［沙漠都變綠洲！éPure™ MEMBRANOUS JELLY MASQUE 水凝彈性冰晶膜］
皮膚嘅嘢，你睇我好，我睇你⋯都真係幾唔好！所以瘋瘋成日比班囡囡迫埋牆角，質問我平時用啲咩護膚品！不瞞你說，我一向都唔會用死一樣產品，亦唔會齋用泡菜國嘅嘢！你咪睇我行得走得，實情由於長期Down身嘅關係，心靈同皮膚一早已經dry盡人亡！有一款產品，喺我呢段單情路嘅日子，一直會一星期敷兩次！
介紹返，éPure 水凝彈性冰晶膜係由一位真•權威嘅美國醫學美容醫生Dr. Yulong Moy首創，係市面上第一種採用活性細胞因子配方嘅面膜！主要由玻尿酸 (三重保濕複合因子)、海藻萃取精華、α-熊果甘、荷荷巴葉萃取精華、甘草酸鉀等純天然成分組成呢條必濕秘方，不含酒精及對羥基苯甲酸酯，適合所有膚質！
一柱香時間都唔洗，就為皮膚補充高達30-50%水份！簡直係登峰造極，堪稱近年最強瞬間補濕媽屎！而且最令瘋瘋拍晒大脾讚好嘅，係呢pat冰晶膜能夠有效令毛孔完全吸收面膜內嘅養份，同時排出毛孔內嘅雜質，即係黑頭呀白頭果啲！亦可以抑制黑色素形成，淡化色斑痘印，解決膚色唔均勻嘅問題！
特別的敷冰瘋法：
洗完面先拍爽膚水打底，將冰晶膜厚敷喺面上，可以喺T Zone、鼻頭及有色斑位置再厚啲！咪睇佢一pat pat就以為會漏下漏下，其實佢係偏杰身，包你sugar卑啤式抽chok膊頭啲gel都唔會跣落嚟！敷完30分鐘就拎支棒整走啲冰晶膜，再用清水洗面！
我林瘋勁大膽講句，呢pat死人嘢嘅補濕度係濕到花兒也謝了！毛孔係立馬收細咗！之前敷啲美白面膜，敷完都會輕嘆「白？邊L度白呀？」，但冰晶膜係即時見到皮膚白咗一至兩度，堅系有種眼前一亮嘅感覺！再望返鼻頭位置... 媽呀，真係有污糟嘢tun咗出來架！我揮一揮支黑頭棒，已經帶走一大片黑白頭！所以，呢一年敷媽屎嚟講，無論我喜歡誰，都會記住留下éPure這位置！
官方建議油性皮膚每週使用3-4次，乾性皮膚每週使用2-3次，一盒為一個療程，以達至最佳效果。
