話說，雷囡媽媽早前竟然斗膽挑戰 #一拖三去露營 🏕️ ， 聽到都覺得自己好癲🤣🤣 過左咁耐終於有時間記錄下...
點解一拖三？ 難得有機會參加
#海洋公園家森親子營 。 喺 #海洋公園露營。
雷囡爸爸竟然冇假放！ 機會難得，真係冇理由錯過㗎！
所以得決定一拖二都要去！
但以往經驗，一拖二唔係唔得，但冇咁開心。始終家姐同阿妹年齡身高都有好大距離。 有啲家姐想玩嘅，我又要湊住阿妹陪唔到佢。
顧得細時顧唔到大，咁又點盡興？
所以今次我決定帶埋家姐嘅好朋友一齊去。咁就有個伴啦！ 係咪好聰明先？
講返呢個親子營，內容非常豐富。對小朋友嚟講真係一個非常好嘅體驗。 活動包括 #小狐獴與大象龜之旅 、#整麵包🥯、#繩紮竹枱 、#搭帳幕、#營燈會 。
而當中最特別係可以 #夜行探索，夜訪海洋公園，感受海洋公園另一番景象。原來夜闌人靜時嘅海洋公園，更能親近大自然。小朋友可以安全地進行黑麻麻冒險之旅，對佢地嚟講真係超刺激！ 又可以聽下蟲聲、風聲、樹木聲！ 真係難得嘅體驗！
整個活動都有村長同導師帶領。連夜晚瞓覺都有佢地喺村口守住，唔怕冇人照顧。真係令人好安心。十分感謝佢地嘅細心照顧🙏🏻🙏🏻
營地方面，正正就喺遊樂場內。
大人睇到心裡面可能會：「吓！唔係化？同瞓樓下公園有咩分別....」
你咁諗就大錯特錯喇！ 首先，呢個係 #親子營 ，
講到明 #親子 當然係小朋友行先啦！
試問呢個世界上，有邊個小朋友唔係希望
🌟玩公園玩到飽
🌟滑梯一瀡就到床
🌟一起身就喺公園繼續玩
呢個唔止係我女嘅夢想，更加係我兒時夢想啦！
我終於有機會實現夢想（那怕遲左少少）
所以，喺小朋友嘅眼中，呢度絕對係正到爆，開心到暈！
節目實在太充實，我地冇全部參加晒。遲左起身，最後食完早餐，做埋非常有記念價值嘅 #回憶之木頭畫 。收隊，自由活動。
package 包埋2日1夜入場票，完結後當然仲要勁玩機動遊戲啦 ！ 真係超超超超超滿足呀！
玩海洋公園後記 ：
#4歲100cm雷小囡挑戰過山車🎢
哥哥驚佢唔夠高，專登攞多把尺度多次，
周圍好多人望住，度高果下媽媽我都緊張起來。剛好100cm ,大家都登佢開心🥳
估佢唔到夠膽玩，玩完冇喊。不過佢都話勁驚🤣🤣 遲啲有機會再剪片同大家分享啦！
呢個 #海洋公園親子營 確實係俾我同小朋友一個非常開心同難忘嘅體驗。感謝🙏🏻
#雷小囡返到屋企要繼續露營
因為咁，佢突然由一個 #痴媽b
突然 #一夜長大，#分床成功！
真係估佢唔到！ 所以話：
#成長是由經歷換來的
#遊戲中成長，最有效，亦最幸福的 🥰
🥰好想同大家更詳細分享💕
如果唔嫌棄，忙完家姐報中學會剪片分享。記錄同雷囡一起長大嘅時光🥰
#純分享 ，因為防疫安全，人數有限，未開始已經full booking 。
而且最近又爆呼吸道感染，大家都係小心小心少出街。保重身體呀！
但今次體驗真係好玩，有機會一定要試下！
#袋住先系列
#香港海洋公園
香港海洋公園 Ocean Park Hong Kong
#oceanpark #OceanParkWeWildCamp
#camping
#露營裝備乜都齊，帶個人帶夠衫帶梳洗用品就去得！
