【龔成問答信箱】(Q17541-Q17560)
Q17541:
你好,而家我覺得人生好迷失,我畢業就出黎創業,到而家28歲結束所有生意,跟住做過跟車保安好多吾同散工,為左救交租,為左生活,當中落差,我覺得好難受
人生好似已經無意義,過往創業無打工和工作經驗,都吾知點樣靠打工搵到錢,原本選讀左建造業課程,但身體腰骨天生吾好
長期太勞動又頂吾順,岩岩申請左公屋,不過單人申請要好長時間,當初因為做生意不利,所有股票都賣曬,我應該點做?
1.學一種外語,裝備自己,去外地發展
2.返澳門安穩打份工,夜晚去澳門隊訓練,打波係我鍾意既運動,不過就無錢途,不過人會較開心和輕鬆
3.繼續留係香港,可能試下搵政府工安穩工作。
因為就30歲,都吾知可以點做。
龔成老師:
我反而睇到,你比人擁有的優勢。
你試過創業,反映你有一定的生意經驗,要成功一盤成功的大生意,一般都要經歷幾次生意失敗,你已經行在相關的路道上,之後睇你的心態。
你已經得到比同年人更多的生意經驗,之後就睇你有無本事用出來。
另外,你提到會「返澳門」或「留香港」,即是你是一個兩邊地區都有住過,有聯繫的人,你可以從這些方向去尋找生意機會。
同時,你提到「去外地發展」,反映你的心態是能夠向外發展,你的視野並不是窄的,你要好好想一些不止是香港的生意。我想信以你內在的潛力,並不是跟車保安同散工,試試想得更闊。
如果你認為28歲結束所有生意,就等如你無生意能力,你就錯,因為做生意有失敗是好正常的,你唔好因為咁樣就否定自己。加油!
------------------------------------------------
Q17542:
龔sir,你好,我兒子現在是一位F.4學生,他非常有興趣於股票及基金市場的這些投資活動, 現在亦開始學習怎樣有技巧地買賣股票!
請問這類型學生如果將來讀大學的話,那一科目會是關於這類型投資的事項可以介紹入讀?
還有,請問如果他將來都向這方面發展的話,他的工作類型可以選擇那些行業啊?
龔成老師:
這問題無超出,只是近期太多問答要覆,回覆一般要多天。
首先,我會建議佢睇書,從書本上了解,以佢地年齡,我相信都睇得明,我自己都是18歲開始睇書。
以下是我認為適合初學者睇的書,部分要到圖書館找的:
《我十一歲,就很有錢》
《經濟蕭條中,七年賺$1500萬》
《富爸爸,窮爸爸》
《思考致富聖經》
《秘密》
《財富金鑰匙》
《有錢人想的和你不一樣》
《世界上最偉大的成功寶典》
《洛克菲勒寫給兒子的38封信》
《解讀巴菲特》
《巴菲特傳-永恆的價值》
《勝券在握》
《智慧型股票投資人》
《非常潛力股》
《彼得林區的選股戰略》
《誰搬走了我的乳酪?》
《人性的弱點》
另外,我的書都很適合初學者的。
書本在三聯、商務、誠品都有得賣。由於部分書在一些書店已斷,所以若你見唔到,問下職員就得(又或向職員訂都可以)。
以下是我的12本書:
《80後百萬富翁》(第8版)
《80後2百萬富翁》(第4版)
《80後3百萬富翁》(第2版)
《財務自由行》(第6版)
《大富翁致富藍圖》(第4版)
《50優質潛力股》(第3版)
《50穩健收息股》(第3版)
《50值博倍升股》(第1版)
《股票勝經》(第3版)
《選股勝經》(第2版)
《年報勝經》(第2版)
《5年買樓4部曲》(第1版)
另一方面,佢可以向工商管理學科類別發展,佢可以多向老師問有關入這類學科現時的要求及方向。
佢有興趣有股票,無論是為自己將來的投資股票,還是事業上的發展,工商管理類別都是較大路,日後的發展也不差。
你可以叫佢睇晒上面的書先,之後有機會,可以報我的課堂,我相信對佢有一定的啟發。
------------------------------------------------
Q17543:
龔Sir 你對於未有盈利而財務穩健既股票如平安好醫生、Tesla既睇法係點?作為一個價值投資者係咪應該避開呢?
龔成老師︰
未有盈利的企業,估值主要係基於投資者對企業"前景"架期望。但無人知個期望係唔係一定出現,或者幾時會出現。
如果結果不似預期,股價就好大機會出現較大回調。這些不確性,就會係投資這類股票的風險。
平安好醫生(1833)可以話係潛力股,但就屬於較高風險的類別,我自己會比較怕投資這類。
首先,佢地的上市年期不算長,加上上市時是市場熱炒期,當時估值過高,對這類股有少少保留。
業務上,佢的確是高增長,同時業務有發展潛力,但睇翻佢地的財務數據,平安好醫生仍處燒銀紙狀態。唔係一定要避開,但投資時必需控制注碼。
而TESLA都係同樣情況,Tesla 2019年第3季才首次出現盈利,未來是否維持,會唔會出現資金短缺,無人知。
其實你睇好電動車,可以考慮比亞迪(1211)。佢有一個大優勢,就是中國因素,因為電動車最重要的是配套,所以國家支持相當重要,而中國對電動車的支持是正面,公共交通的訂單亦不斷給比亞迪。
比亞迪先在公車市場打穩陣腳,然後保持進攻私人市場,這是理想的策略。跟TESLA相比之下,比亞迪早已有盈利,這一點十分重要。
Tesla過去要不斷在市場各途徑集資,以維持營運及研發,但比亞迪已有正現金流,可以憑以戰養戰的模式,去穩健地發展新項目,資金鏈斷裂的問題較少,這是一個很有利的因素。
這兩間公司是全球電動車市佔率最大的兩間,但電動車始終是新興的產品,到真正全面普及仍有一段時間,當中總會存有不確定性,所以我在選股時,選了資金鏈較佳的比亞迪。
但比亞迪現時偏貴,要等佢回最少2成才是合理區頂部,到時才可慢慢分注入貨。
------------------------------------------------
Q17544:
Hi, 龔老師!How are you ? 我每日都有睇你嘅資訊!Thank you for taking your time to share your experience.
我想請問下如果我想月供!
2800, 823, 2388, 12, Hsbc
以上股票要選三個,我可以選擇邊幾隻?想供五年長線投資
我現在已經有樓700萬但只作收租!租金$14000
共他定期投資六百萬4% 回報!大約240000 一年息!
股票
74555 股 0003
40000股 6823
200股 0823
500股2388
我目標係想五年之後大約有五十萬以上年利息收入!🙏🏻
以上係我嘅投資組合! Looking forward to hearing from you ! Million thanks !
想補充!我現在係美國!之前諗住報你股票班、早在一月已叫你助手留位上你五月股票班!但因為coronavirus 所以我唔敢飛、取消咗我嘅回港行程.
我仲有一個問題唔係好明...點解2800 係成個股票組合中嘅比例要佔多啲?
Thank you!
龔成老師:
你現時持有的基本上都是有質素的股票,因此—可以長線投資。
至於所選的月供股票,都是有質素及可以進行的,盈富(2800)、恆基(0012)、領展(0823)。
不過,增長力就不算強,所以,如果你想組合的增長力增加,可以加入少少較有潛力的股票。
雖然你目標想集中持有收息股,但你都可以用「先增值,後現金流」作方法。即是先投資有增值類資產,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
至於盈富(2800),在組合佔多D都無問題,因為這是一個50隻股票的組合,你持有能有「平衡風險」的作用,同時可以補足你自己選股的不足,因此就算佔一半以上,都無問題。
希望疫情盡快過去,到時見!
------------------------------------------------
Q17545:
你好,龔成先生,我係上個月先開始投資嘅萌新,有d問題想你比d意見:
1.最近投資左中芯(981),均價35.55,由23開始分注投資到41.85,本身到40已經覺得高,但見討論區一直話中芯未來會前景光明,係國家意志,所以又開始係40價位投資落去。結果上市之後股價就一直跌緊....
想問下係唔係所有回流A股上市嘅公司都係上市前炒起,上市當日就會跌番去之前未炒起嘅價位?
見好多人將中芯同之前中石油同中車比,佢地係咪真係有可比性?
最重要嘅係......中芯會唔會可以上得番之前嘅價位?如果會嘅話大概要等幾耐左右?
2. 經過呢次教訓,我希望可以學習點樣搵到一間公司嘅合理估值同估價,講問老師建議我睇咩書比較好?
希望老師可以解答一下我嘅問題
下面呢部份希望可以唔好share出去,一開始投資中芯見一直升,所以問左屋企人借錢,又買左牛證同借左孖展炒,點知而家跌到咁甘,我好迷惘唔知點算
暫時一股都未賣,因為一日未賣出去一日都係浮虧,但好多人話一定會再跌落去,到底我應該而家即刻止虧好,定係等佢升番上去好?
龔成老師:
1)就算一間公司再優質,都可以「貴」。
中芯(O981),發展正面,業務將以快速增長,但如果股價的增長遠遠超過企業價值的增長,股價去到某一個位,都會下跌。
所以,你唔能夠只分析因素,同時要分析企業價值,這股近期炒作較多,其實已經到了貴的水平。另外,凡炒作多的股票,都要較小心,投資唔好大注。
這股如果你持貨太多,就要賣出。
至於回流A股因素,每次都不同的,但的確過往都有唔少股,當回流A股,港股就會下跌。另外,投資股票,最重要賺翻企業質素與平貴。
另外提翻你,根據統計,大部分散戶都是輸錢的,你聽網友意見,相信大部分都是無價值的意見,你應該用一些「真正賺錢的投資方法」,建議你盡快了解下,全球投資最賺錢係邊個,佢用甚麼方法。
2)《股票勝經》《年報勝經》,建議你盡快睇。
------------------------------------------------
Q17546:
你好,有啲股票投資想問吓!
本人持有
1818 5000股 9.64買入
3 4000股 13.68買入
853 3000股 41買入
這個組合應該繼續持有嗎?
龔成老師:
招金礦業(1818)是商品企業,質素不算好高,投資價值中等,持有可以,但長遠來說,又唔值得持有太多。
煤氣(0003)仍是有質素的,但增長力弱左,不過有得守,只要唔好太多貨就無問題。
微創醫療(0853)主要專注於治療血管疾病及病變的微創介入產品,潛力是有的。但現時股價都貴貴地,你要注意風險,如果小注無問題,太多就宜減。
------------------------------------------------
Q17547:
你好龔老師,我去年拜讀了你幾本書,在讀之前本已跟丈夫共有一自住物業,有幸在2009年買入,現價大概900萬。
當時已想稍後再買樓收租,所以讀完你的財務自由行,更覺得可以實行,就將自住物業轉到我個人的名下,再套現作為首期,希望可買到樓。
當時樓價高企,覺得短期內未必買得到,就打算將自己的現金,及部分套現出來的資金,買一些股票,同時跟丈夫二人在空餘時間去不同區域看二手樓。
計劃好像很好,不久後股市開始跌,我也就開始入了點貨。我自己心想股市會跌,樓市通常要稍後才跟隨,本沒想到會很快買樓。
但丈夫看中了一個新樓盤,覺得地點非常好,有升值潛力,因為市況問題,發展商的優惠好像很吸引,在9月的時候就買入了一個近800萬的單位。
由於前境越來越不明朗,丈夫申請按揭也遇到很多波折,蝕賣了一些股票,托賴還是順利完成了交易,聽聞已有業主開始收樓。
但現在我遇到一個很大問題,就是本來我和丈夫的工作尚算是較穩定的,但我早幾天被辭職了,我突然有點不懂得去想可以怎麼辦,所以想請教你。
現丈夫收入大概5萬,我每月要還款大概萬6,丈夫收樓後每月樓宇支出會由萬8升至3萬。若然能夠順利將新樓租出,每月也還是入不敷支大概萬5元。我當然希望可找到新工作,亦打算儘量縮減日常開支,但市況不好,真的說不準我會何時找到新工作。
現在我持有2, 1093, 1177大概13萬,現金32萬,一個隨時可對現的退休保大概13萬,外國基金大概20萬,公司應會發出大概10萬的final payment。
我今年37歲,丈夫39歲,若果找到新工作,我們當然希望儘力保留現有物業。我到底應該怎樣打算?
1. 可以的話兩年後賣,不用雙倍印花稅,但可能要將現在持有的股票、基金、保險等全兌現(若果不能順利租出)
2. 盡快賣新樓(雙倍印花),雖然蝕了但應有錢餘下,買股票或基金慢慢升值再另買物業
另外,我有點生意的念頭,很想在未找到工作時慢慢試一試,如果你有建議都請話我知。
龔成老師:
如果之前已順利做好按揭,這樣最煩麻的已經過去,接下來,最重要是你地的「供款」,首先,要留意一定的現金作防守,所以暫時唔好進行投資。
有現金你就可以買到時間,令你地有資金慢慢守,同時你在找工作上及之後的財富配置上,可以較有彈性。
可以的話,應盡力保住物業,因為這是資產,唔應該比短期情況影響到。同時,物業買賣成本貴,你地會因此而有一定的開支。
所以,你第一步是「留現金」,第二步是「找工作」,第三步是「賣股票及保險」,第四步(最後一步)是賣樓。
如果可以的話,唔好進行第三四步。
至於你想搞生意,要在零成本下進行,你可以試,但這刻建議你地留現金去守。
雖然近期市道差左,但不是不元可找到工作的,只要你肯做,應該無問題。
------------------------------------------------
Q17548:
Hello 龔成老師。本人現年30歲, 係一個理財小白,明白到用資金滾存資金才是增值財富的最好方法。
現時月入大概26K,每月儲大概1萬元,手上有120K現金,加上有70K 基金投資。
如果想5年内達到財富有800萬,有什麽投資好辦法?月供股票是一個好選擇嗎?謝謝老師指路明燈
龔成老師:
如果5年要去到$800萬,你要非常進取先有機會做到!
首先,要集中投資潛力股,你要比市場早一步找到,另外,你要不斷尋找股票,相信你每星期要花大量時間去選股。同時,你要大量增加投資知識。
同時,你要找資較高風險,較高潛力的類別。當見到有機會,就集中投資(當然這是高風險)。
總之,過程是一個高風險行為,同時難度好高。
建議你降低你的投資目標。
------------------------------------------------
Q17549:
我29歲
目標35歲前買到500萬樓
月儲10K
現有
2388 - $23.9@6500
2388 - $23.8@2500
338 - $2.16@8000
386 - $4.61@2000
386 - $4.6@4000
請問需唔需要轉下組合?
或增持邊一邊種股?
龔成老師:
你上述的組合,增長力中等當中股票不是無質素,但以你的年齡及目標,其實可以投資較有增長力的類別。
阿里(9988)、騰訊(0700)、港交所(0388)、舜宇光學(2382),但就要明白波動性比上述會高少少。同時由於現價唔平,你唔需要心急這刻增加,你可以等回少少先。
小米(1810)處合理區中上部,都可考慮。中國鐵塔(0788)則合理,都可考慮。
另外,以你的年齡,財富仍有一定的增值力,建議你多增加投資知識,在選股、企業估值、投資時機上落功夫,對你長遠財富有好大影響。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q17550:
想問你意見,今年底會推綠置居,即公屋住戶可抽籤申請買現有公屋貨尾單位,價錢平好多。你話如果抽到,買居屋還是公屋好?
龔成老師:
其實政府樓在投資的角度,一定唔及私樓。
因此,一般都會以自住的角度行先,你要睇下邊度方便自己,邊度好住。另外,如果可以用較少資金,而得到你在自住上差不多的項目,當然會考慮資金較少的。
至於投資角度,居屋一般都會比公屋好,但這個因素可能在這次的分析,未必是首要考慮。
------------------------------------------------
Q17551:
老師 我係一個90後 28歲 打工仔
今星期開始睇左你既 80後百萬富翁 睇左一半已經另我對錢 同賺錢既概念轉變
一路已黎既迷糊都開始清晰起黎 依本係我近十年第一本有恒心睇落去既書 我亦都買左2,3百萬富翁 同 財務自由行 決心睇晒去學更多錢 同投資既野
我依家環境非常惡劣 希望黎緊有機會參加你既投資班
純粹有種感激 睇左你既書覺得自己都可以做到 更加有恒心學習thx
龔成老師:
加油!我自己都只是一個公屋長大的香港人,正正由於屋企細,一直都好想有天可以有夢想物業,這成為我的動力。
你已有「潛在動力」,之後就要好好發揮,創造自己的命運,你要保持進步,希望有日在堂上見到你!
------------------------------------------------
Q17552:
龔成老師你好,我心中有一個疑問想問問你。
我看到很多收息股現在的股價很低,想現在買入等待日後股價上升,達成(財息兼收)。
但身邊很多朋友說要買入潛力股,可是如果收息股在日後回到比較合理或貴的水平時,我又覺得不太值得買入。
假如在較便宜的時候買入,等待到日後派息增長,本來5里派息變成了6里7里。不是更好嗎?
本人現在持有6. 電能實業 1000股 平均價 44.3
66. 港鐵公司 1500股 平均價 40.59
778. 置富產業信託 6000股 平均價 6.96
1310. 香港寬頻 2500股 平均價13.41
6823. 香港電訊-ss 4000股 平均價 11.47
我考慮加入大快活,恆生,宏利,粵海投資,這是好選擇嗎?
如果本金只有50萬,你會建議持有多少隻股票呢?
本人現在的持倉又有沒有問題?謝謝你的解答
龔成老師:
其實最重要是平衡,建立一個適合自己的組合。
潛力股的增長當然可以好吸引,但同時間,風險都可以高,每個人承受風險能力唔同,唔好比人影響。
收息股,增長力當然不及潛力股,但好處是有派息,股價相對較穩定,因此不同人有不同的配置。
如果你本身比較保守,就集中在收息股,就算投資潛力股,都只能佔較少的比例。
在較便宜的時候買入,等待到日後派息增長,本來5里派息變成了7里,這方向是正確,不過,部分收息股由於經濟弱會影響生意,因此中短期可以較差,要慢慢先能增長翻上去。
你現時持有的,都是不差的收息股,可持有。至於想加入的4隻股,都是有質素的,可加入,平均去入就得。
你可以動用$25萬,分注投資,餘下現金就等機會。
------------------------------------------------
Q17553:
請教下對2018看法長線看多少錢
龔成老師:
瑞聲科技(2018)有質素的,這股有平穩增長能力,長遠有發展,但你預佢不是爆升的類型,只是基本增長。
所以,如果要上升一倍,相信要4-7年的時間。
------------------------------------------------
Q17554:
老師,想請教老師 3309 希瑪眼科 係潛力股嗎?值得長線投資嗎?
鑒於現今趨勢 傾向電子化 而電子產品對眼睛嘅傷害不少 青少年近視 視力退化 視網膜問題 青光眼
白內障問題 相信會日益嚴重 咁對眼科嘅需求亦都會大增 而希望眼科擁有一流嘅眼科醫生
同醫療設備 公司亦都致力開拓大陸市場 佢嘅股價近年亦都上升左不少 想請教老師 這公司升值潛力高嗎?是倍升股嗎?先多謝老師回答
龔成老師:
希瑪眼科(3309)有質素的,佢主要於香港及中國內地提供眼科服務,及銷售視力輔助產品及醫藥產品。
另外,睇翻佢,都尋找加大在中國擴展業務,係2019年透過收購眼科醫院於昆明及上海拓展服務網絡及在惠州設立一間新眼科醫院。
除了一線城市,佢亦係昆明及惠州等二線城市拓展服務網絡。
這股在業務上,的確有吸引力的,相信生意將會不斷擴大。不過過現時估值都唔平,現時估值略貴,基本上已反映了企業的增長力。長線投資不是不可,但就唔建議太大注。
------------------------------------------------
Q17555:
龔sir:之前都問過你意見,我$5買入6088,呢段時間都上升好多,不過都突破唔到$5,我都揸咗好耐,我又唔想$4.5走,所以問下意見,你覺得我要止蝕嗎?
龔成老師:
一隻股票持有與否,最重要睇質素、前景,而優質度亦會決定你持貨比例。而你的買入價、短期股價走勢,都不是分析的因素。
FIT HON TENG(6088)有一定的質素,但企業本身的L賺錢能力唔算好強,平穩增長型,並不是潛力型。這股可持有,但又唔算好值得持有好多。
------------------------------------------------
Q17556:
老師你好,我係投資新手,正準備月供四隻股票,分別係盈富基金,中銀,港鐵同金沙,每隻各$5000,請問合適嗎?或者有其他建議?謝謝!
龔成老師:
這4股都是有質素的,盈富(2800)是一個組合,所以金額應該較多,例如$10000。而其餘的3隻,金額$3000。
你可以長期進行,現價已經是合理區,可開始。
但要留意,你唔好用盡現金,即是你每月除月供外,都要儲到一些現金。第一,你是新手,留現金是一定要。第二,現時大市未算平。
另外,當你有一定的知識與經驗後,可以加上其他較有增長力的股,會令你的組合更加平衡。
------------------------------------------------
Q17557:
雖然阿sir話優質股係長期向上,但係果時未上你堂買左匯豐同領匯,轉頭跌到咁,真係嚇親我。
而家靠睇盈富同港交所賺錢黎安慰自己,一想到而家買,平均買入價就會拉高,就會有d心魔。
我而家手頭可以投資既錢大約有兩萬蚊左右。
咁睇返我個組合好似都係水桶2,有金融(?)、地產、綜合類、銀行。
如果我想加多一隻,應該就要加水桶1。我個腦淨係浮到比亞迪同金沙,阿sir重有無推薦呢?
另外就係d人一路唱話港紙好快變廢紙,我應該去買金定換外幣(想換英磅)比較好啊?
唔該晒你呀
龔成老師:
我地投資,以「組合」的模式去運作,當中一定有較好、有較弱的,最重要是整體性。
組合應該有不同的行業,新舊經濟,各類增長,這才是平衡,如果你銀行類較多,宜減翻個比例增持翻其他的經濟類別。
你可以考慮比亞迪(1211)、騰訊(0700)、小米(1810),由於現價都唔平,所以可以等回少少先入,又或小注月供,你可以同時入這幾股,只要總資金合世較少就得(即是將你原本打算入的一筆錢,分成3份去入,有效分散風險)。
至於港紙,完全唔需要擔心。
------------------------------------------------
Q17558:
老師,我現時投資如下
Stock 股數(買入均價)
2388 1500 (23)
0001 1000 (56.15)
0005 400 (47.1)
0066 1500 (40.05)
現有可動資金30萬
有一物業月供約17000
每月可儲約3至4萬
現時是否不宜追貨,其實想入0700,但依家好貴,唔知會不會回落至380以下?
龔成老師:
現時組合,較多銀行及舊經濟,我地最重要是建立一個平衡的組合,你最好平衡翻少少。原有的股票可持有,不是無質素,但增長力不強。
騰訊(0700)要落翻$380好難,但你其實可以用月供,又或分注模式投資新經濟股,而不是一直等股價跌。這刻唔少相關股的確唔平,但我又唔建議你完全無貨,所以可以先小注,等跌先正式入。(如果你本身怕風險,就入小小好了)
現金$30萬,這刻唔建用太多,反而每月的儲蓄,可以更有效運用。
------------------------------------------------
Q17559:
老師 我現持有 241 ($22.15) , 2328 ($7) 823 ($幾隻股 62.75) , 想長hold 等大市升
或有什麼股現價好建議呢。
龔成老師:
這些股都有質素的,你可以長線持有,但要留意阿里健康(0241)的風險會較高,雖然潛力大,但唔建議持有太多。
至於其他股,如果平穩增長類的有:盈富(2800)、銀娛(0027)、恆基(0012)、中銀(2388)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
如果想增長力高少少,可考慮:阿里(9988)、騰訊(0700)、港交所(0388)、舜宇光學(2382),但就要明白波動性比上述會高少少,現價唔算平,要小心控制注碼。
------------------------------------------------
Q17560:
龔sir,我想問點解好多投資者都話騰訊阿里⋯潛力大可以買,但佢地自己反而係冇入貨,唔係好明佢地心態,係因為新經濟股科網股波動好大,同埋唔係佢地一直以黎投資策略嗎?
另外想問比亞迪有冇機會落番合理價先入手,因為我想入一手,如果冇係$70入係米貴左D,定可以入吉利,會唔會冇比亞迪咁大潛力?
同埋網易你點睇佢前景,畢竟佢係網易二哥,騰訊目前價位太高了,係米可以投資係網易?
以現家潛力黎睇,9988、1211、175、9999,阿sir你會點排,認為買邊隻先比較合理?
9988佢有機會柒藍,現家入佢之後係米會有機會大升?
因為我係投資新手,己經買左隻1928,下一隻唔知買邊隻好,目前有5萬現金係手,見好多都升得好誇張落唔到手,希望呀sir俾D意見,幫我解答問題
龔成老師:
這個世界有唔少人都是「講多過做」,例如我一直話比亞迪(1211)$40平,一年前在$60,唔少網友話跌到$40會入,之後到了今年3月,去到$3X佢地又驚,真正入貨的人唔多。
好多人都只是得個講字,其實你唔需要理,我做人的方式,就是只求做好自己,唔理別人!
你預比亞迪在$70以下投資會較好,如果$7X就月供好了。
另外,你唔好只集中投資新經濟股,要建立「平衡組合」各類股都要有,你上述講的4隻股,都有增長力的,都可考慮,但都唔平。反而盈富(2800)現價合理,可以分注投資。而金沙(1928)都可長線。
至於網易(9999)有質素的。
先講講佢基本業務,佢創立於1997年,為用戶提供優質的內容和服務。以中文門戶網站起家,並推出了至今仍在發展的媒體及電子郵件服務。
2001年,戰略擴展到在線遊戲業務領域,根據App Annie的數據,按2019年iOS 及Google Play綜合用戶支出計算,集團現已成為全球第二大移動遊戲公司。
2006年, 推出有道業務,後已成為在紐交所上市的智能學習平台;2013年,推出音樂 流媒體平台網易雲音樂;2016年,開設電商平台嚴選,迅速成長為一家主流的自有品牌商品平台。
佢而家提供超過140款手遊和端遊,涵蓋遊戲類型廣泛。集團並內部孵化並發展出一系列創新且成功的業務,包括智能學習及其他業務,如音樂流媒體平台、自有品牌電商、互聯網媒體、電子郵件服務等。
整體上,佢業務有一定的優勢,以及仍有增長力。
不過,現時唔算平,同時市況波動,因此唔建議太進取,而小注投資是可以的。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有65部Youtube影片,追蹤數超過19萬的網紅Introduction,也在其Youtube影片中提到,#錢#有錢人#金錢觀 「有錢人好像特別摳?」有些人會有這樣的誤會,以為他們就是小氣才有錢,但其實是他們更懂的把錢花在刀口上,該省的地方省、該花的地方絕不會省!這次又跟關關一起拍片聊聊,有時候也不是不會賺錢,是對錢的敏感度太低,導致無法善用金錢~這集也有金錢敏感度小測驗,一起來測試留言告訴我你都買些什...
40歲打工 在 龔成 Facebook 的最佳解答
【龔成問答信箱】(Q15241-Q15260)
Q15241:
老師,我成日係高位買股票,一見到跌市就好擔心,但又無留到現金分注入市。你成日又話咩平貴,我完全無呢d概念,我好想學,點計?
龔成老師:
你要計出企業價值,比較現價,就可以得知現價平貴。因為我地買股票就是買股票,並不是買入一張紙,而每間企業,都有佢自己的價值,主要由「資產價值」與「業務價值」組成。
所以,買股票從來不是亂買,而是有數得計。
要計企業的價值,過程比較複雜,好難三言兩語就講到,就算在我的股票班,都要講5小時,裡面會講3種估值方法,有難有易,但同學都用到的。
簡單來說,你要考慮企業的生意、盈利、現金流、資產、負債等財務數據,同時要比較行業,考慮這企業的經營情況,之後的環境又會如何。這都是計算的基礎。
如果要深入計算,基本上要好仔細的研究企業,要分析好多財務數據用比率,先至有較完整的答案。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15242:
龔成老師你好 最近開始睇老師既股票勝經同80後的百萬富翁 最近開始投資
月入大概23000 儲蓄唔多 有15萬
暫時投資有 00005 (1手),823 (1手),1810 (3手)準備買1手1928
月供剛開始 00002 (2000),00003 (2000),00066 (2000),2800 (4000)共$10000
想問我投資方向正確嗎?
另外,想月供2000 比亞迪. 我希望5年內資產會有所增長 多謝老師
龔成老師:
正確。
你上述持有的,都是有質素的股票,都適合長線持有。而月供的,同樣有質素,適合長期進行月供,你可以進行,金額亦無問題,只要不理會中短期股價,集中長線投資就得。
如果你本身可以承受少少風險,可以加上比亞迪(1211),長供無問題的。
至於現時的現金,就應該持有現金先,唔好心急動用,點都要留$10萬,等大型跌市先動用。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15243:
你好 龔成老師 我是一個剛踏上投資之路的初哥 最近睇左你一系列嘅書 大大改變左我理財嘅觀念 但實戰買落又有啲疑問 所以想問下
最近我買入左 (除盈富兩手外全部一手) 2800, 66, 1928, 3, 778, 823, 1398, 2638, 3140
全部都諗住長線持有 收下股息 以上股票會否有什麼問題?
依家拎左3分1嘅儲蓄投資 即十萬左右 應否拿多啲現金作潛力股投資? 會否有一些潛力股推介?預留多少現金較好? 感激!
龔成老師:
你現時持有的,都是有質素的股票,持有無問題,都是可以長線的。
由於盈富(2800)、領航標普五百(3140)是一個股票組合的基金,有平衡風險的作用,因此,這兩隻基金就算持有較多,都可以。
至於其他,都是優質股,可持有。組合較偏重收息,增長力方面較一般,你要明白這點。(當然,無話增長定收息,邊樣好,視乎你本身的投資目標)。
如果現時現金的比例為3分1,建議你暫時持有現金,因為大市只是合理區,唔算特別平,你持有一定現金等機會,是較好的策略。
潛力股,你可以考慮比亞迪(1211)、中生製(1177),可考慮小注月供,但你要明白潛力股的風險度比其他股票高,有危有機。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15244:
成哥你好,希望可以再跟進我既組合
匯豐控股(005) $67.5 2手
百威亞太(1876) $27 5手(IPO拎)
中國龍工(3339) $2.45 10手
中石油 (857) $3.97 1手
由於以上股票我都持有半至一年,仍然覺得佢有微弱增長力,所以未有換馬,只係匯豐視為收息,以上組合佔左我一半投資(100K)
有見武漢肺炎,我入左兩隻藥股,希望作中長期投資
國藥控股(1099) $25 5手
方達控股(1521) $4.17 5手
我知國藥主要做retail,而非科研,短期可能仍然受市面店鋪不完全開放影響,但武漢肺炎過後,佢既營業額可能會改變對嗎?
另一個方達是做CRO 即係藥廠科研,亦同藥明生物/康德好似,睇中佢因爲覺得佢PE比同行為低,不過半新股我亦唔敢太大注;同時佢業務中國只佔3成,美國有7成,受國政策影響有限。以上組合亦佔左我一半投資。(100K)
依家我仲有150K CASH作為跌市分段之用,請問我既投資中長期有冇太大問題?
另外我想問問為何資金流向(流入/流出)與股價既升跌未正比關係?如果資金流入一段時間,股價仍下跌,是否代表大戶正密密佈處,股價開始向上?
呢次問題有點多,謝謝成哥解答。祝你生活愉快,身體健康!
龔成老師:
你唔應該只睇半年就決定這企業的情況,應該以企業長期的業務與前景作分析點,例如3年以上(記住,要分析業務,不是股價)。
百威亞太(1876)其實發展不差的,只是股價一直都貴,令股價中短期再增長的空間較少。至於匯豐(0005)增長力的確不強,只是收息股。
國藥控股(1099)質素不差的,但增長力不算好強。
方達控股(1521)業務有增長力,不過上市年長不久,規模不算大,加上估值不平,因此投資注碼不能多。
另外提翻,「你見到肺炎情況,所以入醫藥股」,這是好多散戶都會犯的錯,就是投資近期市場追的類別,我地唔好當刻熱左先投資,應該預早建立一個長期的組合。
至於$15萬現金,你可以用$5萬,餘下$10萬留現金,等機會,不要心急用,把握時機都是創造回報的重要因素。
資金流向只代表該類別資金多少,最終投資那類股,如何投資,是否好快走,無人知。另外,你分析資金流與股價,是一些短線的分析,而我建議你分析企業業務!唔好行錯路!
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15245:
龔sir 你好!我有睇開你啲書 都好認同你嘅睇法 包括增加收入月供股票等 希望可以透過資產增值達成財務自由
本人29歲 正職月入四萬 兼職約每月萬五 短期內會小加人工 而家有月供儲蓄保險3000 盈富基金8000 手上有約七萬元2800股票 35萬現金 每月可儲萬五至二萬現金
現與家人同住 正值樓價下跌 有考慮問家人借首期以9成按竭購入約500萬的物業 但供樓每月接近20000 就會減少現金流
你認為現正是買樓的時機嗎?還是應該把資金放在股票市場?但未來可以要以更高價位上車
謝謝
龔成老師:
現時的樓價,雖然不算平,但中短期有可能回落,這是一個機會。因為香港經濟轉弱,樓價會向下。
長遠計,香港樓會因供應仍然不足,而仍然會向上,而要經濟穩定就會向上。
雖然投資物業,會影響了你的現金流,但這只是一個資金分配的問題,分配在物業還是股票,而物業都是資產項的一種。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15246:
龔老師你好,多謝你一直分享你的投資心得 。工作了五年,由一開始覺得投資是既空泛又抽象,直到遇到你的FACEBOOK專頁,終於對投資有了多少概念,非常感謝
我手頭上有:
恒基地產(00012) $36.87@1000
領展(00823) $79.22@300
莎莎(00178) $1.86@12000
1)請問你覺得莎莎的現況及前境如何?
我看過你的《50優質潛力股》,莎莎是少負債的公司,在逆境的經營策略很好,所以在SARS時亦能渡過難關。但今年有社會活動及肺炎的影響,時有架構重整和裁員的消息。你認為可否襯現在的低股價增持少少?
2)請問我持有的股票組合分佈理想嗎?如想增加,你有什麼建議 ?
龔成老師:
1)莎莎(0178)中短期當然會好不利,中短期股價都會好弱,但由於負債少,財務穩健,因此能順利過關。長遠來說,仍是有質素的,不過,回勇時間要較耐,同時,佢長期的賺錢能力都有少少減弱的情況,因此,這股雖然可以長線持有,但如果要增持,小小好了,因為唔想佔你組合比例太多。
2)3隻股票,點都是較集中的模式,你應該增加翻少少隻數,最簡單就是加上盈富(2800),已經有平衡組合的效果。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15247:
呀Sir想問你每日起身既動力係咩,我諗過好多,可能想好有錢,但最後原來發現最有力既動力向前走
最終都係屋企人或者身邊重要既人,或者有人睇你唔起,你同唔同意
龔成老師:
首先,我有夢想目標,我仍向這個目標前進,每日前目標行前,自己會感到好有動力。
另外,我而家好享受這刻的工作,我現時寫書教班,我都好樂在其中,我覺得幫到人,同時我自己又享受,所以,我每日起身都唔會覺得辛苦。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15248:
成兄,如果想創業,你認為未來係香港有咩行業發展會比較有potential?
龔成老師:
自動化生意,以及網購,都是一個大方向,而家D年輕人,由細到大接觸電腦,而唔太想接觸人,所以無人的項目,唔需要出街的項目,都是一個方向,這類人的市場會愈來愈大。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15249:
老師你好,我是中年人,有五十萬現金左右,不懂投資,但現在聽人趁低吸納入了0005 4000股,2800 4000 股,3988 10000股
但我見現在市場仍然好浮動,請問我在這段期間是否應該等佢升到好少少價之後沽出股票呢
因為外間講到Hong kong bank 已經不是藍籌
我想穩陣D,受不了風險,應該點樣做先妥妥當平衡投資呢
因為我只會做定期
麻煩你
龔成老師:
匯豐(0005)不是無質素,但你要注意兩點。
第一,這企業的增長力比過往弱左,賺錢能力不及過,這股只能視為收息股,不能對股價增長有太大的期望。你要睇翻「純收息」是否合符你的投資目標。
第二,同一隻股票,不能佔比太多,盈富(2800)這類組合則例外。而你匯豐佔比太多,你要在之後上翻較多時,轉到盈富或其他股票裡。
另外,同一個行業佔組合的比例,都不宜太多,這同樣都會有集中風險的。
如果你是中年,可以投資「平穩增長股」+「收息股」,平穩增長類最好是盈富。投資收息股,可以作為財富分配的一部分,但不建議將全部資金都投資,因為一定要留有一定的現金作防守,以備不時之需,以及若大市下跌,可以買平貨之用。
你可以建立一個收息股的組合,目標是6%的股息率的收息股,例如港燈(2638)、深高速(0548)、香港電訊(6823)、置富(0778)、陽光(0435)都可以。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15250:
龔老師你好!我今年31歳,而家先開始學習投資,希望唔會太遲啦…我有少少問題,想聽聽你專業嘅意見!
本人現有大概$15000現金,想試下買一手盈富(2800)或者領展(823),唔知邊一隻比較適合我用作長線投資?
另外我亦想用$3000做月供股票,又係會長期投資…想問下我應該月供$3000比亞迪(1211),定分散$1500比亞迪(1211)& $1500亞里巴巴(9988),邊一種選擇會比較好?
我知道我嘅投資資金唔算多…但我都想逐步逐步黎,可以積少成多!希望龔老師可以解答…謝謝老師!
龔成老師:
由於你現時資金唔多,我會建議你預先現金,$15000不用動用住。因為,每個人都要有流動資金作防守的。
反而,你可以開始月供,以這方法作配置。比亞迪(1211)及阿里巴巴(9988)都是潛力股,雖然都可以月供,但就唔建議集中在這兩股。建議你月供盈富(2800)$2000、比亞迪$1000。如果日後收入增加,可以加上阿里巴巴月供$1000。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15251:
龔Sir你好:本人26歲打工3年,月入2萬,有現金25萬可作投資股票。
剛開始研究股票,留意左你的網頁一段時間,亦有購買你的書籍學習。
策略上暫不考慮月供,選擇幾個月見合理就入一次手。
目前持有:
6000股 525 (2.11買入)
同時請問525的便宜價是多少,我認為已到達,正確嗎?
此股是否值得繼續加注?
現階段在考量購入:
00012 請問便宜區是幾時?考慮在36時入1000股。
00027 留有現金,待之後賭業如銀娛供報業績,望其股價下調至便宜區掃貨。
00178 如跌穿1.4,會考慮買入10000股。
00590 請問便宜區是幾時?20.5合理嗎,考慮在20.5先購入1000股。
00778 請問便宜區是幾時?8.87現價合理嗎,考慮在8.87先入2000股。
01448 如跌到6.4以下,會考慮購入。
02800 28是否已是合理區上,考慮等待26以下購入500股,留現金到便宜區掃貨。
以上提及的股票都是增長股和是否適合現年紀下持有?如以上的都打算購買會否太多?因也要考慮到倉費等,我幫襯的銀行收0.2%低消70元,以我的經濟能力每次買1萬-2萬需調整買入方法嗎?
謝謝你!
有機會希望可配合到上課,學習更多。
龔成老師:
廣深鐵路股份(0525)的賺錢能力尢少少向下情況,生意增長不強,成本上升無法有效轉嫁比消費者。股本回報率只有3%,整體質素只是中等。因此,除非有再明顯的下跌,否則,唔建議加注,而這股亦唔建議持有太多。
恒基地產(0012)現價合理,其實已可分注。
銀河娛樂(0027)有合理區中上部,你可等回少少就分注。
莎莎國際(0178)中短期一定弱,但長期仍算不差,不過賺錢能力的確比過往弱左,只建議小注。
六福集團(0590)有質素,現價合理區中下部,都可以分注。
置富(0778)現價已合理。
福壽園(1448)現價略貴,$6以下才合理。你$6.4小注可以。
盈富(2800)現價合理,你等$26都可以。
你26歲,適合你年齡的,但大多只是平穩增長型,潛力度不算好強。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15252:
Hi 龔 sir 你好,我係你既忠實fans, 想請教你,我有以下投資組合:
1530 三生製藥 12.8 x 3000
390 中鐵 6.68 x 5000
257 光大 7.74x 5000
694 首都 8.38 x 6000
270 粵海 15.42x2000
3 煤氣 15.02x2000
2018 瑞聲 64.3x500
1928 金沙 42.43x400
778 置富 8.91x6000
981 中芯 16.18x2500
想問係咪都可以長揸 thanks!!
龔成老師:
三生製藥(1530)有質素的,前景正面,不過業務就有潛在的風險,因此不建議太大注。長線無問題。
中國中鐵(0390)業務增長力不強,質素不算差,但賺錢能力不高,整體算是中等。
中國光大國際(0257)有質素,你可持有,但中短期不算弱,增長力算是平穩。
北京首都機場股份(0694)的質素比過往有少少下跌,不過股價已反映,相信佢之後能平穩增長。如果不太大注,無問題。
中芯國際(0981)業務比較波動,這股都有潛力,但風險較高,加上現價不平,不宜大注。
至於其他股,都是有質素及可以長線的,持有無問題。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15253:
老師,想請教如何分析股價是否處於合理價位? 有相關文章或書本可介紹供閱讀參詳嗎
此外,請問黎緊會開設澳門入門班或香港週末班嗎?
龔成老師:
至於衡量平貴,就會涉及到企業估值,這是較深的題目,就算我在股票班上面講,都要講成5小時,用差不多兩堂時間,同學先會明到。
簡單來說,就是考慮企業的業務價值與資產價值。書本無重點講述,股票班才有講,或者你可睇有關巴菲特的書。
澳門班,預期會在今年第三季搞。
至於香港的星期六班,通常一年會開1、2次,下次可能在年尾。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15254:
龔Sir, .你好
1)我之前問過月供港燈一個月後,轉左供中電,你提議我5年後停咗供中電轉為收息股,因為我接近退休
但係,我如果5年後才停供中電,是否可繼續持有中電股票?
2)並且5年後才開始再供3年港燈,之後就剛到退休時期, 恃貨量米好小羅,食息率的作用就冇效羅?
3)現在恆基地產是否可以值得恃有 ,定係等估值價便宜才買較為上策⋯⋯因為之前35.42買入恆基地產1000股
麻煩晒
4)希望五月上堂時見到你的真面目⋯⋯聽聞你都係幾靚仔喎
好期待五月叩喔。
龔成老師:
1)你到時可以持有,因為中電(0002)都是收息股,但如果你到時想提高現金流,可以將一半的中電,轉到其他收息股,建立一個收息的組合,這個可以到時先配置。
2)其實最重要是睇整體,唔好只睇一隻,我去要建立一個完整的組合,所以,就算單一股票收息較少都唔需要太在意,我地會著重整個組合的全年收息情況。
唔會因為想單一股票收多D息,而過份集中,而會建立一個平衡的組合。
3)恆基(0012)現時處合理區,可以分注投資,長線持有,這股有平穩增長能力,適合長線投資。
4)這只是傳聞(哈哈),到時你就知!5月見啦!
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15255:
老師你好,常常見你回答讀者買保險夠用就得,我想問下應該點買法?
我有看過一些尊貴醫療plan,我今年33歲,年費每年6500左右,每年買,個保額都好大下,基本上好多病同住院都包晒,假設我資產大約是100萬左右(股票加現金),其實值唔值得買?
假設我所有資金是準備用來買股票增值,如果touch wood 有事,要用自己資金,或要放股票出來好似唔係幾好,個市場個排可能好差好似而加咁,同埋本身我係諗住永久持有,如果每年比一部分錢,可以將風險分散左,值唔值得做?雖然每年保費會隨年齡增加,想問問你意見,謝謝你
龔成老師:
這是一個「面對風險」與「資產增值」的取捨。
首先,買保險的作用是甚麼?就是將自己不想承受的風險,轉嫁比保險公司。
但這個轉嫁是有代價,就是你的保費。你付出了保費,減少了風險。如果不買保險,資金就可以用來增值,因此我地面絕對的答案,只能取平衡。
所以,投資基本的保險,是需要的,但怎樣算是基本,則每個人不同,簡單來說,就是將你認為最大風險的項目,轉嫁比保險公司,如果你好想出事時,保險公司代你支付某些項目,而保費的付出又不算多,你就可以買。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15256:
龔成老都你好,經朋友介睇你個page, 覺得你講嘢好公道,終於鼓起勇氣請教你我的財務問題:
36歲。現金大概港幣110萬 ,主要做定期;月入9萬幾千;剛買入650萬樓,開始月供2.5萬,每月洗費等約5萬(現租樓1.5萬),股票倉如下,大部分高位買落。
感覺香港生活壓力大,打算4-5年後到外地工作及生活(新加玻,英國etc),但外地工資比香港低,固想於4-5年間增加財富,為將來生活舖路,為自己作打算,謝謝你
現在票倉
Number 公司 股數
3,媒氣,2420
388,港交,100
434,博雅,1000
484,雲遊,200
700, 騰訊,1095
968,信義光能,4000
1124,沿海家園,20000
1339,中國人民保險,2000
1398,工商,2091
1788,國泰君安,3000
2628,中國人壽,1000
3337,安東油田,6000
3988,中銀,1000
2,中電,500
685,Media Chinese, 4000
772, China Literature, 400
多謝你
希望得到你的指導
龔成老師:
以你的年齡及情況,可以投資「平穩增值股」,加上小小「潛力股」。如果你現金較多,建議你部分用作投資優質、有平穩增長能力的股,如盈富(2800)、恆基(0012)等,你部分持有的,如港交所(0388)、工行(1398)分注增持都可,當然,現金不能用盡,要有部分資金剩,同時買入時要分注,不要急。
至於你上述持股,有點散。而我地決定繼續持有一隻股票與否,是基於企業的質素,以及前景,同時會考慮到你如何設計適合你的投資組合。與買入價無關。
因為買入價只是一個心理因素,你不要被這個因素影響。
從質素分析,以下要注意的:
博雅互動(0434)業務有轉弱情況,不宜持有太多。
雲遊控股(0484)業務不確性較大,不宜持有太多。
沿海家園(1124)質素不太好,企業出現虧損,賣出較好。
安東油田服務(3337)質素只是一般,可以等機會賣出。
世界華文媒體(0685)質素一般,業務不穩,等機會賣出。
至於其他,問題不算大。
以你的年齡及收入情況,財富仍有一定的增值力,建議你多增加投資知識,在選股、企業估值、投資時機上落功夫,對你長遠財富有好大影響。
你可以做月供股票,盈富(2800)是最好之選。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15257:
Hi, 我近日鼓起勇氣借了40萬(每月還8000),但投資經驗接近零,可否給我一些建議?以下是本人一些基本資料:
34歲
儲蓄:10萬
月入:二萬
租金家用:7千
定期儲蓄戶口:2千/月
謝謝
龔成老師:
坦白講,以初階投資者來說,這是較高風險的。
借貸投資雖然是創富的方法,但這要求你有一定的投資知識與技巧,這點你要明白。
你34歲,可承受風險,但你要確認自己的投資實力,借貸投資放大了風險與回報。
考慮到你是初階者,投資將以穩健為主。你可以將部分資金,投資收息股,例如港燈(2638)、香港電訊(6823)、陽光(0435)、深高速(0548)、置富(0778)、工行(1398)。利用收息的方法進行。
但由於現時大市只處合理區,未到平,因此,你只能動用$25萬,餘下要等機會進行。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15258:
龔sir 你好,我跟左你1年,知識真係學多左好多,起呢到多謝你教左咁多野。而家想重新審視下我既組合。
背景:
25歲,月入平均18.5k (未計雙糧花紅),住公屋。
月淨10k-11k現金,其中7k作月供股票,其餘作儲錢等機會。現有8萬現金
月供股票:
$2000- 2800
$2000- 066
$1500- 2388
$1500- 1211
除左1211外,其餘已供14個月
另手持股票
1972- 200股
1212- 2000股
178 - 6000股
1)持有以上股票組合有問題嗎?
2)太古地產,利福國際,因年報都說將會購入地皮作投資,而且基建將完工,我看好長遠發展,所以計劃今年開始增持,可行嗎?
龔成老師:
1)現時你持有及月供的股票,都是有質素的,基本上方向正確。見你每月供款的比例及選股,無問題,同時適合你年齡的。
基本上你方向正確,保持進行就得,月供可以一直持續。
2)這兩股現時有投資值博率,現價合理至合理區中下部,投資可以。不過,你一定要平衡組合的比例,唔能夠某股佔比過多的。
另外,以你的年齡,財富仍有一定的增值力,建議你多增加投資知識,在選股、企業估值、投資時機上落功夫,對你長遠財富有好大影響。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15259:
龔成老師
我買到你2本書啦!
同想問問老師對高鑫零售最部有咩睇法
入唔入得過
同埋我既年紀 28歲 778定405適合我?
龔成老師:
好!記得要睇晒!
書本可以助你大量增加知識,你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
高鑫零售(6808)有質素,佢業務穩定,但現時估值唔平,處於貴的水平,因此,這刻未必是理想的投資時機。
至於房託,以你的年齡,越秀房產(0405)會較適合,因為以潛力的角度,這股好少少,當然,股價波動性會比置富(0778)略高。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15260:
你好龔sir,我$6.97買入1137香港電視
$4.54買入570中國中藥
而家兩隻都跌得好西利,我應該放
左佢止蝕定係等下先呢?求解答,謝謝你
祝身體健康,工作愉快
龔成老師:
中國中藥(0570)業務不差的,有平穩增長能力,不過有時比較波動,如果你投入注碼不過多,無問題,可守。
至於香港電視(1137),業務有潛力,但不能大注。佢存有風險的。
第一,佢都會依靠人的因素,王維基成為了公司最值錢的資產,佢的想法好多,有生意頭腦,但我對這類太依靠個人的企業,不建議太過大注。
另外,這企業現時搞網購,有增長力的,但同時存有一定的未知數。。
佢多年來不斷在燒銀紙,不斷等收成,雖然佢的業務的確增長中,但無人知幾時會有真正的盈利,同埋無人知真正的結果會點。
所以,這股只合小注投資,如果你持貨較多,要減。若不算多,就持有。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
多謝各位提問,若然你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網的,當然,會將發問者的身份,以及有關個人的部分刪去。
另外,由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
40歲打工 在 龔成 Facebook 的最佳解答
【龔成問答信箱】(Q13281-Q13300)
Q13281:
你好龔Sir,又有野想請教你,我睇返2020創新高。睇2018年報(19年3月發佈)5年財務概覽。
每股基本盈利:2018年為1.5282,2014年為0.6812差2.243倍。
股東應佔溢利為:2018年為12.6m(千元),2015 4..02m(千元),差3.13倍。
計算估值
但我唔明點解股價由2014年的$11蚊 變左今日$66.7,差6倍
其實計一間公司合理估價,我係咪要用埋其他數據?
如果大約計下一間公司合理價,主要睇乜數據。
你的書有無教或,推介我睇邊本書,謝謝
龔成老師:
安踏體育(2020)是好優質的股,這股在我的《50股》書都有推介,是其中一隻優質股,我相信仍長遠的發展仍正面,有投資及長線持有的價值。
佢的盈利上升,就會帶動企業價值向上,這就能支持到股價向上。
至於你以盈利升多少倍,去推算股價升多少倍,當中涉及了一些估值的概念。你的方向正確,但並不是單純這樣推算,因為計算時不止考慮一年盈利,而是多年的。
同時,當中會因為大環境與企業本質而有所調整。另外,一間企業的價值由業務價值與資產價值組成,要分析好多野。
你可以睇《股票勝經》、《年報勝經》,有講少少估值,亦可以睇有關巴菲特的書。另外,我的股票班都有詳細教估值的。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13282:
老師,我有2個問題 望老師能解答
現時我正在閱讀老師的股票勝經到一半, 當中提及斬倉, 當然我明白股票有蝕的風險, 但卻不明個中道理。
據我理解, 即使股票大跌, 但只要該公司不是申請破產而我卻一直不賣出, 我所持有的量還是一樣, 所以我經常不明白人家說補倉和斬倉的原因, 謝謝
龔成老師:
當講述「斬倉」,就是涉及借貸投資。
例如你原本有$10萬打算買股票,你買入股票A(現價$10)10000股,這是你最多能買到的數。
如果利用孖展借貸投資,令你的資金放大一倍,你可以買入股票A,20000股。(市值$20萬)。
當股票A的股價,跌到去$5,現時你持有股票的市值,就由$20萬跌到$10萬。
由於你本身的本金只有$10萬,即是已經全部輸晒。
銀行或證券行為了減少風險,唔會在股價跌到$5先幫你賣出,而是在$6(舉例)。就已經同時強制斬倉,即是強行賣出,除非你投入新資金(補倉)。
孖展是高風險的投資,我對這類投資模式有保留。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13283:
老師,想問下我以下嘅投資組合有無問題
4手Soho 中國,平均買入價4.2
1手HSBC, 買入價58.2
1手比亞迪電子,買入價8.11
1手比亞迪,買入價38
另外由2018年4月開始月供股票,領展,盈富基金,每月各$2000
另外問銀行低息借了25 萬,分5年還,本金還4166.6, 手續費每月$375, 我用25 萬買了派息基金,每月平均收息1600-1700, 但係本金最近下跌了10%.
情問我嘅投資組合情況理想嘛?有咩地方可改善,黎緊應該有咩步處?
龔成老師:
上述的股票都不是無質素,但風險度有少少高。
比亞迪(1211)及比亞迪電子(0285)都是潛力股,但都有少少風險,你要控制好注碼,同時不能太集中在同系的股票。
至於SOHO中國,都是正面的,但業務就有少少波動,股價亦有點波動,持有可以,但不能太大注。
月供股票,無問題,保持長期月供就得。
至於你所講的派息基金,要小心,因為我近年收到不少讀者反映,收息基金出現了賺息蝕價的情況,而有些基金本身不是好賺錢的,只是在本金抽取資金,製造「穩定派息」,因此要小心分析。
另外,這刻大市只處合理區,你最好同時留有現金,若大市下跌可以掃貨。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13284:
龔老師 你好
本人27歲 同男朋友大家都係散仔公務員 礙於各自屋企洗費 租屋等支出 現時每月最多只草到20k左右 現手持約200k現金 希望計劃1-2年後結婚
我地想盡快增加我地嘅積蓄 用作結婚同後備用途 但無奈對於投資理財0概念 早幾年衝動入市 導致損手爛腳
我地應該如何儲存比較穩妥適合? 留意某啲股票(5.hsbc, 3. 煤氣, 1398 icbc)低價時先小注入市 收息 還是月供較為適合?
同之前手持大全部蝕錢 我地應該忍痛離場(約蝕70k) 定keep住先?
3 -1000股 @16.54
285 -100股 @24.95
1337 - 2000股 @4.44
1366 - 20000股 @0.73
1415 - 5000股 @3.84
1638 - 2000股 @6.32
1810 - 200股 @17.17
2858 - 500股 @7.78
3988 - 5000股 @3.67
6060 - 100股 @60.3
8285 - 5000股 @0.43
很抱歉 真的無所適從 因此希望成哥能幫幫忙 提供意見><感謝感謝
龔成老師:
由於你地打算在1、2年內結婚,因此要有一定的洗費,你要先計好相關的數目,餘下才能投資。
因為我地進行投資,一定是長期性的,中短期價格只基於當時的市況,就算優質資產,你中短期賣出都有可能不利。而無人知你到時的市況如何。
因此,一定要計算及餘留你結婚所需的現金,餘下才投資。
至於現時的持股,則要集中睇企業的質素、前景,唔好比買入價影響決定,這只是一個心理因素。
雷蛇(1337),高風險股,雖然有可能是潛力股,但現金流始終是負數,有保留,最多只可小注。
江南集團(1366)業務持續向下,要在有較大反彈時賣出。
易鑫集團(2858),高風險類,小注好了。
眾安(6060),風險同樣較高,但不是無質素,不過不建議大注。
森浩集團(8285),上市後業績與上市前好大分別,這是我不建議買新股半新股的原因。業績弱,前景一般,反彈後賣出較好。
至於其餘的股,問題不大。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13285:
老師,可能會有啲敏感但係您介唔介意向我透露下您既學歷或者依家既工作係咩 我想睇下可唔可以參考一下 如果唔想答就無需勉強。
如果唔方便 咁我想問下照複式概念 如果我一早出黎做野每個月定期投資 唔會比繼續讀書而減少左收入 仲要還學債好嗎?
龔成老師:
我往公屋,中學會考14分,升唔到大學,之後在IVE讀高級文憑,修「財務學」,其後做銀行,一邊做野一邊讀翻大學,都是修「財務學」。
學校雖然都可以學到野,但令我最大得著的,其實是不斷睇書,我由18歲開始,不斷去圖書館睇書,致富、投資、成功、名人、股票等,這是我累積知識最重要的來源。
其實我集中去學股票,18歲開始投資,其後集中學習「價值投資法」,投資就開始不斷賺錢,同時我養成一星期分析一間上市公司的習慣(會用6小時去睇年報等資料)。
至於銀行工,對我的影響不算大,只是提供穩定收入來源的部分。如果你想詳細知,可以睇《80後2百萬富翁》。
你早D出來做野,可以有更多的職場知識與經驗,同時現金增加,但你就「知識」可能無咁多。你要分析翻,如果讀書,當中的「知識」,長遠可以令你的財富提升多少?
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13286:
老師,我是55歲人士,月入約七萬,現月供一萬元於基金JPM China,持有復星、建行、華潤水泥、金山股票。有現金港元四百萬,人民幣50萬,一層本地樓和吉隆坡近雙子塔的樓花樓。我的工作沒有退休年齡,只要我有價值就可以繼續做。
我初步想投資巴郡B股,比亞迪等。想問建議,並賜教如何增加60歲後被動收入$30000左右。謝謝回應!
龔成老師:
你可以利用「先增值,後現金流」,作方法。
你在55歲-60歲這段時期,做好「增值」部分,當然,由於你55歲,不能太過進取,因此只能集中「平穩增值類」的股票。
你現時持有的股票,可以繼續持有,至於巴郡B股,比亞迪(1211),可投資,但比亞迪不能太大注。
另外,你$400萬可以動用其中$200萬,分注投資優質、平穩的股票,例如盈富(2800)、金沙(1928)、長建(1038)、中銀(2388)、港鐵(0066)、恆基(0012)、港交所(0388)。
只外,香港樓現時有調整情況,如果樓價有明顯下跌,你可以考慮買多層收租(這步不用急,真的跌先考慮)。
到你60歲時,再慢慢將你的財富,分配到收息類的項目,集中現金流。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13287:
老師,本人42,有兩小孩年齡4&7。每月可儲20000。
有一層樓800萬買,現值1280萬,仲有350萬未供完
現金220萬,其中100萬剛做左一年定期,會有23萬 asiamiles為利息 .另外聽左你意見,買左120萬左右股票,加月供兩萬股票。大概有一年3萬幾股息被動收入。
工作開始不穩
我想有每月有40000被動收入。
if 4%股息,要有一千二百萬先得。如果報到呢個目標?應該用幾多年去達到才make sense?
龔成老師:
你現時的理財分配,其實不差的,基本上可以保持進行,不過工作不穩就會產生風險。
由於我地進行人生財富累積,最有效的方法是「先增值,後現金流」,所以你這刻42歲,其實最好仍是集中在增值的層面。
如果這刻不計物業部分,你擁有約$340萬,如果你能每月投入$2萬,滾存15年,加上你原有$340萬的滾存,預計15年能滾存到$1200萬。
當然,這未考慮你物業是否能有效運用。
另外,其實滾存到$1000萬,投資5%、6%收息股,已經能去到你要求的$4萬以上被動收入,因此計劃可以較早完成。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13288:
想問一下以往如果社會遇到宜家呢d甘動盪既情況,股市唔係應該會大跌?
但係點解今次呢件事好似對股市無咩大影響,係仲未反映到出黎定係有其他原因?
龔成老師:
股票就是企業,市場都明白這點,現時在香港上市的股票,不少都是中國企業,業務主要地在中國,因此影響有限。
而一些本地的零售股,本地相關股,就會較受香港的社會運動影響,所以你見這類股都有較大的受壓。
但我地分析時,一定要以長線的角度去分析,所有事情會有危有機的,所以,零售股這刻反而可以留意。但你要預佢中短期仍會較弱,一定要長線投資,先可以見到效果。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13289:
請問現在局勢,要不要把港幣轉美元,開離岸戶口?月供股票是否需要停?
本來月供
2800 $5000
1211$3000
66$2000
現在要停嗎?
龔成老師:
港幣有聯匯,我地過往經歷的金融風暴等都無問題,這次更加不用擔心,港幣不會貶值的。
同時,亦不用擔心港幣有資金管制等問題,因為今次社會運動的主要戰線,並不在資金上,因此政府不會對港幣做甚麼動作,港幣亦不會有問題。因此不用擔心。
至於月供方面,更加不用停,我地投資股票,就是長線投資企業,因此不用擔心。
相反,如果你算事情已完結後才投資,股價已上翻晒。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13290:
龔成 我見到網上有個page 專教人炒期油 而且有course 佢話自己日賺幾千
而且話唔洗日日都炒
初學者可以賺五百至二千
拉返勻成個月
請問你點睇呢?
龔成老師:
對於這些投機模式,我有相當的保留,當然,我未正式了解,不能必然性否定的。
但我過往做了10年銀行及證券行,見到輸最多的,就是這類炒炒賣賣的人,我以統計數據去講。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13291:
龔成 sir,你好, 拜讀了你數本著作, 以前完全不會投資,只懂將收入存在銀行, 之後明白到現金只會不斷貶值的道理¸但奈何起初沒有太多的投資知識及經驗, 所以決定以月供股票作開始, 二人大約由兩年半前起大約月供 $12,000盈富基金。
夫婦二人37歲, 有一5歲小朋友, 二人合共月入~10萬, 扣除各項開支後, 每月可儲~25,000, 資產如下:
-現金 ~170萬,
-盈富基金 ~12手
-強積金 ~180萬
-有一層自住樓, 現值約700萬, 欠按揭160萬, 每月還款約11,000
有感手頭上現金比例較多, 想轉成資產作增值, 希望為小朋友將來讀書及退休作準備, 現有以下打算:
-維持月供$12,000盈富基金, 餘下的儲起留作日後入市之用
-留起70萬現金作應急之用, 將100萬當中的60萬, 分二年, 月供以下股票
比亞迪 ($5000)
中生製藥 ($5000)
港鐵 ($5000)
領展 ($5000)
中銀 ($5000)
現想請問老師一下
1.這安排可行嗎?
2.以兩年將現金轉成股票, 時間長短合適嗎? 是否需要延長或縮短轉換時間?
3.這供股組合配置合適嗎? 有沒有其他建議? 股票的供款比例可以嗎?
龔成老師:
抱歉,FB將你這個訊息放在另一個檔案裡,我今日先見到。
1)可以,我地理財,最重要是攻守兼備,你持有的現金過多,的確要投資一些資產項助你財富合理增值,而你本身有物業,因此投資股票最好。
你利用月供的方法,去分注投資有質素的股票,是可行的方法,月供盈富(2800)基本上可以一直進行,唔好有時限,視為財富增值的項目。
如果你擔心資金不足以應付長期,就供$10000,但長期是最重要的。
2)都可以的。不建議縮短,只建議拉長,因為可以平均買入價。
3)這組合可以,適合你地的年齡的。
但都要留意,當你慢慢增加月票的比例後,不要用盡現金,要視為自己家庭的現金需要,以及大市平貴,去決定留多少現金。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13292:
Sir我係你舊生,最近分析緊醫藥股,之前分析過中生,石藥,今次就分析綠葉製藥(2186)依隻股我會將佢咁樣排第一係中生,第二係石藥,第三係綠葉。
我想問綠葉既負債係2018因為收購等問銀行借貸,但都反映到佢負債表好高,一年期既負債達到成50幾億,依到會唔會扣分?
而且綠葉既賺錢能力係行業內算高,但隨著政策改革同競爭,都令佢既毛利率下跌,令佢可能變成平穩增長股
第三想問下綠葉主要產品有腫瘤,心血管同消化藥,除左心血管外,其他兩種好似都冇乜持續性需求,會唔會令佢持續性經濟有啲困難。
龔成老師:
中生(1177)與石藥(1093)的質素都好高,兩者都好接近。而綠葉製藥(2186)可說是排第三。
綠葉的負債的確是扣分的地方,雖然在比率上仍不算有問題,但近年的負債增長好快,這一定會令企業的風險度提升,在估值上都會略減。
而市場改革同競爭,這會對佢有影響,但具體情況就仍要觀察。
至於藥物方面,佢的產品長期需求,並不是中生製,這一定會令佢在估值上有所減少,市起亦會考慮這個因素。但我相信佢不是無市場,但就會考慮增長力是否強的問題。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13293:
老師,本人39歲打工一族,有以下資產
股票 1500K
強積金 600K
基金 320K
現金360K
定期(11月到期可取) 140K
如每月儲15000,只做投資
10年後可否做到買一層細價樓(300-400尺),同退休(每月支出15000)? 如可,實際可以點操作? 如不可,加大每月儲蓄20000是否足夠?
龔成老師:
你10年內買樓一定可以。
香港的樓市將進入中短期的下行週期,而長遠由於價供不足,仍會偏向上,我相信你可以留意一下樓價,如果你持有股票$150萬,其實有需要可賣出作首期,只要樓價有多少少的回落,你都可以考慮。
就算250呎的樓都可考慮,買入後,長遠樓價向上,佢都會向上,你之後能憑這樓,去追之後的物業。
首先,你這刻加大儲蓄,盡力儲多少少錢。同時,留意樓市,在適當時機就可以考慮。
最好的情況,就是用較高的按揭成數,等你買完樓後,仍有股票及現金在手。
之後就是利用股票保持增持。股樓並行,你財富的增長會更快。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13294:
老師你好,如果月供盈富$10,000,持續40年,滾存到5,300萬是否合理?
這也證明累積財富其實不太難,只要持之以恆,耐心持有就可財務自由。
龔成老師:
如果每月投資$1萬,即是一年投資$12萬,如果回報率為10%(假設收息後再投資),就是有$5300萬,當然,我地無人知長遠的恆指回報有無這個數,但估計8%-10%都有。
所以,長遠要累積財富,真的不難,早開始,有恆心就得。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13295:
老師~我岩岩畢業 23歲 月入萬5 想問如何可以在30前儲到100萬 因為公司包飯 現時每月可儲$8500-$10000 手頭現金有大約10萬同有7萬股票
股票依家持有 788 10,000股 @$2.15
939 10,000股 @$6.33 請問以上股票可以KEEP住定點好
龔成老師:
首先,逼自己每月儲$10000,你後生,加大力度儲錢對你將來好有用,盡力做。
如果你能每月儲到$10000,你30歲,單計本金都有$84萬,再加上投資的合理增值,應該能滾存到$100萬-$130萬。
所以,你第一步要「本金」。
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先。
做月供股票,每月$5000。
你可以考慮盈富(2800)$2000。
另外再加1、2隻(每隻$1500):銀娛(0027)、恆基(0012)、中銀(2388)、港鐵(0066)、煤氣(0003)、粵海(0270)、領展(0823)、港交所(0388)等,你可以了解下這些股票,然後從中選股。
如果你不懂股,就集中供盈富$5000。
至於手頭現金,7成可以持現金,小部分投資盈富。中國鐵塔(0788),可持有,建行(0939)都是可持有(但不要增持,因為這只是收息股,未必最適合你)。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13296:
龔成老師你好,一直有留意你的fb page,想請教下你,希望你可以比D投資建議我
我28歲月薪33000,無家庭經濟負擔,無物業,個人總身家包括股票約1M, 發覺人工跑輸大市,所以想投資賺多些零用錢平時買下野, 但全部分股票都蝕緊....想問下現時投資方向是否正確
1). 現時我手持股票佔我個人總身家15%,但整體股票蝕緊12%, 眼見而家d優質股幾平,應該再注資嗎?投資在股票應該佔個人總身家幾多%才好?
2). 我2017年首次股資,唔識野….超高價$86買左1手6060,蝕左近$7000 都未放, 我係咪應該一早放左佢?同樣, 超高價$6.6買左3手1398, 而家得返$5.23應唔應該放左佢?定係留佢收息?
3). 2019年我以$32.55買左1手2388,而家$25.8,蝕左20%, 但聽你分析佢應該係優質股,我應唔應該買多1手? 定係放左佢真係蝕左先,再趁低吸納返?
4).近2個月我買左1 手0005, 0066, 0388, 都蝕左少少, 但認為長遠應該會升返, 我應唔應該買多1手?
5). 近2個月我買左2手1299, 都蝕左少少, 但認為長遠應該會升返,同認為佢係中國會有發展, 我應唔應該買多幾手?還是月供股票好?
6)我以$10.77買左2手778,到而家都未放,應該止蝕離場嗎?
7 ) .你認為通常股價下跌至幾多%應該止蝕?
SORRY我既問題有d多, 希望老師可以抽空指點下我,THANKS!!
龔成老師:
1)我地繼續持有一隻股票與否,與你的買入價無關,這只是一個心理因素。重點是分析企業的質素、前景。
因此,你首先要以「企業質素」的角度,去分析翻持有是否繼續持有。
另外,你現時股票比例較少,其實可以增加翻比例,如果無需要買樓等資金運用,其實可以分段,分1年時間,由現時的15%加至60%。
(當然,如果你自己投資知識不強,就可以調低比例)
2)眾安(6060)這類股,好難玩的,因為多年都在燒銀紙,就算近年好翻少少,都仍未能確定情況,這類股要估值好難。因此,股價一定好波動,所以,只能小注。
如果只是一手,以你現時的情況,不如持有住先,反正這股不是全無質素,可以等佢業務好翻多少後,有較大的反彈(不是到你買入價),就賣出。
至於工行(1398),可持有。
3)中銀香港(2388)有投資價值的,你原有貨可持有,另外加多一注無問題。但你要預佢中短期都會弱。
4)這些都是優質股,可以持有,如果再跌可以加少少,但我見你投資心態有不足的地方,完能掌握投資企業的概念,建議你多增加知識,之後先增加持股數目。
5)我會建議你月供盈富(2800)、友邦保險(1299),以及其他優質股。
6)置富產業(0778)有質素的,但香港的情況一定會令佢租金不利,股價會波動,但如果用長線分析。無問題,可持有。
7)止蝕不是睇股價,而是睇企業的質素。如果企業由優質股變成非優質股,就是賣出。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13297:
有跟開你的post. 我見你說會增持港樓。剛剛同哥哥傾過呢個問題所以想問你意見
我差不多50歲: 有一個物業係大角咀三百幾萬入, 現在應該8m至1千萬,一個元朗區100萬頭買,而家可以3.8m至$4m. 另外一個我和家人合資係紅磡,四百幾萬買應該現在大約8m.
我現在很困擾不知道應該低放還是維持現狀。兩個出租,一個紅磡自住會比番一半低市價的租金給家人。
因為現在市場很亂,個個話撤資離開香港,我又沒有呢個打算,現金又不多,工作量亦差不多去到零,想問你如何是好
我自己唔打算放樓因為放咗唔係太識投資股票,好多時都會輸。但係好多人又話個樓市會冧。
有啲港股但係都係輸嘅,沒有藍籌股。你似冇興趣美股
多謝你,有時間先覆吧
龔成老師:
我相信你沒有必要賣出物業,香港樓只是中短期調整,需要我唔知會調整多少,但以長遠來說,香港樓仍是供應不足的,因此,長遠仍是偏向上。
所謂的市場亂,撤資離開香港,大部分都是中短期,除非香港的社會運動持續多年,同時有更多不利經濟的情況出現,這就會有核心性影響。但這刻分析,仍只是中短期問題。
另外,若果你賣出物業後,無人之日後能否買得翻(記住,無人可能正確預測樓市)。加上你如果日後再買,又要比貴稅,根本不值得。
所以,你保持現時情況是最好的。
利用物業去收租,盡力創造現金流,這是最好的方法。
如果你現金不多,就不要心急買股票,反而增加翻多少少現金作防守先。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13298:
Hello,龔成老師,想向你請教一事:
我見坊間有證劵商會提供分期月供股票計劃,只要準備3成首期,劵商則借出7成,再每月連息帶本還款,有點像供樓。因我在想匯豐每年派息大概5~6%,而劵商借貸的年利率大概2,88%~4%之間,所以有息差。
故想請教老師這計劃的利與弊。如利大於弊,那應該何時入市?一筆過還是分注入市?如弊大於利,可否說明原因。
麻煩哂你老師
龔成老師:
首先,你要問清楚證券行,當中的條款,有無被斬倉的可能。如果股價大跌,會否有斬倉風險,這都要問清楚先。
另外,雖然計落有息差賺到,但如果該股股價下跌,你就會出現賺息蝕價的問題,這是你其中一個風險。
因此,上述的游做法有利有弊。
如果同自行不借錢月供股,月供的好處就是節省了利息成本,同時有平均成本法。但如果在某些較平的位置,運用上述借貸方法,就能把握到機會買較多貨。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13299:
龔Sir,你好,請教一下,1628禹洲地產如何?可以長期持有嗎?感謝
龔成老師:
禹洲地產(1628)主要於中國廈門、上海、福州及合肥從事物業開發、物業投資、物業管理以及酒店業務。
其實佢近年的業務增長不錯,但負債問題比較令人擔心,如果中國樓市逆轉,對佢打擊唔少,股息亦會明顯減少。
基本上都有投資價值的,但就不建議太過大注。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13300:
龔城先生你好,希望你賜教。
我 44 歲,老公 46 歳,家庭收入 $80000 左右,因為小朋友讀國際學校所以儲唔到錢。好彩我哋之前買咗層樓,而家估價有 550 萬左右,七除八扣,如果轉按可以套現 220 萬左右。
不過我哋打算移民,大約需要 150 - $170萬左右,最後可能會有 50-70 萬現金揸手。
1. 我哋應該點樣可以將50-70萬現金增值?
2. 如果而家開始每月儲 $4000-$5000 可以點供股?怎樣分配為理想組合?
謝謝你
龔成老師:
轉按的確是其中一個方法,但你都要明白,之後的供款金額會增加左,同時你的負債、風險度都會增加左。
1)由於你打算移民,因此就算這筆資金可以投資,都不能太進取。建議投資平穩增值類股票,例如盈富(2800)、金沙(1928)、長建(1038)、中銀(2388)、港鐵(0066)、恆基(0012)、港交所(0388)。
2)要睇你打算供款的年期長唔長,如果年期不算長的話,就不要月供,因為未必發揮到作用。如果較長的話,可以集中供一些ETF,例如盈富(2800)、領航標普五百(3140)。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
多謝各位提問,若然你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網的,當然,會將發問者的身份,以及有關個人的部分刪去。
另外,由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
40歲打工 在 Introduction Youtube 的最讚貼文
#錢#有錢人#金錢觀
「有錢人好像特別摳?」有些人會有這樣的誤會,以為他們就是小氣才有錢,但其實是他們更懂的把錢花在刀口上,該省的地方省、該花的地方絕不會省!這次又跟關關一起拍片聊聊,有時候也不是不會賺錢,是對錢的敏感度太低,導致無法善用金錢~這集也有金錢敏感度小測驗,一起來測試留言告訴我你都買些什麼吧❤️
---
【蕾咪跟關關的合作影片】
50萬負債靠打工還清!23歲還存下100萬!?夢想VS現實到底該選哪條路?給年輕人的3個建議
→https://www.youtube.com/watch?v=NAgT6p1Ya88
23K也有被動收入!「3個觀念」翻倍賺錢?
→https://www.youtube.com/watch?v=A2lV6vZxA0Q
股票收入比本薪還高?新手必看!賺錢要學的事!
→https://www.youtube.com/watch?v=p2gGpffuUQk
---
time code:
00:00大家好~這次邀請關關來聊聊印象中的有錢人都很摳嗎?
00:48有錢人都很小氣?
02:55金錢背後的價值?
05:40如何提升金錢的敏感度?
06:05金錢敏感度小測驗:快來一起測驗吧!
16:03總結本片3個重點~
---
可以看到更多的蕾咪~
訂閱蕾咪PressPlay專業知識服務→ https://app.pressplay.cc/CFP
想看蕾咪IG限時動態→ https://www.instagram.com/ramihaha/
想找蕾咪FB留言聊天→ https://fb.com/ramihaha.tw/
觀察蕾咪旅遊部落格→ https://ramihaha.tw/
---
可以看到更多影片!
【理財教學】賺超過薪水?邁向財務自由!被動收入與主動收入差在哪?
❤ https://youtu.be/JeblgTqh_J0
【投資教學】買進就下跌、股票被套牢怎麼面對?基礎3種投資策略解密!
❤ https://youtu.be/XHQ52YkGcOo
【理財教學】保險原來這樣買?我適合哪種保險?基本保險觀念剖析!
❤ https://youtu.be/dDb2ROuaLB8
【理財教學】擺脫月光族!SOHO族、自由工作者必看3招理財術!穩定收入又能加薪!
❤ https://youtu.be/BOWf0hpBh7U
【投資教學】美股投資選股策略快速教學,4本經典好書入門推薦!
❤ https://youtu.be/JGT-jUj4cL4
歡迎有更多的理財問題,可以留言跟我說,
我會挑選適合的問題,錄製更多教學影片囉!
希望從這理財的小小習慣去改變我們彼此的生活啦!
歡迎訂閱蕾咪的頻道喔:)
※這不是商業影片! ^^
※This is NOT a sponsored Video.
![post-title](https://i.ytimg.com/vi/Z79uv8jlki4/hqdefault.jpg)
40歲打工 在 關韶文 關關 Youtube 的最讚貼文
「30歲以前,應該要有多少存款?」
-
又到了一個月一次的丘曄調查局,今天跟大家聊聊關於「存款」這件事,每個人對自己的人生有不同的規劃,當然,計畫更趕不上變化。
-
大家對自己都有不少的期待,但是當人生計畫來臨時,有時候存款就會一夕之間歸零,可能要成家立業、買房買車,又要重新開始存錢,你自己的規劃呢?
-
今天的丘曄調查局,跟大家分享我們募集到的大數據,也歡迎你們跟我們分享哦!
-
如果有什麼關於節目的意見,也歡迎留言和按下五顆星,和我們分享哦!
Podcast全系列 ‣https://linktr.ee/kuan_choo
-
【本集重點】
-
00:00 負能量週記開始囉
02:00 本集主題:30歲的時候存款該有多少錢?
04:00 關韶文從小就是個愛存錢的孩子
05:40 丘曄高中省吃儉用為了送媽媽生日禮物
07:00 關韶文為了還學貸開始打工 並慢慢有理財概念
13:29 丘曄IG調查結果:月光族的比例比想像高
18:08 朋友的存款讓丘受到衝擊決定開始存錢
23:00 第一次意識到有存款真好的瞬間
26:30 丘曄IG調查結果:沒投資的比例比有投資的偏多
27:40 關韶文推薦網銀活存理財觀念
32:00 25~30歲是人生的一個存款關卡
35:00 收入該如何分配?緊急備用金要留多少才夠?
40:45 40代的存款觀念大不同!隱性成本也要考量
44:30 保險的重要性?如果長輩生病你有存款可以支撐嗎?
47:40 年輕時覺得存錢很容易 但現實層面卻很難執行
51:30 存錢要趁早 也需要幫自己設一個目標
-
#Podcast #丘曄 #負能量週記
-
【在這裡也可以聽到我們Podcast】
Apple Podcast :https://apple.co/3qAZDxP
Sound On:https://bit.ly/3h6NXzV
Spotify: https://spoti.fi/35ZzFuu
KKBOX: https://bit.ly/2UT6B5A
Google播客:https://bit.ly/3x7Xtbf
-
【負能量週記】超噁!爆笑家事一籮筐!男人們幫幫我們好嗎?
https://youtu.be/dc3jDxLs61E
【負能量週記】認養寵物有多辛苦?一隻少了眼睛、一隻害怕人群!
https://youtu.be/Jr804r0jzZw
【負能量週記】這瞬間感覺老了?最不懂年輕的人是髮捲?!feat.丘曄
https://youtu.be/K3hBtodoGzA
【負能量週【負能量週記】網紅的商業模式!聯名跟業配誰好賺?feat.到處都是瘋女人APPLE
https://youtu.be/fn7nbVw85Ow
【負能量週記】愛聊天就能經營社群?有什麼好處?關韶文尋覓到「頻道神隊友」丘曄!
https://youtu.be/hkbh7FxFBl4
【負能量週記】檢討大會!被嫌好吵好大聲?Podcast第一季心得
https://youtu.be/V2b-HaZ-5so
【負能量週記】抱怨大會!衣服都穿姐姐剩的?為什麼要跟哥哥一樣?
https://youtu.be/8UaeTsIwZN4
【負能量週記】參加過最「荒謬」的比賽?從健康寶寶到查字典!feat.賴珮如、丘曄
https://youtu.be/V5SFDjUXRqw
【負能量週記】職業光環背後的負能量!航空公司的神祕監控單位!記者出過最糗大包!feat.丘曄
https://youtu.be/pKbF7SdMB9E
_________________________________________________________
【不是人生勝利組,要當人生努力組!📣】
職業訪談、工作vlog、減肥列車、美妝保養、聰明消費、投資理財、美食旅遊
FB ‣ https://www.facebook.com/ethanreporter
IG ‣ https://www.instagram.com/ethan_kuan_kuan/
LINE ‣ https://lin.ee/e1ebDrI
Podcast音檔 ‣ https://linktr.ee/ethanyoutube
Podcast節目 ‣https://linktr.ee/kuan_choo
合作邀約Mail ‣ ethankuankuan@gmail.com
![post-title](https://i.ytimg.com/vi/AMTxWNf47JM/hqdefault.jpg)
40歲打工 在 尼亞斯 Youtube 的最佳貼文
這是這次QnA的題目喔!
0:00 影片開始
0:47 為甚麼叫尼亞斯?
2:11 以前在哪裡打工過,現在是全職YT嗎
3:27 今年幾歲?
4:01 生日幾月幾號?
4:10 有沒有女友?
4:39 你的學歷?
5:12 亞斯異性緣好嗎?
5:45 起床第一件事情會做甚麼?
5:55 為何會想拍片?
6:16 為甚麼會玩FF?
7:14 為甚麼現在都用模擬器玩?
10:20 有沒有考慮拍攝Switch影片?
16:52 有懷疑過自己的未來嗎?
18:53 除了當YouTuber外都在做甚麼?
20:19 都自己一個人剪片嗎?
20:46 用甚麼牌耳機跟麥克風?
22:12 用甚麼軟體直播?
24:56 近視幾度?
25:08 以前常拍麥塊為甚麼現在很少拍?
26:53 頻道成立以來最困難的點是甚麼?
29:23 怎麼認識各種YouTuber的?
30:27 做YouTuber目標是甚麼?
32:26 做YouTuber需要具備甚麼條件?
35:40 做YouTuber該注意甚麼?
42:48 有沒有要拍多一點生活系列影片?
43:23 會罵髒話嗎?
45:28 考慮玩更多遊戲嗎?
46:17 以前成績怎麼樣?
47:18 最喜歡哪個YouTuber?
55:42 常拍片剪片已經很累,又被屁孩酸民嘴會不想玩遊戲了嗎?
57:30 甚麼時候會退休?
57:53 未來影片要走甚麼風格?
58:30 遇到酸民怎麼面對問題呢?
1:00:49 在音樂舞台表演要怎麼展現台風並減少出錯?
1:03:18 亞斯電腦配備?
1:03:43 對剛起步小YT有甚麼建議?
1:07:55 大陸朋友想問亞斯有沒有打算入駐B站?
1:09:12 20萬訂閱許個願望?
1:09:36 喜歡的食物跟飲料?
1:10:39 因小孩而知道你算是遊戲界的文青,有想要出唱片嗎?
-----------------影片資訊-----------------
#20萬訂閱 #尼亞斯 #QnA
#麥塊 #FreeFire
-----------------觀眾必看-----------------
尼亞斯直播頻道(通知幾乎不會出問題):
https://www.twitch.tv/studio_niaz
尼亞斯粉絲專頁:
https://www.facebook.com/MCNiaz?fref=ts
尼亞斯翻唱頻道:
https://reurl.cc/YlDMxa
![post-title](https://i.ytimg.com/vi/vozbE_74htA/hqdefault.jpg)