📍ᴄᴀᴜsᴇᴡᴀʏ ʙᴀʏ, ʜᴏɴɢ ᴋᴏɴɢ 🇭🇰
<期間限定黑糖巧克力飲唔飲得過？ 老虎堂>
雖然銅鑼灣近排好似開咗好多間唔同嘅茶飲店，不過老虎堂依然都仲係有啲人氣🤫要排下隊都在所難免，不過人龍就梗係比以前少左啲啦😁
其實本來小編試過一次都冇諗住會再去😎不過見到佢哋推出左期間限定嘅黑糖巧克力波霸厚鮮奶，好似好吸引咁🤤所以小編決定都係死死氣去排多次😩
🍴黑糖巧克力波霸厚鮮奶
評分：7/10
呢一杯黑糖巧克力波霸厚鮮奶採用左美國巧克力品牌HERSHEY’S嘅巧克力醬🍫店員會將HERSHEY’S巧克力醬加入黑糖珍珠裏面，然後再配上鮮奶🥛同奶霜👍黑糖巧克力虎紋嘅顏色會比起普通嘅黑糖虎紋要再深色少少😍影相出嚟個效果亦都比較靚😚
雖然佢係一杯黑糖巧克力鮮奶飲品，但其實飲品個黑糖味都比較弱😅反而個巧克力嘅味道真係好突出😋巧克力鮮奶嘅味道非常香，而且個巧克力味濃郁🤤雖然飲品入口會有少少甜，不過始終明白呢一個係個無可避免嘅事實🤔因為店舖用嘅始終都係巧克力醬而唔係可可粉😂另外飲品嘅表面加咗一層奶霜喺度，攪勻左之後飲品整體個口感會比較creamy同幼滑😉至於個波霸珍珠方面，感覺上好似比起之前退步左少少🤔首先波霸珍珠形狀大小不一，而且有少量波霸珍珠仲變咗型同爛咗添，飲嘅時候啲波霸珍珠時不時都會塞住左支飲管😵而口感方面，雖然店舖嘅波霸珍珠口感依然煙韌🤗但就冇咗Q彈Q彈嗰種口感😶而味道方面可能飲品本身加咗巧克力醬，導致波霸珍珠裏面嘅黑糖味感覺上比較弱🤔要咀嚼多幾下先會食到有淡淡的黑糖味🙂
整體來講，呢一杯黑糖巧克力波霸鮮奶其實小編就覺得非常一般😅因為冇諗過飲品個黑糖味會咁弱😔所以小編都係會建議大家飲返店舖招牌嘅黑糖波霸厚鮮奶/虎虎生風厚鮮奶😝因為個鮮奶同黑糖味都會比較突出，會更加有驚喜✌️
價格：HKD $38
——————————
店舖名稱：老虎堂
環境：4/5
服務：5/5
地址：銅鑼灣渣甸街36號地下3號舖
交通：港鐵銅鑼灣站F1出口，步行約2分鐘
——————————
#hkfoodie_life_銅鑼灣
附近鐵路沿線仲有咩食👇
#hkfoodie_life_港島綫
同類型食物嘅介紹👇
#hkfoodie_life_茶飲
．
．
．
．
．
#twfood #taiwan #tigersugar #hershey #chocolate #老虎堂黑糖專賣 #香港老虎堂 #老虎堂 #黑糖巧克力波霸厚鮮奶 #黑糖巧克力#黑糖波霸鮮奶 #台灣美食 #黑糖珍珠鮮奶 #黑糖珍珠 #珍珠 #台式飲品 #飲品 #台灣 #台式飲品 #手搖飲料 #鮮奶 #手作珍珠 #タピオカ #黒糖タピオカラテ #黒糖タピオカ #タピオカラテ
