仲有幾日，就要參加人生第一個半馬，有啲興奮，又有啲緊張。教練話我嘅準備已經做得差唔多，但就再三提醒：要有耐性，唔好心急，初段要記得「勒」住自己。
教練成日都話我心急，練習嗰陣經常唔識收，跑咗個比佢所定更快嘅Pacing出嚟，好似趕收工咁款，係，我承認我係心急嘅；所以如果未來想挑戰全馬嘅話，除咗體能同耐力之外，我仲要訓練埋耐性。呢樣嘢我真係幾缺乏，所以一直都好佩服挑戰全馬嘅朋友。
而你或者你身邊嘅朋友又有冇人會喺今屆挑戰全馬呢？太勁喇你哋！完成全馬係人生入面嘅一件大事，一定要好好紀念 - 用咩方法？不妨考慮喺你哋跑完呢42.195公里之後，將得到嘅嗰塊完成奬牌「個人化」吖！六福珠寶再次獲邀贊助今屆賽事嘅獎牌，負責設計及製作17,500枚精美獎牌送俾所有完成全馬嘅朋友，仲為佢哋提供免費獎牌刻字服務添，跑完之後可以去 #六福珠寶 香港各分店，將自己鍾意嘅內容免費刻喺塊完成獎牌上面，增添紀念價值呀！
除咗完成奬牌之外，六福珠寶仲贊助咗一共32枚18K黃金鑲鑽石奬牌送俾每項賽事嘅冠軍，同埋本地頭五名男女跑手，大家都要以呢個冠軍奬牌為目標，努力爭取好成績呀！
#渣打馬拉松 #馬拉松 #18K黃金鑲鑽石獎牌 #馬拉松完成獎牌
