經過尋日史無前例嘅2m+1大成功之後，大家係咪又如常咁返返自己office嗰位做一個不問世事嘅打工仔？
認真，自high完唔等於事情已完，香港人要嘅唔係一時三刻嘅光環，我地要嘅係實際行動！自稱港人老母嘅林鄭一而再咁敷衍大家，你地真係收貨？唔撚係呀？
由1997年到依家，特區政府有邊一次對香港人嘅承諾係落實咗？我數唔出。就算03年50萬人上街，政府hold住咗23條立法，但你諗返轉頭，係咪到依家都仲成日聽到「23條立法係憲制責任」、「重啟23條立法時間表」呢類說話？政府根本就係同緊我哋玩鬥長命！
曾經有段時間我舊公司同一間內地公司有好多合作，我發現內地最鍾意又最怕嘅就係同你玩合同，點解？咪就係要嗱住份白紙黑字嚟玩死你焗你一定要點點點囉！佢哋對於簽合同呢啲比香港人嚴九萬倍，如果香港人要有真正嘅安穩，就一定要同佢哋玩白紙黑字！唔可以畀佢哋用言語偽術過到骨！！！
香港人要求嘅係確確實實嘅「撤回引渡條例修訂」、「否定612定性為暴動」、「落實不追究及釋放69/612示威者」同「林鄭月娥(以及其他相關問責官員)引疚辭職」，字眼要準確，一字不漏，如果唔係事情只會沒完沒了，每隔幾年甚至幾個月就搞香港人一鑊，就係搏你班粉腸唔會個個禮拜都出嚟鳩行！
事情係咪咁，你自己回想一下！唔好下下把刀行到你條頸上面先醒！
至於要用咩方法，就要引用連登仔近日名句：「兄弟爬山，各自努力」，但係重點係大家都要一齊爬，先會成功到！
#唔好鬆鳩晒好無 #我地乜都無贏過 #仲係無嘢揸手㗎 #自己香港自己救 #叛逆中女 #叛逆語錄 #手寫 #文字 #寫字 #書道 #繁體字 #廣東話 #calligraphy #handwriting #brushcalligraphy #inkdrawing #watercolor #brushlettering #brushpen
23條立法時間 在 天地港文宣- #李家超香港目前未就《基本法》23條立法 的推薦與評價
李家超香港目前未就《基本法》23條立法，未履行憲制責任，這是特區政府一個「空白」，但始終本地立法需經立法會通過，政府將會「繼續努力創造有利立法的社會環境」。 ... <看更多>