今晚又要收夜啲
多咗幾款靚面相筆同舊化粉
之後同大家介紹
#點解好似入咗啲奇怪嘢
#又要執貨
點解好似入咗啲奇怪嘢 在 Facebook 的最佳貼文
同時也有2部Youtube影片，追蹤數超過4萬的網紅李根興 Edwin商舖創業及投資分享，也在其Youtube影片中提到，《一百個影響他人的小貼士 - INFLUENCE》倒數 - 第95 - 點令人幫襯你多啲? 錄影時間: 2020年3月20日(星期五) 10am LAW OF RECIPROCITY 互惠法則 100個影響他人小貼士。倒數 - 第95: 考考你，當係個班房入面， 坐係你側邊有位同學，你唔...
點解好似入咗啲奇怪嘢 在 李根興 Edwin商舖創業及投資分享 Youtube 的精選貼文
《一百個影響他人的小貼士 - INFLUENCE》倒數 - 第95 - 點令人幫襯你多啲?
錄影時間: 2020年3月20日(星期五) 10am
LAW OF RECIPROCITY 互惠法則
100個影響他人小貼士。倒數 - 第95:
考考你，當係個班房入面， 坐係你側邊有位同學，你唔識佢，佢唔識你，如果臨放學時， 你突然間問佢幫襯你買啲慈善抽獎券，咁點樣先至能夠有效令到嗰個人幫你買多啲呢?
(Pause)
根據Cornell University 教授 Dennis Regan, 如果你落堂前離開嗰班房一陣，幾分鐘後返嚟攞住兩罐可樂。之後你同側邊位同學講:
"I asked the instructor if I could get a coke, he said it's ok. So I've bought one for you too."
「我問咗老師可唔可以飲可樂，佢話可以，所以我順便買多罐畀你。」
罐可樂可能只係少少幾毫子美金， 但因為咁，對方放學嘅時候買慈善抽獎券嘅機會率同金額就平均大升兩倍， 即等於罐可樂嘅回報係幾十倍。點解?
因為只要你無條件幫過佢，佢就覺得好似欠咗你。 人好奇怪，就係唔鍾意欠人，鍾意同你係平等， 甚至乎好過你。因此， 你畀完佢罐可樂之後，佢會想盡辦法 get even with you (同你對等返)。 因此你喺呢刻問佢可唔可以幫襯你買啲慈善抽獎券的話，佢就特別願意買多啲。呢啲叫做 Law of Reciprocity 互惠法則。你幫佢，佢自然好想幫返你。 但如果你當初無買罐可樂畀佢，佢就好容易 say No 啦! 因為佢都冇欠你。
做生意一樣，盡量無條件地畀啲著數人客先，例如免費試食，每人入嚟時免費送支花或者肺炎就送個口罩先，人客覺得欠左你嘅，自然會幫襯你多啲。
包括我在內，成日入唔同嘅舖頭，啲人一認得我，都可能會送啲嘢畀我。 我一知道佢送嘢畀我嗰刻，我就知，「死啦，死啦!」我又要幫襯佢買幾百蚊嘢啦， 如果唔係唔好意思。計計數，送嘢間舖頭嘅回報都分分鐘幾十倍。
小財唔出，大財唔入，比着數人先，信我啦! 長遠你會袋多啲。
#互惠法則， #influence，#影響他人小貼士
。。。。。。。。
以舖「滙」友」 Facebook Live 首播 (盛滙商舖基金FB專頁)。
全港首創: 節目以舖市為主題的「輕鬆資訊性節目」，希望大家工作煩忙，午饍時間又唔方便外出，邊食lunch邊睇live有得輕鬆吓，又有嘢學。
2020年3月25日 (下午1時至1時50分)
1. 第一節 – 舖界嘉賓專訪人 (Bless 創辦人 Alfred Tong)
2. 第二節 – 舖市數據及個案分析
3. 第三節 – Edwin 信箱 + 答問抽獎遊戲
歡迎 inbox 或 whatsapp 90361143 我任何關於商舖/生意/創業問題，到時回答你。
點解好似入咗啲奇怪嘢 在 李根興 Edwin商舖創業及投資分享 Youtube 的最佳貼文
第106個故事《哈佛知識分享: 中國人及猶太人搭火車的故事 - 如何競爭?》
從前有對中國夫婦及猶太夫婦搭火車去旅行， 佢哋爭拗什麼人做生意最叻及如何買票.... 結果如何？ 及對做生有什麼啟示呢？ 佛教授 David Collis 教我...
日之苑外賣到會熱線: Otto 9273 3330 ( 西環/西營盤/上環/北角)
.......................................
內容全文:
聖誕節? 梗係想去旅行啦。好耐之前有對中國夫婦去旅行，係火車站排隊買飛嘅時候遇到另一對猶太夫婦。 佢哋傾左幾句計之後, 就開始爭論咩人做生意最叻。
中國夫婦話:「 梗係中國人做生意最叻，最講原則同道義!」
猶太夫婦話:「 猶太人仲叻啦，數口最精，同識轉彎!」
中國夫婦回應:「做人要頂天立地， 下下轉軚有乜用!」
猶太夫婦話，「費事同你拗。你哋今次搭火車諗住買幾多張飛呀?」
中國夫婦答:「梗係兩張啦! 你傻㗎，咁都問。」
猶太夫婦話:「咁我哋買一張就夠啦! 」
中國夫婦覺得好奇怪囉，點解佢哋一張飛就可以兩個人撘火車去旅行呢? 上咗車之後冇幾耐，車長就過嚟check飛。 猶太夫婦見到車長嚟，就兩個跑跑跑跑，跑咗去前面嗰廁所嗰道匿埋咗。 車長敲門話: 「驗飛，驗飛!」 猶太夫婦就係個門罅度，涉一張飛出嚟俾阿車長。 就係咁，佢哋就過咗骨， 安然無恙咁返番去個座位度。途中，仲對住個中國夫婦陰陰地「笑」咗下。
火車到達目的地之後， 兩對夫婦都玩得好愉快。 過年後回程嘅時候，又喺車站碰到大家。
猶太夫婦問: 「今次你哋諗住買幾多張飛呀? 」
中國婦夫老公唸一唸，改口話:「今次我哋買一張飛!」
猶太夫婦就回答，「你哋買一張呀，咁我哋就唔駛買喇!」
中國夫婦又覺得好奇怪，點解佢哋唔使買飛呢?
上咗火車之後，車長過一陣又過嚟check 飛。 中國夫婦一見到個車長後，就跑跑跑跑跑，跑咗去前面個廁所道匿埋咗。 之後有人敲門, 話「驗飛，驗飛!」
之後點呀?
原來敲門嗰個係猶太夫婦，佢就攞咗張中國人嘅飛之後，就跑跑跑跑跑，跑咗去更前面個廁所道匿埋啦。 唔使再講落去，你都知道個結果係點啦!
故事帶出乜嘢理念?
做生意千祈唔好人做你做，盲目跟隨。根據哈佛教授 David Collis 佢話做生意有三個C，(1) Customer 顧客，(2) Competitor 競爭對手， (3) Capabilities 自己能力。 ABCD 呢四個位，你應該把資源放喺邊度呢?
A. 就係有顧客需求，有競爭對手做緊，而你自己都識做， 可以入去同佢爭。
B. 就係有顧客，有競爭對手，但自己唔識做。
C. 就係有競爭對手，自己識做，但無客。
D. 就係有客，無對手做緊之餘，自己又識做。
答案係.... D. 教授話應該把所有嘅資源專注喺D嘅位置， 即係有顧客需求之餘，無競爭對手做緊，自己又識做嘅地方。 呢個就係叫做 competitive sweet spot 競爭最佳優勢點.
例如上星期TVB 訪問過嘅立食壽司，冇得坐，企到你攰快啲走，但咁做可以加快轉流， 把資源投放喺更加好嘅食物質素回饋食客。 或者之前借出場地拍「十大定價策略」的我哋個租客日之苑，做好多 mini party 到會 Omakase (廚師發辦)，party organizer 唔駛煩，客人有驚喜， sushi 仲可以配合埋主題。大家都係有人客需求，競爭對手唔做，但佢又識做。我專注做商舖基金， 點解依家點解錄呢個video畀你睇，都係同樣道理。
做生意，你一定要搵到自己嘅 Competitive Sweet Spot，而唔係不斷地同競爭對手係同一點互相撕殺，咁只係一個 Competitive Dead Spot (競爭死點)，最終只會屍橫遍野，大家都無錢賺。 好似上面火車飛咁，慢人一步，仲更加死先。 你想做上面嘅中國人定猶太人，你嘅 Sweet Spot 又係邊呢? 不妨趁假期，叫啲壽司到會唸唸啦。
日之苑外賣到會熱線: Otto 9273 3330 ( 西環/西營盤/上環/北角)
