關於 龍門手套邊度買 ，我們在網路上蒐集到這些相關的討論、資訊與評價

【現貨發售】硬Tape

踢波嘅朋友，有時都要需要紮一紮手腳，令到運動時提供額外支撐同提供保護。特別係打龍門嘅朋友，個波射埋黎咁勁，都有機會手指或手腕受傷。所以好多龍門都傾向用紮手嘅方式去保護。

🙋🏻‍♂️我對手套已經有指骨，點解仲要紮手指？
⭕️因為手套嘅指骨只有手指向後翻嘅時候先可以保護，但平時「篤魚蛋」嘅時候係個波直接同手指頭撞擊，因此令到手指關節受傷。而紮手指係用硬Tape圍包晒成隻手指，令到每一個方向都得到保護。即使不幸「中槍」，傷勢較冇紮手輕微。

🙋🏻‍♂️紮Tape好煩
⭕️咁問番你一個問題，你寧願每次紮手定受傷？一卷Tape都係有限錢，到受傷睇個醫生同物理治療都可以買到到好多卷。一般朋友岩岩開始紮手嘅時候因為唔熟手，所以時間會比較耐。但當熟手之後，紮晒兩隻手腕同手指可於5mins內完成。

講左點解要紮手，今次番貨呢款係版主試用左一排，首先都係有狗牙邊，容易撕開。另外膠水量及黏度適中，就算落雨出汗都唔會甩。另外係獨立包裝，即使擺得耐都唔怕膠水氧化。仲有1 inch及 2 inch，包手包腳或者手指都有岩你嘅尺寸。

尺寸:
1 inch (25mm x 13.5米）$30/卷
2 inch (50mm x 13.5米）$40/卷

適用部位:
1 inch 手指
2 inch 手腕，腳腕及膝頭

🈹訂購優惠
1.) 買4️⃣送1️⃣ (相同尺寸)
2.) 訂購Elite Sport 手套每卷平$5 (同時享有4送1）

如果朋友仔唔知點紮，版主都好樂意分享我嘅紮法

落單歡迎whatsapp 51288455 或 https://api.whatsapp.com/send?phone=85251288455

#識保護自己先係好龍門 #硬Tape #防止受傷 #紮手 #固定關節 #支撐 #足球

【現貨8折】Elite Sport 手套優惠

其實Elite Sport嘅現貨手套好少會有優惠，今次有3款現貨手套特別做優惠，等大家可以以一個抵啲嘅價錢買到心頭好，Elite Sport嘅手套一直以頂級用料及耐磨乳膠聞名，對於追求高質手套嘅朋友絕對係唔錯選擇👍🏻

1.）Elite Real
簡介: Elite 頂級手套系列，採用較厚實嘅緩衝層，帶比用家與別不同包手感覺。德國頂級Contact M 乳膠配以著重高觸面積嘅Roll Finger 剪裁，無論任何天氣，乳膠都充分發揮出高穩定性黏度及耐磨度👍🏻
- 4mm 德國Contact M乳膠
- Roll Finger 剪裁
- 頂級4mm BGS 手背乳膠
- 3D 壓紋擊球設計
- 掌邊延長乳膠
- ❌不設指骨

Size: 9, 10 (適合8.5及9.5使用)
Price: $560 (原價: $700)

2.) Elite Black Solo
簡介: Black Solo為高階系列，性價比較高。可拆式4指骨設計。德國高階4mm Contact M1乳膠配以手感靈敏度高嘅NRoll剪裁。

- 4mm 德國Contact M1乳膠
- NRoll 剪裁
- 4mm GS 耐磨手背乳膠
- 3D 壓紋擊球設計
- 兩段式延長腕帶
- 可拆式4指骨

Size: 7, 9 (適合6.5及8.5使用)
Price: $456 (原價: $570)

3.）Elite Neo White
簡介: Elite Sport 旗艦級手套，已超貼手剪裁為主要賣點。有如赤手接球嘅超高觸感。採用Speed Cut 剪裁令內櫳零虛位。配上最頂級Contact M乳膠，手感及吸力都係最頂級。

- 4mm 德國頂級Contact MB乳膠
- 超貼手手Speed Cut 剪裁
- 一體式手套設計
- 3D矽膠擊球設計
- 彈性穿帶設計
- ❌指骨

Size: 9 (適合8.5使用)
Price: $680 (原價: $850）

⁉️以上三款手套現貨發售，以順豐發貨

歡迎whatsapp 51288455訂購

#EliteSporthk #discount #現貨優惠 #足球用品 #龍門手套 #8折 #龍門手套 #守門員手套 #goalkeeper #goalkeepergloves #goalkeepersaves #saveourgoal

【手套講場 - 你用咩size】

「請問你用開咩Size架？」相信有同過版主買手套嘅朋友都被我問過呢類問題。大部份較資深嘅用家都知道自己用咩Size，同時亦有部份嘅朋友係岩岩打龍門又或者唔記得用咩碼。以上都係好常見嘅情況，但間唔中遇到嘅係「聲稱」自己用十號，安全起見約出黎比佢試下，結果係偏細嘅情況都有。所以今次呢篇文章希望將以往嘅經驗同各位分享下。

尺碼變化🤔
隨住手套嘅剪裁變化越黎越多，加上內櫳及物料上採用新技術。所以用開嘅尺碼都可能同7，8年前嘅款式有出入。成年人隻手掌變化唔大，但一般都有幾個因素可能會影響選擇嘅尺碼。

1.）剪裁設計
以前嘅手套基本分成三個剪裁，分別係Flat Palm(平掌)、Negative(內縫)及Roll Finger(外弧)。所以尺碼嘅變化相對冇咁大，用開呢個碼，其他牌子其它款多數都係用呢個碼。但呢五年廠商們都研發更多不同剪裁，特別近年超貼手嘅設計成為潮流，不但比傳統嘅設計更貼手，連帶嘅係手套尺碼都「縮水」，有機會以前用開嘅尺碼轉到新興剪裁都要帶大一碼。

2.）內櫳厚度
一般嘅手套係由接波嘅乳膠配上緩衝層而成，乳膠防止足球打滑，而且擁有一定嘅彈性去吸震。間接亦解釋用舊左嘅乳膠接波嘅感覺較死實。而另一部份就係緩衝層，緩衝層係由一層海棉或合成物而成嘅吸震物物料，用作將射門嘅力量及衝力緩減吸收，而呢一部份嘅另一面就係同你嘅皮膚接觸。就成為大家成日講「手感」嘅部份。而內櫳嘅厚度及密度不單止影響大家嘅手感，而且有機會影響埋尺碼嘅大細。般嘅手套都係採用3mm - 4mm 嘅緩衝層，呢啲「官方數據」大部份都只限「參考」，有機會接波嘅時候多啲或者少啲。而部分品牌緩衝層(Cushion) 會做得偏厚。所以內櫳嘅空間都相對少左。帶落去嘅時候有會覺得窄過頭。呢啲時候都會選擇較大嘅尺碼。另一個要留意嘅地方就係而家某部分嘅手套品牌會喺內櫳加入一個防滑層，不但令手套更少虛位，而且令到出汗後更難移位。呢層物料雖然唔太厚，但如果某啲手套剪裁已經好貼手，Cushions 又較偏厚，呢一層啫喱會令內櫳更窄。所以買手套嘅時候要留意。

3.）手套指骨
一般手套接觸手背只有一層Backhand Cushion ，但有指骨嘅手套因為要喺容納指骨，所以指骨與手背之間會加入一層夾層。加上指骨嘅厚度，亦有機會減低內櫳嘅空間，市面上嘅手套品牌會選用兩個系列嘅指骨。一款係較薄，彈性較高嘅指骨。另一款係較厚，保護程度較高嘅指骨。不論選擇邊款，只要放左指骨，手太內櫳多多少少都會受影響。

以上三個因素都係影響手套嘅尺碼，有時唔係你揀錯碼，但因為唔同手套嘅剪裁，內櫳及指骨嘅因素都會影響。除此之外，你雙手當然係重點。

熱門尺碼🤔
根據版主非正式統計，一個香港嘅成年人係採用7，8，9呢三個較熱門嘅尺碼，你問我10號有冇，當然係有嘅。如果想知自己用開啲咩Size，可以先用長間尺由手腕身一節橫紋度到中指頂端。得出黎嘅數字去對比每個牌子嘅尺碼。不過個表只係有一定程度參考，好似上面三個因素都會有影響。除此之外，好睇用家嘅手腕粗幼、手掌厚度及手指粗幼而影響。間唔中遇到啲特別嘅case，例用用家嘅手掌長度係一般Size 8，但因為厚掌，所以正常係買8號就岩，但因為過唔到條腕帶，或者內櫳太窄，所以要建議要買大一碼。點解佢明明係8號，要叫佢買左碼。第一，如果手掌太厚，多次出出入入，線位好容易會爆，即使手套造工再好，都難以避免爆線。第二，內櫳空間有限，比你迫到入去，都可能會好辛苦。同埋長時間帶住會有機會冇血到，隻手會麻痹。又或者隻手會脹。一脹左就會唔太舒服。第三，手指位嘅乳膠耗損會比一般嚴重。所以多數同客人面交，都會叫佢地試一試對手套，同佢搵一個較適合嘅尺碼。

根據咁耐嘅經驗，一般朋友嘅身高都會影響手套嘅長度尺碼。因為多數朋友嘅手掌及腳掌大細同佢地嘅身高有一定程度掛鉤。例如一個1.75m 一般身型嘅朋友，一般都係採用Size 8，除非手套內櫳偏厚偏細，或者要佩帶指骨，都可能有需要佩戴大一碼。另一個係體重，較大隻嘅朋友手掌都係厚啲肉啲，可能長度岩，但因為剪裁咁內櫳帶番同一尺碼會帶唔入，或者太迫唔舒服。所以亦都有機會帶大一碼。

尺碼參考表準唔準🤔
當好多朋友唔知自己用咩size 嘅時候，Size chart 就「有機會」幫到大家，通常廠方會做定一個size chart 方便大家，但好多時都屬於參考之用。因為即使用一個牌子，唔同嘅剪裁，手套內櫳嘅厚度，用唔用指骨，甚至手掌厚度都會影響左帶嘅尺碼。手掌長度就絕對不變。如果唔清楚自己用開咩尺碼，可以用間尺由中指度到手腕約1 cm位置。會得出手掌約莫長度。之後可以問番對手套有冇偏大偏細。基本上都搵到岩你嘅size。

總結版主嘅經驗，手套尺碼看似複雜，但其實要搵岩尺碼一啲都唔難。特別係啲唔知自己用咩尺碼嘅朋友都可以度左手嘅長度，再問番邊個款嘅尺碼岩唔岩你。而上述嘅內容根據個人經驗而得來。都可以作為參考。當然如果有唔明嘅地方都可以喺下面留言或者whatsapp 分享都唔介意。

最後希望幫到大家，將一啲知識同大家分享同交流，先會有進步。

#要搵咩尺碼其實都唔難