應廷 飾 袁啟聰(方丈)/ 陳宇琛 飾 黃金Sir / 陳子豐 飾 Marco / 王智德 飾 Chris 1 / 梁業 飾 Chris 2 / 李駿傑 飾 Chris 3 / 郭嘉駿 飾 QK / 余潔瀅 飾 安安 / 沈殷怡 飾 蟲蟲 / 李爾晨 飾 何晉新 / 林家熙 飾 Cirlcle / 李文星 飾 杉 / 杜港 飾 麥樂基 / 胡卓希 飾 阿Lo / 彭義廣 飾 阿Dee / 郭慧 飾 Ruby / 余世騰 飾 瑜父 / 黃翠儀 飾 瑜母 / 楊昕 飾Ada / 安南 飾 阿里 / 蘇家樂 飾 旭sir / 謝志豪 飾 Don / 薛廷旭 飾 立 / 高瀚文 飾 魯世義 / 楊偲泳 飾 Choco / 伍詠詩 飾 Moon / 何詠堤 飾 Macy / 魏綺珊 飾 魚媽 / 姜濤 飾 觀眾 / 吳保錡 飾 記者
#1230隔夜超短劇評 #ViuTV #男排女將 #張志光 #陳淑賢 #張之彥 #黃穎珊 #黃竣培 #駱競茵 #鄧麗欣 #顧定軒 #陳卓賢 #盧瀚霆 #呂爵安 #邱傲然 #柳應廷 #陳宇琛 #陳子豐 #王智德 #梁業 #李駿傑 #郭嘉駿 #余潔瀅 #李爾晨 #胡卓希 #楊偲泳 #伍詠詩 #何詠堤 #魏綺珊 #吳保錡
黃淑儀個仔 在 方以文 睇電視喇喂 Facebook 的精選貼文
🚫嚴禁劇透
🚫粗口自行過濾
🚫免批評外表人身攻擊
·
[1230隔夜超短劇評][ViuTV][歎息橋][EP08]
·
[讚]
陳健朗 Kinlong Chan 喺屋企問郭峰啲手術錢搞掂未嗰幕好,但都唔夠一開始喺天橋底嗰場正。對住個自己認為好廢嘅老豆,又唔係唔敢爆佢喎,而係嗰種爆佢都冇用好多嘢煩,好忟好嬲但收埋嗰吓,真係演得好正。成日諗起郭峰都會諗起霍景良,但佢其實做乜都似乜,今次真係廢到喊。如果之後Thomas有機會同Ken交手,佢應該會憎死Ken,因為同佢老豆好似。
·
衛詩雅 Michelle Wai 又係正嘅,嗰種忍辱負重,為求結到婚真係乜都得(唔使再問有冇呢啲人喇,你問吓你身邊結咗婚嘅朋友就知)。對住黃文慧兩個人傾結婚後住邊嗰幕,有啲偏喜劇,本來以為唔多夾,尤其係Joyce叫auntie做未來奶奶嗰吓,我個腦就響起咗「我呢個老屎忽」,不過完咗呢段我好快又投入返。
·
上集Ken視覺當中Joyce係好鬼煩嘅女人,但今集去到Joyce視覺,喺Joyce心目中Ken變得仲可怕,直頭係笑臉虎笑到你心寒嗰種,陳奐仁 Hanjin Tan 啲表情有落重藥。
·
去到Joyce知道Ken有個仔,嚟到餐廳搵Thomas時,Sammy面目猙獰。睇返Thomas同Kevin嘅視覺,Sammy佢應該唔係咁易表露醋意嘅人,但擺明Joyce已經當咗Sammy係敵人,所以Sammy喺今集先會黑晒口面。
·
Joyce喺知道Ken有個仔之後,都預咗佢會搵Thomas,之後影像去返比利時條橋,喺橋上Joyce講嗰堆真心話,我諗Joyce心目中呢條真係同Thomas嘅「一見鍾情橋」甚至係「幸福橋」。不過套劇係叫「歎息橋」呢,唔知Joyce知道最初佢遇到Thomas係因為想偷佢錢會點。真係好難估呀,到時如果冇咗Ken,佢自然會不顧一切攬住Thomas。
·
[彈]
·
冇喎,每段都有意義有推動有演技,今集又冇啲意義不明嘅畫面分割。啲聲又好似tune得好啲。
.
[後補] 有觀眾留言話以為我會講Joyce Thomas喺香港行行吓去咗比利時係彈出彈入。我覺得不知幾正。條橋喺邊都唔重要,Joyce認為自己同Thomas一齊談心,就已經返返去細個嗰見佢時嘅感覺。
.
[演員表] 林保怡、陳健朗 飾 李子勇 Thomas / 周家怡、談善言 飾 方小薇 Sammy / 衛詩雅、楊偲泳 飾 何樂兒 Joyce / 陳奐仁、黃定謙 飾 胡啟源 Ken / 伍詠薇、唐寧 飾 梁淑媛 Catherine / 潘燦良、凌文龍 飾 鍾懷安 Ryan / 秦沛、艾威 飾 何永昌 / 陸駿光、黃溢濠 飾 黎銘南 / 劉皓嵐 飾 李小陸 / 岑珈其 飾 鍾家俊 Kevin / 黃文慧、邵美君 飾 Ken母 / 劉兆銘、郭峰 飾 李文滔 / 易健兒 飾 嘉嘉 Milky / 張慧儀 飾 Thomas母
·
·
#1230隔夜超短劇評 #ViuTV #歎息橋 #林保怡 #周家怡 #陳奐仁 #伍詠薇 #潘燦良 #陸駿光 #談善言 #黃溢濠 #黃定謙 #衛詩雅 #陳健朗 #楊偲泳 #黃文慧 #邵美君 #唐寧 #秦沛 #劉晧嵐 #劉小華 #劉兆銘 #岑珈其 #凌文龍 #易健兒 #張慧儀 #郭峰
黃淑儀個仔 在 gregory wong 王宗堯 Facebook 的最佳貼文
今晚記得睇!!
香港電台《火速救兵 IV》
超緊張🔥🔥🔥
我講緊我依家嘅心情🤣🤣🤣
【港台電視《火速救兵IV》— 《兄弟(一)》】
不經不覺,來到《火速救兵IV》最後單元,是不捨得但會期待這個系列一直拍下去。
今晚(11月24日)播映《兄弟》(一),係半小時版分四集播出,若然之後播出的一小時版,會是分上下集的故事,屆時我再寫多一點。無獨有偶,和第一單元《火伴》講兄弟情相呼應,而且這個單元劇的劇名和大台正在播出的台慶劇名一樣,當然這個單元劇係講消防員吧!
故事講述新界南消防區區長鄺家輝(陸駿光 Alan Luk飾)、荔景高級消防隊長彭敖(陳國邦Chan Kwok-Pong飾)及隊目凌瞬之(gregory wong 王宗堯飾)份屬好友。一個國際會議的前夕,身為「危害物質專隊」的彭和凌收到有危害物質的警報,鄺即命凌到通風口採集樣本。縱使樣本結果呈陽性,鄺仍不理凌的提議,要求凌短時間內立即再進行測試,雖證實虛驚一場,凌不認同鄺的指揮,兄弟心存介蒂。鄺結婚在即,凌與彭不單沒獲邀當兄弟,二人更發現兄弟團不少為高層和與鄺新交的專業人士,此事令彭、凌對鄺非常失望,亦讓凌心裏有了芥蒂。後來彭與凌巡查工廈期間,發現有業主存放過量危險品。業主不理勸喻反向鄺投訴,凌被鄺問話期間,二人有所磨擦。某日,有商住樓宇發生火警,一名住戶因誤用大廈消防喉而導致兒子被困火海,荔景消防局奉命出動。
早前拍攝時陸駿光接受媒體訪問,講到這個單元劇全程有真正的消防員監察拍攝進程,但卻面臨「最擔心自身生命安危的一次」,因為戴上氧氣樽同頸巾連面罩的他亦要穿著非常厚重的「黃金戰衣」:「咁大個仔都未試過咁熱,拍古裝就算打埋都冇咁熱!」
話晒係壓軸單元,演員陣容非常強勁,先講今集有黃秋生Anthony Perry、Deon Cheung 張松枝分別飾演副消防總長葉雲開及消防總長卓文方!還有《Plan B Plan B the series 》「閻王」「乳環」喜相逢的陸駿光、王宗堯、《VR驅魔人》—《港爸港媽》飾演一位虎爸好出色的陳國邦、陳安瑩,以及在港台《手語狂想曲6》和《那些年、那些歌 II—關淑怡篇》開金口唱歌和有精彩演出的Sofiee Ng 吳海昕。上述好戲之人,超級期待!《兄弟(一)》單元的導演是黎敏儀 。
香港消防處150週年呈獻: 《火速救兵 4》逢星期六 香港電台31晚上9:30播出。
逢星期二無線電視翡翠台 晚上6點播出。
#我的影視隨筆 #火速救兵IV #港劇 #兄弟
#陸駿光 #王宗堯 #陳國邦 #吳海昕
香港電台《火速救兵 IV》 RTHK 香港電台
羅敏莊 Mimi Lo