關於 50% 關我 撚 事 ，我們在網路上蒐集到這些相關的討論、資訊與評價

［韋拿踢法似我］睇咗，冇乜特別。咁我當然係買咗返屋企睇啦，唔會去打人書釘咁咩嘅。細個仲打唔夠咩（細個唔係打誠品啦），而家有能力就唔好咁度縮了。50蚊，食個大家樂早餐都冇咗。

TLDR：介紹返，上星期我在Patreon寫嗰篇日本股仲全面。況且仲會一路繼續寫。點都抵睇。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

1. 朋友話頭，你以為本人強項係金融，其實唔係。以為我強項係寫文，其實都唔係。本人係Information processor，又即係金融DJ，仲係市場降躁耳機。我可以幫你整合啲不同嘅東西，消化咗，屙返出嚟，等你易入口。同埋我會睇得到唔同事情嘅關係。仲有，我可以幫你過濾咗好多雜試 —在呢個時代呢樣先最重要。

2. 呢本東西，標題150台幣，香港誠品賣50港紙，算有良心（＊），雖然有冇良心我都係咁買架啦，星巴克幾蚊咖啡粉（有冇？）賣你幾十蚊添。表面望落算多嘢睇，但老老實實，同樣價錢，你買本「信報財經月刊」好過，下期有我。嘻。

3. 講返一樣嘢，我唔止一次提過，本人最憎台灣翻譯金融書嘅一樣嘢，並唔係啲用語（全世界就你一個咩，唔好咁中二病），而係啲推薦序。

4. 人地原本本書好地地，硬係要搵件乜柒投信或者乜柒外資嘅二打六，然後出嚟評點幾句。最Q好笑仲要係夾硬name dropping，個作者入面某一章提過嘅某條友，丫，佢嚟台灣時我同我上司同佢飲過茶呀。關我撚事？你唔見人地原本英文版有呢啲嘢？當然呢啲就係台式圍威喂啦，明嘅，但你見香港都冇呢啲咁嘅嘢。

5. 咁你話，你講嘅係翻譯書，呢本雜誌喎。但佢呢個封面故事，登登，就係譯日本雜誌嘅。雖然冇name dropping，嘩我去銀座Ginza Six食中村藤吉呀作者又去過呀（巧多日本大媽的）。但，我一見有個台灣人寫導讀，我即時已經諗，去到第幾段會出現「失落三十年」？果然第二段就有！

6. 個封面故事嘛，無甚特別。外資大買進？一早知啦，日日新聞紙都有報。至於1000億美金，聽落好多，但講緊由舊年開始喎。而日本股市，差不多一日300億美金成交（香港講緊大約200億美金）。

7. See？你唔量化，聽落1000億美金就好多，實情只係3日成交。當然，佢1000億美金呢個數肯定係低估嘅。

8. 仲有，最正嘅當然係，佢除咗譯日文雜誌外，當然要加埋自己嘅東西。之後仲整咗幾篇講基金，講日本樓。原因就你懂的。而佢譯日本雜誌嗰兩篇文，係冇叫你去買基金嘅，只係畀啲個股你。睇到分別冇？
9. 不過，就當然唔係一無是處嘅。首先佢講咗啲個股，雖然照計你睇我Patreon篇文好過。

10. 但佢提到一樣嘢，日本股市，大約有40%嘅股票係below book，即係 股價低過帳面值，Price to book 低過一倍。美股講緊只係7%，英國甚至唔夠1%。中國？原來都只係多過美國少少，但呢個數字係今年3月嘅。

11. 固然阿豬阿狗都識講價值陷阱，平嘅可以再平。But still．我Patreon嗰27隻日本股，都有唔少係相當殘的（但我亦唔只係揀殘嘅嘢），可以自己去睇下。

（＊）不吐不快，但照計你身邊梗有啲咁嘅人。例如你去旅行佢叫你幫佢買嘢，仲要拎個Google Finance 嘅價去同你計 啲 yen幾錢（佢真係當自己拎到Google Finance嘅價！）。甚至我見過有啲仲極品嘅，拎返個圖出嚟同你講，喂，唔係喎，你去嗰時一對六喎，做乜而家同我計一對七？唔係發生在身上，係我朋友嘅朋友怪罪佢。我話，佢心中肯定覺得仲係益咗你呀，你賺咗信用卡里數！

呢啲友，記住疏遠佢。幫人買過嘢就知，都係一件幾麻煩嘅事，但好多人真係當你「順路」，講到「你去開大阪會經過京都呀可？」咁滯。仲有唔好忘記，仲要時間幫你去搵，幫你排隊，仲要驚買錯畀你小。同埋仲有一個風險：件嘢有乜中途爛咗唔見咗，都係你自己負責的。真人真事，我嗰時去德國幫人買波衫，結果漏咗在火車。咁當然係我自己拎錢幫佢買過件啦，唔通同人講「你件波衫我買咗啦，不過漏低咗，盛惠八百蚊」？但其實我冇同我朋友講呢件事（唔知佢會唔會睇到呢個POST），我啲朋友都係比較好的，向來都係 我話幾錢就幾錢，唔會拎個匯率圖出嚟同我計。

記住，就算本雜誌原本200台幣誠品賣200港紙，我都覺得係冇問題的。因為你可以唔買的。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

［大！師！冇！點！你！］我在Patreon 8月20號已經寫王維基隻 HKTV 1137 應該會入北水名單（左下）。有冇人早過我？然後出完業績8月26號我再寫多咗次（右下）。

TLDR：Patreon一早有寫，有冇人早過我？ 所謂先知，就係知早你少少
＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

邁向2000人訂！Two thousand people can't be wrong！（扯，幾百萬人冇訂添！）．搵人填埋佢，下一個目標當然係3000！

1. 就算你冇訂，都可以照睇返兩篇文嘅題目，對返日期，絶無呃人。又或者你見我在「今日寫呢啲」都有貼個題目出嚟，但當然冇話你知係邊隻。

2. 8月20號咩事？恒指季檢。咁你個個都只係留意邊隻染藍邊隻踢出，忽略咗「恒生綜合指數」都同時執位。固然「恒生綜合指數」唔係「恒生指數」，正如「神聖羅馬帝國」唔係「羅馬帝國」。陳瑞祺喇沙唔係喇沙（＊）

3. 但，入「恒生綜合指數」，係入「港股通」aka北水表叔買貨名單（＊＊）嘅先決條件，pre-requisite．

4. 咁再加埋幾個條件：第一，要夠50億市值，留意當時夠唔代表即時入到，要持續12個月月尾平均都夠（＊＊＊），咁冇問題丫，我心算（！）都計到。第二就要成交夠，咁冇問題丫，「我都唔識計」，講真的，星展年代都係踢畀尊尼亞整，因為計法都十分煩。

5. 咁結果，8月20號，我咪話你知會入北水咯！8月26號出完業績我再寫多次。然後就入咗。上帝話，讓夜裡有光！

6. 但你話，車，今日（星期一）跌5% 喎！係喎，我唔知咩！

7. 咁我只能答你：扯，唔係升就跌架啦。你覺得廢？咁你有冇更好嘅提議？你走去講「好消息出貨」，聽落好似有內容，其實咪仲廢！

8. 講過好多次，股票呢啲嘢，三分科學七分藝術。固然幾時都不可測，但長期易啲（廣島都易），短期就難好多。正如你睇美股都好，一日升嘅機會，都只係52%少少，但拉到一年嘅，升嘅機會就去到65%！短線近乎冇得捉，長線就好啲—所以嗰啲不停炒短線嘅人，其實係同自己過唔去，十分笨七。（＊＊＊＊＊）

9. 同樣地，即係總有啲人又要講，「唔係喎，我聽好多人講，好消息都跌，即係隻嘢好貴喎」「埃汾你都有講過」。冇錯係，但大佬呀，邊有得一條定律用死。「扯咁任你講啦」，所以咪三分科學七分藝術。

10. 跌？冇驚過！表叔都未開始買！同時間星期一成交亦唔係特別大。

11. 況且，再跌咁點？冇乜點架。唔輸得架？買股票梗有蝕錢，有時蝕到趴街添。（可以睇返我魚缸溫度計嘅文（https://fbook.cc/3asM）），咁咩曼城利物浦德國巴西都會畀人大炒啦，但重點係，你唔係每隻都蝕到趴街嘛（你係嘅，咁幫你唔到，或者下次買乜話聲我知）

12. 最緊要係諗下個最壞情況係乜。「就係輸晒100%」。廢？唔廢，因為有啲產品，你可以唔止輸100%。正如你去做槓杆嘅，都可以輸唔止100%。

13. 重點係，一隻股票最多可以跌100%，但可以升幾百倍喎。所以長期沽空嘅人一般都係腦殘的

14. 又，今日下面堆＊＊寫得好多，可以寫多幾篇文。有時間的話。（寫得呢句多數最後都冇時間寫）

（＊）無意冒犯，呢個gag當然係陳瑞祺喇沙嘅朋友話我知的。

（＊＊）當年甚麼港股直通車，某大行報告真係寫my cousin 定 my uncle’s shopping list

（＊＊＊）所以有個陰謀論話 月尾會mark價，我望過，好似真係有個別公司會。拿，幫你諗埋Master dissertation 寫乜呀—博士論文寫呢啲就太垃圾了，呢啲垃圾題目，留返垃圾MSc dissertation 寫啦。（＊＊＊＊）

（＊＊＊＊）再講一次，香港讀taught master，完全係嘥錢嘥時間，呢篇係我極受歡迎嘅medium文，雖然寫得唔好。遲下我會寫多篇，「其實外國都係」—你係亞洲人過去浸鹹水學陽澄湖大閘蟹就冇所謂，但你本身係YC嘅（hate speech，大家自行想像，但你回文估答案搞到畀FB ban唔關我事），就不用多此一舉啦。持別係純文科嘅MA，嘥錢嘥時間就梗，最仆街係根本連知識同學習都冇，連教授同MPhil班友都睇唔起你班友，當你水魚養佢地咋，聽聞仲要係好難上PhD嘅，根撚本自己學校都睇你唔起，「即係副學士咁」

（＊＊＊＊＊）題外話，即使外行人，都可能聽過傳奇嘅耶魯基金，傳奇嘅Swensen。其中一個啟示，就係佢刻意利用咗大學基金可以極長期坐，又唔會點畀人贖回嘅特點，去買啲冇liquidity 嘅嘢，換嚟更大回報。點解可以咁？簡單嚟講，因為一般人都要liquidity，咁冇liquidity自然平啲。時間係普通散戶嘅優勢，係你朋友，但你選擇去短炒嘅，即係自己讓人半球先，情況等於圍棋你讓人地先咁（係喎，埃汾連圍棋都識捉）

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

邁向2000人訂！Two thousand people can't be wrong！（扯，幾百萬人冇訂添！）．搵人填埋佢，下一個目標當然係3000！

https://www.patreon.com/posts/52459091

早排教協做咗個調查，話有4成教師有意離開教育界，於是就有好多人拎住呢個數據黎爭論：認為香港大把教師爭住移民嘅以燒山一邊為代表，佢覺得香港教師咁樣走法，好快就會比大陸教師全面取代；另一邊則係以xxxx為代表，佢認為教師養尊處優高薪厚祿，一定唔會放棄呢份筍工，所以四成教師會離開教育界係尻吹。

以下我會講下教育界移民嘅睇法，但先旨聲明部份推論都只係我個人主觀，無客觀資料支持。

首先呢個調查結果我地當然唔可以照單全收：做得教協問卷嘅，我地都可以推論多數都係黃絲，所以「4成教師」應該改成「4成支持民主教師」，拉番開就應該係有兩成左右嘅教師想走：而且想走唔代表最尾真係會走，所以七除八扣後大概有5–10%嘅中小學教師計劃移民。

而依我身邊幾個教書朋友同我講嘅情況，每間學校平均都有大概一至三個老師公開表示搞緊移民，將會響下年辭職，咁當然會有更多無公開靜靜到搞，到時到候以每間學校大概有50–60位老師計，上面條數應該唔會距離現實太遠。

好勒，中小學教師年度流失率以5%為參考，究竟係多定少呢？其實響我讀書年代，當時教書相比起蓬勃嘅香港經濟黎講並唔算係一份絕對筍工，所以計埋退休每年流失率都係維持住5–10%左右，拎呢個數黎比其實唔係差好遠，對教學影響亦唔會好大；

問題係自從金融風暴、911同沙士後，香港人普遍對未來經濟發展抱持保守心態，再加上坊間薪資追唔上教師酬增幅（又跳pt又加通漲邊夠你玩…），又有Perm位，所以教書慢慢成為好多人心目中嘅鐵飯碗，流失率就開始大幅下降。撇除啲特別麻煩嘅學校／校長唔計，有啲學校甚至乎可以跌到0流失率，除咗退休之外係完全無人走。

所以由極低流失率，突然可能回復到去10%流失率，呢個當然對教育界中人黎講當然係一個大衝擊啦，但要吹到香港中小學出現嚴重人材流失，我就覺得吹大咗。

第二個問題係，響高薪厚祿下，點解啲教師又會捨得走呢？其實就正正因為高薪厚祿，唔少老師響呢十幾廿年間經已儲咗一大筆錢，加埋連樓都供斷埋，分分鐘係有過千萬身家，佢地其實就係最有條件移民果班──我身邊聽倒最多選擇辭職唔撈嘅，就正正係呢班四十幾歲嘅中產教師。

另外由於收入穩定，教師教得耐幾乎都無可避免一定結婚生仔，咁先唔好講乜嘢洗腦教育丫，佢地自己作為香港教育界一份子，當然最清楚香港中小學教育出咗乜嘢問題，比佢地揀當然都一定係送仔女去外國讀書啦：以前就話搞移民麻撚煩，但而家多得班抗爭義士付出血汗令移民門檻大大降低，響人血饅頭有食唔食、罪大惡極之下，當然係順勢成家走人。

至於你話高薪厚祿，但呢個係同香港嘅生活指數相對嘅，如果你移民外國生活指數壓低三份一甚至一半，對於呢班儲咗堆錢嘅教師黎講，響果邊平平地買間樓，做下Part time過日晨慢慢搣，其實經已係好好駛。所以一味以為人工高貪份糧教師就死都唔會走果啲KOL，只能夠講你唔識中產點計數。

之但係老師「移民潮」係咪會令香港教育界人材真空、令政府有藉口大量引入大陸教師填補空缺？呢個同樣係外行人先會得出嘅錯誤結論，我亦只可以話老燒係諗多咗。事實上香港教師流失率低，但教育局仲年年容許教育大學以外各間大學開設一大堆教育學位同文憑課程，簡單黎講就係製造咗一個嚴重嘅過度供應問題。

直到今日為止，每次中小學有教席空缺，必然都係有排山倒海嘅求職信湧至，因為唔止每年畢業嘅教育學位／文憑學生，仲要包埋過去十年廿年積壓住搵唔倒工被迫轉行嘅準教師，所以「一人辭官歸故里、百人漏夜趕科場」。雖然已聽聞有部份大陸學生攻讀香港教學文憑打算畢業後響香港搵工，但絕大部份都只係以普通話科為主，而且數量不多。

至於講到乜嘢「請大陸教師黎香港進行洗腦」，我覺得就過慮了。唔係話唔會進行洗腦教育，但一來要洗腦當然係搵同聲同氣嘅香港人比較有效；二來你地實在太睇高香港教師嘅抗爭意志：真係肯挺身而出抗爭嘅教師其實只係極少數，大部份其實都係偏向淺黃淺藍之間；就算係自稱深黃好多都只係投票有投比飯民，平時Share下蘋果話自己好嬲好嬲就以為自己「盡左社會責任」。

而家大難臨頭，啲「深黃教師」咪爭相移民，仲要屌番留響香港嘅人唔走係食人血饅頭囉。香港走唔甩班學生會點？關我地班移民教師尻事咩──我地而家響英國個個搵倒工響度嘆世界添呀！當自稱「深黃教師」都係咁，你奢望新一班入去嘅準教師響簽哂效忠聲明後仲會同政府搞對抗，而唔係好好協助洗腦教育嘅推行？會唔會天真咗啲？

所以我覺得某個移民教師KOL都講得幾啱：你走唔走，都一樣可以對場抗爭無貢獻；但我要補充一句卻係，你唔走，萬一香港發生咩事你都仲可以落街參與，你走，成場抗爭你就再無作用