歐冠小組賽尤文圖斯先發名單
身為資深球迷不是很滿意
如果沒贏球 我真的會加入 #SarriOUT 粉絲團
#確認過眼神 #433不如4231
#這陣子半夜醒著的除了小偷還有瘋狂足球迷
433不如4231 在 慈哥加辣 Facebook 的最佳貼文
歐冠小組賽尤文圖斯先發名單
身為資深球迷不是很滿意
如果沒贏球 我真的會加入 #SarriOUT 粉絲團
#確認過眼神 #433不如4231
#這陣子半夜醒著的除了小偷還有瘋狂足球迷
433不如4231 在 BluexLion車迷手記 Facebook 的最佳貼文
【賽後分析】
當每次一出政治post 就會有Follower流失 可能你會話哩個係足球page 一個關於車路士既足球page 但想同你講一句 哩度係一個香港人所管理既車路士足球page 生於香港 活於香港 有時有啲野會比足球更加重要 如果你選擇避而不談 繼續吃喝玩樂 老實講 你同入左平行時空無分別
.
講番場波 又入兩球到失兩球 由三分變一分 可能你會話 又係衰蘇馬啦 唔能夠完全否認 但係唔可以完全入哂佢數
.
先一步步講 林伯特今場選用返433陣式 安排蒙特同普利錫一左一右 而用巴克利、高華錫同佐真奴打三中場 後防基斯甸臣個位就由湯姆利頂上 按推測林伯特係想嘗試一下後者踢英超既效果 唔存在話咩雪基斯甸臣既推論 而湯姆利亦唔少車迷想見到既新人 不過其實都一早講左 依加既後防人手 用邊個其實都只係「屎味既咖哩定咖哩味既屎」既分別
.
上半場依然保持唔少亮眼攻勢 而艾巴咸亦把握到兩個機會為球隊領先更成為今場motm 原來有機會再下一城戴帽 錯失機會後亦埋下球隊和波伏線 咁講當然唔係怪佢 而係想講進攻套form太依賴體力化既攻擊力 當球員下半體力無以為繼之後亦會減慢左進攻既節奏同頻率 亦變相比多左機會對手搶佔攻勢
.
美國仔普利錫係今場前線打得比較差既球員 過多上腳不過唔能夠擺脫對手 而喺幾多應交既位置都無交 明顯睇到同隊友既默契仲未好得 加上下半場體力嚴重不足 但無奈地無人換之下勉強踢足全場
.
不過仲有一人比普利錫打得更差 果個人就係巴克利 基本上55波都一定輸 控球亦相當唔穩陣 加上賴於跑動 多次見到艾巴咸揮手叫佢跑壓前 亦係被林伯特早早換走既原因之一 難免令人掛住仲傷緊既路夫斯捷克
.
去到今場波既重點 後防線 先講第一球 球隊一貫半場初段唔集中 先係艾斯派古達走甩左 再到湯姆利飛剷時機唔準確 最後就到蘇馬單擋唔成功 按責任的話哩球理應Azp所負既最大 至於第二球 又係Azp比對手擺脫左之後傳中 湯姆利完全失位無反應 而蘇馬喺同對手混戰期間製造Own Goal 再一次按責任的話理應係前兩者所負既最大 為何外界會將著眼點反而放左喺蘇馬身上呢?實在令人不解
.
其實今場波Azp喺進攻端上幫左唔少 球迷成日話佢傳中唔準 其實佢係每次都望左人先傳 偏差亦都唔大 今場都有幾腳唔錯既傳中 只係單防力喺體力下降後無以為繼 至於唔少人評擊用新仔Gilmour換高華錫哩個舉動錯左 其實大家有冇睇個後備名單 簡迪傷左 巴卡約高飛左去摩納哥 試問我地仲有邊個中場球員呀 你問點解換新仔入黎 不如問下巴克利點解打得咁差啦 林伯特第一個換人已經係換入韋利安將蒙特推落一格打中場 哩個舉動已經係對球隊既影響減到最細 至於話搵馬高斯阿朗素出黎都唔搵新仔 真係一笑置之 打機咁換咁易咩真係...
.
總結 433既運轉係比4231順暢 林伯特亦好肯喺季初作一啲「實驗式」嘗試 奈何防線實在太脆弱 其實哩類型失波喺上季都見到唔少 亦都係上季沙利被評擊要簡迪打防中位既主因 林伯特會唔會考慮番加強番中場喺輔位之間既保護 同時要更加利用到上半場體力充足既條件之下用最大可能爭取更大領先優勢 繼而喺後半段加強控球得黎亦保持相對既穩定性 咁樣先至能夠成功拎到分...
.
圖片來源 : Goal
-------------------------------
同場加映《右閘唔夠人用仲借人走?淺談林伯特孤注一擲的賭博 – 尼爾斯占士》
https://bit.ly/2PlSRwO
.
#Chelsea #車路士 #林伯特 #錫菲聯