#含劇透 #不專業影評 #主觀意見 .
《非份熟女》觀後感
因為心理陰影同壓力，令已婚5年嘅小敏每次同老公行房都失敗，令老公好沮喪最後都係忍受唔到而提出離婚。任職診所護士嘅小敏每日都要聽住客人分享同男朋友房事，令佢更加難受。
爸爸入院令小敏需要專心幫手打理家族茶餐廳生意。佢遇上一個好奇怪嘅後生廚師；明明喺歐洲住過又不羈，但又願意收較低人工、屈就喺茶記工作年輕人。
雖然佢睇落漫不經心，但煮嘢食嘅時候專業程度唔比老師傅失色。而佢每次煮嘢食都令小敏逐漸放下戒心，最後更成功喺呢個充滿愛同安全感嘅廚所令小敏成功交出「初夜」。 .
.
而小敏亦被朋友鼓勵開始跳鋼管舞，由最初好唔自然、手腳僵硬到後來揮灑自如，仲公開表演重拾自信，最後亦同父親重新建立親情。
就劇情而言，故事唔算好驚天地泣鬼神或者好新穎，套路都大概估到；值得一讚嘅係電影定冇因為遷就觀眾而製造大團圓結局，男女主角都各自有另外的感情線，如果夾硬令佢地一齊，就難面會有根刺喺呢段感情入面。
故事想帶出女主角小敏由「無」到「有」，無論係性經驗、自信、愛情、親情甚至友誼，似乎只要努力跳出舊有框框，好多事情上最後都會得到圓滿結局。
雖然電影以處女同鋼管舞作為賣點，但畫面同拍攝唔算好露骨同賣弄色情，反而好反映現實，的確唔少香港都過份保守，房事上遇到問題都唔敢向專業人士徵詢意見，只係一味忍、以為咁就可以忍到最後... .
.
除咗性《非份熟女》主線都離唔開食，小編好欣賞電影資料搜集，提及過2道傳統菜色「老少平安」都著重烹調技巧，睇落好好味咁；而且電影中茶記文化好寫實，下次去茶記都想叫來試下！
最後讚一讚女主角，呢套電影好明顯由呀Sa擔大旗演出，無論係裸露定跳舞，仲有好無奈神情呀Sa都好到位。本來小編心目中嘅呀Sa仲停留喺Twins又唱又跳嗰陣，呢套戲將佢女人味散發哂出來！
圖片來源：《非份熟女》
.
#HKMovie #hkword #cantopop #cantonese #hkmusic #hkpop #非份熟女 #蔡卓妍 #正菜妍 #吳慷仁 #小敏 #林德信 #吳浩康 #英皇電影 #葉童 #劉永 #鋼管舞 #何佩瑜 #談善言 #茶記 #老少平安 #Twins #初夜 #處女 #雛妓 #最佳女主角 #金像獎
